
Iragan urtarrilaren 1etik Hondarribiko sei botikek ez dituzte gaueko txandak egingo, eta Irunera joan behar da hemendik aurrera. Irunen dinamika zehatza finkatu zuten duela urte batzuk gaueko zerbitzua eskaintzeko, eta hau honela, botika bakar batek urteko gau guztietan erantzuten du herritarren eskaria. 2011 urtea Tejero Monzon botikari egokitu zaio, Nafarroa ibilbidean. Aldaketa Gipuzkoako Botika Elkarteak Eusko Jaurlaritzari proposatu zion, eta baiezkoa jasotakoan, dinamika berria urtarrilaren 1ean jarri zuten martxan. Hondarribiar botikarien ustez erabaki positiboa da, “erabiltzaileei ez die arazo askorik suposatuko, izan ere, errezetarekin eta larrialdietatik joan behar da botika eskatzera, eta Irunen dago larrialdi zerbitzua”, azaldu du Maria Pilar Lazkanotegik, Erauskin botikako langileak. Orain arte, Hondarribian gaueko txandak kubritzeko, 24 orduz irekitzen zuten botika, goizeko 9:00etatik goizeko 9:00etara, baina gaueko 10:00etan etxera joaten ziren botikariak, eta telefonoaren zain egoten ziren. Bezeroak Udaltzaingoa abixatu behar zuen, eta jarraian botikaria deitzen zuten, hogei minutu baina gutxiagoan iristen zirelarik botikara. Etxetik zaintza egiteko aukera sei botika baina gutxiago dituzten herrietan egiten da, eta hau Hondarribiko kasua da. «baziren egunak, eta asteak ere, dei bakar bat ere jasotzen ez genuela. Gripeak eta halakoak jotzen zuten kasuetan adibidez, bi edo hiru dei izaten genituen», gehitu du Lazkanotegik. Hala ere, Mendeluko Pedro Almajano botika ez dago ados [...]

Juan Mari Lujanbio sanjuandarrak bere txakur Bubusekin batera, hirugarren postua lortu zuen bere mailan (beteranoak-40) eta bosgarrena sailkapen orokorrean Espainiako I. Txakurkros Koparen hirugarren jardunaldian. Proba joan den igandean jokatu zuten ...

Aulki mugikorreko Euskadiko distantzi luzeko txapelketa ospatuko da larunbatean Bidasoko uretan. Euskadiko Txapelketa egingo dela aprobetxatuz, aulki mugikorreko Gipuzkoako Ligako bigarren jardunaldia burutuko dute Bidasoa ibaian, larunbatean, jeitsierako modalitatean

Amute-Kosta auzo elkarteak igande honetan haur zinema zikloa hasiko du, eta datozen igandetarako sei pelikula proposatu dituzte. Zikloa urtarrilaren 23an hasiko dute Ponyo en el Acantilado filmarekin eta martxoaren bigarren hamabostaldian bukatuko dute...

Antxoko sarrera egokitzeko lanak nahiko aurreratuta daude, erreka zeharkatzeko zubia itxura hartzen doa. Lurra, ordea, kutsatuta topatu zuten eta lanak atzeratu egin ziren. Gipuzkoako Foru Aldunditik baieztatu dutenez, martxorako bukatuko dituzte lanak...

Kultura sailak inauterietako kartel lehiaketa antolatu du, non edozein pertsonak parte hartu ahal izango duen. Erabiliko duten teknika librea izango da, hau da, margoa, marrazkia, kollage… eta lanak derrigorrez jatorrizkoak izan behar dute. Inauteria...

