Irungo Katea auzoko pasabidea eraitsi behar dutelako izango da etena. Autobus zerbitzua egokituko du Euskotrenek.
Irun-Colon geltokia izan da hirugarrena gehien erabili diren geltokien artean. 2019an, %7ko hazkundea izan dute topoaren erabiltzaileek.
Sarbidea hobetzeaz gain, zerbitzu elementuak, komunikazioa eta argia aldatu dute, bertan zegoen puntu beltza deuseztatuz.
EAJ "hauteskunde kanpaina bete betean dago", EH Bilduren ustez, eta testuinguru horretan kokatu dituzte Markel Olanok eta Nahikari Oterminek lehengo astean Pasaiako biziberritzearen gainean esandakoak. Agerraldia egin zuten lehengo astean jeltzaleek, Eskalerillasen, eta Pasaiaren biziberritzerako Aldundian defendatu behar dituzten bost proiekturen berri eman zuten.
Orain dela urte asko, gaztea nintzenean, Errioxako upategietara irteerak egiten genituenean, horrelako jota bat abesten zen: En La Rioja no hay tranvía/tampoco tenemos metro/pero tenemos un vino/que resucita a los muertos (Errioxan ez dugu tranbiarik/ez dugu metrorik ezta/baina dugun ardoak/hildakoak berpizten ditu). Ba ondo. Trintxerpen eta San Pedron hildakoak berpizten dituen ardoaren gabezia dugun arren, metro dotore bat jarri digute. Noski, asmakizun bikainera iristeko nahiko gaizki daukagu dena: hamar minutu edo gehiago oinez; bizpahiru semaforotan itxaron eta behin-behineko eta segurtasunik gabeko igarobideak gurutzatu. Hori guztia, segurtasun falta nabaritzen den toki batzuetatik pasatu ondoren. Egia da topo zaharrarekin horrelako arazoak bazeudela, baina uste genuen Donostialdeko Metroarekin azpiegitura hobea egingo zutela: irisbide hobeak; Orereta-Irun eremura gehiago hurbilduko gintuen zerbait… Lehen gaizki bagenuen, orain okerrago dugu! Ez gara Donostialdekoak izango… Geltokia eder-ederra utzi dute, baina kristoren hotza egiten du bertan. Esandakoa: oso polita utzi dute, Metro Donostialdea dioen kartel zuri-urdin ederrekin. Horretarako 1.300.000 euro gastatu dituzte. Eta pentsatzen dut: ez al zen errazagoa, diru hori, trintxerpetarroi eta sanpedrotarroi irisbide hobe eta duinagoak jartzeko erabiltzea? Topo izena metro baino gehiago gustatzen zait. Gainera, munduan satorrean ibiliko liratekeen bakarrak izango ginateke. Ez da gutxi! Jesus Aizpurua Larrañaga. San Pedro.
Topoak 100. urteurrena beteko duela eta, Irungo Udalak 2013. urteko egutegia horren argazkiekin osatuko duela jakitera eman du. Irungo Argazkilaritza Elkarteak (IAE) eta Bidasotarra 7301- Amigos del Ferrocarril elkarteak argazkien bilduma osatzen lagundu dute. Topoak Irunetik Donostiara egindako lehen joan-etorriaren 100 urte beteko dira, bihar –abenduak 5–, baina 1913. urtera arte ez zen erabat finkatu zerbitzua. Hendaiarainoko ibilbidea ere osatu zen urte hartan. Hala ere, ibilbidearen estreinaldian istripua eduki zuen bide estuko trenak. Irundarrek emandako laguntzarengatik titulu “oso humanitarioa” eman zion Alfontso XIII. erregeak Iruni. Istripuaren gaineko irudiak ere bilduko ditu egutegiak. Banaketa Tokiko gobernuak jakinarazi duenez, egutegiaren 12.000 ale argitara emango dira abenduaren 18rako. Jose Antonio Santano alkateak banatuko ditu lehen aleak, abenduaren 18an bertan, HAZ bulegoan (11:00). Bestela ere, HAZ bulegoan bertan eskuratu ahal izango dituzte interesatuek.
Abenduaren 5ean ehun urte beteko dira Topoa estreinakoz Antxotik pasatu zenetik, eta horren harira Antxotarrok Historia Mintegiak erakusketa bat antolatu du azaroaren 9tik 17ra Kultura Etxean. Argazkiak eta pieza batzuk ikusteko aukera izango da.
