2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.



Makutxo tabernan I. Dardo Txapelketa antolatu dute. Ikusita, jendeak gogoa baduela, baina agian bikotea ez, bakarrik apuntatzeko aukera ere zabaldu dute. Izena eman nahi dutenek Makutxotik edo Sorginetik pasatu behar dute, eta izena eman ondoren, dator...

“Hondakina eta zaborra kontzeptuak bereizi behar dira”. Hori izan zen Usurbilgo Zero Zabor taldeko bi kidek herenegun arratsaldean eman zuten hitzaldiaren lehenengo gakoa. Ainhoa Arrospide eta Mikel Ikatzategik bereizketa horren arrazoia azaldu zuten: “Hondakina bereizita jasotzen da, eta berez baliabidea da; zaborra nahasketa bat da, eta zikina da”. Gaur egun Gipuzkoan hondakinena “arazoa” bilakatu dela onartu zuten usurbildarrek, “gehiegi sortzen delako». Horrela, lurraldean hondakinen %25 bakarrik birziklatzen dela esan zuten, “%90 birziklagarria denean”. Arazoaren muina gizarte ereduan dagoela baieztatu zuten: “Lineala da, sortu, kontsumitu eta bota egiten dugu, mugagabea balitz bezala. Horren irtenbide gisa asko kutsatzen duten zabortegiak edo errauste plantak eskaintzen dizkigute”. Irtenbidea eredu zirkularra dela diote, zero zabor eredua, alegia: “Ahalik eta material gutxien sortzea garrantzitsua da horretarako. Zirkulua txikitu behar da, gauzak birziklatu eta orain birziklatu ezin dena, bihar posible izateko garatu”. Materiala gutxitzeko adibide gisa esne makinarena erabili zuten. Esnea biltzeko ontziak behin eta berriro erabil daitezke, eta tetra brikak behin: “Usurbilen hilean ehun litro esne saltzen ditu gutxi gorabehera makinak. Ehun tetra brik dira hori, ontzi bakar bat erabil daitekeenean”. Beiraren adibidea ere eman zuten: “Lehen denda batean botila bat erostean, gehiago ordaintzen zenuen. Gero botila itzultzean dirua bueltatzen zizuten, eta horrek berrerabiltzea ziurtatzen zuen”. [...]

Saharako Errepublika Arabiar Demokratikoa aldarrikatu zuteneko 36. urteurrena ospatzeko, Hondarribiko Udalak Saharako bandera jarri zuen asteartean udaletxean. Maroko egiten ari den «zapalkuntzaren aurrean», Euskal Fondoaren Sahara Koordinazio Unitateak, Fronte Polisarioaren ordezkaritzarekin batera, Saharako bandera erakundeetan jartzea proposatu zuen. Hondarribiko Udalak bat egin du ekimen horrekin, beraz.

Tibeteko okupazioaren kontrako mozioa onartu dute; Olaldeko etxeen zerrendak eta zozketako zenbakiak ere bai Emakumeen Nazioarteko Egunaren inguruan Bilduk aurkeztutako mozioa onartu zuten taldeko zinegotziek, herenegun egindako otsaileko ohiko udalbatzarrean. Martxoaren 8aren harira antolatutako ekimenetan parte hartzeko deia ere luzatu du udalak. “Aldaketa garaia da eta emakumeak subjektu izan daitezen politika feminista garatu behar da, emakumeen eskubideetan oinarritua. Emakumeok jasotzen dugun zapalkuntza egiturazkoa da. Proiektuak oinarri feministetan egituratuko ditugu eta ikuspuntu feminista kontuan izango dugu. Ekimenetan parte hartzeko deia egiten dugu, egiteko eta ikasteko asko dagoelako oraindik”. EAJ eta H1 abstenitu egin ziren mozioan «politika feminista» kontzeptua erabiltzen zelako, nahiz eta «zentzu orokorrean» mozioarekin adosegon. EAJk bere iritzia adierazi zuen beste idatzi bat irakurriz. Aiora Perez de San Roman alkateak politika feminista emakumeen eskubideen aldeko politika dela gogorarazi zien: «Feminismoa ez da irudikatzen matxismoaren kontzeptuarekin baina emakumeen ikuspegitik, baizik eta berdintasun politikan». Tibeten aldeko mozioa Tibetek bizi duten okupazioaren kontra Phagma Drolma elkarteak aurkeztutako mozioa ere onartu zuten, aho batez. Honela zioen mozioak: «Txinak Tibeteko hizkuntza, kultura, erlijioa, natura… desagerrarazi nahi ditu. Genozidio isil hau gelditu behar da. Hiru urteren buruan Tibet eta Txinaren arteko negoziazioak ez badira adostasunera iristen, Tibeteko erbesteko gobernua onartuko da». Hilaren 10ean, 1959ko Matxinadaren urteurrenean, [...]

