Albisteak

Alkateak Carlos Ormazabalen dimisioa eskatu du

Haserre mintzatu dira gaur Usurbilgo udaletxean egin duten agerraldian Usurbilgo alkate Xabier Mikel Errekondo, Hernaniko alkate Marian Beitialarrangoitia eta Oiartzungo alkate Aitor Etxeberria: “Gipuzkoako Diputazioa iruzurra egiten ari da&#8221...

admin

Bakardadearen konpainia

Bakarrik egotea, hauta daitekeenean, polita izan daiteke, pertsona bakoitzak bere buruari momentu bat eskaintzeko. Arazoa, baina, bakardadea gainera etortzen denean sortzen da, norberak nahi ez duenean, bizitzak berak bakardadea ekartzen duenean. Horren adibide izan daitezke adineko pertsonak. Zahartzaroa eta bakardadea batera datoz hainbat kasutan. Gurutze Gorriak emandako datuen arabera, 65 urtetik gorako herritarren %16 bakarrik bizi dira, eta horrek depresioa eta halako gaixotasunak eragin diezazkieke. Egoera horretaz ohartarazteko eta herritarren iritziak biltzeko, otsailean Gurutze Gorriko kideak Errenterian ibili dira, bakardadeari buruzko kanpaina batean murgilduta. Errenteria da haien probalekua, eta han egiten dituzte gero Gipuzkoa osora zabaltzen dituzten kanpainen probak. Galdetegiz galdetegi, bederatzi egunean, hasieran jarritako helburura iritsi dira: mila herritarri galdeketa egitea —1.026 izan dira—. Behin Errenteriako lana bukatuta, orain Donostiako Altza eta Larratxo auzoetara joango dira. Aste honetan 500 inguru lagunengana iritsi nahi dute. Hortik Lezora, Oiartzunera, Elgoibarrera, Soraluzera, Eibarrera eta Beasainera joango dira. Martxo amaierarako edo apiril hasierarako amaitzea espero dute. Bi eratako galdetegiak Pertsona horiei bakardadeaz eta depresioaz daukaten iritziaz, bizipenez, esperientziez eta gogoetez galdetzen diete. Horretarako, hainbat kartel erakusten dizkiete, inkestatu bakoitzaren pertzepzioan eragiteko, iritzia eman dezan. Bi taldetan banatu dituzte galdetegiak. Batzuetan, bakardadeaz galdetzen dute; besteetan, depresioaz. Bakardadeaz galdetzean, hiru kartelen artean aukeratu behar dute [...]

admin

Auzia gehiegi luzatu dela eta, zigorra gutxitu diote Xumori eta kalean da

Espainiako Auzitegi Gorenak agerian utzi du ustez 2002ko abenduan Tarbesen (Frantzia) ETAri atzemandako dokumentu batzuetan oinarrituta Auzitegi Nazionalak abiatu zituen hainbat auziren ahulezia. Ustezko zerrenda bat aipatuta, dozenaka pertsona atxilotu zituzten, ETArentzat kideak atzematea egotzita. Atxiloketa prebentiboak izenarekin ezagutu ziren kasu haiek. Atxilotuek polizien aurrean egindako deklarazioak izan dira auzi horietan akusazioek frogatzat erabili dituztenak, eta horiek torturapean egin izana salatu zuten akusatuek. Ustezko dokumentu haietatik abiatutako auzi batzuk epaitu dituzte, eta beste batzuk epaitzear dira. Epaitu dituztenetatik asko absolbitu egin dituzte, eta beste hainbat, zigortu. Zigortzeko nahiko frogarik ez dagoela ohartarazi du, orain, Auzitegi Gorenak, helegite bati erantzunda, eta absolbitu egin du pertsona bat. Epaiketa berean zigortutako beste lau laguni ezarritako zigorrak nabarmen txikitzea agindu du (tartean Zugaitz Izagirre Xumo oiartzuarrarena). Auzitegi Nazionalak ETAko kide izatea edo hari laguntza ematea egotzita 2009an epaitutako 13 auzipetuetatik bosti eragiten die gorenak kaleratu duen epaiak. Hamahiruetatik zortzi absolbitu zituzten orduan, preso izan zituzten arren. Zugaitz Izagirre, beste batzuekin batera, zigortu egin zuen Auzitegi Nazionalak. Horien abokatuek helegitea jarri zuten, eta arrazoi eman die orain gorenak. Izagirreri zazpi urteko kartzela zigorra jarri zioten, ETAko kide izatea egotzita. Auzia gehiegi luzatu dela argudiatuta, hiru urtera gutxitu dio zigorra gorenak. Izagirre zen epaituen artean kartzelan [...]

