
Irunera duela gutxi etorri eta euskara ikasteko zailtasunak dituzten 36 haurrek hasi dute gaur Udagiro programako jarduera. Seigarren aldia da Irungo Udaleko Euskara arloak Udagiro antolatzen duela. Beste ekitaldietan bezala, Herri Jakintza udal euskaltegian burutuko dute Euskal Herri kanpotik hirira etorri berri direnen euskara ikasketak indartzeko xedea duen egitasmoa. Joan den astean aurkeztu zuten, eta Euskara ordezkari Fernado San Martinek azaldu zituen programaren nondik norakoak: “Programa honek jarraipena eman nahi dio udaldian Irungo ikastetxeetan kolektibo horri zuzenduta euskararen inguruan egiten den ahaleginari. Horregatik, hiriko ikastetxeen eta Herri Jakintza euskaltegiaren laguntzarekin, Udaleko Euskara Arloak euskara sustatzeko ekintzak diseinatu ditu ume horientzat” . Udagirok, euskararen arloan zailtasun zehatzak dituzten umeei laguntza eskaintzen die hizkuntzaren alorreko edukietan, eta udaldian euskararekin harremana galtzea saihestu eta ikasleak euskararekiko motibatu nahi ditu. Lehen hezkuntzako 5 eta 6 eta Bigarren Hezkuntzako 1 eta 2. Mailetako ikasleek parte hartuko dute Udagiron. Guztira, 36k eman dute izena uztailean aritzeko, eta 31k abuzturako. Egunero 10:30etik 12:00etara elkartko dira.

Udal Kirol Patronatuak jakinarazi duenez, Donosti Cup oinarrizko futboleko txapelketako partidak jokatuko dituzte beste urte batez Errenteria-Oreretan, zehazki, Fanderiako eta Beraungo futbol zelaietan. 27 herrialdetako 390 taldek jokatuko dituzte part...

San Pedro eta San Martzial jaiak ahalik eta gehien luzatu nahian, milaka irundar hurbildu da gaur goizean Urdanibia plaza eta inguruetara, Baserritar Eguna ospatzeko. Tarteka euria bota badu ere, denbora gehienean zerua lagun izan du festak. Lehen orduan tabernariak kexu ziren garai batean baino askoz ere jende gutxiago zegoelako, baina pixkanaka-pixkanaka hasi da jendea Moskura gerturatzen. Hori bai, duela hamar urte inguruko giroarekin zerikusirik ez: jende heldua eta gurasoak haurrekin; oso zaila izan da gazte bat ikustea, eta duela urte gutxira arte jaietako egunek gogokoenetakoa zen gaurkoa, baita gazteentzat ere. “Ez San Pedro, ezta uztailaren 1a. Alarde Egunerako erreserbatzen dira eta gainontzeko egunetan desagertzen dira”, zioen Peña kaleko ostatu bateko tabernariak. Ez da jendea aldatu den gauza bakarra. Baserriko giroa bazegoen gaur goizean, baina askok faltan bota dute lehengo barazki eta fruta azoka, baita animali gehiago ikusteko aukera ere, esne behietara mugatu baita gaurko erakustaldia: behiak ikusteko eta behiak aukeratzeko. Abere lehiaketa baino dezente animatuagoa izan da plazaren beste aldeko egitaraua. Trikitilariak aurrena, bertsolariak ondoren —bi saioetan—, eta herri kirolak tartean. Giro bikaina egon da beti heziaren inguruan. Herri kirol probetan ez da emoziorik falta, eta, sona handiko kirolariren parte hartzerik gabe, programa bariatua aukeratu dute antolatzaileek: aizkora lana —lurrean [...]

Uztailaren 2tik abuztuaren 31ra udal liburutegiak udako ordutegia izango du. Hala, helduentzako saila goizez bakarrik egongo da irekita, 08:00etatik 14:30era, eta abuztuaren 13tik 24ra itxita egongo da. Haurrentzako saila ere goizez bakarrik egongo da ...

Antxoko Herrira mugimenduak mosaikoa egin zuen ekainaren 29an, hilabeteko azken ostiraletako presoen eta iheslarien aldeko mobilizazioen harira, Gure Zumardian. San Fermin Jaien atarian, barrutiko festetako janzkerarekin agertzeko eskatu zien mugimendu...

San Fermin jaien atariko kirol ekimenak egin dituzte Antxon asteburuan. Hala, Axular kafetegiaren pala txapelketako irabazlea Vicente-Oiarbide bikotea izan zen, Ferreres-Casares bikotea finalean garaitu zuelako. Larunbatean izan zen final hori. Atzo, b...