Berdinketa lortu dute txuri-beltzek Logroñes taldearen aurka
Real Union futbol taldeak 0-0 bukatu zuen larunbateko partida Logroñes taldearen aurka, Stadium Galen. Talde txuri-beltzeko Lanbarri jokalariak gola sartzea lortu zuen 93. minutuan, baina hala ere, epaileak falta izan zela adierazi zuen eta ondorioz, bertan behera utzi zuen uniondarren gol bakarra. Horrek haserrea eragin zuen zaleen artean. Imanol Idiakez irundarren entrenatzaileak partidaren ondoko prentsaurrekoan adierazi zuenez, “Lanbarrik falta ez dela izan esan du, taldekideek ere falta ez dela izan esan dute. Ni urruti nengoen eta ez dut jokaldia ondo ikusi, baina azkenean epaileak falta izan dela erabaki du”. Horiek horrela, amorratua agertu zen Idiakez: “Ahalegin handia egin du taldeak eta pena izan da hiru puntuak etxean ez gelditzea”. Jokoa, “hobetzen” Unionen entrenatzaileak adierazi zuenez, Real Union Logroñes baino hobeto aritu zen lehian, batez ere partidaren bigarren zatian: “Logroñesekoek atzera egin behar izan dute eta gure taldeak gol egoera bat baino gehiago sortu du”. Hori dela eta, Alavesen aurkako partidan baino hobeto aritu zirela adierazi zuen Idiakezek: “Aurreko asteburuan Gasteizen minutu on asko eduki genituen, eta gaurko bigarren zatian, argi eta garbi beste taldea baino hobeto jokatu dugu”. Hala, talde txuri-beltza jokoa hobetzen hasi dela uste du Idiakezek, eta “aurrerapausoak” ematen ari direla nabarmendu du. Bigarren taldeak, bana Ohorezko Mailako [...]
Real Union futbol taldeak 0-0 bukatu zuen larunbateko partida Logroñes taldearen aurka, Stadium Galen. Talde txuri-beltzeko Lanbarri jokalariak gola sartzea lortu zuen 93. minutuan, baina hala ere, epaileak falta izan zela adierazi zuen eta ondorioz, bertan behera utzi zuen uniondarren gol bakarra. Horrek haserrea eragin zuen zaleen artean.
Imanol Idiakez irundarren entrenatzaileak partidaren ondoko prentsaurrekoan adierazi zuenez, “Lanbarrik falta ez dela izan esan du, taldekideek ere falta ez dela izan esan dute. Ni urruti nengoen eta ez dut jokaldia ondo ikusi, baina azkenean epaileak falta izan dela erabaki du”.
Horiek horrela, amorratua agertu zen Idiakez: “Ahalegin handia egin du taldeak eta pena izan da hiru puntuak etxean ez gelditzea”.
Jokoa, “hobetzen”
Unionen entrenatzaileak adierazi zuenez, Real Union Logroñes baino hobeto aritu zen lehian, batez ere partidaren bigarren zatian: “Logroñesekoek atzera egin behar izan dute eta gure taldeak gol egoera bat baino gehiago sortu du”. Hori dela eta, Alavesen aurkako partidan baino hobeto aritu zirela adierazi zuen Idiakezek: “Aurreko asteburuan Gasteizen minutu on asko eduki genituen, eta gaurko bigarren zatian, argi eta garbi beste taldea baino hobeto jokatu dugu”.
Hala, talde txuri-beltza jokoa hobetzen hasi dela uste du Idiakezek, eta “aurrerapausoak” ematen ari direla nabarmendu du.
Bigarren taldeak, bana
Ohorezko Mailako Real Union B taldeak estreinako partida izan zuen larunbat arratsaldean, Urolaren aurka, etxean. Irundarrek bisitariek baino joko hobea egin zuten, baina Urolak hartu zuen markagailuan aurrea, Aseginolazaren bitartez (55. minutuan). Kostata berdindu zuten etxekoek; Bellok sartu zuen 1-1ekoa partida amaitzeko bost minutu falta zirela.
Datorren asteburuan Berioren etxean jokatuko du Union Bk. Sailkapen nagusian azkena da Donostiako taldea
