Euskadiko distantzia luzeko txapelketan parte hartuko du Santiagotarrakek, etxean
Aulki mugikorreko Euskadiko distantzi luzeko txapelketa ospatuko da larunbatean Bidasoko uretan. Euskadiko Txapelketa egingo dela aprobetxatuz, aulki mugikorreko Gipuzkoako Ligako bigarren jardunaldia burutuko dute Bidasoa ibaian, larunbatean, jeitsierako modalitatean
Aulki mugikorreko Euskadiko distantzi luzeko txapelketa ospatuko da larunbatean Bidasoko uretan. Hainbat urteetan huts egin eta gero, aurten Santiagotarrak taldeak parte hartuko du zortziko ontzietan lemazainarekin, bai jubenil mailan, baita seniorretan ere. Irungo arraun elkarteko arduradunak pozik daude “aulki mugikorra urte luzez bultzatzearen fruitua” delako. Horrela, hilaren 30ean, igandean, Vegadeoko (Asturia, Espainia) Espainiako txapelketan errepikatuko dute bi ontziek.
- Senior mailako ontziko partaideak: Lionel Sarasola, Benoit Ordoki, Iñigo Aragon, David Sevine, Mikel Aragon, Ander Rekarte, Erik Espinal, Bruno Fernandez eta Aitor Olazabal (lemazaina).
- Jubenil mailako ontziko partaideak: Ioritz Telleria, Sebas Gallego, Ion Aizpiolea, Borja Portos, Antxon Gonzalez, Daniel Markote, Mikel Arocena, Eduardo Iguiñiz eta Telmo Sanz (lemazaina).
Gipuzkoako Ligako bigarren jardunaldia
Euskadiko Txapelketa egingo dela aprobetxatuz, aulki mugikorreko Gipuzkoako Ligako bigarren jardunaldia burutuko dute Bidasoa ibaian, larunbatean, jeitsierako modalitatean. Hondarribia arraun elkarteak antolatuko du lasterketa, eta 16:00etan ekingo zaio. Lurraldeko ligako hirugarren jardunaldia ere Bidasoan ospatuko da, otsailaren 5ean. Gainontzeko laurak Orion egingo dira.
