Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Mutiletan San Pedrok irabazi du estropada, Hondarribia, Orio eta San Juanen aurretik; nesketan, San Juanek Allotzeko (Nafarroa) urtegian jokatutako banderak Pasaian dira. Neskena San Juanera ekarri dute, eta San Pedrora mutilena. Aritzalekuko kanpinaren I. Bandera jokatu zuten han herenegun arratsaldean. Mutiletan, San Pedrok estropadaren lehen luzetik hartu zuen aurrea. Hasieran Orio eta Donibane izan zuten atzetik Libia-koek, baina hirugarren luzean Hondarribiak hartu zuen bigarren postua. Orio izan zen hirugarrena eta laugarrena San Juan. Nesketan, aldiz, lehen unetik gailendu ziren arrosak. Oriori 16 segundoko aldea atera zioten.

Hondartzako denboraldia ostiralean ireki zuten ofizialki. Irailaren 15a arte luzatuko da. Aldagelak eta Gurutze Gorriaren zaintza postuak nahiz udan antolatzen dituzten ekitaldiak martxan daude, beraz. Hondartzaren azalera 80.000 metro koadrokoa da, eta beste 700 metro koadro dauzka aldagela eta komunetarako. «Lan eta esfortzu handia egiten dugu hondartza behar moduan egoteko, bai udalaren aldetik, baita Gipuzkoako Foru Aldundiaren aldetik. Azken erakunde hau da hondartza garbitzeaz arduratzen dena, eta horretarako 260.000 euro bideratzen ditu. Hondarribiarrentzat eta gure artera etortzen direnentzat azpiegitura garrantzitsu bat da», esan du Juan Mari Altuna Zerbitzuetako zinegotziak. Aurten hondartzaren inguruan izango den aldaketa nagusia aparkalekuen kudeaketa izango da. «Eusko Jaurlaritzak ez du genuen hitzarmena luzatu, eta ondorioz, Europa ibilbidea, Minatera kalea eta Ramon Iribarren pasealekuko aparkalekuak Eusko Jaurlaritzak kudeatuko ditu. Udalak ez du zer ikusirik izango horien kudeaketan edota arazoetan, ezta trafiko aldetik sortzen direnetan ere», nabarmendu du zinegotziak. Hondartzako aparkalekua betiko ordutegi berberean izango da martxan, eta orduko euro bateko prezioa izango du. Zerbitzuak Komunak 09:00tatik 20:00etara irekiko dituzte, eta aldagelak 10:00etatik 20:00etara. Aldagelak erabiltzeko hiru euro ordaindu behar dira, horietatik bi fidantza moduan; irteterakoan bueltatzen dituzte. Ezinduek ere aldagela berezia dute. Gainera, instalazio horietaz gain, seina dutxa eta iturri, eta hankak garbitzeko beste bost iturri daude. [...]

Egunero hamasei autobus zerbitzu izango dira Hondarribitik Bidasoko Ospitalera joateko. Atzo jarri zuten martxan linea berria. Ospitalerako lehen autobusa 07:35ean irtengo da herritik eta orduroko maiztasuna izango du. Donostiara autopistatik doan auto...

Hondarribiko Bilduk antolatuta, hondakinen kudeaketari buruzko hitzaldia emango dute bihar arratsaldeko zazpi eta erdietatik aurrera Zuloaga Etxean. Hitzaldia Gipuzkoako Hondakinen Partzuergoko lehendakariorde Ainhoa Intxaurrandietak emango du, eta Gip...

Ivan Garcia Oñate hendaiarraren argazkiak ikusteko jarri dituzte Modottin. Momentos erakusketa herenegun inauguratu zuten eta hilaren 30era arte izango da zabalik, Kale Nagusiko 24. zenbakiko aretoan. Lanegunetan 17:30etik 20:00etara irekitzen dute, e...

Foru kalean, eta futbol zelaiaren eta Hondartza kiroldegiaren atzeko gunean TAO sistema abian jarri dute. Egunero dago martxan, 10:00etatik 20:00etara. Foru kaleari dagokionez, kale honetan erroldatuta daudenek egoiliar txartela Biztanleriaren Arreta Z...

Haurtzaro Ikastolako Eguna aurrera ateratzeko, eta DBH 3. mailako ikasleen ikas bidaia finantzatzeko, zozketa bat prestatu zuten ikasleek. Caravanas Oiartzunek lagunduta, bizikleta bat zozkatu zuten. DBHko ikasleak jo eta ke aritu ziren herritik barren...

