2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Oarso Bidasoko Hitza-ren zuzendari Urko Etxebestek hitzaldia eman zuen atzo goizean Antxoko Txirrita AEK euskaltegian. Bertan izan ziren ikasleek eta irakasleek Oarsoaldeko eta Bidasoko euskarazko egunkariaren gaineko xehetasunak jaso zituzten: noiz sortu zen, langileek nola lan egiten duten, zein produktu egiten dituzten… Hitzaldia bukatutakoan, ikasleek eta irakasleek galdera zorrotzak egiteko tartea baliatu zuten. Ondoren, talde argazkia atera zuten.

Sanjuandarrak igandean Usurbilen jokatu zen Euskal Herriko XI. Ezti Txapelketa irabazi zuen beste behin. Aitor Zabalak irabazi zuen beste behin Usurbilgo Erle Egunaren barruan egiten zen Euskal Herriko Ezti Txapelketa, Mila lore deritzan kategorian. Kategoria berean beste 59 erlezainek aurkeztu zuten beren eztia. Aurtengoa XI. txapelketa izan da eta lehengo igandean jokatu zen. Ez da Aitor Zabalak irabazten duen lehenbiziko lehiaketa. 2006an, esaterako, berak irabazi zuen txapelketa kategoria berean, eta 2010ean bigarren saria irabazi zuen. Proiektu didaktikoa Orain dela hiru urte erabaki zuen erlezaintzan bete-betean aritzea Aitor Zabalak, ordura arte bere ogibidea zena utzita. Erlauntzak Jaizkibelen eta Oiartzunen ditu, eta Erleskola proiektu didaktikoa martxan jarri du. Webgunea ere badu: www.erlemundua.com helbidean, bere proiektuaren gainekoak sakonago ezagutu ditzake hala nahi duenak.

Aurrez fabrikatutako moduloak kokatu dituzte eta orain barrualdea atontzen ari dira. Antxon behin-behineko anbulatorioa eraikitzen ari dira. Usozko eremuko aparkalekuan jartzen ari dira aurrez fabrikatutako moduluak, eta dagoeneko osasun azpiegitura izango denaren egitura jarrita dago ia osotasunean. Orain, barrualdea behar bezala atontzea falta da. Behin betiko anbulatorio berria Luzuriagako lanen bigarren fasearen barruan eraikiko dute. Pasaiako Udalak dei egin dio Jaurlaritzari bigarren fase horri ahalik eta azkarren ekiteko.

Iker Martinez Lizarduik gidatzen duen Telefonica Team-ek irabazi du Volvo Ocean Race munduko itzuliko lehen etapa, Alacant eta Lurmutur Hiria (Hego Afrika) artekoa. Hondarribiarraren ontzia 19:14an iritsi zen larunbatean kaira. Telefonica Team-ek 21 egun, bost ordu, hamalau minutu eta 25 segundo behar izan ditu Alacant eta Lur Mutur Hiri arteko 6.600 itsas miliak egiteko. Martinez Lizarduiren ontzia helmugaratu zenean Camper Emirates Team zen bigarrena, 205 itsas miliara, eta Groupama hirugarrena, 825 miliara. Hiru ontzi erretiratuta Volvo Ocean Racen parte hartzen duten beste hiru ontziak lehen etapatik erretiratu ziren. Gauzak ongi, hirurak prest egongo dira bigarren etaparako.

Ama Guadalupekoa ikastetxeak Petite soeur abestiarekin egindako lipdub bideo musikalak, boto gehien jaso eta Euskadi Gazteko Dida irrati saioko bigarren lipdub lehiaketa irabazi du. Hala jakinarazi zuen, ostiral goizeko saioan, Joxeina Etxeberriak. Leh...

Irungo Bilduren udal taldeak baiezkoa emango dio Iparralde-Gal eremuaren hirigintza proiektuari, gaur arratsaldeko udalbatzarrean eztabaidatuko den gai korapilatsuenetako bati. Atzo komunikabideen aurrean eginiko agerraldian Oinatz Mitxelena bozeramaileak “hiriarentzako proiektu onuragarria” dela esan zuen, eta Doman enpresa bertatik Arasora joatea baliatuko lukeela gaineratu zuen. Domani egungo lur eremuan egoteko epea 2012ko ekainean bukatzen zaiola gogoratu zuen Mitxelenak. Garraio enpresak Bruesarekin duen kontratua data horretan amaitzen da, baina trukatze bat egiteko aukera hitzartuta dute bi aldeek. Horregatik erabakia ezin dela atzeratu argitu zuen Mitxelenak. Domanek Araso industriagunean pabilioi bat hartzeko nahia agertu du, eta egun kiebran den Bruesaren lurrak Kutxarentzat izango lirateke, higizezinen enpresak Arason duen beste lur zolu bat bezala. Kutxari Iparralde-Galeko lurra interesgarriagoa iruditzen zaio, eta Doman erosi duen TDG taldeak Arasokoa nahiago du bere jarduera burutzeko. Hortaz, gaurko plenoak proiektuari behin behineko onarpena emanez gero, lurren trukea egiteko aukera izango luke TDG-k. Ondorioz, heldu ekainetik aurrera Iparralde-Gal eremu osoa bi erakunderen esku geratuko litzateke, Udalaren eta Kutxaren esku. Mitxelenak adierazi zuenez, “Iparralde-Gal hau ez da epe motzera gauzatuko”; ordua iristen denean udal gobernuak eta Kutxak zehaztuko dute proiektua. Estadio berri bat Iparralde-Galerako egitasmoak Gal Stadiuma lekuz aldatzea aurreikusten du; hamabost urte besterik ez ditu, baina akats larriak ditu, eta [...]

