
Gaur eguerdian egin dute Gaztañoko 30 babes ofizialeko etxebizitzen zozketa. Guztira, 1.280 eskaera jaso dituzte, 30 etxebizitzentzat. Jende ugari bildu da Galtzarabordako Udal Kiroldegian, eta zozketa hasi aurretik, urduritasuna nabari zen, itxaropen...

Frantziako Tourra hasi da, eta hilaren 22ra arte Oiartzun Irratian programa bereziak egingo dituzte astero. Kirolez blai! saioan jarraituko dute txirrindularitza proba, astean bitan (astearteetan eta ostiraletan). Gaur, Oiartzungo txirrindulari gazteek...

Martxa luzean 32 bikotek eman zuten izena, eta motzean, berriz, 21 bikotek. Ibilbide luzea osatzen azkarrenak Josu Aranburu eta Manolo Bengoetxea izan ziren, eta bigarren postuan, Antxon Vega eta Juan Carlos Rodriguez iritsi ziren plazara. Ibilbide motza egin zutenen artean, aldiz, Arkaitz Mendizabal eta Inhar Mendizabal aita-semeak izan ziren azkarrenak, eta Ines Etxeberria eta Lorea Etxabe ama-alabak iritsi ziren bigarren postuan. Antolatzaileek oso balorazio positiboa egin dute, gauean eta goizean euria egin zuen arren, jende ugari animatu zelako izena ematera. Arratsaldean berriz, oso giro ona izan zuten, bai barrikotean zein arratsaldean izan zen toka txapelketan. Pari-Berrik emandako lau afari zozkatu zituzten eta parte hartu zuen haur bakoitzari kamiseta bana eman zieten. Probarako prestatutako elastikoa herritarren artean izan duen arrakasta ikusirik Itsas Mendik santio jaietarako gehiago prestatuko dituela iragarri du. Arrakasta oso ona eduki zuen Itsa-Mendik ateratako kamiseta berriak. Esan, jaietako gehiago egingo direla.

Zelai naturala 10:00. Metz Esap-Añorga. 11:30. Metz Espa-Antigua Luberri. 13:00. Salvador de Bahia-Antigua Luberri. 16:00 (neskak). Ath. Madrid A-Vasconia. 17:00 (neskak). Ath. Madrid B-Antigua Luberri. 18:00 (neskak). Ath. Madrid-Baerum SK. Zelai a...

Amnistiaren Aldeko XX. Futbito Txapelketa jokatu zuten lehengo larunbatean Donibaneko kiroldegian. 09:00etan hasi ziren partidak, eta 01:00ak aldera bukatu. Guztira, 21 taldek parte hartu zuten, eta harmailetan primerako giroa izan zen goizetik gauera. Txapelketa Lezoko Sorgin taldeak irabazi zuen; txapeldunordea Unibertsitatea Carroceria Lezo taldea izan zen, eta hirugarren tokian Guetto Hools antxotarrak sailkatu ziren.

Herrera Herrira batzordeak ekintza iragarri zuenetik, hondakinak kamioietan jasotzen aritu dira Kaiko Herrerak herriarentzat behar duela aldarrikatzeko kalera irten dira, berriz ere, hamarnaka trintxerpetar. Lehengo larunbatean manifestazioa egin zuten Herrera Herrira herritarren batzordeak deituta, Gudarien Enparantzatik abiatuta. Hilabeteetan portuan lanen hondakinak pilatuta izan dituzten tokira abiatu ziren manifestazioan bildu zirenak, Urarte deritzan ingurura, mendiko makilak eskuan, han ekintza sinbolikoa egiteko. Hondakinen mendiari Urartemendi izena jarri diote. Hondakinen mendia igo, eta tontorrean pankarta jarri zuten. Bitartean, hondeamakinak eta kamioiak jo eta su aritu ziren lanean. Izan ere, batzordeko kideek Portuari eta Eusko Trenbide Sareak erakundeari larunbatean egin behar zuten ekintzaren berri eman zietenetik, makinak etengabe aritu dira bertan lanean. «Ikusi duzuenez, orain dela astebete hondakinen mendi bat zena lautada bihurtu dute», esan zuen ironikoki plataformako kide Iñaki Aristik, hondakinen mendira igo aurretik. Kasualitateetan ez dutela sinisten esan zuen Aristik, eta lanak herritarrek «kaiko lur eremua berreskuratzeko borrokan egindako presioen ondorioz» hasi dituztela baieztatu zuen. Urartemendiko ekintza sinbolikoa bukatuta, Zirizarako bidea hartu zuten manifestazioan bildutakoek. Han kokatu zuten kanpamentu basea larunbatean, menditik jaitsita herri bazkaria egiteko. Bakailao enpresa izandakoa erabilera anitzeko kultur aretoa izan dadin nahi dute herritarrek, eta hala jaso zuten beraiek landutako eta udalbatzarrak bere egindako ordenazio planteamenduan. Larunbateko ekintza [...]

