Krisiari aurre egiteko “burujabetza” eskatuko du LABek Maiatzaren Lehenean
Maiatzaren Lehenak “burujabetza politiko eta ekonomikoa aldarrikatzeko” eguna izan behar duela esan zuten atzo LAB sindikatuko Oarso Bidasoko zenbait ordezkarik Irungo Urdanibia plazan egindako agerraldian. Irunen elkartu zen LAB komunikabideekin, bertan egingo dutelako heldu den asteartean Oarso Bidasoko manifestazioa; Urdanibia plazatik abiatuko da, eguerdian. Langabezia tasa altuena duen Gipuzkoako hiria Irun dela gogorarazi zuten LABeko kideek (%17). Krisiaren eraginez desagertu den enplegua “egonkorra” izan dela nabarmendu zuen Zorion Ortigosak, “sortu dena, aldiz, batez ere aldi baterakoa da”. Hainbat datu eman zituzten LABeko kideek, esaterako, Euskal Herriko langabeen %53 urtebete baino gehiago daramala lanik egin gabe, edo %42k ez duela inolako prestaziorik jasotzen. LABen ustez, krisia kudeatzen ari direnek “kapitalismo basatienean sakontzeko” erabakia hartu dute, “eta egoera horretan, etxeetatik kanporatzeak, pobrezia egoera, marjinazio egoerak eta antzerakoak geroz eta gehiago azalaratzen ari dira”. Sindikatu abertzaleko Oaro Bidasoko arduradunaren hitzetan, “Espainiatik langile eskubideen galera besterik ez da etorriko, orain arteko neurri ekonomikoek egoera okerragotu dutelako”. “Antolatzeko” deia Martxoaren 29an lantokiak hustu zituen greba orokorraz mintzatu zen Ortigosa atzoko agerraldian. “Langileek emandako erantzunak argi utzi du Euskal Herrian langileek egoerarekiko duten haserrea. Orduan esan genuen lan erreforma gogor horrek eragin handia izango zuela lan munduan, eta dagoneneko txantaiak eta kaleratzeak erabiltzen hasi dira”, esan [...]
Maiatzaren Lehenak “burujabetza politiko eta ekonomikoa aldarrikatzeko” eguna izan behar duela esan zuten atzo LAB sindikatuko Oarso Bidasoko zenbait ordezkarik Irungo Urdanibia plazan egindako agerraldian. Irunen elkartu zen LAB komunikabideekin, bertan egingo dutelako heldu den asteartean Oarso Bidasoko manifestazioa; Urdanibia plazatik abiatuko da, eguerdian. Langabezia tasa altuena duen Gipuzkoako hiria Irun dela gogorarazi zuten LABeko kideek (%17).
Krisiaren eraginez desagertu den enplegua “egonkorra” izan dela nabarmendu zuen Zorion Ortigosak, “sortu dena, aldiz, batez ere aldi baterakoa da”. Hainbat datu eman zituzten LABeko kideek, esaterako, Euskal Herriko langabeen %53 urtebete baino gehiago daramala lanik egin gabe, edo %42k ez duela inolako prestaziorik jasotzen.
LABen ustez, krisia kudeatzen ari direnek “kapitalismo basatienean sakontzeko” erabakia hartu dute, “eta egoera horretan, etxeetatik kanporatzeak, pobrezia egoera, marjinazio egoerak eta antzerakoak geroz eta gehiago azalaratzen ari dira”. Sindikatu abertzaleko Oaro Bidasoko arduradunaren hitzetan, “Espainiatik langile eskubideen galera besterik ez da etorriko, orain arteko neurri ekonomikoek egoera okerragotu dutelako”.
“Antolatzeko” deia
Martxoaren 29an lantokiak hustu zituen greba orokorraz mintzatu zen Ortigosa atzoko agerraldian. “Langileek emandako erantzunak argi utzi du Euskal Herrian langileek egoerarekiko duten haserrea. Orduan esan genuen lan erreforma gogor horrek eragin handia izango zuela lan munduan, eta dagoneneko txantaiak eta kaleratzeak erabiltzen hasi dira”, esan zuen.
Greba deialdiaren harira bezala, langileei dei egin zien LABeko eskualdeko arduradunak, “antolatzeko eta eskubideen defentsa egiteko”. Bukatzeko, “egoera gogorrenean euren eskubideen alde borroka egiten duten eskualdeko langileak” gogoan izan zituen Zorion Ortigosak.