Material didaktikoa prestatzea dute erronketako bat; herritarren ekarpenak eskertuko dituzte Joan den larunbatean Ihote Mintegia egin zuten Auzokalten, Ihote Taldeak antolatuta. 25 lagun inguru elkartu ziren bertan. Ihoteak nondik datozen ikasteko aukera izan zuten askok, eta ihoteak nolakoak izan behar duten hausnartu zuten denek.Hala, egiteke dauden lanak aurrera eramateko, irailetik aurrera lantalde bat osatzea erabaki zuten. Nora joan nahi duten erabaki aurretik, ihoteak nondik datozen errepasatu zuten: Pello Añorga, Xabier Susperregi eta Ihote Berreskuratzaile Taldeko kideak izan ziren jaiaren nondik norakoak azaldu zituztenak. Hogei urtetik gora dira ihoteak berreskuratu zituztenetik, eta egun jaian parte hartzen duten asko ihoteekin jaio ziren. Horregatik zen beharrezkoa, egungo taldearen ustez, ihoteen jatorria gogoraraztea. Nortasun propioa duen jaia bihurtu dira ihoteak, bereziki, azken urteetan. Beste inauterietatik bereiztu ondoren (asteburu bat lehenago egiten dituzte orain), gehiago indartu dira. Urtetik urtera, gainera, elementuak gehitzen joan dira. Jai hori aurrera ateratzeko, baina, ez zegoen lantalde finkorik. Urtero, jaiaren bezperatan, hainbat herritar elkartzen dira, eta gainontzeko herritarrentzat jaia antolatzen dute. Mintegian, zertxobait gehiago antolatu behar dutela ikusi zuten, urtero, Gabonak pasatu bezain laster, «ia zezenak harrapatzen» dielako. Lantalde hori irailean lanean hastea nahi dute, hala, denborarekin ihoteak prestatzeko, eta aldaketak proposatzen badira, aldaketa horiek aurrera ateratzeko. Ideietako bat mahai [...]

Aurreko batzarraldiko aktaren onarpena. Oiartzungo udalerrian bidaiarien hiri-garraio zerbitzu publikoaren kudeaketaren kontratazioa —Xorrola— kudaketa intersatuaz, berraztertze errekurtsoa. “Kirolaz” izaera pertsonaleko datuak dituen ...

Duela bi aste jarri zituzten martxan zerbitzu berriak Listorreta-Barrengoloia atseden gunean, eta udalak konpromiso handiagoa eskatu die erabiltzaileei espazio hori zaintzerako garaian. Udalak behin baino gehiagotan eskatu die laguntza erabiltzaileei gune hori zaintzeko, eta onargarriak ez diren jarrera batzuk ikusi dituela jakinarazi du; esate baterako, suak piztea horretarako prestatuta dauden guneetatik kanpo. Hondakinen arloan ere “konpromiso eskasa erakusten dituen jarrerak” izan direla aipatu ditu. Zentzu horretan, hondakinen bilketari buruzko Udal Ordenantza bat martxan dela ohartarazi du, eta isunak aurreikusten dituela “hondakinak kontainerretatik kanpo uzten dituztenentzat, eta baita gaikako sailkapena betetzen ez dutenentzat”. Gaineratu duenez, denek jarrera egoki bat mantenduz gero ordenantza aplikatzea ez da beharrezkoa izango. Hala ere, “ez da onargarria gehiengoak egiten duen esfortzuarekiko gutxi batzuek egiten duten mespretxua”.

Belen Sierra Kultur ordezkariak eta Angel Pazos Luis Mariano Lirika elkarteko kideak Zarzuela Abesbatza Handiak musika emanaldia aurkeztu dute gaur goizean, Irunen. Kontzertua Luis Mariano Abesbatzak emango du, François Ithurbide zuzendari duela. Hal...

Ehun umek baino gehiagok parte hartu dute aste honetan zehar garatu den Eskola Bidea ekimenean, Europako Mugikortasun Iraunkorraren Astearen baitan. Irungo sei ikastetxek parte hartu dute Eskola Bidean, besteak beste, Eguzkitza, Leka Enea, San Vicente de Paul, La Salle, Elatzeta eta El Pilarrek. Eskola Bidearen helburua, “umeen autonomia, ardura eta sozializazioa” garatzean datzala gogora ekarri dute Cristina Labordak eta Miguel Angel Paezek, Mugikortasun eta Ingurugiro ordezkariak hurrenez hurren. Asteburura begira, beste hamaika jarduera antolatu ditu udalak.