Larunbat arratsaldean jokatu zen Hulinokea downwind edo haizealdeko probaren bigarren estropada, piragua eta kanoentzat irekia, Adur ibaiaren beste aldeko Bokaleko hondartzatik abiatuta. Haize bortitzaren eraginez, itsasoa zakar egon arren, Trintxerpeko Donostia Kayak taldeko Aritz Araneta ondo moldatu zen , eta bigarren izan zen Getariko helmugan, Santanderko lehen ordezkariaren atzetik eta espezialista frantziar guztiak gaindituta, lan bikaina biribilduz. Aipatzekoa, baita ere, Ainara Benavente taldekidearen lana, emakumeen artetik bera izan zelako helmugaratzen lehena. Ontzi-iraulketa ugari izan ziren estropadan, eta parte-hartzaile batek baino gehiagok proba bertan behera utzi behar izan zuen.

Asteazkenean aurkeztuko du Ereintza dantza taldeak Erromeria Eguna, baina dantza taldeak aurreratu duenez, uztailaren 14ean (larunbata) izango da. Horrez gain, dantza maisuak, txarangak, dultzaineroak, trikitilariak, txistulariak, zanpantzarrak, dantza...

Urtero madalenei begira Errenteriako Seme-Alabak argazki erakusketa egiten dute, eta aurten 50 urte bete dituen Alabergako danborradarekin osatuko dute erakusketa. Uztailaren 16tik 27ra jarriko dituzte argazkiak Xenpelar Etxean. Erakusketa osatzeko j...

Internet oinarrizko KZgunea ikastaroa. Gaurtik hilaren 13ra arte, astelehenetik ostiralera, 16:00etatik 18:00etara. Irudia eta soinua. Hilaren 16tik 25era, astelehenetik ostiralera, 16:00etatik 18:00etara. Gmail. Gaur, 18:00etatik 20:00etara. Google s...

Mujikaz gain, berarekin batera Villefranche Sur Saoneko espetxean preso dauden Ruben Ribero eta Ibon Goieaskoetxea ere erasotu dituzte. Etxeratek azaldu duenez, igandean, “funtzionarioen talde bereziak sartu ziren, kaskoz eta armez hornituak, hir...

Datorren igandean, hilaren 8an, ADEMGI Gipuzkoako Esklerosi Anitzeko Elkarteak deituta Busti Zaitez kanpaina egingo dute Euskal autonomi Erkidegoko 78 hondartza eta igerilekuetan. Beste urte betez, fanderiako Udal Igerilekuak “ekintza solidario&#...

Santiagotarrak Arraun Elkarteko ur lasaietako pistako kirolari gazteenek lehen postua lortu zuten ekainaren 30ean, San Martzial Egunean, Sevillan egin zuten Haurren Mailako Promesen Espainiako Kopan. Irundarrek ezin izan zuten banakako dominarik, baina, emaitzen batuketa egin ondoren, Iñigo Valerok zuzentzen duen taldearentzat izan zen urrea. Piraguistek 3.000 metro luzerako ibilbidea egin behar izan zuten; Santiagotarrak-ek hamahiru kirolari eraman zituen Sevillara. Guztira, Espainiako estatuko 62 taldek parte hartu zuten. Irungo taldeak lehen postua lortu zuen (1.508 punturekin), CEP Aranjuez (1.477) eta CP Portonovoren aurretik (1.467). Bigarren euskal ordezkaria Iruñeko Piraguismo Taldea izan zen (40. postuan, 263 punturekin). Santiagotarrak-eko piraguisten emaitzak Haurren A Maila Aitor Gorrotxategi / Adam Bence. 6. K-2an. Jorge Fdez. Casadevante / Iker Arias, 8. C-2an. Jorge Fdez. Casadevante, 17. C-1ean. Eneko Egiguren, 19. K-1ean. Aitor Gorrotxategi, 21. K-1ean. Eneko Egiguren / Iñigo Diez, 23. K-2an. Adam Bence, 41. K-1ean. Iñigo Diez, 51. K-1ean. Haurren B Maila Iker Arias, 5. C-1ean. Tania Prol / Itziar Campo, 5. K-2an. Telmo Fernandez / Mario Mendizabal, 7. K-2an. Tania Prol, 8. K-1ean. Telmo Fernandez, 8. K-1ean. Iñaki Etxepare / Aitor Ramajo, 10. K-2an. Itziar Campo, 22. K-1ean. Mario Mendizabal, 24. K-1ean. Iñaki Etxepare, 28. K-1ean. Aitor Ramajo, 45. K-1ean. Ander Garnika, 65. K-1ean.

