
Yemanah pop rock taldeak kontzertua emango du bihar Uxoa tabernan. Informazio gehiago, Hondarribiko Hitzan.

Garuna lantzearen gaineko hitzaldia, Gaxuxaren eskutik

Hauteskundeak deitu eta bozen hurrengo egunera arte inolako inauguraziorik egitea debekatzen du Hauteskunde Legeak eta, horregatik, udalak ezingo ditu gaur Kultur Etxe berria eta Olazabal parkea inauguratu. Ordea, larunbaterako deituta dagoen ate ireki...

Emakumeek haurdunaldia boluntarioki eteteko erabakitzeko eskubidearen alde Ezker Anitzak mozio bat eramango du astearteko udalbatzarrera. Alberto Ruiz Gallardon Espainiako Justizia ministroak iragarritako neurrien aurrean, Ezker Anitzak eskatu du egung...

Mugikortasunaren Europako Astea da honakoa, eta horri begira, Errenteriako Udalak hainbat ekimen prestatu ditu. Garrantzitsuena etziko Bizikleta Eguna izango da. Horretarako, Biteri kalea itxita egongo da goizeko hamaiketatik gaueko hamarrak arte. Sinbolikoa izango da, egunero auto mugimendu handia ibiltzen den kalea moztuta egongo delako, eta horren tokian bizikleta izango dira garraiobide nagusia. Horren bidez, udalak “praktika egokiak” bultzatu nahi ditu iraunkortasuna eta osasunaren mesedetan. Gaur aurkeztu dute ekimena Ingurumen, Trafiko eta Gazteria eta Kirol Patronatuko ordezkariek: Jose Manuel Ferradas, Jon Txasko eta Unai Unsuain, hurrenez hurren. Bizikleta Festa aitzakia bat izango da bizikletaren eta garraio publikoaren erabilpena sustatzeko. Ferradasen arabera, politika aktiboagoak martxan jarriko dituzte datozen hilabeteetan, joan etorrien %15 bizikletaz egiteko helburura ailegatzeko. Donostian egunero 16.000 lagun mugitzen direla bizikletan azaldu du. Hori posible egiteko Bizikletaren Plan Zuzentzailea martxan jarriko dute, eta lanera bizikletaz joateko poligonoetan ekingo dutela azaldu du, eta horrez gain, azpiegiturak eta bizikleta sarea indartuko dutela. Hala, egun Zumardian bidegorria zatitua egiten da, eta hor bidegorriari jarraipena emateko lanak egingo dituztela jakinarazi du. Dagoeneko obrak esleitu dituztela gaineratu du, eta hiruzpalau hilabeteko kontua izango dela hori erabiltzea. Garraio publikoari dagokionez, berriz, laster Gipuzkoako garraio publikoen sarera batuko dira Renfe eta Eusko Trenbideak azaldu du Txaskok, eta [...]

Punk gau solidarioa egingo dute etzi iluntzean Trintxerpeko Mogambo aretoan, 20:00etatik aurrera. Dirua biltzea da helburua, ekainaren 22an animalien eskubideen aldeko hamabi ekintzaileren kontrako epaiketako gastuei aurre egiteko. 20:00etan hitzaldia ...

Hurrengo asteko asteburuan, ostiraletik igandera, San Fermin Txiki Jaiak ospatuko dituzte Antxon. Egitarauaren barruan daborrada antolatu du Antxoko Jai Batzordeak, hilaren 28rako. 20:30ean irtengo dira Gure Zumarditik. Zuri-gorriz jantzita Danborradan parte hartzeko baldintza bakarra zuriz jantzita joatea da. “8 eta 120 urte bitarteko antxotarrek” har dezakete bertan, eta izena emateko Kamio eta Mimos tabernetatik zein Txema gozokidendatik pasatu behar da. Informazio gehiago behar duenak, 680 98 61 43 telefono zenbakira deitu behar du (Izaskun).