Antxok duen berezitasunetako bat da barrutia erdibitzen duen topoa. Hilabete barru, abenduaren 5ean, beteko dira 100 urte estreinakoz tren batek bertako burdinbidea gurutzatu zuela. Horren harira, Antxotarrok Historia Mintegiak hainbat ekitaldi antolatu ditu datozen egunetarako. Lehenengoa gaur arratsaldean izango da. Burdinbidearen Euskal Museoaren zuzendari izandako Juanjo Olaizolak hitzaldia emango Kultur Etxean, 19:30etik aurrera. Olaizolak Topoaren ehun urteko historia izango du hizpide, Topoa: ehun urte Gipuzkoaren zerbitzura izeneko hitzaldian. Azpiegituraren historiari buruzko solasaldiaren ondoren, Olaizolak topoaren garapenari buruzko iritzia emango du, Altza-Antxo-Galtzaraborda zatian izango duen eraginari buruzkoa hain zuzen. Izan ere, barrutiko Eskalantegi kaleko etxeen azpitik pasatuko litzateke burdinbide berria. Horrez gain, Antxoko azoka zaharreko geltokia, Molinao erreka azpitik trena pasatzea eta Galtzarabordara igoera ere aztertuko ditu hizlariak. Euskal Herriko burdinbidearen inguruko gaietan aditua da Olaizola, eta hainbat artikulu eta liburu argitaratu ditu. Azpeitiko Burdinbidearen Museoan hainbat postu bete ditu: zuzendaria, kudeatzailea, lokomotora gidaria, interbentorea, geltokiko arduraduna… “Eusko Jaurlaritzako egungo Garraio Sailak kaleratu zuen arte”, Antxotarrok-ek esan duenez: “Epaitegi batek berriro jarri zuen bere tokian”. Antxotarrok Historia Mintegiko kideentzat, topoak paper garrantzitsua bete du mende honetan zehar, “Donostia eta Irun [Hendaia barne] arteko gizartea egituratu zuen nolabait garraio azpiegiturak”. Gaurko hitzaldiaz gain, datorren ostiraletik aurrera (hilaren 17ra arte), erakusketa jarriko dute [...]
Reala eta Alaves nor baino nor arituko dira asteazkenean Anoetan, 21:30ean. Zaleen joan-etorriak errazteko, tren zerbitzua indartuko du Euskotrenek.
Sanmartzialetako bi larunbatetan ordutegiaren maiztasuna indartuko du Euskotrenek. Bestalde, disuasio aparkaleku batzuk hilaren 22tik egongo dira irekita.
Zerbitzu berezi horiek 07:15ean hasi eta 15:00ak arte iraungo dute. Hendaiarako nahiz Donostiarako noranzkoetan indartuko dute maiztasuna.
Hiru urteko geldialdiaren ondoren, Santiagoko Deabruak Kultur Elkarteak prest du aurtengo Beldur Pasabidea ikuskizuna. Larunbat honetan izango da, Ficoban, 17:00etatik 21:30era.
Lanuzteen lehen txanda 07:00etatik eta 09:00ak artekoa da, eta bigarrena 18:00etatik 20:00ak arte.
Irungo geltoki berriaren proiektuaren lizitazioaren gaineko balorazioa egin du Jose Antonio Santano alkateak.
EuskoTrenek topo zerbitzu bereziak prestatu ditu Irungo kontzertu handietarako. Biharko Fito & Fitipaldis taldearenak, eta hilaren 23ko Esne Beltzarenak dira kontzertu horiek.
