Esku pilotan, Herri Arteko Txapelketatik kanpo geratu da Oiartzun
Oiartzungo pilotariek sailkapena azken uneraino beraien esku eduki zuten arren, ezin izan dute, herriarteko txapelketan hurrengo kanporaketara pasatu. Larunbat arratsaldean jende ugari bildu zen itzuliko kanporaketa ikusteko Madalensoron, eta giro poli...
Oiartzungo pilotariek sailkapena azken uneraino beraien esku eduki zuten arren, ezin izan dute, herriarteko txapelketan hurrengo kanporaketara pasatu.
Larunbat arratsaldean jende ugari bildu zen itzuliko kanporaketa ikusteko Madalensoron, eta giro polita egon zen. Pilotari denek zuten guztia eman zuten, bakoitzak bere herriari laguntzeko, eta azkenean Berrobik 4-2ko emaitza lortu zuen. Horrenbestez, hurrengo kanporaketara pasatzeko aukera lortu du.
Kadeteen partida emaitzak dioena baino parekatuago izan zen, polita izan zen, baina bukaeran Berrobiko pilotariak izan ziren garaipena lortzeko gai.
Gazteetan, oiartzuar bikoteak maila altua eman zuen, eta ez zien aukerarik eman Berrobiko pilotariei.
Azken partidara, helduen partidara, hurrengo kanporaketara sailkatzeko aukerarekin iritsi ziren oiartzuarrak, baina horretarako 22-17ko emaitza lortu behar zuten. 14-6ko emaitza alde izan zuten arren 17-22ko emaitzaz galdu zuten, azkenean. Azken partida polita eta ikusgarria izan zen, eta ikusleek asko gozatu zuten.
Pilotariak dena eman zuten eta ezin izan zitzaien gehiago eskatu, hurrengo urtean izan beharko du.
