Albisteak

Emakumeenganako indarkeria, “gizartearen gaitza”

Emakumeenganako Indarkeriaren Kontrako Nazioarteko Egunaren harira, Errenteriako Udalak erakunde adierazpena egin du. Bertan, “gizartean irauten duen gaitz horren kontra” lanean jarraitzeko konpromisoa hartu du udalak. Ildo horretatik, inda...

admin

Itziar Villarren argazki erakusketa, Modottin

Aiako Harria eta Erlaitz: misterioz betetako paraje liluragarria Itziar Villarren erakusketa ireki dute Modotti tailerrean. Argazki erakusketa abenduaren 11ra arte izango da zabalik, 17:30etik 20:00etara lanegunetan, eta 11:00etatik 14:00etara larunbat...

admin

Asteburuko kirol emaitzak

FUTBOLA Erregional Ohorezko Maila Hondarribia-Pasaia 2-2 SASKIBALOIA Emakumeen Liga Ros Casares-Hondarribia Irun 89-52

admin

Txartelarekin erosketa ordaindu, eta sariak jaso

Merkatariek atzo abiatu zuten udazkeneko kanpaina abenduaren 24ra bitartean egongo da martxan. 10, 20, 50 eta 100 euroko sariak banatuko ditu Laurak Batek abenduaren 24a bitartean. Atzo abiatu zuten merkatariek udazkeneko kanpaina, eta martxan den bitartean, Laurak Bateko txartelarekin ordaintzen duten bezeroek diru sariak eskuratzeko aukera izango dute. Ostirala goizean aurkeztu zuten udazkeneko kanpaina merkatariek, Trintxerpeko alkateordetzan egindako agerraldian. Elkarteko presidente Ramon Ilarregirekin batera, Foto Cano argazki dendako Ruben Carretero eta Modas Molona jantzi dendako Piedad Blazquez aritu ziren kanpainaren nondik norakoak azaltzen. Zehaztu zutenez, 53 dendak parte hartuko dute kanpainan: 24 Trintxerpekoak, 28 Antxokoak eta Donibaneko bat. Bezeroek elkartearen logoa topatuko dute sariak banatuko dituzten dendetan.

admin

Uxune Aizpuruaren argazkiak Mikelazulon

Gaurtik hasi eta abenduaren 25era bitartean Uxune Aizpurua oiartzuarraren argazki erakusketa egongo da jarrita Mikelazulon. Bertan, Marokon ateratako irudiak ikusi ahal izango dira. Zehazki, Chaouen, Tanger, Marrakex eta Assilahnen egindako argazkiak. ...

admin

Puntuek erabakiko dute Alaia Martinen bidea

Gpuntua Gipuzkoako Bertsolari Txapelketako Arrasateko finalaurrekoa jokatu zuen larunbatean Alaia Martin bertsolariak. Saioa jokatu ondoren, puntu gehien bildu eta finalerako txartela lortu zuen bertsolaria Beñat Gaztelumendi izan zen. Hurrenez hurren...

admin

Komikirun, abenduaren 9tik 11ra Ficoban

Ficoban egingo dute aurten Irungo IV. Komikirun Komiki Azoka. Abenduaren 9tik 11ra izango da, eta berritasun nagusiena horixe bera da, leku aldaketa. Izan ere, orain arteko hiru ekitaldiak Zabaltza plazan egin dituzte. Aurtengo ekitaldiko kartela Gorka...

admin

Sinesteko garaia iritsi da

Hiri Debekatuaren Mapa programaren ondorio eta proposamenen txostena aurkeztu zuten larunbat eguerdian Oiasso Erromatar Museoaren hitzaldi aretoan. 2009an eta iaz Bilgune Feministak Katea eta Arbes auzoetan egindakoa oinarritzat hartuz, urrian hainbat tailer egin zituzten auzoz auzo, emakumeentzako seguruak ez diren lekuak zehazteko. Ikastaroetan landutakoarekin Murgibe aholkularitza enpresak txosten bat prestatu du, udaleko zenbait sailetan banatuko dutena. Puntu ilunetako batzuk zuzentzeko proposamenak ditu txostenak, eta beste batzuk Berdintasun eta Hiri Antolamendu Orokorreko planetan, besteak beste, kontuan hartuko dituzte. Urriko ikastaroetan parte hartu zuten zenbait emakume hurbildu ziren larunbatean Oiassora, haiek egindako ekarpenak jasotzen dituen txostenaren aurkezpenera. Sinesteko ekitaldi bat izan zen, emakumeek Irungo hirigintzan eragin dezaketela sinesteko. Bilgune Feministako kide Oihana Etxebarrietak sinestearen garrantzia nabarmendu zuen. «Gure iritziak aintzat hartuko ez dituztela pentsatzera ohituta gaude», esan zuen. Bere ustez, Hiri Debekatuaren Mapa osatzen lagundu duten emakumeen ekarpena garrantzitsua izan da, «nahiz eta zenbakiz txikia izan den». Maite Cruzado Gizarte Ongizateko ordezkariak Bilguneak hasitako lana txalotu zuen: «Katean eta Arbesen egindako lana aurkeztera udalera etorri zirenean, ideia zoragarria iruditu zitzaigun, hiriko beste auzoetara nahitaez hedatu beharrekoa». Hala egin zuten, Emakundek propio emandako diru laguntza baliatuz. Emakunderen zigilua Alicia Mitxelena Ongizate Saileko teknikariak Emakunderen laguntza eskertu zuen: «Batetik, komunikazio kanpaina egiten lagundu digu; [...]