Konturatu orduko bukatu dira sanpedroak. Jaiak iraun duten lau egunetan primeran pasatu dute sanpedrotarrek. Heldu, gazte nahiz haur, denek izan dute festetaz gozatzeko aukera. Eguraldia mehatxuka ibili da sanpedroetan, baina, hala eta guztiz ere, nahikoa errespetatu eta programatutako ia guztiak ospatu ahal izan dituzte Pasai San Pedron. «Igandeko pilota partida izan da bertan behera utzi behar izan dugun bakarra», adierazi du barrutiko alkateorde Jose Luis Sanzek. Aurrerago antolatzeko asmoa dutela iragarri du. Aurtengo festetako balorazio ona egin du alkateordeak, eta haurrentzako antolatutako ekimenetan izan den hobekuntza nabarmendu du: «Haurrentzako antolatutako gauzak dezente hobeto irten dira aurten. Parte hartzea handiagoa izan da». Nabarmentzeko moduko gertakari bakarra aipatu du Sanzek, programatik kanpo zegoen kontzertu bat «gehiegi» luzatu eta bizilagunen kexak jaso dituztelako. Omenaldi ugari Aurtengo sanpedroetan omenaldi ugari izan dira. Jaietako lehen egunean, Pepi Mariñelarena omendu zuten, pilotalekuko taberna izandakoan eta egun gozoki denda bilakatutakoan lanean emandako 40 urteengatik. Berak bota zuen aurtengo txupina, hunkituta. Larunbatean, berriz, Javier Lukin gogorarazi zuten Arraintxiki Txapelketan. Bera izan zen txapelketaren sortzailea 1985. urtean. Semeak jaso zuen larunbatean egungo antolatzaileek haren omenez landutako oroigarria. Omenaldi berezia, baita ere, herenegungoa. Inudeen eta Artzainen helduen konpartsa berreskuratu zutenetik 25 urte bete dira aurten, eta urteurrena baliatuta, bi lagun [...]

San Fermin Jaien atariko kirol ekimenak egin dituzte Antxon asteburuan. Axular kafetegiaren pala txapelketako irabazlea Vicente-Oiarbide bikotea izan da, Ferreres-Casares bikotea finalean garaitu zuelako. Larunbatean izan zen final hori. Herenegun, berriz, Lore Txorta elkartearen sanferminetako krosa egin zuten. Parte hartzaile asko izan ziren, eta barrutiko kaleak kirol usainarekin zipriztindu zituzten. Bihar hasiko dira San Fermin Jaiak.

Pasaiako Udaleko Hirigintza Batzordeak argi berdea eman dio arrandegi berriaren proiektuari Astigarraga eta Lasarte arkitektoek diseinatu zuten arrandegi berrirako egitasmoari argi berdea eman dio udalak. Lehengo ostegunean egin zuten hirigintza batzor...

Asteazkenean hasiko dira aurtengo Antxoko sanferminak eta igandera arte luzatu. Hona egitaraua: sanferminak 2012

Itsas Gelak hilero antolatu ohi duen Itsas Solasaldia Jesus Maria Martinezen Jaizkibel: ese desconocido Sinfonia en Piedra solasaldiari eskainiko diote ostegunean (Hilak 5). 19:30ean proiektutako dute, San Pedroko Mater itsasontzian.

Errenteriako Udaleko ordezkariak Schorndorf (Alemania) herrira bidaiatzekoak ziren asteburuan, herri horrekin senidetzea sinatzeko. Errenteriako Udalaren arabera, Julen Mendoza alkatearekin batera honako ordezkaritza zen joatekoa: Luisma Diez (Bildu), ...

Udal liburutegiak eta artxibategiak udako ordutegia dute gaurtik. Ikust Alaiak astelehenetik ostiralera 08:00etatik 14:00etara irekita egongo da, eta larunbatetan itxiko dute. Artxibategiak ere astelehenetik ostiralera irekiko du, 08:30etik 13:30era. U...