OB OiartzunBai oposizioko taldeak gogorarazi du, aurtengo aurrekontuak Udal Gobernuaren botoekin bakarrik atera direla aurrera, eta kritikatu du, Udal Gobernu Taldeak ez dituela beharrezko neurriak hartu gerakin negatiboa zuzentzeko eta ez daudela aurreikusita aurrezkiak, ezta herrian behar diren inbertsioak ere. Hala, aurrekontuen aurkako bozka ematearen arrazoiak argitu ditu. Hasteko, seriotasun falta salatu dute: «Dokumentazioa berandu eman digute eta ospatu den batzorde bakoitzean aurrekontuen dokumentu berri batekin azaltzen zen alkatea, gainera, azken bilera arte ez digute eman dokumentazio osoa». Bestetik, salatu dute aurrekontuak ez direla oiartzuarren interesari begira eratu, «ezker abertzalearen interes alderdikoiei begira baizik». Ez aurrezkirik, ezta inbertsiorik ere OBk gogorarazi du 2009ko kontuak 1.771.895 euroko zuloarekin itxi zirela. Hori ikusita, OBren ustez, «oso zorrotzak izan behar dugu sarrerak neurtzean eta gastuak doitzean». OBren esanetan, Udal Gobernu Taldeak ez ditu horretarako beharrezko neurriak hartu gerakin negatibo hori zuzentzeko. Oiartzungo Udalak, Aitor Etxeberriak alkatetza hartu aurreko urteetan, aurrezki ahalmen handia azaldu zuela dio OBk. «Horrek esan nahi du, ohiko eran lortzen ziren diru sarrerak ohiko gastua baino askoz altuagoak zirela, eta horrek inbertsioak egiteko ahalmena ematen ziola udalari», zehaztu du. Aitor Etxeberriak Udalaren kudeaketaren ardura hartu zuenetik, ordea, «distantzia hau murrizten joan da ia desagertu arte», OBren adierazpenen arabera, «ez baita [...]

Hilaren 22arako (larunbaterako) Kataxulo Gaztetxian Infernua ate joka metal gaua antolatu dute. 22:30etik aurrera hasiko da festa. Jaiaren baitan kontzertuak antolatu dituzte honako taldeekin: Apostasia, Kudai eta Mendeku Itxua. Sarrera doan izango del...

Igande goizaldean gizon bat atxilotu zuen Ertzaintzak, edanda gidatzeagatik. Herrizaingo Sailetik jakinarazi dutenez, modu irregularrean ari zen gidatzen eta istripua izan zuen.

Irungo udalak jakitera eman du udal euskaltegian osatu gabeko multzoak daudela, otsaila eta ekaina bitarteko ikastaroetarako. Interesaturik daudenek euskaltegiko bulegoetan informazioa jaso edo izena eman dezakete, urtarrilaren 24tik 28ra (Urdanibia pl...

Otsailean ere egingo dituzte; hondar organikoak etxean kudeatuko dituzte 40 familia gehiagok

Elurra eta eskiatzea gustuko duten gaztetxoak zorioneko dira, Urdaburu mendizale elkarteak (Gipuzkoako eskiko federazioarekin eta Aldundiaren laguntzarekin) beraientzako eski ikastaroa antolatu baitu hil honetarako. Hain zuzen, hilaren 29an eta 30ean i...

Aurtengo Itsasaldia, Euskal Itsasoen Jaialdia, Bilbon egingo da Itsas Gela eta Itsasplanet elkarteek Bilboko Itsasadarra Itsas Museoarekin egin duten elkarlan hitzarmenari esker. Hortaz, San Pedron egon ohi den Mater ontzi-museoak Bilbora bidaiatuko du...

