
Donostiako Auzitegiak lan jazarpena dela eta, langile bati 248.022 euroko (gehi interesak) kalte ordaina ordaintzera zigortu du Errenteriako Udala. Orain, udalaren zerbitzu juridikoak epaia aztertzen ari direla jakinarazi du Alkatetzak, EAEko Justizia ...

Real Union futbol taldeak 0-0 bukatu zuen larunbateko partida Logroñes taldearen aurka, Stadium Galen. Talde txuri-beltzeko Lanbarri jokalariak gola sartzea lortu zuen 93. minutuan, baina hala ere, epaileak falta izan zela adierazi zuen eta ondorioz, bertan behera utzi zuen uniondarren gol bakarra. Horrek haserrea eragin zuen zaleen artean. Imanol Idiakez irundarren entrenatzaileak partidaren ondoko prentsaurrekoan adierazi zuenez, “Lanbarrik falta ez dela izan esan du, taldekideek ere falta ez dela izan esan dute. Ni urruti nengoen eta ez dut jokaldia ondo ikusi, baina azkenean epaileak falta izan dela erabaki du”. Horiek horrela, amorratua agertu zen Idiakez: “Ahalegin handia egin du taldeak eta pena izan da hiru puntuak etxean ez gelditzea”. Jokoa, “hobetzen” Unionen entrenatzaileak adierazi zuenez, Real Union Logroñes baino hobeto aritu zen lehian, batez ere partidaren bigarren zatian: “Logroñesekoek atzera egin behar izan dute eta gure taldeak gol egoera bat baino gehiago sortu du”. Hori dela eta, Alavesen aurkako partidan baino hobeto aritu zirela adierazi zuen Idiakezek: “Aurreko asteburuan Gasteizen minutu on asko eduki genituen, eta gaurko bigarren zatian, argi eta garbi beste taldea baino hobeto jokatu dugu”. Hala, talde txuri-beltza jokoa hobetzen hasi dela uste du Idiakezek, eta “aurrerapausoak” ematen ari direla nabarmendu du. Bigarren taldeak, bana Ohorezko Mailako [...]

Odol Emaileen Elkarteak odola emateko saioa antolatu du biharko (hilak 19, asteazkena), 18:30etik 20:30era Antxoko anbulatorioan. Ohiko odol emaileak elkartasun keinua egitera deitu dituzte, eta bereziki inoiz ere odola eman ez dutenei esan diete agert...

Larunbat eta igandean Erdi Aroko Azoka egingo dute hamargarrenez, Errenteria-Oreretan. Iazko artisau postuak mantentzea lortu dute aurten, eta 70 izango dira. Beste urte batez, Errenkoalde merkatarien elkarteak antolatu du. Postuez gain, hainbat tailer...

Hondarribiak bukaera ona eman dio liga are hobeagoari. Traineru berdea Ibaizabaleko uretan nagusitu zen, Kaikuren etxean, herenegun bertan jokatu baitzuten Corte Ingles Banderaren 38. ekitaldia. Estropada ikusgarria egin zuen Ama Guadalupekoa-k. Lehenengo bi luzeetan Kaikuren traineruaren atzealdea urruti ikusi zuten hondarribiarrek, baina bigarren ziaboga bikain egin eta gero, aldea jaten joan ziren berdeak. Hirugarren —eta azken— ziabogan, bi segundoko aldea jan zioten bizkaitarrei, eta parekatuta abiatu zuten luzea. Kaleen jokoan maisu izan ziren hondarribiarrak, eta azkenean hiru segundo atera zizkioten Kaikuri. Tiran sei segundora sartu zen, eta Urdaibaik 44ra. Hondarribiarrek San Miguel Ligako seigarren bandera eskuratu zuen horrela. Denboraldiaren lehenengo zatian eskuratu zituzten gehienak: Bilboko Bandera, Petronor, Eusko Label, Pasaiako Portu Agintaritza eta etxekoa, atzokoaz gain. Kaikuri denboraldi osoan zehar aurre egiteko gai izan den bakarra izan da Hondarribia. San Miguel Ligako bigarren postuan bukatzea lortu dute, gehienbat harrobiko jendeaz osatutako koadrilarekin. Traineruak puntu gehien lortzea lortu ez duen arren, ez da berdin gertatu patroien sailkapenean. Ioseba Amunarriz izan da onena, 29 punturekin. Bigarrenek baino bost puntu gehiago eskuratu ditu Ama Guadalupekoako lemazainak. Pasaitarrak, erdialdean Hondarribiaz gain, San Pedrok eta San Juanek ere parte hartu dute gorengo mailan. Helburuak beteta, liga txukuna osatu dute Pasaiako bi traineruek, gorabeherak gorabehera. [...]