Bi hilabete pasatu dira Herrerako topo geltoki berria ireki zutenetik, eta zerbitzua ematen duen eremuko bizilagun asko ez daude pozik bertara iristeko dauden sarbideekin. “Bi hilabete daramagu Pasaiako herritarrek obren arduradunen zein instituzioen zentzugabekeria pairatzen”, esan dute Herrera Herrira batzordekoek zein Altza eta Herrerako Harripe auzo elkartekoek. Eurentzat, “sinestezina” da erakundeek “XXI. mendean bertan, eta herritarrak sortu ez dugun krisi garaian, horrelako egitura batean dirutza gastatzea, eta gainera, 10.000 lagun baino gehiago topo geltokirako sarbide duinik gabe geratzea”. Gaineratu dutenez, hori gertatuta ere, “inor ere ez lotsatzea” salagarria da. Hala ere, jokabide horrek harritzen ez dituela argi utzi nahi izan dute. “Ez gaitu harritzen, zeren eremu hori giltzarria da herriarentzako lurrak berreskuratzeko borrokan. Bertan herritarrek zein udalak berak proposatutako egitasmoak garatzea nahi dugu. Eurek dituzten asmoak —lurrak saldu eta dirua lortu— aurrera eramaterik izan ez dutenez, oztopo berri batekin zigortu gaituzte, gure eremuaren antolaketa deseginez”, azaldu dute batzordeak zein auzo elkarteak. Horregatik, topoaren sarbidea “duintasunik gabekoa, logikarik gabekoa eta burugabea” dela uste dute. Trintxerpetik martxa Arrazoi horiengatik guztiengatik, inguruko herritarrak (Herreran, Gaiztarron, Bidebietan, Trintxerpen eta San Pedron bizi direnak) mobilizatzera deitu dituzte. Egindako “burugabekeria” salatzeaz gain, Kaiko Herreraren Antolamendu Egitasmoarekin bat egiteko eskatu diete. Martxa bat egingo dute Trintxerpeko [...]
Oso ezaguna da topoa antxotarrentzat. Askok egunero erabiltzen dute Gipuzkoako beste tokietara joateko. Baina beti bertan egon den garraiobide horrek ehun urte bete dituela gutxik dakite. Antxotarrok Historia Mintegiaren ekimenez, topoaren gaineko erakusketa jarri dute Antxoko Kultur Etxean, hilaren 17ra arte, urteurrenaren harira. 19:00etatik 21:00etara ikus daiteke astegunetan, eta larunbatean eta igandean 12:00etatik 14:00etara dago zabalik aretoa. Argazki bilduma oparoa bildu dute barrutiko historiaren zaleek erakusketarako. Hainbat paneletan, argazki zaharrak jarri dituzte, baina hori bakarrik ez: ikus-entzunezko bat ikusteko aukera ere dago, baita trenaren alorrarekin harremana duten beste hainbat gai ere Antxokoak, Oarsoaldekoak eta Bidasokoak batez ere. Mintegiko kideak bertan izaten dira nahi duenari behar adina azalpen emat eko, horien artean Pedro Perez.
OiartzunBaik (OB) Arraguan, topoaren inguruan egiten ari diren lanen balorazio oso positiboa egin du: “Lanak oso garrantzitsuak dira, auzoa bitan banatzen zuen oztopoa gainditzen baita. Oztopo hau ezabatzearekin batera, irisgarritasunean pauso handia eman da, goiko auzorako sarbidea erraztuko baita topoaren geltokiaren barrena”. Ingurua ere hobetu dute lanek, OBtik gogorarazi dutenez: “Auzoko goiko alderako sarbideak hobetzen dira, eskailera eta arranpaz gain igogailua ere barneratzen baitu estazioak. Bestetik, eraiki berri den trenbidearen egitura, aurrekoa baino askoz ere arinagoa da, eta permeabilizazioa eskaintzeaz gain, inpaktu bisuala eta akustikoa izugarri murrizten ditu. Egitura zaharrean trenbidea harri-txintxar gainean zegoen, zarata izugarria egiten zuen, orain, aldiz, trenbidea hormigoizko egitura baten gainean dagoenez zarata asko murriztu da”. OiartzunBaiko kideak pozik daude, Arraguako topoaren permeabilizazioari esker auzoaren mugikortasuna eta irisgarritasuna izugarri hobetzen direlako, “lan hauek Ugaldetxoko bidegorrira iristea eta Elizaldeko espaloira iristea ere errazten baitute”. Bizilagunen ezinegona Hala ere, Gobernu Taldeak egin duen “kudeaketa kaskarra” salatu du OBk. Bere ustez, bizilagunak ez ditu kontuan hartu: “Lanak inongo antolaketarik gabe gauzatzen ari dira, sasi-biziberritze honetan”. Horrez gain, OBk uste du Gobernua ez dela ezer egiten ari lanak bizilagunen eta komertzioen beharrekin adosteko eta hori haserre handia eragiten ari dela dio: “Gobernu honen zoritxarreko hainbat erabakiren ondorioz, Arragua biziberritzeko proiektu [...]