admin

Tulleko lanbide heziketako zortzi ikaslek Oarsoaldean egingo dituzte praktikak

Errenteriako Udalak jakinarazi duenez, Tulleko (Errenteria-Oreretarekin senidetuta dagoen Frantziako herria) CFA des 13 vents lanbide heziketako ikasleek Oarsoaldean egingo dituzte praktikak. Zehazki, zortzi ikaslek hartuko dute parte eta bi astez izan...

admin

Gipuzkoako Batel Ligako seigarren estropada jokatu dute

Etzi Gipuzkoako Batel Ligako seigarren jardunaldia izango da jokoan Orioko uretan. Azken bost estropadetan erakustaldi bikaina egin dute eskualdeko arraunlariek, eta maila hori mantentzen ahaleginduko dira. Orio Arraunketa Elkarteak antolatutako estro...

admin

Arrizabalaga izango da PSE-EEren alkategaia berriro

Mikel Antxon Arrizabalaga (Errenteria-Orereta, 1955) izango da berriro Lezoko Udalerako PSE-EEren alkategaia. Alderdi horren zinegotzi bakarra da egun Lezoko Udalean. Gaur egin duten aurkezpenean, datorren legegintzaldirako ezarri dituzten bost helburu...

admin

Ate irekiak, bihar, Illunbeko instalakuntzetan

Bazkideak behar dituzte Trintxerpeko Arraun Klubean, eta hori dela eta, ate irekien eguna antolatu dute etzirako (hilak 26). Instalakuntza berriak dituzte Illunbek eta Pasaia Kayak-ek, Portuak utzita, garai bateko suhiltzaileen lokaletan. Nahi duen oro...

admin

Oinez edo txirrindaz, bidegorri berrian, atseginez

Goizeko 10:00ak eta zerua ateri. Azken egunetako euri jasen ondoren, jendea gustura irten da paseoan. Eta inguruko askok aukera bera egin dute. Orain gutxi zabaldu duten Buenavista eta Herrera arteko bidegorria probatu nahian, handik igarotzeko moduan moldatu dute goizeko buelta. Manuel Garciaren, Enrique Zarateren, Markel Fontanen eta Jose Antonio Duranen kasua da. Maiz elkartzen dira ibiltzera joateko. Beraietako bi Trintxerpen bizi dira eta Intxaurrondon beste biak. Bidegorria hartuta, Errenteria-Oreretaraino oinez joan ziren atzo, handik Lezora eta Lezotik Donibanera, Berrotaranen txalupa hartuta badia zeharkatu eta etxera itzultzeko. Oarso Bidasoko Hitzari kontatu diotenez, atzo lehenbizikoz zeharkatu dute bidegorria, eta gustatu zaie. «Ondo dago. Errepidetik gertu joan arren, ikuspegi  ederra ematen du», diote erdi txantxetan trintxerpetarrek. Izan ere, badia goialdetik ikusten da eta baita ontzien sartu-irtenak, traineruak eta beste. Lan eguna izanik, eta ordua kontuan hartuta, oinezko gehiago dabiltza txirrindulariak baino. Hala ere, asko dira honez gero, bidegorria egunero darabilten txirrindulariak. Hori da, esaterako, Jesus Alonsoren kasua. Errenteria-Oreretan bizi da eta Kontadoretan lan egiten du. Bidegorria zabaldu dutenetik, bizikletaz joaten da maiz lanera. 15 minutuan egiten omen du lantokirainoko bidea. Trafikoaren eta aparkalekuaren arazoak saihesteaz gain, erregaia ere aurrezten du. Bidegorriaren zati berrian, bestetik, desberdinduta daude oinezkoen eta txirrindularien bideak, eta batzuk zein [...]

admin

Andaluziaren Eguna, Concha Rocieraren eskutik

Concha Rocierak Andaluziaren Egunaren hemezortzigarren aldia ospatuko du asteburuan. Etzi afaria egingo dute 21:30etatik aurrera. Etzidamu, berriz,  meza egingo dute eta Andaluziako produktuak izango dituzte salgai Concha Rocieraren egoitzan.

admin

Udalak 115 langabe kontratatuko ditu garapen agentziaren bidez

Errenteriako Udalak jakinarazi duenez, Oarsoaldea Garapen Agentziaren bidez, 115 langabe kontratatuko ditu herrira bideratutako lanak egiteko. Kontratatuko dituzten langabeak 2010-2011 ekitaldian baino %60 gehiago izango direla zehaztu du. Orduan 70 la...

admin

Alderdi Sozialista-Euskadiko Ezkerraren (PSE-EE) hautagai zerrenda

Rafaela Romero Pozo. Ricardo Gutierrez Garcia. Maria Belen Curiel Anton. Enrique Aguirrebeña Alonso. Miren Zuriñe Ibeas Retenaga. Carmen Corales Fouz Escobero. Erenesto Gorosabel Amuategui. Mauricio Lorenzo de la Torre. Rosa Maria Lorenzo Revuelta. ...

