Albisteak

Real Unionek bana berdindu du Burgosekin

Puntu bat eskuratu zuen Real Unionek atzo Burgosko Plantio futbol zelaian jokatutako hamalaugarren jardunaldiko partidan (1-1). Berdinketak sailkapeneko bigarren postuan jarraitzeko balio die txuribeltzei, 24 punturekin, Eibarrek bezala.

admin

San Juan plazako aparkalekua bisitatzeko aukera izango da larunbatean

Eguberrirako amaituko dute obrarik esperatuena, San Juan Harria plazako lur azpiko aparkalekukoa. Gabonetarako prest egongo da, azken ukituak besterik ez dira falta, baina dagoeneko trasteak jaso dituzte eta hautsa kendu dute. Bisitatzeko moduan jarri ...

admin

Santiagotarrakek bost domina lortu ditu Euskadiko remoergometro txapelketan

Santiagotarrak taldeko arraunlariek bost domina lortu zituzten larunbatean Donostiako Benta Berri kiroldegian egin zen Euskadiko Remoergometro Txapelketan. Irungo arraunketa taldeak hamabost kirolari eraman zituen guztira Donostiara, Haur, Kadete, Gazt...

admin

Helduentzako ipuinak ostegunean Patricia Mc Gillekin

Patricia Mac Gillek helduentzako ipuinak kontatuko ditu ostegunean, hilaren 24an, Ikust Alaia usal liburutegian. Ekitaldiaren izenburua Miradas con eco izango da, eta 19:30ean hasiko da.

admin

Amaiur koalizioak irabazi du Pasaian

Amaiur koalizioa izan da indar bozkatuena Pasaian, alde handiarekin. Bigarren indarra PSE-EE da, baina boto asko galduta. 2008an 3.000 boto jaso zituen PSE-EEk Pasaian, eta atzo, 1.782 baino ez. Gainontzeko indarrek 2008an baino boto gehiago jaso dituz...

admin

Iratz Inziarte: lehenengo postua eta lehenengo oiartzuarra eskaladan

Herenegun jokatu zuten XI. Herri Eskalada Txapelketa, Elorsoro kiroldegian. 128 parte hartzaile izan ziren: 55 haur eta 73 heldu. Iratz Inziartek, lehenengo postua eskuratu zuen neska helduetan, eta lehenengo oiartzuarra izateagatik ere saria irabazi zuen. Mutiletan, Igor Aranaz izan zen irabazlea. Egun guztian zehar,  jende asko gerturatu zen kiroldegira, eskalatzaileen lana ikustera. Euskal Herriko hainbat txokotatik iritsitako eskalatzaileek maila altua erakutsi zuten. Arrakastas bikoitza, beraz.

admin

Musika ikasleek Santa Zezilia ospatuko dute bihar

Santa Zeziliaren egunari lotuta, Musika Eskolako ikasleek kontzertua emango dute bihar udal kontserbatorioko auditorioan. Ekitaldian Jose Antonio Santano alkateak iazko ikasle nabarmenenei diplomak banatuko dizkie.

admin

Maider Galarza ipuin kontalaria asteazkenean Ikust Alaian

Asteazkenean, hilaren 23an, ipuin kontaketa saioa egongo da Ikust Alaian, Maider Galarza kontalariaren eskutik. Euskaraz izango da, eta 17:30ean hasiko da. Saioaren goiburua Europako ipuinak izango da.