Zure Motxilan Egunero Bokata Berria kanpaina Irungo Zabaltza plazara iritsi zen atzo. Hamarnaka umek parte hartu zuten Barrenetxe gozotegi eta okindegi kateak bultzatutako ekimenean, eta ogitarteko ezberdinak debalde jateko aukera eduki zuten. Era berean, askariaren garrantziaz jabetzeko helburuarekin, informazio eskuorriak banatu zituzten bertaratutako gurasoen artean. Horiek horrela, Iñigo Lavado sukaldariak Arantza Lopez-Okaña medikuarekin batera parte hartu zuen ekimenean. Lavadoren arabera, “eskolara itzultzea normaltasunera itzultzea suposatzen du”, eta beraz, “betiko elikadura ohituretara” itzultzeko momentua iritsi da. Umeak, geroz eta gizenago Kanpainaren bultzatzaileek osasun arazo horren gaineko datuak eman dituzte. Hala, azken 15 urtean Euskal Autonomi Erkidegoan (EAE) umeen gizentasun indizea hiru aldiz igo dela azaldu dute. Hau da, EAEko haurren %14ak loditasun arazoak ditu. Horiek horrela, nerabeei dagozkien datuak ez dira hobeak. Izan ere, nerabeen %20ak arrisku kardiobaskularra agertzen duela ere azaleratu du kanpainak. Elikadura desegokiaren eta sendentarismoaren ondorio zuzena dela adierazi dute bultzatzaileek: “Indizea igotzen segitzeko aliatu perfektuak”. Bien bitartean, atzo, 18:30etarako 300 ogitarteko banatuta zituzten dagoeneko. Denera, 500 zituzten emateko.

Zuberoan egingo dute lehenengoz, etzi; Oarsoaldeko lau udaletako ordezkariak izango dira bertan Aurten, lehenengoz, Zuberoan (Alozen) egingo dute Zazpiak Bat Eguna etzi, eta udalak bertan parte hartzeko deia egin du. Egitarau oparoa antolatu dute Zazpi...

Hilaren 26tik urriaren 13era eskulturaren txanda izango da Xenpelar Etxean, eta Juan Manuel Cabadaren lanak egongo dira jarrita. Hilaren 27an inauguratuko dute erakusketa.

Aportazioen arabera erabakiko dute zozketa egin edo ez; udalak, Ttur-tturrek eta Iturrik antolatu dute Ttur-Ttur Euskaltzaleon Bilgunea, Iturri Merkatari Elkartea eta Oiartzungo Udala, zozketa berezia prestatzen ari dira abendu hasierarako, Ttur-tturre...

Errenteria-Orereta «dantzaren erreferente» bihurtu dela iritzi dio Jon Maia Kukaiko kideak, eta hori arrazoitzen duten hainbat ekimen aurkeztu dituzte, udalarekin elkarlanean, datozen egun eta asteetarako. Lehenengoa, bihar bertan izango da: Dantza Hirian. Miriam Arkaide zuzendariak azaldu duenez, zortzi hiritan egiten duten jaialdi independentea da, tartean, Errenteria-Oreretan, “dantza garaikidea herritarrengana hurbiltzeko”. Bihar lau dantza ikuskizun aurkeztuko dituzte, herrian zehar bi orduko ibilaldi bat egitera gondidatuko dutenak: 18:00etan, Xabier Olaskoaga plazan Kukairen Sorbatza; 18:30ean, Zumardian, Candelaria Antelo eta Arthur Bernard Bazinen Te odiero; 18:45ean, Foru plazan, Olga Clavel eta Miryam Mariblancaren Llena de flores tu boca; eta 19:00etan, Herriko plazan, El Punto taldearen Animal party. Askotariko dantza estiloak bilduko dituzte bertan: euskal dantzatik hasi eta break dance-ra. Larunbateko atsedenaren ostean, igandean bueltatuko da dantza Errenteria-Oreretara, Oroitzen naiz ikuskizunarekin. Carine Laborde Malandain Ballet Biarritzeko kidearen arabera, dantza eta antzerkia batzen dituen ikuskizun horretan euskal dantzaren hiru maisu ikusteko aukera izango da: Jean Nesprias, Phillippe Oianburu eta Koldo Zabala. Hirurak adinean aurrera doaz (80 urteren bueltan dabiltza), eta lanaren muina gorputzaren eta gorputz memoriaren zahartzea izango dira. Kukai-udala elkarlana Duela lau urte hasi ziren dantza herrian sustatze aldera Kukai Dantza Konpainia eta Errenteriako Udala lanean. Aurten ere bide horri jarraituko diote, eta ikasturterako hainbat [...]