admin

PSE-EEren herri programa: “Lehena, Oiartzun”

Honela azaldu du Rafaela Romero alkategaiak, PSE-EEren programa: “Udaletik, sozialistok, herritarren egunerokotasunaren benetako beharrei ekiten diegu, eta ziklo ekonomiko berrian, gure udalerriak lehiakor egitea da gure helburua. Horretarako, gastuak proiektu estrategikoetarako lehenetsiko dugu, eta helburu sozialeko produkzio-ekonomia batean inbertituko dugu, oiartzuarren bizi kalitatea hobetuz”. Sozialisten herri programaren lan ildoak honakoak dira: Ekonomia eta enplegua. Enplegua sortzearen alde egingo dugu apustu, Oiartzungo enpresa sarea zabaltzen laguntzearen bidez. Industrialdeak sustatuko ditugu, ekintzaileei erraztasunak eskaintzearen bidez. Hirigintza. Oiartzungo auzoak modernizatzea eta berriz urbanizatzea proposatuko dugu. Bidegorrien eta oinezkoentzako eremuen sarea osatzea eta hobetzea sustatuko dugu. Gizarte zerbitzuak. Premia handiena duten herritarren beharretara egokitutako programak garatuko ditugu. Etxebizitza. Babes ofizialeko etxebizitzak eraikitzea ahalbidetuko duten hitzarmenak sustatuko ditugu (Altzibar, Arragua). Atez atekoa. Atez ateko sistema kenduko dugu, eta bosgarren edukiontziaren aldeko apustua egingo, zaborra biltzeko sistema eroso, eraginkor eta iraunkorra delako. Garraioa. Oiartzungo auzoen arteko lotura hobea sustatuko dugu, Xorrola zerbitzuaren ordutegia zabaltzearen bidez. Oiartzun ospitaleekin lotzeko zuzeneko autobus linea sortzeko aukera aztertuko dugu. Autobideko Oiartzun-Donostia linea berriz jartzea proposatuko dugu. Herritarren segurtasuna. Udaltzaingoaren zerbitzu osoa berrantolatuko dugu, eta arreta berezia jarriko dugu auzo jakin batzuetan larunbat gauetan. Euskara. Euskara topaketarako tresna eta Oiartzungo herritarren arteko kohesiorako elementu gisa defendatuko dugu. Kultura. Herritarren partaidetza sendotuko [...]

admin

145 euri litro apirilean

Joxe Kruz Sarasolak Pikoketan duen publiometroak metro koadroko 145 euri litro jaso zituen apirilean. Iazko hil berean baino 62 litro gehiago.

admin

Udalak zozkatuko ditu Olaldeko etxebizitzak

Udal ordezkariak Etxebideko ordezkariekin bildu dira Altzibarko babes ofizialeko etxebizitzen inguruan hitz egiteko eta zozketaren baldintzak zehazteko. Hala, adostu dute Udala izango dela Altzibarko Olaldeko babes ofizialeko etxebizitzen zozketa eging...

admin

Ander Errandonea eta Estanix Lopez bihar aterako dira kartzelatik

25 urte espetxean pasatu eta gero, bihar askatuko dituzte Ander Errandonea Ordoxelai eta Estanix Lopez oiartzuarrak. 1986ko maiatzaren 17an Guardia Zibilak atxilotu zituen, eta ordutik hainbat kartzelatan egon dira. Lopezek 19 urte zituen atxilotu zute...

admin

39-23 galdu du Donibane-Majestik-ek

Aukera oso gutxi zituen Donibane Majestik-ek Kopako Igoera Faserako sailkatzeko. Asteburuan galduta lehen oso zaila zutena ezinezkoa bihurtu dute. 39-23 galdu zuten arrosek Izarraitzen kontra, eta honezkero sailkapenaren bosgarren postuan dira. Hurreng...

admin

Trintxerpek eta Oiartzunek, bana

Trintxerpek berdintzea lortu du Oiartzunen kontrako partidan. Oiartzuarrak zuri-urdinak baino hobeto aritu dira denboraldian, baina larunbatean zuri-urdinek ondo eutsi zioten Oiartzungo taldeari zelaian. Trintxerpek etxean du hurrengo partida, Bergarar...

admin

Behobiderentzat Euskadiko maratoi txapela

Claudia Behobide hondarribiarrak irabazi zuen atzo Gasteizen ospatu zen IX. Martin Fiz maratoian eta, horrenbestez, Euskadiko txapelketa irabazi zuen

admin
Gehiago