admin

Errusiako Iraultzaren ondorengo literatura aztertuko dute asteazkenean

Nevsky Prospect argitaletxeko sortzaile den James Womack idazle eta itzultzaileak Errusiako literatura iraultzaren ondorengo goiburuko hitzaldia eskainiko du heldu den asteazkenean, hilaren 30ean, Ikust Alaia udal liburutegian. Ekitaldia denei irekia da, eta 19:30ean hasiko da. Belen Sierra Kultura ordezkariak adierazi du Womacken solasaldia Eusko Jaurlaritzak abiatutako eta Irungo Udalak lagundutako Munduko Paisaiak programaren barruan kokatzen dela. “Ekimen honen bitartez literaturaren aldetik beste kultura eta errealitate batzuk ezagutarazi nahi ditugu”, argitu zuen Sierrak. James Womack Cambridgen (Ingalaterra) jaio zen 1979. urtean. Oxfordeko unibertsitatean errusiar eta ingeles filologia ikasketak egin zituenm eta mende hasieran Errusian bi izan zen bi urtez. 2008an Madridera joan zen bizitzera eta han Nevsky Prospects argitaletxea sortu zuen, literatura errusiarrari zuzendutakoa. Hainbat itzulpen egin ditu errusieratik gaztelerara, haien artean, Dostoievski, Pushkin eta Turgueneven liburuenak. Madrilgo Complutense unibertsitatean literatura irakaslea da, eta Revista de Libros eta Times Literary Supplement aldizkarietan errusiar literaturari buruzko erreseinak idazten ditu.

admin

Beti Gazteren aurka irabazi nahi du Trintxerpek

Erregional Ohorezko Mailako Trintxerpe taldeak Beti Gazteren aurka jokatuko du bihar, Don Boscon, eguraldia asko okertzen ez bada behintzat. Hiru puntuen bila aterako dira etxekoak, jaitsiera postuetatik behin betiko urruntzeko.

admin

Santa Agedari abestera aterako dira Alkartasuna dantza taldekoak, bihar

Alkartasuna euskal dantza taldeak antolatuta, Santa Ageda bezpera ospatuko dute bihar Antxon. Ohitura zaharrak gordez, koplak abestuko dituzte, 18:30ean hasita, Azokatik abiatuta. “Baserritar jantzia soinean eta makila eskuan tabernaz taberna joango gara koplak kantatzera”, esan dute. Herria doinu zaharrekin girotu eta gero, sagardotegira joango dira afaltzera, eta dei egin diote horretara animatzen den orori. “Dantza eta kantu giroan sorturiko egun jator honetara hurbiltzea gonbidatu nahi dugu herri guztia. Ateak zabalik daude larunbat arratsaldeko 18:30ak arte. Bai kantatzera etortzeko, baita afaltzera etortzeko ere”. Atzo eguerdirako 50 lagun zeuden afaltzeko izena emanda. Tradizio bilakatuta Urtero ospatzen du Alkartasunak Santa Ageda bezpera. Taldeko kideek, dantzari ohiek eta taldekoak ez diren herritarrek parte hartzen dute koruan. Aurten kantu jirakoak ere animatu direla esan dute.

admin

Protesta murrizketen kontra

Elkarretaratzea egin zuten atzo, ordu erdiz, Herri Eskola ondoko Euskal Herria plazan, Eusko Jaurlaritzako Hezkuntza Sailak egin nahi dituen murrizketak salatzeko. Asteartean 16:15etik aurrera beste bat egingo dute, eta hilaren 9an lau orduko lanuztea.

admin

Gorago igotzeko Oñatin irabazi behar du Pasaiak

Aloña Mendi menderatu eta aurretik dituen Anaitasunak, Tolosak eta Beriok gauza bera ez egitea, hori da Ohorezko Mailako Pasaiak asteburu honetarako duen plana. Baina lehenengo Oñatin irabazi behar dute; Aloña zortzigarren tokian dago sailkapenean, ...

admin

Puntu lilak jartzen hasiko dira dendetan

Berdintasun Kontseiluak jakinarazi duenez, laster puntu beltzak jartzen hasiko dira denda, jatetxe, ile-apaindegi, taberna eta herriko komertzio guztietan. Dagoeneko bidali dituzte eskutitzak, eta datorren astean hasiko dira jasotzen komertzioak. Puntu...