Beldurrez hartu dute merkatari eta kontsumitzaileek, Mariano Raxoiren Gobernuak hilaren hasierarekin batera ezarri berri duen Balio Erantsiaren Gaineko (BEZ) zergaren igoera. Krisiak dagoeneko zigortuak dituen poltsikoetan eragingo du gehienbat neurri horrek, eta gainera, eguneroko bizimoduan beharrezkoak diren hainbat produkturi eragingo die. Juan Carlos Miranda, Aliprox supermerkatuko jabea da Lezon, eta jendeak erosteko garaian “atzera egin” duela nabarmendu du: “Supermerkatura jende bera etortzen bada ere, gutxiago erosten du. Jendea beldur da egoerarekin”. Garai batean markako produktuak saskiratzen zituztenak, orain marka zurien aldeko hautua egiten dutela gaineratu du Mirandak, “baita eskantzei erreparatu ere”. Janaria erosteko garaian, krisiak eta BEZaren igoerak eragin duela zalantzarik ez du: “Gure kasuan edariak, ardoa eta halakoak dira gehien igo direnak, baina horiekin batera beharrezkoak diren beste batzuk ere igo dira: komuneko papera, haurrentzako pardelak, konpresak… eta izugarria iruditzen zait”. Iluna ikusten du etorkizuna Mirandak, eta argi du «aldaketa orokorra» eragin ezean, ilunagoa izango dela egunetik egunera. Eskolako liburuak garestiago Hiru BEZ mota daude: supermurriztua, %4koa; murriztua, %8tik %10era igo dena; eta arrunta azkenik, %18tik %21era igo dena. Igoerekin batera, BEZ supermurriztuan edo murriztuan taldekatuta zeuden hainbat produktu BEZ arruntera pasatu dira orain, eta neurri horrek eragin ditu prezio igoerarik handienak. Talde horren barruan sartzen dira adibidez, eskola [...]

Kulturen arteko elkarbizitza duela 60 urtetik “zintzilik” dagoen zerbait dela iritzi dio Jon Maia bertsolariak (Urretxu, 1972). Errenteria-Oreretan ere horretaz konturatu dira, eta herriko komunitateak hurbiltzeko urratsa egin dute. Gaur, 19:30etik aurrera hasiko dute ibilbidea, Maiaren beraren esperientzian oinarrituta dagoen Kulturak eta identitateak gure herrian hitzaldiarekin. Zer azalduko duzu gaurko hitzaldian? Ni abiatzen naiz nire eta nire familiaren esperientziatik. Nire familia kanpotik etorria da, ama Extremaduratik eta aita Zamoratik. Etorkin familia bateko kidea izatea zein bertsolari eta euskaldun izatea, bi begiradak ditut nigan, eta bien artean ibiltzen naiz. Iturri askotatik jasoa zara, beraz. Nola joan zara hori zeure egiten eta prozesu horretatik zein ondorioetara iritsi zara? Identitateari dagozkion kontraesanak bizi izan ditut. Euskal Herrian etorkinen integrazioa ez da samurra izan. Oro har, asko euskalduntasunetik kanpo geratu direlako, eta integratu direnen kasuan, ahalegin pertsonala izan delako. Ni bizi izan naiz, batetik, oso euskaldun sentituz, eta bestetik, mantxurriano, hezurbeltz, belarrimotz eta horrelako kontzeptuen arteko tarte horretan. Horrek nigan zenbait eztabaida sortu ditu. Aurreiritzi asko ere egon dira etorri zirenekiko, egon dira distortsioa sortzen zuten faktoreak, gatazka politikoa kasu, eta horrek eraman gaitu banaketa sozialera; nahiz eta portal berean bizi elkar ez ezagutzera. Banaketa sozial hori egun ere antzematen da. Gure mapa soziopolitiko [...]

DYAk antolatutako Osasunaren eta Istripu Prebentzioaren Asteari lotuta, motor istripu simulatu bat egingo dute larunbat eguerdian, 12:00etatik 13:00etara. Soroeta auzoan izango da, DYAren ordezkaritza inguruan, 12:00etatik 13:00etara. Horrelako istrip...