Udalak zozkatuko ditu Olaldeko etxebizitzak
Udal ordezkariak Etxebideko ordezkariekin bildu dira Altzibarko babes ofizialeko etxebizitzen inguruan hitz egiteko eta zozketaren baldintzak zehazteko. Hala, adostu dute Udala izango dela Altzibarko Olaldeko babes ofizialeko etxebizitzen zozketa eging...
Udal ordezkariak Etxebideko ordezkariekin bildu dira Altzibarko babes ofizialeko etxebizitzen inguruan hitz egiteko eta zozketaren baldintzak zehazteko. Hala, adostu dute Udala izango dela Altzibarko Olaldeko babes ofizialeko etxebizitzen zozketa egingo duena.
Zozketan parte hartzeko baldintzak ere zehaztu dituzte Udalak eta Etxebidek. Etxebizitzak oiartzuarrentzako izango dira, eta ekainaren 25a baino lehen Etxebiden izena ematea nahitaezkoa izango da zozketan parte hartu ahal izateko. 2009ko diru-sarrerak hartuko dira kontuan.
Udan lanak hasiko dira, eta 2.850.300 euro pasatxoko aurrekontua izango dute. Lan horiek hiru fasetan garatuko dira eta urte eta erdi inguru iraungo dutela aurreikusten du Udalak.
Olaldeko eremuan etxebizitzak eraikitzeaz gain, auzoarentzako bestelako onura batzuk ere egongo direla gogorarazi dute Udaletik: “Bidegorria, haurrentzako parkeak, aparkalekuak, Udal jabegokoa izango den lokala…”.