admin

Leka Eneako neskek Fotoprix handia menderatu dute

Sekulako balentria egin zuen Emakumeen Superdibisioko Leka Eneak liga irabazteko faboritoetako bat den Fotoprix Vic taldearen kontra (3-2). Irundarrek denboraldiko partidarik hoberena jokatu zuten, eta Tong Tang nabarmendu zen. Bere bi banakako partidak irabazi zituen, eta baita binakakoa ere, Nelly Sibleyrekin bikotea eginez. Lehen partidan Espainiako jokalari onena den Sara Ramirez gainditu zuen Tang txinarrak; lehen seta galtzen hasi zen Tang, baina buelta eman zion partidari (3-1). Bigarren partidan Sibleyk Mathilda Ekholm suediarraren kontra (3-1). Oso ondo jokatu zuen Sibleyk, baina ez zen Suediako txapelduna menderatzeko nahikoa izan. Irene Muñozek garbi aldu zuen Wan Tanen aurka, eta katalanek abantaila lortu zuten markagailuan. Ondoren etorri zen ezustekoa. Lehenik Tang eta Sibley Viceko bikotearen gainetik pasatu zen (3-0), eta ondoren Sibleyk Ramirez gainditu zuen berriro, erraz gainera (3-0) Espainiako txapeldunak denbora beharko du larunbatekoa ahazteko. Markagailuak 3-2koa azaltzen zuela, bi txinatarrek partida erabakiorra jokatu zuten —azken partida Muñoz eta Ekhlomen artean izango zen, eta dena ondo, suediarrak aise irabaziko zuen—. Lehen bi setak Fotoprixekoarentzat izan zen, baina Tangek beste hiruak irabazi zituen errezkan. Ondoren, espero bezala, Ekhlomek hirugarren puntua lortu zuen katalanentzat. Ezusteko garaipen horri esker, Leka Eneak denboraldiko bigarren puntua lortu zuen, eta bi partidako tartea ireki du jaitsiera postuekiko.  

admin

Xabier Letek Irun maite zuelako

Urrats desbideratuak poema bildumarengatik 1981ean Xabier Letek irabazitako Irun Hiria Literatur Sariaren oroigarria aurrean zuela, 2010eko abenduan hil zen musikaria omentzeko kontzertuetako bat Irunen egingo delako pozik agertu zen Belen Sierra udaleko Kultura ordezkaria, “hiri honek Xabier Leteren bizitzarekin lotura izan baitu behin baino gehiagotan”. Ez dok Amairuren lehen saioa Irunen izan zela ere gogoratu zuen Sierrak—1966ko martxoaren 6an, Bellas Artes antzokian—. Etzi egingo dute Sortuko dira besteak goiburuko saioa, Amaia KZn, 19:00etatik aurrera. Sierraz gain, Joxean Goikoetxea soinu jotzailea, Jabier Muguruza eta Petti abeslariak eta Joxe Angel Arbelaitz kultur promotorea izan ziren Leteren omeneko kantaldiaren aurkezpenean. Parte hartu ahal izateagatik pozik agertu zen Jabier Muguruza Irungo idazle, abeslari, musikari eta Leteren laguna. Oiartzuarra gaixo zegoela elkarrizketa egin zion Muguruzak, hamar artistarekin izandako hartuemanak biltzen dituen Entrevistas con alma libururako. “Liburuko guztiengana joan nintzen ni, baina Xabierrek Irunera etorri nahi zuen, eta trenean etorri zen, nahiko gaixo zegoen arren”. Muguruzak aitortu zuen euskal hizkuntza eta kulturara “pasio handiz hurbiltzera bultzatu zuten pertsonetako bat” Lete izan zela, eta hori bera nabarmendu zuen Joxean Goikoetxeak ere: “Milaka euskal familirentzako Xabier Lete oso garrantzitsua izan zen, eta hori bada nahikoa arrazoi omenaldia egiteko”. Obra bat, bi bertsio Arbelaitz promotorearen arabera larunbatekoa aukera ona [...]

admin

Zientzia esperimentuak, kale ekintzan

Bihar kale ekintzan, zientzialari bihurtzeko aukera izango dute sei eta 12 urte arteko haurrek. Arraguako Aldeguna Elkartean izango da hitzordua eta esperimentu txiki eta errazak egingo dituzte, 16:30etik aurrera.

admin

Sei urteko espetxe zigorra ezarri dio Frantziak Iratxe Sorzabaleri

Iratxe Sorzabal irundarra epaitu dute Frantzian, eta sei urteko espetxe zigorra ezarri diote ETAren aparatu logistikoko ustezko kide izatea leporatuta. Sorzabalekin batera, beste lau euskal herritar epaitu dituzte prozesu berean. Epaimahaiaren arabera,...

admin

San Clemente edanda ez zirudiela deklaratu dute polizia agenteek

Aurrera segitzen du Yasmin Rodriguezen hilketaren gaineko epaiketa, eta polizia agenteen arabera, akusatua “edanda ez zirudien”, horren “zantzurik ez baitzuen”. Istripuaren momentuan bertaratutako udaltzainek San Clementek &#822...