Aurtengo udazkenean Zu ere, On Kixote izenburuko antzerki proiektu parte hartzailea iraganen da Hendaian, eta heldu den asteko asteartean bilera eginen dute Mendi Zolanen, argibideak emateko xedez. Hainbat eragileen elkarlana da Zu ere On Kixote: Herriko Etxeko Euskara zerbitzua, Agerre Teatro konpainia eta Imuntzo eta Beloki musikariak. “Antzerkia, dantza eta musika nahasiko dituen eragin-trukeko antzerki esperientzia hau osoki euskaraz izanen da”, argitu dute Euskara zerbitzutik. Antolatzaileek jakinarazi dute egitasmorako parte hartze mugatua izanen dela: “Hendaiako dantza, kantu, antzerki, bertsu, arte plastiko elkarteek eta artistek parte hartzen ahal dute proiektu horretan, nahi izanez gero. Halere, jakin behar da parte hartzaileen kopurua mugatua izanen dela”. Poiektuaz mintzatzeko, datorren asteartean bilkura eginen dute Zokoburuko Mendi Zolan kulturgunean, eta bertara joateko deia luzatu diete Euskara Zerbitzutik proiektuan laguntzeko interesa dutenei. 18:30ean hasiko da bilera. Zu ere, On Kixote antzezlanean izena emateko ere baliatuko dute Mendi Zolaneko hitzordua.

Igandean desmuntatuko dute Jaime de los Rios, Alex Garmendia eta Oier Villar artistek osaturiko Anamorphose taldeak Mendi Zolan kulturguneko 1. solairuan jarritako erakusketa-instalazioa eskainiko du, Mendi Zolan kulturgunearen 1. solairuan. Hilaren 7an inauguratu zuten eta hilaren 22arekin izango da bisitatzeko azken aukera. Herriko Etxeko Kultura zerbitzuak antolaturako ekintza da. Bertatik adierazi dutenez, “Anamorphose taldeak erakusketa-eremua ezin hobeki erabiltzen du, soinuen, irudien eta argien inguruko ekintza artistikoa eskaintzeko; gomitatzen zaituztete iluntasunean eta isolamenduan murgildutako bidaia zoragarri baten egitera”. Hiru artistek osatzen dute Anamarphose: Jaime de los Rios, Alex Garmendia eta Oier Villar. Forma-argiak eta musika erabiltzen dituzte, pantaila edo irudi-hargailu gisa baliatzen dituzten eremu fisiko aldatuetan proiektatuz. Soinuak, etengabe aldatuz doan irudiaren proiekzio numerikoa eragiten du; elementu horiek, elkarturik, eraldatzen eta birsortzen, ikuslea murgildua den eremu batean. “Artistak proiekzio-euskarri ezberdinen azterketan oinarritzen dira, dauden eremuaren baldintza fisikoei egokituz, eta argiak eta soinuak ezin hobeki baliatuz”, gehitu dute Mendi Zolaneko arduradunek. Esan bezala, larunbata da Anamarphose taldearen unibertsoan sartzeko azken aukera Mendi Zolanen. Sarrera doan da eta ordutegia, ohikoa: 10:00etatik 13:00etara eta 15:00etatik 19:00etara.

