2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Jose Aramendi sendagileak hitzaldi informatiboa emango du bihar, 18:00etan, Zuloaga Etxean. Haurren gizentasuna ekiditeko HOBE programaren barruko ekitaldia da: kirola eta elikadura nola uztartu azalduko du.

Bi sari jaso zituen Iratz Inziartek larunbatean. Nesketan onena izan zen XI. Herri Eskalada Txapelketan. Eta, gainera, lehen oiartzuarraren saria ere eskuratu zuen. Mutiletan, Igor Aranaz izan zen onena. Neska gazteetan Jone Ugartemendiak eskuratu zuen lehen saria, eta mutil gazteetan Mikel Linazasorok. Euskal Herriko hainbat txokotatik ingurutako 128 eskalatzaile lehiatu ziren Elorsoro kiroldegian egun guztian zehar. 55 haur eta gaztek parte hartu zuten, eta 73 helduk. Herri txapelketa dela kontuan izanik, antolatzaileak eskalatzeko hainbat bide prestatu zituzten, errazenetik zailenera arte. Hala ere, eskalatzaileen maila oso altua izan zela nabarmendu dute. Hala erakutsi zuten finalean. Izan ere, goizeko frogak baino dezente zailagoa izan zen finala. Horregatik, bukatzean, finalista guztiei eman ziete saria. Mutil helduetan hamahiru pasatu ziren finalera, nesketan bost, eta gazteetan 11 mutiletan, eta bi nesketan. Parte hartzaileen eta parte hartzaileen maila aldetik ez ezik, ikusle aldetik ere arrakastatsua izan da beste behin Herri Eskalada Txapelketa. Larunbat egun guztian zehar jende asko gerturatu zen eskalatzaileen lana ikustera. Horrek ere erakusten du antolatzaileen lanak fruituak ematen dituela urtero. Eskerrak eta laguntza eskaera Era berean, Oiartzungo Eskalada Taldeak eskerrak eman dizkie parte hartzaile guztiei, baina baita txapelketa antolatzen lagundu dieten guztiei ere. Datorren urteko lehia antolatzeko ere denen laguntza beharrezkoa izango dela [...]

Meson Extremeño tabernaren atarian elkarretaratzea egingo dute gaur, 19:00etatik aurrera, Iztietako bizilagunek. Gurekin Auzo Elkarteak antolatu du mobilizazioa. Meson Extremeño tabernako nagusia larunbatean hil zen, bihotzekoak jota. Auzotarrek esan...

FUTBOLA Ohorezko Erregional Maila. Beti Gazte-Oiartzun: 1-1. SASKIBALOIA Helduen Hirugarren Maila. Saskilagunak-Mundarro: 39-42. Gazteen A taldea. Mondragon- Saskilagunak: 60-71. Gazteen B taldea. Aloña Mendi- Saskilagunak: 63-42. ARETO FUTBOLA ...

Euskal Herriko magorik ezagunena, Txan Magoa, Pasai Antxon izango da ostiral gauean. Kamio tabernak antolatu du magia ikuskizuna. Antolatzaileek jakinarazi dutenez, 23:00tan hasiko da Txan Magoaren emanaldia. Helduei zuzendutako ikuskizuna izango dela ...

Emakume eta gizonen arteko berdintasuna sustatzearen alde lanean ari diren gobernuz kanpoko elkarte eta erakundeek udalaren diru laguntza eska dezakete. Ostirala arteko epea dute interesdunek. Eskaera orria Gizarte Ekintza Sailaren bulegoan jaso daitek...