admin

Santa Ageda bezperan herriko kaleetan abestuko dute

Hurrengo larunbatean ospatuko dute Santa Ageda Eguna, eta urtero bezala, bezperan kopla kantari aterako dira hainbat herritan. Lezon ere jarri dute zita gaur zortzirako. Horrela, Tomas Garbizu Musika Eskolako taldeek zein Aiton Bordako abesbatzak kaler...

admin

EA: “Kanpoko portua behin betiko baztertu behar da”

Pasaiako Portu Azpiegiturei buruzko Plan Zuzendariari eta Ingurumen Jasangarritasunari buruzko txostenari alegazioak aurkezteko epea dela eta, EAk “kanpoko portuaren proiektua behin betiko baztertu” behar dela adierazi du, “proiektu hori delako oztopo nagusia Pasaiako badiaren biziberritzeari heltzeko”. Kanpo kaiaren ordez, portu mistoa defendatu du EAk, “bideragarritasuna duen aukera bakarra” delako. Horrez gain, Bilbo eta Baionarekin elkarlanean aritzearen alde egin du: “Pasaia ezin da lehia batean sartu, kontrakoa baizik”. Ildo horretatik, Bilbok eta Pasaiak kudeaketa bateratua behar dutela iritzi dio, eta bi portuetarako agintaritza bakarra proposatu du. Horrenbestez, 2010ean egin bezala, oraingoan ere alegazioak aurkeztu ditu EAk. Lau ardatz dituzte. Lehenengoa, merkantzien trafikoak ez duela kanpo kaia justifikatzen. Hala, portuko trafikoa murriztuz joan dela jakinarazi du, eta beraz, egungo azpiegiturak eskariari erantzuteko nahikoa direla iritzi dio. Bestetik, inbertsio oso handia dela adierazi du, eta “zalantza asko” sorrarazten dituela. EAren arabera, Xixon eta Coruñako kanpoko portuak porrota izan dira: “Kanpoko portuen eredua ere bazterturik dago Europan”. Hirugarren ardatza proiektuak ingurumenean izango lukeen kaltea da, “ez bakarrik Jaizkibelen, baita Ulia eta Ipar Euskal Herriko kostaldean, eta Gipuzkoako hondartzetan ere”. Horiek sekulako balioa dutela gogorarazi du, eta Natura 2000 sarean daudela. Azkenik, Portuak badiaren biziberritzea kanpo kaiaren menpe utzi duela adierazi du: “Diru iturri bezala [...]

admin

“Etxebizitza politika integrala” diseinatu du udalak

Herritar guztiei etxebizitza bermatzeko politika martxan jarri duela iragarri du eguerdian udalak.

admin

Lehen aldiz mutxiko saioa egingo dute igandean

Helduen Tailerretako dantza taldeek mutxiko saioa antolatu dute iganderako. 12:00etan izango da, Doneztebe plazan. Mutxikoak dantzatzeko aukera izango dute bertaratzen diren guztiek. Herritarrei animatzeko deia egin diete.

admin

Esneki makina ireki dute Errenterian

Gaurtik aurrera, esneki ekologikoak makinatik hartzeko aukera dago Errenteria-Oreretan. Gipuzkoako bigarren esneki makina da (aurrena Hernanikoa izan da, eta pasa den astean ireki zuten), eta esne makinaren ondoan jarri dute, Niessen merkataritza zentr...

admin

Urtarrileko udalbatzarra: mozioak eta Altzibarko etxeen zerrendak

Atzo egin zuten urtarrilari zegokion ohiko udalbatzarra. Zinegotziek, beste hainbat gairen artean, bi mozio landu zituzten: Kutxabank erakundearen ordezkaritzari buruzko mozioa, eta Gipuzkoan azpiegitura lan handiak geldiaraztearen aldeko mozioa. Lehenenagoa Bilduren aldeko botoekin onartu zuten (zortzi alde, abstentzio bat —Hamaikabat— eta bi aurkako bozka —EAJ). Bigarrena ere, Bilduren bozkekin atera zen aurrera (zortzi alde, eta H1 eta EAJ kontra —hiru aurkako bozka, beraz—). EAJk, gainera, beste testu bat irakurri zuen. Horrez gain, zinegotziek Altzibarko Olalde eremuko etxebizitzen zozketarako zerrendak onartu zituzten. Udalaren webgunean ikus daitezke onartuen eta baztertuen zerrendak.    

admin
Gehiago