Abenduaren 14tik urtarrilaren 4ra: Olentzero eta jaiotzen erakusketa Amaia KZn. Asteartetik larunbatera, 16:00etik 20:00ak bitarte; igande eta jaiegunetan, 11:30etik 13:30era. Abenduak 16: Jose Luis Barrioren omenezko gabonetako kontzertua Amaia KZn (19:00). Luis Mariano Lirika elkarteak eta Ametsa abesbatzak antolatuta. Abenduaren 20tik urtarrilaren 4ra: Topoaren 100 urteak gabonetako erakusketa Adif-eko nazioarteko atarian, 18:00etatik 20:00etara. Bidasotarra 7101 Trenbidearen Lagunak elkarteak antolatuta. Abenduak 21: San Tomas azoka Moskun, 09:30etik abiatuta. Abenduak 22: Atzokoak taldearen musika emanaldia Amaia KZn (20:00) Musika Kontserbatorioko orkestraren parte hartzearekin. Sarrera gonbidapenarekin. Abenduak 23: Irun Hiria Musika Bandaren partaide gazteen kontzertua, Amaia KZn, 12:00etan. Abenduak 24: Olentzeroren ongietorria 17:30ean Artalekuko aparkalekutik abiatuta, kale Nagusia, Foru kalea eta Colon ibilbidea zeharkatuko ditu Zabaltza plazaraino. Ondoren, 18:00etatik 20:30era umeen gutunak jasoko ditu Olentzerok San Juan plazan. 19:00etan, gabon kanten jaialdiari hasiera emango diote, San Juan plazan bertan. Abenduak 26: Haritzaren bihotza marrazki bizidunen filmaren euskarazko emanaldia Amaia KZn, 17:00etan. Sarrera gonbidapenarekin edota zozketako txartelekin. Abenduak 29: VII. Break Lehiaketa Amaia KZn, 17:00etan. Urtarrilaren 3a: El corazon del roble –Haritzaren bihotza– filmaren gaztelerazko emanaldia, Amaia KZn, 17:00etan. Sarrera gonbidapenarekin edota zozketako txartelekin. Urtarrilak 4: Errege Magoen gutun bilketa Irungo udaletxean, 16:00ak eta 20:00ak bitartean. Urtarrilak 5: Errege Magoen desfilea Hondarribia kaletik abiatuta (18:30) udaletxeraino. Ondoren, [...]

Urteko azken asteetan sartuta, hainbat korrikalari San Silbestre lasterketarako prestatzen ariko dira. Errenteria-Oreretan egingo dutenek aurten izango diren aldaketak kontuan hartu beharko dituzte, EAT Errenteriako Atletismo Taldeak azaldu duenez. Nagusiena, ibilbidean aurki daiteke, bikoizketak saihesteko asmoz, zertxobait moldatu baitute bidea. Gazte, heldu eta beteranoen ibilbideak zazpi kilometro izango ditu —iaz 7,225 izan ziren—, eta bi buelta eman beharko dizkiote korrikalariek honako ibilbide honi: Zumardia, Galizia biribilgunea, Alfontso XI, Biteri kalea, Koldo Mitxelena plaza, Madalen kalea, udaletxea, Santa Klara, bidegorria, Fanderia, zubia pasatu eta Gabierrotara, Matxain eta Zumardia. Haurrek —benjamin, alebin, haur eta kadeteek—, ohiko ibilbidea edukiko dute, eta kilometro bateko distantzia izango dute. Nafarroa etorbidea, Alfontso XI, Biteri kalea, Biteri Txiki, Andra Mari, Herriko plaza, Erdiko kalea, Santa Klara eta Zumardia. Muga: 750 dortsal Helduek parte hartzeko lasterketaren eguna baino lehen eman beharko dute izena, EATen webgunean: www.atleticorenteria.com, eta epe muga hilaren 29a izango da. Egunean bertan, beraz, ez da izena emateko aukerarik izango. Izena ematearekin batera 10 euro ordaindu behar dira. Antolakuntzak 750 dortsal aterako ditu. Haurrek, berriz, izena emateko Eskola Kiroleko koordinatzailearen bitartez egin beharko dute, edo egunean bertan 15:30etik 16:15era, udaletxeko arkupeetan. Inola ere ez, webgunearen bitartez, eta dohainik izango da eurentzat izen ematea. Euren kasuan, gainera, [...]

San Tomas Eguna ostiralean izango da, baina herriko zenbait auzo elkartetan aurreko asteburura aurreratzen dute, Beraunen, esate baterako. Hala, larunbatean egingo dute San Tomas Azoka. Goizean goizetik baserriko produktuen erakusketa izango da, eta an...

Efe agentziaren arabera, Eusko Jaurlaritzako Osasun Sailak espedientea ireki dio Errenteria-Oreretako Mugaritz jatetxeari, eta aintzat hartu du Igualdad Animal taldeak uztailean egindako salaketa. Oiartzungo Momotegi etxaldeko ahateek tratu txarrak jas...

