«Gertutik jarraituko dugu lonjaren eraikuntza prozesua»
Pasaiako Udaleko Hirigintza Batzordeak argi berdea eman dio arrandegi berriaren proiektuari Astigarraga eta Lasarte arkitektoek diseinatu zuten arrandegi berrirako egitasmoari argi berdea eman dio udalak. Lehengo ostegunean egin zuten hirigintza batzor...
Pasaiako Udaleko Hirigintza Batzordeak argi berdea eman dio arrandegi berriaren proiektuari
Astigarraga eta Lasarte arkitektoek diseinatu zuten arrandegi berrirako egitasmoari argi berdea eman dio udalak. Lehengo ostegunean egin zuten hirigintza batzordea, eta han Pasaiako Bilduk aurkeztu zuen irizpena onartu zuten batzordekideek. Edonola ere, eraikuntzaren gaineko jarraipena egingo dutela ziurtatu du alkateak: «Gobernu talde honek oso gertutik zainduko du lonjaren eraikuntza prozesua». Gainera, lonja diseinatzeko herritarren parte hartze prozesuan adostutako konpromisoak bete daitezen lan egingo dutela nabarmendu du Alkatetzak.
Era berean, jakinarazi du ekainaren 20ko Pasaiako Portu Agintaritzaren Administrazio Kontseiluan B Plana izenekoa —lonja funtzionalaren egitasmoa zen, pabilioiak soilik zituena, eta lonjaren jarduera kanpoaldean izango lukeena— errefusatu zuela: «Horrek kalte handia eragingo lioke eta udalerriari».
Alkatetzaren arabera, Pasaiako Portu Agintaritzak (PPA) epeen gaineko «presa» azaldu zuen: «Hori dela eta, alkateak adierazi zuen Hirigintza Batzorde bat egiteko asmoa zegoela, eta gaia aztertzeko udalbatzarra uztailaren 10ean-edo egitea espero zela». Zentzu horretan, Alkatetzak «haserrea» agertu du, datu horien berri eman zuelako portuak prentsaurreko batean.