Jaitsiera postuetatik urruntzeko balioko dion garaipena bilatuko du saskibaloiko Senior Mailako Allerru taldeak, bihar, 16:00etan. Baina ez dute erronka erraza izango, sailkapeneko bosgarrenaren aurka, Internacionalen aurka, jokatuko baitute, Donostian.

Allerruren emakumeen taldea hiru puntuen bila zelairatuko dira bihar, Arizmendiren kontra. Plazetan jokatuko dute, 15:30etik aurrera. Lezoarrek zortzi puntu dituzte, Arizmendik baino bat gehiago.

Joan den astean Oiartzun liderraren aurka jipoi gogorra jaso eta gero —6-1 galdu zuten lezoarrek—, sailkapeneko bigarrena den Azkoitiko Zurt tabernaren aurrean sendoago agertu nahi du Allerru-Jaizkibelek. Zurtek 36 puntu ditu, 11 partida irabazi, h...

Elgoibar taldearen bisita izango du Hondarribiko Erregional Ohorezko Mailako futbol taldeak bihar, 16:00etatik aurrera, Ondartzan. 22 punturekin berdinduta daude bi taldeak, hamahirugarren eta hamalaugarren postuetan, hurrenez hurren. Garaipena eskurat...

Gironan jokatuko du Hondarribia-Irunek ligako 23. jardunaldiko partida. Laugarren sailkatua indartsu dabil ligan, eta garaipena zail izango dute berdeek. Iragan asteburuko porrota atzean utzi eta helburu berrien bila dabil Hondarribia-Irun. Bide horret...

Hondarribiko DYAk osasunaren eta istripuen prebentzioaren astea antolatu du maiatzaren 7tik 12ra Hondarribian. «Prebentzioa da gako nagusiena istripuak gutxitzeko eta gaixotasunen agertzea saihesteko», esan dute. Ekimena doan da, eta hitzaldiak eta t...

Trainerilla Ligako hirugarren jardunaldia Donibanen jokatzeko zen, baina Oriora lekualdatu dute. Estropada 11:30ean hasiko da.

Antxotar talde bat urtero biltzen da bertako Marealta auzolanean garbitzeko. Aurten ere, hala egingo dute eta dagoeneko jarri dute data: maiatzaren 5a, larunbata. Ohi bezala, garbiketa lanak bukatuta sardina jatea egingo dute eta ondoren eguneko argazkiekin erakusketa.

Etzi, Orion, Gipuzkoako aulki mugikorreko txapelketa jokatuko dute. Proba hilaren 15ean bertan behera gelditu zen epaileek denborak hartzeko arazoak izan zituztelako. Hala, Legution (Araba) egiten duten Euskadiko Txapelketarekin batera aulki mugikorrek...

Euskal preso eta iheslariak gogoan Oarso Bidasoko herrietan elkarretaratzeak egingo dituzte gaur arratsaldean. Irunen Zabaltza plazan elkartuko dira hilabeteroko azken ostiraletan bezala, 20:00etan. Joan zen larunbateko aurkezpenaren ondoren, Herrira ...

Asteartean Aldude ibarreko (Nafarroa Beherea) paisaien argazkiak biltzen dituen erakusketa inauguratu zuten Herriko Mediatekan. Nicole Moulin argazkilariaren irudiak dira; Alduderi buruzko bi liburu argitaratu ditu Moulinek. Mediateka irekia dago astea...

Atzo arratsean Herrira herri mugimenduaren eskualdeko taldea aurkeztu zuten Urruñako Posta etxean. Euskal preso politikoen egoera aztertzen duen bideo bat eman zuten, eta ondoren egin zuten Herriraren aurkezpena. Bertara bildutakoei dei egin zieten Pa...