Gaztemaniak programaren barruan, Howlin’ rain San Franciscoko (AEB) rock taldeak kontzertua eskainiko du heldu den larunbatean Mendeluko Psilocybenea aretoan. Europan egiten ari diren biraren barruan geldialdia egingo du Howlin’ rain bandak...

Pasaiak banako berdinketa lortu zuen igande goizean Alaves B taldearen kontra, Gasteizen. Hala, lau partidaren ondoren, sasoiko bigarren puntua lortu zuten horrela antxotarrek, eta sailkapenaren azken aurreko postuan daude. Hurrengo partida berriz ere ...

Indarrez hasiko du Herriko Etxeak 2012-2013 ikasturteko Kultur Sasoia egitasmoa. Izan ere, etzi (hilak 20, osteguna), Varietes antzokian Camel Ariouik kontzertua emango du, 20:30etik aurrera. Kontzerturako sarrera 12 eurokoa da, baina Herriko Etxeak go...

Emakumeen kirola sustatzea da egitasmoaren helburua; urriaren 1ean hasiko dituzte eskolak Emakumea Pilotari egitasmoan izena emateko epea irekita dago, hilaren 26ra arte. Elorsoro kiroldegian eta Gazte Informazio Bulegoan apunta daiteke, edo 665 98 85 88 telefono zenbakiara deituz. Ikastaroa, berriz, urriaren 1ean hasiko da. Saioak astelehenetan izango dira (19:30-21:00) Haurtzaro Ikastolako pilotalekuan. Egitasmoan, 18 urtetik gorako emakumeek har dezakete parte. Paleta ikastaroa antolatu dute horientzat. Ikasturteko kuota 115 eurokoa da (ikastaroa eta asegurua). Jokatzeko beharrezko materiala (paletak eta pilotak), berriz, irakasleak eramango du saioetara. Emakumeentzako paleta ikastaroak laugarren urtea du Oiartzunen. Udalak gogorarazi duenez, urtero taldetxoa sortzen da. Egitasmoaren helburua emakumeen kirola sustatzea da. Eskola Kirola 10-16 urte arteko neskek ere paleta ezagutzeko aukera dute, egitasmoaren barruan. Duela bi ikasturtetik hona, eskola adinean dauden neskek ere joka dezakete kirol horretan. Astean behin, ordu eta erdiko saioak egiten dituzte. Bestalde, Alebin, Haur eta Kadete mailetan parte hartzeko aukera ere badago. Interesdunek ikastetxeko kirol koordinatzailearekin jarri behar dute harremanetan. Horrez gain, federatu nahi dutenek (hamasei urtetik gora), badute horretarako aukera. Eta honakoetan parte hartzeko aukera izango dute: ezker horma eta trinketeko txapelketak; Kadete-Gazte eta Senior mailetako federatuentzako Gipuzkoako Txapelketa; teknifikazio guneak ezker horman eta trinketean; erakustaldi partidak eta Emakumearen Batzordea.

Erlaitz mendi elkarteak Piriniora irteera antolatu du hilaren 22an, larunbatarekin. Informazio gehiagorako Erlaitz elkartearen webgunera jo edota 943635838 telefonora deitu.

