Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Astelehenean Libururen Eguna den aitzakiarekin igandean artista liburua erraldoia osatuko dute Zumardian, eta eguraldi txarra eginez gero, berriz, Merkatuzarren. Liburua osatzeko protagonistak haurrak izango dira. Liburuak, zehazki, 1,90 metroko luzera eta 1,25eko zabalera izango du. Ikastetxeak gonbidatu dituzte hori betetzeko, eta hiruk egin dute bat ekimenarekin: Langaitz, Cristobal Gamon eta Koldo Mitxelena. Hiruren artean bost liburu egingo dituzte: lehenego biek bina (LH Lehen Hezkuntzako eta Bigarren Hezkuntzako ikasleen artean) eta azkenengoek bat (LHko ikasleekin). Etzi egindako lana ikastetxera eramango dute, han bukatzeko. Seigarren liburu bat ere izango dela jakinarazi dute antolatzaileek, eta hori “haur guztientzat” izango dela. Liburua osatutakoan, Xenpelar Etxera eramatea da asmoa. Goiz osoan ariko dira liburua egiten: 10:00etatik 14:00etara. Lehenengo zatian, kartoi arinezko orriak banatuko dituzte (11 orri bikoitz ikastetxeko) eta bi orduz margotzen, collage-ak egiten, idazten eta sormena lantzen ariko dira haurrak. Bigarren zatian, berriz, koadernatu egingo dituzte, eta horrenbestez, teknika hori ere ikasiko dute txikienek. Ekimena Lumar koadernaketak eta Txokolarte grafika esperimentalak antolatu dute Errenteriako Udalaren laguntzarekin. Lehen aldia da halako ekimen bat egiten dela.

Espainiako Estatuko Bigarren Mailako neskak bigarrenak dira, baina lehen postuan buka dezakete liga Beste behin, mailaz igotzeko kanporaketak jokatuko dituzte OKE Oiartzun Kirol Elkarteko neskek. Espainiako Estatuko Bigarren Mailan jokatzen ari dira au...

Oiasso Erromatar Museoak asteburuko bidaia bat antolatu du Xixonera eta Oviedora, ekainaren 15etik 17ra, erromatarren garaiko hondar arkeologikoak ezagutzera, eta bisitaldia ere egingo da Termetara, Campa Torresera, Beranes aztarnategira eta Asturiasek...

Gizonezko bat hil da gaur goizean Irunen, bere autoarekin A-8 autobideko ordaintokiko kasetaren aurka jo ostean, Eusko Jaurlaritzako Herrizaingo Sailak esan duenez. 08:45ean izan da ezbeharra, Baionarako noranzkoan, eta unean bertan zendu da gidaria. ...

Hilaren 29an hasiko dira errugbiko Lehenengo Mailara igotzeko kanporaketak. Multzo bakoitzeko lehen hiru taldeak leihatuko dira, haien artean bere multzoko bigarren bukatu duen Irun Rugby Taldea. Zaragozako Fenix RC-ren kontra jokatuko du Zaisa Irunek ...

Mari Jose Gaztelumendi margolari hondarribiarraren lanak biltzen dituen erakusketa ireki dute Hondarribiko Kale Nagusiko Zuloaga Etxean. Erakusketa ondorengo ordutegian zabalduko dute: astelehenetik ostiralera 10.00etatik 13.30etara eta 16.00tatik 20.00etara eta larunbatetan aldiz, 10.00etatik 14.00tara eta 18.00tatik 20.00etara. Orain igandetan ere zabalduko dute erakusketa aretoa 11:00etatik 14:00tara.

Yllana taldeak Brokers antzezlana taularatuko du bihar Amaia KZn, 20:00etan. Obrak grina kontsumistaren aroan arrakastaren atzetik dabiltzan negozioetako lau “marrazo”-ren istorioa kontatzen du. Beren tik kulturalak fama, boterea, narzisismoa eta estatusa dira, eta fanatikoak dira markako modarenak, azken teknologiarenak, janari osasuntsu eta gorputzarekiko kultuarenak; arrakasta lortzeko lasterketa horretan, agerian geratuko dira beren beldurrik ezkutuenak, gizarte kontsumistaren oinarriak astinaraziko dituzten egoera irrigarri eta barrez lehertzekoak eraginez. David Ottone da zuzendaria eta aktore taldea honakoek osatzen dute: Fidel Fernández, Antonio Pagudo, Juan Francisco Ramos, Luis Cao. Sarrerak ohiko lekuetan lor daitezke, 13,30 euroan (8,55 euro 65 urtetik gorakoentzat eta gazte-txarteldunentzat). Bihar Amaiako lehiatilan ere erosteko aukera izango da, ikuskizuna baino ordubete lehenagotik.

Txiplao industriaguneko Banako musika aretoan iragan urteko abenduan hil egin zen Mikel Ugarte hondarribiarrari omenaldia egingo diote. Maiatzeko bigarren asteburuan izango da, eta bi egun horietarako kontzertuak antolatu dituzte. Ugarte musikaria Psil...

Argazkilaritza digitalari buruzko hasierako ikastaroa hasiko dute gaur Hondarribiko Kasino Zaharrean. Astean behin egingo dituzte ikastaro barruko saioak, eta hilabete bat iraungo dute: lau ostiraletan egingo dute, jarraian. Argazkilaritza ikastaroa do...

