Dantzaz beteko da herria datozen egun eta asteetan
Errenteria-Orereta «dantzaren erreferente» bihurtu dela iritzi dio Jon Maia Kukaiko kideak, eta hori arrazoitzen duten hainbat ekimen aurkeztu dituzte, udalarekin elkarlanean, datozen egun eta asteetarako. Lehenengoa, bihar bertan izango da: Dantza Hirian. Miriam Arkaide zuzendariak azaldu duenez, zortzi hiritan egiten duten jaialdi independentea da, tartean, Errenteria-Oreretan, “dantza garaikidea herritarrengana hurbiltzeko”. Bihar lau dantza ikuskizun aurkeztuko dituzte, herrian zehar bi orduko ibilaldi bat egitera gondidatuko dutenak: 18:00etan, Xabier Olaskoaga plazan Kukairen Sorbatza; 18:30ean, Zumardian, Candelaria Antelo eta Arthur Bernard Bazinen Te odiero; 18:45ean, Foru plazan, Olga Clavel eta Miryam Mariblancaren Llena de flores tu boca; eta 19:00etan, Herriko plazan, El Punto taldearen Animal party. Askotariko dantza estiloak bilduko dituzte bertan: euskal dantzatik hasi eta break dance-ra. Larunbateko atsedenaren ostean, igandean bueltatuko da dantza Errenteria-Oreretara, Oroitzen naiz ikuskizunarekin. Carine Laborde Malandain Ballet Biarritzeko kidearen arabera, dantza eta antzerkia batzen dituen ikuskizun horretan euskal dantzaren hiru maisu ikusteko aukera izango da: Jean Nesprias, Phillippe Oianburu eta Koldo Zabala. Hirurak adinean aurrera doaz (80 urteren bueltan dabiltza), eta lanaren muina gorputzaren eta gorputz memoriaren zahartzea izango dira. Kukai-udala elkarlana Duela lau urte hasi ziren dantza herrian sustatze aldera Kukai Dantza Konpainia eta Errenteriako Udala lanean. Aurten ere bide horri jarraituko diote, eta ikasturterako hainbat [...]
Errenteria-Orereta «dantzaren erreferente» bihurtu dela iritzi dio Jon Maia Kukaiko kideak, eta hori arrazoitzen duten hainbat ekimen aurkeztu dituzte, udalarekin elkarlanean, datozen egun eta asteetarako.
Lehenengoa, bihar bertan izango da: Dantza Hirian. Miriam Arkaide zuzendariak azaldu duenez, zortzi hiritan egiten duten jaialdi independentea da, tartean, Errenteria-Oreretan, “dantza garaikidea herritarrengana hurbiltzeko”.
Bihar lau dantza ikuskizun aurkeztuko dituzte, herrian zehar bi orduko ibilaldi bat egitera gondidatuko dutenak: 18:00etan, Xabier Olaskoaga plazan Kukairen Sorbatza; 18:30ean, Zumardian, Candelaria Antelo eta Arthur Bernard Bazinen Te odiero; 18:45ean, Foru plazan, Olga Clavel eta Miryam Mariblancaren Llena de flores tu boca; eta 19:00etan, Herriko plazan, El Punto taldearen Animal party. Askotariko dantza estiloak bilduko dituzte bertan: euskal dantzatik hasi eta break dance-ra.
Larunbateko atsedenaren ostean, igandean bueltatuko da dantza Errenteria-Oreretara, Oroitzen naiz ikuskizunarekin. Carine Laborde Malandain Ballet Biarritzeko kidearen arabera, dantza eta antzerkia batzen dituen ikuskizun horretan euskal dantzaren hiru maisu ikusteko aukera izango da: Jean Nesprias, Phillippe Oianburu eta Koldo Zabala. Hirurak adinean aurrera doaz (80 urteren bueltan dabiltza), eta lanaren muina gorputzaren eta gorputz memoriaren zahartzea izango dira.
Kukai-udala elkarlana
Duela lau urte hasi ziren dantza herrian sustatze aldera Kukai Dantza Konpainia eta Errenteriako Udala lanean. Aurten ere bide horri jarraituko diote, eta ikasturterako hainbat proposamen ekarri dituzte, igandekoa, kasu.
Horrez gain, dantza ikastetxeetara eramateko konpromisoarekin jarraitzen dute. Urtero ikastetxe gehiago animatzen direla adierazi dute.
Kulturguneko udazken-negurako egitaraua ere aurreratu dute: Kukairen 1937, Ninika (haurrentzat), Iker Gomezen Apple Core eta Malandain eta Erilareren entsegu publikoak. Azkenik, dantza ikasleentzako formazio eskolekin jarraituko dute.