Maggie Hildrick kantautoreak (Dublin, Irlanda) bi kontzertu emango ditu asteburuan Banako tabernan, ostiralean eta larunbatean. Hildrick Dublingo eszenako musikari preziatua da, folk irlandar musika egiten duena, baina beste estilo batzuetara hurbiltz...

Aparkamenduen arazoa konpontzeko xedearekin eta aurretik hitzartu bezala, Irungo Udaleko ordezkariak Belaskoeneako eta Artiako bizilagunekin bilduko dira. Modu horretan, bi hirigintza plan berrien gaineko iritzia eman ahal izango dute bizilagunek. Jo...

Lesakatik puntua ekarri zuen Trintxerpe futbol taldeak herenegun, binakoa lortuta. Hala, Erregional Ohorezko Mailako lehen jardunaldia eta gero, sailkapenaren erdialdean jarri dira pasaitarrak. Ligako bigarren partida etxean jokatuko dute, larunbatean,...

Jazarpen kasuen harira ateratako epaiak garai hartako bi alkateei ez diela eragiten adierazi du PSE-EEk, prozedura judizialetik kanpo egon direlako: “Udal arkitektoak kalte moralak eragin izanaren kexa 1995 eta 2007. urte artean izandako gertaere...

Atez ateko hondakin sistema jartzearen kontrako 3.500 sinadura inguru bildu dituela jakinarazi du Pasaia Garbia plataformak. Taldeko kideen ustez, sinadurak biltzeko ekimenak “erantzun izugarria” izan du, eta jakinarazi du hilaren 22ra arte...

“Oso jai jendetsuak eta partehartzaileak izan dira”. Horrela mintzatu da Txomin Sagarzazu Hondarribiko Udaleko Kultura zinegotziak 2012ko jaien balantzea egiterakoan. “Ia 80 jarduera izan dira, mota guztietakoak, eta ia denetan jende pila izan da. Adin guztietako jendeak hartu du parte, umeek, gurasoek, helduek, zaharrek… uste dut oso pozik egon gaitezkeela jaiekin, eta horretarako bidea eman duten guztiei gure esker ona azaldu nahi diegu, bai erakunde antolatzaileei, bai laguntzaileei, eta bai parte hartzaileei”, gaineratu du. Jaiak hasi baino lehenagoko agendako zenbait ekitaldi aipatu ditu Kultura arduradunak, hala nola, Guadaluperako Igoera, Xabier Leteri eskainitako kontzertu-omenaldia, edo txirrindularitza proba. “Aipatu behar da hilaren 6an parte hartze handia izan dela gero eta egonkortuagoa dagoen umeentzako txupinazo eta entzierroan zezen puzgarriekin, baita Margo Lehiaketan, Grafitti lehiaketan, kantineren desfilean eta Barrikadaren kontzertuan ere”, gehitu zuen. Izan ere, jaien hasiera ofiziala hilaren 7 baldin bada ere, koadrilen afarirako eguna da askorentzat jaietako lehen eguna, eta dagoeneko udalak egitarauan hala sartzen du, lehen festa egun bezala. Egunez egun, Itziar Mendizabal dantzariari urrezko intsignia jartzea, Izugarria erraldoi eta buruhandien konpartsaren jarduna, plastikozko motoen lasterketa edota Alardea nabarmendu zituen. “Hilaren 7an, Itziar Mendizabali urrezko domina jarri zitzaion oso ekitaldi berezi eta hunkigarri batean, umeentzako Danborrada izan genuen, Parrokian Salbea izan [...]

DYA Osasuna eta Istripuen Prebentzioaren Astea egiten ari da Hondarribiko egoitzan. Egunero tailerrak edo hitzaldiak antolatu dituzte, doan. Gaur, asteartearekin, hesgailuen oinarrizko tailerra emango dute: eskua, besoa, sorbalda, oina, belauna eta han...