Aitor Odriozola eta Antton Aranburuk osatutako taldea Bigarren Mailan izango da hurrengo urtean. Ostiralean eskuz binakako Gipuzkoako Txapelketako final-laurdenak jokatu zituzten Usurbil 1 taldearen kontra, eta errenteriarrek 22-8 irabazi zuten. Horri ...

Touring liderra da, larunbatean Lasarte-Oriako Ostadar taldeari 2-0 irabazi ondoren. 28 puntu dituzte orain gorritxoek, lasartearrek baino bat gehiago. Beti Onak, berriz, 2-0 garaitu zuen larunbatean Tolosa B etxean. Garaipen horren ondorioz, zazpigarr...

Hilabeteko azken asteazkenean egin ohi dute udaleko kideek ohiko udalbatzarra. Bihar egingo dute azaroari dagokiona, 19:00etan, udaletxeko areto nagusian. Gai zerrendan honako mozioak jorratuko dituzte, besteak beste: Emakumeenganako Indarkeriaren Aurk...

Hasi dira lanean Lanbideren diru laguntza jasotzen duen enplegua berpizteko programaren barruan Udalak kontratatutako 19 langileak. “Argi izan behar dute Hondarribiko Udalak ahalegin handia egiten duela krisi garai gogorrean 19 langile kontratatzeko, eta horren jakinaren gainean izanik ahalik eta arduratsuenak izan behar dutela eguneroko lanean. Ziur nago hala izango direla”, esan du Aitor Kerejetak, Hondarribiko alkateak. Enplegu hauen iraupena gehienez 6 hilabetekoa izango da ia lanpostu guztietan, eta kasu batzuetan 4 hilabetekoa; jarduna egun osokoa izango da, eta lanpostuek behar berriei aurre egiteko balio izango dute. Udalaren asmoa programa honetan sartzerakoan herrian behar handiena duten pertsonen egoera arintzea eta lan merkatuan sartzea erraztea da.

Hondarribiko eta Irungo alkateak Gipuzkoako Foru Aldundiko Mugikortasun eta Azpiegitura diputatuarekin bildu ziren atzo Donostian, trafiko arazoak aztertzeko helburuarekin. Hala, Aitor Kerejeta Hondarribiko alkatea, Jose Antonio Santano Irungoa eta Larraitz Ugarte diputatua elkartu dira bileran, eta Irungo agintariarekin urrian egindako bilkuraren segida izan da. Halere, oraingoan arazoari irtenbidea emateko xedearekin hiruko batzordea eratzea erabaki dute (Irun-Hondarribia-Aldundia). Horiek horrela, aurreko agintaldian “Irungo autopistako lotune proiektu izugarri garestia planteatu zuen Aldundiak” adierazi dute diputaziotik; 43,8 milioi eurokoa, hain zuzen ere eta “gaur egungo Aldundiari proposamena gehiegizkoa irudi zitzaion eta planteamendua une honetako egoera ekonomiko larriari egokitu beharra ikusi zuen”. Hortaz, Aldundiak beste aukera batzuk mahaigaineratu dituela jakinarazi du, eta Irungo eta Hondarribiko udalak beste aukera horiek aztertzeko prest daudela adierazi dute. Proposamen berriak Hala, aipatutako aukeren artean, besteak beste indar gehien hartu duena da,autopistan gaur egungo Irungo ordainlekuaren eta Biriatukoaren artean beste sarrera-irteera bat egitea, eta hortik abiatuta, sortzen diren arazoetan zer nolako eragina izango lukeen aztertzea, zein GI-638 eta GI-636 errepideetako zirkulazio arazoak konpontzeko ekarpenak egitea. Batzordeak aukera horiek aztertuko ditu eta “irtenbiderik egokiena bilatzeko saioa” egingo duela baieztatu du Aldundiak. Hondarribiko eta Irungo udalek jakinarazi dutenez, Zubieta eta Bidasoa Ospitaleako lotunea, edota Amuteko semaforoak dira arazo gehien sortzen dituzten guneak. Edozein [...]

