Behobiderentzat Euskadiko maratoi txapela

Claudia Behobide hondarribiarrak irabazi zuen atzo Gasteizen ospatu zen IX. Martin Fiz maratoian eta, horrenbestez, Euskadiko txapelketa irabazi zuen

Claudia Behobide hondarribiarrak irabazi zuen atzo Gasteizen ospatu zen IX. Martin Fiz maratoian eta, horrenbestez, Euskadiko txapelketa irabazi zuen. Gemma Perez gasteiztarra bigarren sailkatu zen.

Bost kilometroren faltan ordura arte Behobidek irekitako aldea murrizten hasi zen Perez, baina azken kilometroan indarrik gabe geratu zen, eta hondarribiarra izan zen garaile, minutu bateko aldeaz. 3 ordu 9 minutu eta 38 segunduko denbora egin zuen Behobidek.

Clement Koech keniarra nagusitu zen gizonezkoen proban, eta Yosu Amutio gasteiztarra izan zen lehen euskalduna. Maratoiaz gain, maratoi erdia eta 10 kilometroko probak ospatu ziren atzo Arabako hiriburuan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.