Kateako (Landetxa) Arantzazuko Amaren parrokiaren 50. urteurrenaren ospakizunen barruan, Atzokoak Abesbatzak emanaldi bikoitza egingo du etzi. Batetik, 11:30etako mezan parte hartuko du eta, bestetik, kontzertua emango du mezaren ondoren, elizan bertan.

Maiatzaren Lehenak “burujabetza politiko eta ekonomikoa aldarrikatzeko” eguna izan behar duela esan zuten atzo LAB sindikatuko Oarso Bidasoko zenbait ordezkarik Irungo Urdanibia plazan egindako agerraldian. Irunen elkartu zen LAB komunikabideekin, bertan egingo dutelako heldu den asteartean Oarso Bidasoko manifestazioa; Urdanibia plazatik abiatuko da, eguerdian. Langabezia tasa altuena duen Gipuzkoako hiria Irun dela gogorarazi zuten LABeko kideek (%17). Krisiaren eraginez desagertu den enplegua “egonkorra” izan dela nabarmendu zuen Zorion Ortigosak, “sortu dena, aldiz, batez ere aldi baterakoa da”. Hainbat datu eman zituzten LABeko kideek, esaterako, Euskal Herriko langabeen %53 urtebete baino gehiago daramala lanik egin gabe, edo %42k ez duela inolako prestaziorik jasotzen. LABen ustez, krisia kudeatzen ari direnek “kapitalismo basatienean sakontzeko” erabakia hartu dute, “eta egoera horretan, etxeetatik kanporatzeak, pobrezia egoera, marjinazio egoerak eta antzerakoak geroz eta gehiago azalaratzen ari dira”. Sindikatu abertzaleko Oaro Bidasoko arduradunaren hitzetan, “Espainiatik langile eskubideen galera besterik ez da etorriko, orain arteko neurri ekonomikoek egoera okerragotu dutelako”. “Antolatzeko” deia Martxoaren 29an lantokiak hustu zituen greba orokorraz mintzatu zen Ortigosa atzoko agerraldian. “Langileek emandako erantzunak argi utzi du Euskal Herrian langileek egoerarekiko duten haserrea. Orduan esan genuen lan erreforma gogor horrek eragin handia izango zuela lan munduan, eta dagoneneko txantaiak eta kaleratzeak erabiltzen hasi dira”, esan [...]

Eskulangintza Azoka indar betean dator, eta aurten inoiz azokan izan ez diren hemeretzi artisauk parte hartuko dute. Guztira, baina, 50 izango dira 34. ekitaldian izango diren artisauak, gehienak gipuzkoarrak. Inoiz baino egun gehiago izango dituzte eurek egindako produktuak erakutsi eta saltzeko, zubia dela eta, lau egun izango baitituzte aurretik: etzitik asteartera. Etzi arratsaldez bakarrik bisitatu ahal izango da, baina gainontzeko egunetan goiz eta arratsaldez honako ordutegi honetan: 11:00etatik 14:00etara eta 16:30etik 20:00etara. Urtero gai berezi bat lantzen dute azokan, eta aurtengoa eltzegintza eta zeramika da. Hala, arlo horretan lan egiten duten hamar artisauk parte hartuko dute, eta kanpoan, berriz, karpa bat jarriko dute; bertan, Eltzegintza Maratoia egingo dute. Ereintza elkarte antolatzaileak jakinarazi duenez, ahalegin berezia egin dute askotariko tokietako zeramikagileak ekartzeko, “izan ere, teknika eta forma barietatea oso handia da”. Honakoak izango dira hamar partaideak: Huerva tailerreko Javier Fanlo eta Montse Mazas, Gerardo Pescador, Torrado eltzegintza, Lorea Lasa, Baob@ tailerreko Edyluz Torres, Karine Duhalde, Bruno Hurault, Alfacer tallerra, Imanol Aranburu eta Arketipo zeramika. Beste artisau batzuk ere nabarmendu ditu antolakuntzak: Joseba Burusko eskultorea, Gorka Urra musika tresnagilea, Richard Santana pieza bitxien egilea eta Mayte Domingos ehunak erabiltzen dituen artisaua. Horrez gain, 60 euroko zazpi erosketa txartel zozkatuko dituzte azokan zehar. [...]