Xabier Portugal Saria Iban Lizarralderen ‘Gartzela’ filmak eraman du, Gipuzkoako lan onena izateagatik. Alex Montoyak zuzendutako Maquillaje lanak irabazi du aurtengo Ikuska. Montoyaren lanak jasotzen duen bigarren saria da, udan, Huelvako Islantillako Cineforumean ere sari nagusia eskuratu zuelako, film laburren atalean. Isabel Garcia-Lorca, Ramon Barea eta Nuria Garcia dira aktoreak, eta gidoia Alex Montoyak berak eta Aglaia Montoyak idatzi dute. Ekoizpena, Valentziako Caja de Luz izeneko ekoiztetxearena da. Aktore onenari, sari bikoitza Zuzendari onenaren saria Nacho Lasierrarentzat izan da, La Granja lanagatik, eta aktore onenaren saria, gizonen atalean, bikoitza izan da: Ales Furundarena eta Mario Casas saritu dituzte, Dinero fácil-en egin duten lanarengatik. Emakumeen atalean, berriz, Gema Santoyo saritu dute, Pecera lanarengatik. Kote Camacho saritu dute Kote Camacho oiartzuarraren La gran carrera filma izan da epaileen begikoa, eta berari eman diote Epaimahaiaren Sari Berezia. Gipuzkoako film onenari ematen dioten Xabier Portugal Saria, berriz, Iban Lizarralderen Gartzela lanarentzako izan da. Azkenik, zaleek gehien botatu dutena, Javier Veigaren De que se rien las hienas lana izan da. Western giroa kalean Ikuskaren harira merkatariek erakusleihoak apainduz girotu dute Trintxerpe. Gaia Western zinema izan da aurten, eta Erakuslehio Onenaren Saria Sonesa Kirolak dendarentzat izan da. Rumax ileapaindegiak eraman du bigarren saria, eta hirugarrena, Luma [...]

Pasaiako galiziarren Magosto festaren barruan, III. Txirikila Txapelketa jokatu zuten larunbatean Donibanen. Bilharda deritzote galiziarrek pilota jokoari, eta txirikila euskaldunek. Jolasa berreskuratzeko lanean dihardute Fato Cultural Galegoak eta Bixi-Bixik.

Heldu den asteartean urtarrilari dagokion ohiko osoko bilkura egingo dute Pasai Antxoko Kultur Etxean. Besteak beste, Gipuzkoako azpiegitura obra handiei buruz alkateak eginiko proposamena aztertuko dute. Talde sozialistak, bestela, bi proposamen aurke...

Aste honetan jakin du udalak Murias Center 4k eta Eroskik akordioa sinatu dutela Niessen merkataritza zentroan lokala alokatzeko. Akordioa, ordea, abenduaren erdialdean itxi zela jakinarazi du, eta orain artean ez duela “inolako informaziorik jaso”. Gertaera hori oso larritzat jo du Murias Center 4 sozietatearen kide baita udala, eta ondorioz, baita sozietatearen Administrazio Kontseiluaren kide ere. Ildo horretatik, udalak ez daki zer nolako baldintzetan sinatu duten akordioa, eta horren berri emateko eskatu dio Murias Center 4ri. Gaur goizean eman dute horren berri Bildu, EAJ, PP eta Errenteriako Ezkerrako ordezkariek —talde guztiek PSE-EEk izan ezik—, eta horren aurrean 2009ko martxoko Udalbatzan sinatutakoa berretsi dute; alegia, alokatzailean aldaketaren bat egoten bada, alokairu kontratu berrian egungo lan talde osoa subrogatuko dela, eta kontratu berri horrek, Gipuzkoako Industria eta Elikadurako Merkataritzaren hitzarmena beteko duela. Hala ere, argi utzi dute “supermerkatu bat jartzea positiboa dela udalerriarentzat eta Niessen merkataritza zentroarentzat, baita merkatarientzat ere”. ELAk, bestalde, azaldu du harremanetan jarri dela bai udalarekin, bai Sabecoko langile izan zirenekin eta baita Eroskirekin ere gai horren inguruan hitz egiteko. Udalak bezala oraindik ez daki zein baldintzetan sinatu duten kontratu hori, ezta Sabecoko langile izan zirenak ere kontratatuko dituzten ere. Hala ere, ez dutela onartuko esan du “Sabecoko langileak kontuan [...]

Herritar guztiei etxebizitza bermatzeko, «etxebizitza politika integrala» diseinatu du udalak: etexbizitza babestuak, etxe hutsak alokairuan merkaturatzea, alokairu soziala, etxebizitza handien zatiketa, kooperatibak bultzatzea… «Gobernu Talde honek oiartzuarrek arlo honetan dituzten zailtasunak konpontzeko eta asetzeko bere esku dagoena egiteko konpromisoa hartua du», jakinarazi zuen atzo egindako agerraldian Aiora Perez de San Roman alkateak. Martxoan zozketa Azken urteetako «erronka handienetakoa» izan da Altzibarko Olalde inguruko babes ofizialeko etxebizitzen promozioa. Urbanizazio lanak martxan daude, eta onartu dute zozketarako behin-behineko zerrenda —460 lagunek bete dituzte eskatutako baldintzak—. Oiartzungo Udalaren webguneko (www.oiartzun.org) Iragarki Taulan dago. Otsailaren bukaerara arte egin daitezke erreklamazioak. Otsaileko udalbatzarrean behin betiko zerrenda onartuko dute, eta martxoan egingo dute zozketa. Asier Legorburu zinegotziak azaldu zuenez, «ostiral arratsalde batez egingo da zozketa udaletxeko areto nagusian; publikoa izango da eta edonork joan ahal izango du». Etxebizitza tasatuak Olalden 42 etxebizitza tasatu ere egingo dituzte. Horietan izena emateko epea martxoan zabalduko dute Etxebizitza Bulegoan, hilabete batez. Oiartzuarrek izango dute lehentasuna etxebizitza horiek eskuratzeko ere. 9.000 euro eta 50.700 euro arteko diru sarrerak dituzten eta etxerik ez duten herritarrek eman ahal izango dute izena. Zozketa uda aurretik egitea espero du udalak. Etxebizitza hutsak alokatzeko, etxeak zatitzeko eta bestelako alternatibak martxan jartzeko pausoak ere eman nahi ditu [...]