Gorputzak izan ezik, ahotsa ere ongi berotu beharko dute larunbatean Santa Ageda bezperan kantatzera ateratzen direnek. Hotza izango dute oztoporik handiena, baina horri aurre egin daiteela frogatuko dute. Hala, 18:00etan bilduko dira Arkaitza tabernan, Xenpelar Bertso Eskola, Ereintza elkarteko gazteak, Lau Haizeetara Euskaldunon Elkartea, eta AEK Xenpelar euskaltegia. Arkaitzan entsegu txiki bat egingo dute, eta 18:30etik aurrera hasiko dira kantuan. Ibilbidea De Cyne Reynan hasiko dute, eta handik aurrera, herriko kale eta tabernetan barrena ibiliko dira kantu kantari (hondoko koadroan dago ibilbide osoa). Ereintza elkarteko helduekin elkartuko dira, 21:00ak aldera udaletxeko arkupeetan. Elkartetik jakinarazi dutenez, ekimena herritar guztiei zabaldua dago, eta parte hartzera animatu dituzte. Auzo elkarte eta ikastetxeak Euskara elkarteek izan ezik, auzo elkarteek nahiz ikastetxeek ere ospatuko dute Santa Ageda bezpera. Galtzarabordan, esaterako, 19:00etan bilduko dira auzo elkartean, eta auzoan zehar ibiliko dira egun horretan ohikoak dira abestiak kantatzen. Ikastetxeei dagokienez, ostiralera aurreratu dute egitaraua. Telleriko ikasle eta irakasleak herrian zehar ibiliko dira koplak kantatzen. Langaitzen ere ez diote muzin egingo kantuari. Ikastetxeko patioan abestu ondoren, Beraunera jaitsiko dira Santa Ageda bezpera degu… eta bestelako koplekin kaleak alaitzera. Ikastetxeko helduenak, berriz, Erdialdera jaitsiko dira urtero legez. Egitaraua 18:30. De Cyne Reyna. 18:50. Txikikaia. 19:10. Izadi. 19:30. Landare. 19:50. [...]

Hamarkada bateko eztabaidaren ondoren, eta behin baino gehiago zenbakiei erreparatu ondoren, Itsas etorbidea berritzeko lanak hasi dira Hendaian. Beharra zuen. Batetik, zaharra geratu delako, eta, bestetik, gaur egungo bisitariek ez dituztelako duela ehun urtekoek zituzten beharrak. Baina, zer zegoen Itsas etorbidearen aurretik, zer XX. gizaldiko hasieran Hondartza auzoa eraikitzen hasi baino lehen, nola zen hura euskal estiloko jauregiak ez zeudenean? Izan ere, gutxik dakite XIX. mende amaiera arte ingurune hori dunek osatzen zutela eta Zokoburu aldean, kirol kaia dagoen alde horretan, ura besterik ez zegoela… Ikus erreportaia

Antton Aranburu EPLEko pilotariak 2. mailako Gipuzkoako eskuz banakako finala jokatuko du trinketean. Bere kontrarioa Hernani taldeko kide bat izango da. Finala 13:15ean izango da Irungo Artaleku pilotalekuan. EPLE Errenterieko Pilotaren Lagunaren Elka...

Ercilla Antzerki Sarietako epaimahaiak 2011ko Errebelazio Saria Olaia Gil aktore oreretarri eman dio, No me hagas daño antzezlanarengatik. Gil hautagai zen Pablo Riverorekin batera. Sariak martxoaren 10 eta 19 artean banatuko dituzte Bilbon.

Kale ekintzaren arduradun Ttak-ek jakinarazi duenez, asteburu honetan ez da kale ekintzarik izango, Santa Ageda bezpera delako: «Herrian hainbat irteera antolatudituzte, eta bertan parte hartzeko gonbitea egin nahi dugu. Hurrengo larunbatean izango du...

Bekoz Beko elkarteak antolatuta, emakumeentzako umorea, barrea eta emozioak lantzeko tailerra egin dute Antxoko Kultur Etxean urtarrileko azken hiru larunbatetan. Joan den asteburuan, ikastaroa zuzendu duen Virginia Imaz aktoreak, Le acompaño en el se...

Preferenteko Sanpedrotarra taldea Santo Tomas Lizeoaren aurka hiru puntuak lortzen saiatuko da. San Pedrokoek hamasei puntu pilatu dituzte orain arte, lau partida irabazi, lau berdindu eta hamar galduta; sailkapeneko hamalaugarren tokian daude, eta atz...