Gure herriko sei gazte espetxeratzeko arriskuan daudela jakina dugu. 2011an izan ziren epaituak, gazte erakunde independentista bateko kide izateagatik, hain zuzen, epaileak sei urte inguruko kartzela zigorra ezarri dielarik. Honen oihartzuna etengabek...

Xenpelar Sarien ostean, bertso eskolaren emanaldiak aurrera doaz, eta astebururako bi ekitaldi antolatu ditu: Xenpelarri buruzko hitzaldia etzi, eta Bi arreba ikuskizuna, larunbatean. Xabier Amuriza ariko da Xenpelarri buruzko pasarteak eta bitxikeriak kontatzen hitzaldian. 19:00etan hasiko da, Xenpelar Etxean. Hurrengo egunean, berriz, Xenpelar eta Chopinen gorputzean sartuko dira Andoni Egaña eta Xabier Lizaso Bi arreba antzezlanean. Bertsolaria nahiz pianista garaikideak izan ziren, eta horrez gain, hainbat antzekotasun izan zituzten euren artean. Hala nola, heriotza. Biak gaitzak jota hil ziren, eta euren arrebek zaindu zituzten azken egun horietan. Hortik datorkio antzezlanari izen hori. Ikuskizuna larunbatean izango da, 19:00etan, Errenteria Hiria Kulturgunean, eta sarrerak dagoeneko salgai daude kulturguneko leihatilan, 3 euroan. Ekitaldi horren aurretik Zapirain Anaiak eta Ibon Zabala bertsopaper lehiaketetako sariak banatuko dituzte. Erakusketa Datozen egunetan martxan jarriko duten hurrengo ekimena erakusketa izango da. Datorren astelehenetik aurrera urtarrilaren 4ra arte egongo da martxan, eta bertan Xenpelar Bertso Eskolaren 25 urteetan ateratako argazkiak bildu dituzte. Bertso eskolak jakinarazi duenez, 43 panel izango dira 127 argazkirekin. Argazkiekin batera, DVD baten emanaldia izango da. Bertan, Jose Luis Erkizia Baserri-k Xenpelarren irudiari buruz egindako dokumentala ikus daiteke. Lan horretan, ezagutzen den Xenpelarren irudi bakarra, Xenpelar ez zen beste pertsona batean oinarrituta egin zuela kontatuko du [...]

Zigorra beteta, gaur ziren askatzekoak Juan Carlos Estevez Melli Errenteria-Oreretako presoa. Atzo arratsaldean, ordea, espetxean bertan atxilotu zutela jakinarazi du Etxeratek, Espainiak eskatutako euroagindua dela eta. Gaua komisaldegian pasatu du Mellik. Eguerdian fiskalaren aurretik pasatzekoa zen, baina Espainiaratzearen gaineko erabakia hartu bitartean prebentibo moduan espetxeratuko dutela aurreratu du Etxeratek. Etxeratek gogorarazi duenez, lehendik ere, (2005ean) Espainiak euroagindu eskaera bat egina zuen, baina Frantziak ez zuen onartu. Orain, aske geratu baino egun bat lehenago bigarren eskaera egin du Espainiak. 2004tik darama espetxeratuta, Frantziako kartzeletan.

Pasa den asteko albisteen errepasoa, eta aste honetakoen aurrerapena Oiartzun Irratian, Urko Etxebeste zuzendariaren eskutik.

Oarsoaldeko Langabeen Batzarrak bilkura irekia deitu du beste behin ostiralerako. Aste honetan ere, astelehenetik ostiralera pasatu du deialdia batzarrak. Ohi bezala, 19:00etan, bilduko dira Herriko Plazan. “Berriro diogu ez bagara mugitzen inor ...

Urteko azken ipuin kontaketa saioa izango da bihar. Pello Añorga herritarrak ipuinak kontatuko dizkie lau urtetik gorako haurrei. 17:30ean hasiko da saioa, Manuel Lekuona Bibliotekan. Udalak antolatu du ipuin kontaketa, Eusko Jaurlaritzaren laguntzare...