Egungo euskal kantagintzan oinarritutako jazz emanaldia eskainiko dute Iñaki Salvador pianojoleak eta Ainara Ortega abeslariak, hilaren 23an, igandean, 19:30etan Kabigorri Bidasoaldeko Ateneoan. Kantaginjazz formatoan, euskal abeslarien lanak moldatuko dituzte, jazzistikoak bihurtuz. Iñaki Salvadorrek bere musika ibilbidean zehar euskal kantagintzako hainbat izen handien alboan lan egin du pianojole, soinujole eta moldatzaile gisa. Mikel Laboarekin 25 urtez izandako harremanaz gain, Salvadorren esku profesionala hainbat talde eta bakarlarik izan dute grabaketa edo kontzertuetarako, hala nola Oskorri, Mikel Markez, Mikel Urdangarin, Amaia Zubiria, Xabier Euzkitze, Imanol, Egan, Urko, Gorka Knörr, Txomin Artola eta Xabier Amuriza, beste batzuen artean. Bere ibilbide pertsonalean ere beti izan du lan ibilbide irekia beti ere euskal kantari adi egonik, bai tradizionalei eta baita egile kontenporaneoei ere. Proposamen berri honetan Ainara Ortegaren ahotsarekin batera egungo euskal kantagintzako zenbait abesti jazz kutsuan entzun daitezke, haien artean Mikel Laboarenak, Benito Lertxundi, Xaber Lete, Mikel Markez, Amaia Zubiria, Juan Carlos Pérez, edota Jabier Muguruzarenak.

Gaurko programazioa FM107an: 10:00etan, Arguyuan: 10:30ean: Oiartzungo Udalaren tartea. 11:30ean: Metaziyan bila atala. 12:10ean: Elkarrizketa: Xanet Arozena. Gaia: aurrekontuak 2011. 13:15ean: Kirolez Blai! Gonbidatuak: David Zurutuza Realko jokalaria...

Amaia Arriaran ipuin kontalariak Zai, Zoe, Bele kontakizuna aurkeztuko du gaur, urtarrilaren 19an, 17:30etik aurrera, Ikust Alaia udal liburutegian. 4 eta 7 urte bitarteko haurentzako egokia da.

Abaraxkako kideek eskulanak egingo dituzte: kometak, eskumuturrekoak, lepokoak… artile apaingarriak izango dira guztiak. 16:30etik 19:30era ariko dira eskulanak egiten.

Denetariko emaitzak izan ditu Oiarpek azkeneko bi asteburuetako partidetan. Euskal Herriko Txapelketan, 22 urtez azpikoetan, hona emaitzak: Ioritz Manterola eta Iñigo Ugalde (Oiarpe)-Abadiño: 19-22. Ibon Taberna eta Jon Irastorza (Oiarpe)-Pilotajauku...

Pasaiako Portu Agintaritzak 421 amarraleku egin nahi ditu udara baino lehen, trafikoa ordenatzeko asmotan. “Gure portua merkataritza portua da, eta beraz, lehentasuna merkantzia ontziek dute. Jendeak, batez ere adineko jendeak, ontziak nahi duten tokian uzten dituzte eta horri irtenbidea eman nahian hasi gara proiektuarekin”, azaldu du Miguel Buen Portu Agintaritzako presidenteak. Horrela, Hospitalilloko moilan 200 amarraleku egingo dituzte (dagoeneko hasi dira lanean), Donibanen 163, eta San Pedron 53. Donibaneko Santiago plazaren aurrean dauden amarraleku tradizionalak mantentzea erabaki du Portu Agintaritzak, Pasaiako Udalaren eskakizunari erantzunez. Hamabi eta hamabost ontzirentzako tokia egongo da bertan. Donibanen, bestalde, karenatzeko gunea egin nahi du, hau da, garbiketa eta konponketa lanak egiteko, besteak beste. Gune hori Donibaneko moilaren mendebaldean egin nahi dute, hain justu. 300 ontzi erroldatuta Badian 300 ontzi daude erroldatuta. Horientzako amarralekuak izango dira, eta gainontzeko 121ak eskatzen dituztenentzako izango dira, hurbiltasuna lehentasuna hartuz, beti ere. Dena den, amarralekuen lizitazioa obrak bukatzen direnean eta Estatuko Aldizkari Ofizialean argitaratzen denean aterako da. Proiektu horren beste helburuetako bat uretako ekintzak egiten dituztenei erraztasunak jartzea dela nabarmendu du Buenek: “Pasaia Kayak, Trintxerpe-Illunbe, San Juan eta Hibaika taldeentzat errazagoa izango da urera iristea”. Obrak ia lau milioi euroko kostua du. 3.300.000 euro amarralekuak egiteko erabiliko dute, eta 711.000 [...]