Astebete gehiago luzatu dute erakusketa bisitatzeko epea; Menchu Gal aretoan bisita daiteke Irungo Udalak jakinarazi duenez, interesa dutenek astebete gehiago izango dute Oteiza-Gal Irunen bat egiten duten bi begirada erakusketa bisitatzeko. Berez, hil...

Felix Asensiok, Eusko Jaurlaritzako Portuetako zuzendariak, kirol kai inguruko aparkalekuek uda garaian nola funtzionatuko duten zehaztu zuen iragan ostegunean. Azken hamar urtean udalak kudeatu ditu inguruko aparkalekuak, baina aurten, hitzarmena luzatzeko akordiorik sinatu ez dutelako, Eusko Jaurlaritzak kudeatuko ditu. Hondartzako aparkalekuak 550 plaza ditu eta bihar hasiko da kudeatzen Jaurlaritza. Portuetako arduradunak esan zuen hondartzako parkinak orain arte udan funtzionatu duen bezala jarraituko duela lanean, hau da, orduka ordaindu beharreko aparkalekua izango dela, eta sarreran hesi bat izango duela. «Alde bakarra prezioa izango da. Tarifak, Euskadiko portu gune guztietan erabiltzen diren berberak izango dira, udalenak baino %25 merkeagoak», azaldu zuen Asensiok. Hala, hondartzako aparkalekua ordutegi berean izango da martxan, eta orduko euro bateko prezioa izango du. Ramon Iribarren pasealekuan eta Lurgorriko aparkalekuan aldaketak izango dira, bestalde. TAO sistemarekin kudeatu dituzte orain arte, baina bertakoek aparkatzeko gune bihurtuko dira bihartik aurrera. Asensiok azaldu zuenez, «bertakoentzako doaneko 300 aparkaleku izango dira». Udalak emango ditu bertakoentzako txartelak, eta ez duenak, kirol kaiko Kapitaintza eraikinera joan behar du horien bila; txartelak eskatzeko 943 64 17 11 telefonora zenbakira ere dei daiteke. Gainontzeko urteetan bezala, hondarribiarrek udako hilabeteetan hondartzako aparkalekua erabiltzeko txartela eskura dezakete, 20 euroan. Udalak, Foru kalea eta Ardora arteko aparkalekuak kudeatuko ditu, [...]

Hondarribia eta bertako pintxoak modan daude. Iragan astean Maribel Verdu aktoreak herria bisitatu zuen. «Ia pintxo guztietaz gozatu zuen, gure aholkuak jarraitu zituen eta gure lana azaldu genion. Bisita berezia izan zen, Maribel Verduren lana asko miresten baitugu», azaldu du Gran Sol jatetxeko Bixente Muñoz sukaldariak. Maribel Verdu Hondarribian izan da Quince años y un día filmaren grabazioa egiten. Gracia Kerejetaren proiektuan, Aron Piper eta Tito Valverdek ere parte hartzen dute.

Iraunkortasunerako I. Ekintza Planaren helburu estrategikoetako batek «biztanleriaren mugikortasun eta irisgarritasun beharrak iraunkortasun irizpideak aintzat hartuz asetzea» zehazten ditu. Gai hori jorratzeko, Agenda 21en Herritar Fororako deialdia...

Semeak hartu du lekukoa. Patxi Hoyosek erretiroa hartu du lehiaketatik —nahiz eta talde teknikoan jarraitzen duen—, eta semea, Aitor Hoyos, hasi da Euskal Herriko Rally eta Rallysprint Txapelketan parte hartzen. Lehenengo denboraldia du, baina espe...

Saskibaloian eta areto futbolean lan egiten du Gamon Kirol Elkarteak, eta datorren denboraldiari begira, saskibaloia sustatu nahian dabil. Aurten parte hartze baxua izan du kirol horrek, eta horrenbestez, gazte guztiak animatu ditu Haur (1999-2000), Ka...

Herriko Serviociok antolatuta, Trail Running irteera egingo dute etzidamu. 10:00etan irtengo dira San Pedroko frontoitik eta 13,5 kilometroko ibilbidea egingo dute Platako Itsasargian barrena asfaltatutako pistak eta mendi bideak tartekatuta. Izena ema...

Eguzkik antolatuta, La zona filma emango dute bihar, 19:00etan, Errenteria Hiria Kulturguneko auditorioan. Filmak Txernobilgo zentral nuklearraren istripuaren ondorioak pairatu dituzten hiru haurren bizimodua nola aldatu den kontatzen du. Txartelak bi ...

Oiartzungo pilotariek sailkapena azken uneraino beraien esku eduki zuten arren, ezin izan dute, herriarteko txapelketan hurrengo kanporaketara pasatu. Larunbat arratsaldean jende ugari bildu zen itzuliko kanporaketa ikusteko Madalensoron, eta giro poli...

Hilaren 30ean (larunbata) Gazte Eguna egingo dute Errenteria-Oreretan. Hainbat ekitaldi prestatu dituzte egun horretarako, baina hori behar den bezala antolatzeko asteazkenero biltzen dira, 18:00etan, Patxikun. Horrenbestez, herriko gazte guztiak anima...