admin

Bekoerrotako rokodromoa astelehenean irekiko dute, erabiltzaile guztientzat

Bekoerrota kiroldegiko rokodromoa astelehen honetatik aurrera erabil ahal izango dute eskalada gustuko dutenek. Izan ere, kiroldegiko bazkideek zein sarrera ordaintzen dutenek erabil ahal izango dute hilaren 6tik aurrera. 2010 urtearen bukaeran muntatu zuten, Pizti Larrañagaren eskutik. Hala ere, orain arte ezin izan dute publikoarentzako ireki. Egun puntualetan bakarrik erabili ahal izan da oran arte.   Hasiberrientzakoa Boulderra eta eskalada bertikala egiteko aukera dago, bi paneletan. Luis Garrido Kultura zinegotziak adierazi duenez, hastapeneko rokodromoa da Bekoerrotakoa. Esperientzia dutenek materiala eraman dezakete, baina bertan badago alokatzeko aukera ere. Hori bai, areto futboleko edo bestelako partidak daudenean ezingo da eskalatu. Udaleko arduradunek adierazi dutenez, hobe da joan baino lehenago kiroldegira deitzea (943 51 03 11). Eskalatzera joango direnek arautegia jasoko dute kiroldegiko sarreran. Esaterako, 16 urte baino gutxiago dituztenek heldu batek lagunduta joan beharko dute. 16 eta 17 urtekoek, berriz, gurasoen baimena erakutsi behar dutela adierazi du Arkaitz Angiozar kirol teknikariak. Haur, gazte zein helduentzako, urtean zehar ikastaroak egingo dituztela esan dute. Horrez gain, koloretako pegatinak aldatzen joango da Larrañaga bera, erronka aldatzen joateko asmoz.

admin

‘Irunen Dantza eta Kantu’ izango da igandean

Meakako Adixkideak elkarteak Irunen Kantu eta Dantza ekitaldia antolatu du, otsailaren 5ean, iganderekin. Emanaldia Zabaltza plazan izango da, 11:30etik 13:00era.  

admin

Entzunaldia emango dute gaur Udal Kontserbatorioan

Errepertorioko-entzunaldia emango dute gaur musika Udal Kontserbatorioko 1. eta 2. maila profesionaleko ikasleak. Borja Rubiños irakasleak pianoarekin lagunduko ditu musikariak. Lehen mailakoak 17:15ean hasiera emango diote entzunaldiari, eta bigarren...

admin

Hondarribiko arkeologiaren gaineko hitzaldiarekin hasi du ibilbidea Hondaek

Iragan ostegunean Hondae Hondarribiko ondarearen aldeko elkartea aurkeztu zuten Zuloaga Etxean. Hala, elkarte berriarekin, Hondarribiko kultura defendatu, aberastu eta babesteaz gain, sustatzea eta zabaltzea dute helburu. Ikastaroak, hitzaldiak, bilerak, mintegiak, tailerrak, bisita gidatuak, argitalpenak eta ikus-entzunezkoak egingo dituzte, besteak beste, eta ostegunean egin zuten lehenengo mintegia, Zuloaga Etxean. Pia Alkain, Hondarribiko azken 25 urteetako hiri arkeologiaz mintzatu zen. Arkeolan fundazioko kide eta elkarteko bazkide da Alkain, eta 1990eko Euskal Kulturaren Ondare Legea gogoratu zuen solasaldian. Hala, legearen arabera, gune historikoan eraikitzen eta berritzen diren eraikinetan, azterketa arkeologikoak egin behar dira. Alkainek azaldu zuenez, 50 indusketa baino gehiago egin dituzte Hondarribian azken bi hamarkadetan: «Gai honekin, 45 minutuko hitzaldia egin beharrean, liburu bat idatz genezake». 25 urtetako argazkiak Pampinot kalean aurkitu zituzten erromatar aztarnak, gaztelu erromatarra, harresia berreskuratzeko lanak, eta Santa Maria atea nabarmendu zituen bereziki Alkainek. Esan zuenez, «hiriko historiako mapak egiaztatzeaz gain, gure arbasoen bizitza nolakoa zen gehiago ezagutzeko aukera» izan dute. Pia Alkainek hizkera sinplea erabili zuen azalpenak emateko, eta hirian azken 25 urteetan egin dituzten lanen argazkiak ikusi zituzten herritarrek.

admin

Euskal Herriko Mus Txapelketa, bihar, Pausun

Urruñako Pausu auzoko Xaia ostatuak Euskal Herriko Mus Txapelketaren barruko kanporaketa hartuko du bihar, 14:30etik aurrera. Parte hartzeko interesa dutenek, 0559207610 telefono zenbakian eman behar dute izena.

admin
Gehiago