Greenpeacek alegazioak aurkeztu dizkio Pasaiako Portuko Plan Zuzendariaren Ingurumen Jasangarritasun Txosten berriari. Talde ekologistaren arabera, dokumentu berriak ez die “gai garrantzitsuei erantzunik ematen”, hala nola, zerbitzu eta eki...

Bixi-Bixi elkarteak haur eta gaztetxoentzako bertso eskola abian jarri du. Gaur egingo dute lehenengo saioa, 17:00etatik 18:00etara, elkartearen egoitzan bertan:Arkaitz Oiartzabal Xamoa-k emango du. Gaurtik aurrera ostiralero egingo dituzte saioak, eta...

Pasaiako Udal Euskaltegiak XVIII. Kultur Astea antolatu du datorren asterako. Astelehenetik larunbatera era askotariko ekitaldiak egingo dituzte, euskaltegian bertan denak, bat ezik (Bertsolari filmaren emanaldia Trintxerpeko alkateordetzan izango da). Kultur Astea, baina, etzi hasiko da, igandearekin, Mintzalagunekoek antolatuta, mendi buelta egingo baitute, goizeko bederatzietan abiatuta. Astea bukatzeko jada tradizio bihurtu diren Santa Agedako korua egingo dute datorren asteko larunbatean, Amets Arzallus eta Sustrai Colinarekin. Udal Euskaltegiaren XVIII. Kultur Astea Etzi, hilak 29. Mendi buelta, 09:00etan hasita. Hilak 30, astelehena. Hitzaldia: Emozioen adimena, Karmele Gurrutxagaren eskutik, 10:00etan. Otsailak 1, asteazkena. Bertsolari filmaren proiekzioa, eta ondoren solasaldia, 10:00etan, Trintxerpeko alkateordetzan. Otsailak 2, osteguna. Poesia errezitaldia, Joan Mari Irigoienen eskutik, 17:30ean. Otsailak 3, ostirala. Sagardotegi afaria, Gartziategin, 20:00etan. Otsailak 4, larunbata. Santa Agedako korua, Amets Arzallus eta Sustrai Colinarekin, Gudari plazatik abiatuta, 19:00etan.

Erregional Ohorezko Mailako Pasaia taldeak Lesakan jokatuko du etzi, 16:30ean, Beti Gazteren aurka. Irabaziz gero play off postuetan sartzeko aukera dute zuri gorriek. Erregional Lehen Mailako eta Kadete Mailako taldeek etxean jokatuko dute, Don Boscon...

Gaur gauean mus txapelketa antolatuko dute Hamarretxeta kaleko Kurlinka tabernan, 22:30ean hasita. Zortzi euro jarri behar ditu parte hartu nahi duen bikote bakoitzak. Txapelketa hasi aurretik eman behar da izena. Hamabi bikoterentzako lekua dago, gehi...

Judo sasoiari hasiera ezin hobea eman dio Hondarribiko Ama Guadalupekoa judo taldeak. Espainiako Taldekako Txapelketan izugarrizko erakustaldia egin zuten duela bi aste Katalunian, eta hamazazpi borrokaldietatik hamasei irabazi zituzten. Hala, neskak l...

Kutxabank sortzeko EAJk eta PPk egin duten akordioaren kontrako mozioa onartu zuen herenegun udalak. Bilduren mozioa aurrera atera zen bere botoekin. EAJk kontra bozkatu zuen eta Hamaikabat abstenitu egin zen. Alkateak azaldu zituen arrazoiak: «EAJ et...