Kultura sailak inauterietako kartel lehiaketa antolatu du, non edozein pertsonak parte hartu ahal izango duen. Erabiliko duten teknika librea izango da, hau da, margoa, marrazkia, kollage… eta lanak derrigorrez jatorrizkoak izan behar dute. Inauteria...
Kultura sailak inauterietako kartel lehiaketa antolatu du, non edozein pertsonak parte hartu ahal izango duen. Erabiliko duten teknika librea izango da, hau da, margoa, marrazkia, kollage… eta lanak derrigorrez jatorrizkoak izan behar dute. Inauteriak aurten, martxoaren 5 eta 6an ospatuko dituzte Hondarribian.
Kartelen neurria 70 x 50 zmtakoa eta bertikala izango da eta neurri hauek betetzen ez dituzten lanak ez dira lehiaketarako onartuak izango. Karteletan derrigorrez ondoko lema azalduko da: Hondarribia – Inauteriak 2011.
Sailkatutako lehen kartelari 450,00 euroko saria emango diote, eta bera izango da Inauteriak iragartzeko erabiliko dena. Lanak BAZen entregatuko dira otsailaren 10ean eta 11an, 9.00etatik 13.30tara eta 16.00tatik 18.00tara, baita otsailaren 12an ere, 10.00etatik eguerdiko 13.00etara. Lanak jendaurrean jarriko dira otsailaren 28tik martxoaren 13a bitarte Zuloaga Etxean.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
