
Glu-Glu konpainiak Su txikian antzezlana taularatuko du igande honetan Itsas Etxzeko Auditoriumean, 19:30ean. Su txikian Loiolako bake elkarrizken inguruan sortutako obra da, euskal gatazkaren konponbiderako emandako azkenetako saio batzuk lantzen dituena. Sarrerak turismo bulegoetan eros daitezke, 15 euroan. Antzezkizuna, Udaleko Euskara Zerbitzuak antolatzen duen Neguko Jardunaldien programaren barruan kokatzen da. Galder Perez zuzendariak onartu izan duenez, Imanol Murua Uria kazetariaren Loiolako hegiak eta Jesus Egiguren PSE-EE-ko presidenteak idatzitako ETA. Las claves de la paz liburuetan oinarrituta hasi zen obra idazten. Geroago, Fermin Munarrizek Arnaldo Otegiri egindako elkarrizketak jasotzen dituen El tiempo de las luces liburua erabili zuen obra biribiltzeko. Egileak berak esanda, ukitu dramatikoko antzezlan dokumentala da. Elgoibarko Txillarre baserrian Arnaldo Otegik eta Jesus Egigurenek Pello Rubioren konpainian izandako solasaldietatik hasi eta Loiolako hiru aldeko elkarrizketetarainoko pasarteak antzeztuko dituzte, Osloko eta Genevako hoteletan ETAko solaskideek Espainiako Gobernuko ordezkariekin izandako hartu-emanetan barrena ibiliz. Aktoreen artean aurpegi ezagun asko daude: Libe Aramburu (Olatz Dañobeitiaren paperean), Martxelo Rubio (Josu Jon Imazenean), Joxemari Carrere (Jesus Egigurenean), Ugaitz Alegria (Iñigo Urkullunean), Mañu Elizondo (Rodolfo Aresenean) eta Gabriel Ocina (Arnaldo Otegirenean). Sarrerak salgai daude 15 euroan Arma Plaza Interpretazio Zentroan eta Kirol Kaiko turismo bulegoan, eta igande arratsaldean Itsas Etxean ere erosteko aukera aukera izango da. Emanaldia [...]

Gabonetan Olentzerori “omenaldi xumea” egin nahian, Arditurrin txondorra eraiki nahi dute elkarlanean udalak, Gipuzkoako Parketxe Sareak eta aldundiak, beste hainbat eragileren laguntzarekin: Albaola, Ttur-ttur, Olentzeroren Lagunak, Soinuenea. Hala, txondorra eraikitzeko, piztuta edukitzeko eta itzaltzeko gidariak badituztela esan dute ekimenaren antolatzaileek, baina hala ere boluntarioen laguntza behar dute, “etxeak berotzeko Olentzerok nahiko ikatz izan dezan”. Hilaren 10etik 22ra egin nahi dituzte txondorraren lanak. 10tik 13ra egurra prestatuko dute; txondorra bera 13tik 15era eraikiko dute, eta txondorra piztuta edukitzeko maiztasunez egurra sartu behar denez, 15etik 22ra ere boluntarioak behar dituzte, baita egun horietan bertako suaz baliatuta otorduak egiteko ere. Irudi grafikoak hartzeko ere jendea behar dute. Laguntzeko prest daudenak Joxe Ramon Agirre Marron-ekin harremanetan jartzeko eskatu dute. Hala ere, honako telefono zenbakiak prestatu dituzte informazioa nahi dutenentzat: 943 49 45 21 eta 943 49 50 69. arditurri@gipuzkoamendizmendi.net-era idatziz ere lor daiteke informazioa, baita www.gipuzkoamendizmendi.net helbidean ere. Jarraian, txondorra egina dagoenean izango diren ekimenen zerrenda: Hilak 15, larunbata, 16:00etatik aurrera. Txondorra piztearen festa. Zuhaitz motzak, bizimodu baten ahotsak dokumentalaren aurkezpena. Hilak 22, larunbata, 16:00etatik aurrera, Olentzeroren laguntzaileek ikatza aterako dute: 16:00etan, kalejira Herri Musikaren Txokotik Arditurrirantz (eguraldi txarra eginez gero, 16:30ean Arditurriko aparkalekutik). 17:00etan, Olentzeroren Lagunek prest dagoen ikatza aterako dute, astebetez piztuta [...]

Pilotalekua garbitu dute, haur parkea egiteko lurra prestatu dute, eta zikinkeria kendu dute Ergoien auzoko Auzokalte elkartearen ingurua txukuntzeko auzolana egin zuten atzo hamarnaka herritarrek. Ekimen horretan, auzokideez gain, herriko beste auzo batzuetako kideek ere parte hartu zuten. Urriaren 12an udalak eta herritarrek hitzartutako auzolanen lehen saioa egin zuten bidegorrian, eta urteko bigarrena izan zen Ergoien auzokoa. Bidegorrikoa lan handiagoa izan zen, herri mailakoa; atzokoan auzo zehatz batean egin beharreko lana izan zen, txikiagoa, eta beraz, partaideak eta lan orduak urriaren 12koak baino txikiagoak izan ziren. Hala ere, goiz-goizetik lan giroa suma zitekeen Ergoiengo zonalde horretan, hiru esparru zehatzetan banatuta: auzoko pilotalekua, auzokalte elkartearen beheko berdegunea, eta pilotalekuaren atzealdea. Auzolan Brigadako kideek koordinatu zituzten atzo ere lanak, eta udalak baliabide material eta teknikoak jarri zituen. Hala, pilotalekua presiozko ur txorrotadekin garbitu zuten boluntarioek; pilotalekuaren atzealdeko zelaian dauden zuhaixkak kimatu, eta zikinkeria kendu zuten. Azkenik, Auzokalte elkartearen behealdeko berdegunea haurrentzako parkea egiteko prestatu zuten, hondea makina txiki eta guzti. Data seinalatua Aurreko auzolana urriaren 12an egin zuten, Hispanitatearen Egunean. Atzo, Espainiako Konstituzioaren Eguna izan zen. Hortaz, aurrekoan bezala, auzolanean aritzeko data esanguratsua aukeratu zuten oiartzuarrek: helduak, gazteak, eta haurrak izan ziren lanean, emakume eta gizon, denak elkarrekin. Independentistak Sarearen zapi berdearekin [...]

Atez atekoaren gaineko bigarren bilera sorta abiatu du udalak

Irrigintza Jaia «aisia euskaldun eta hezitzailerako» abiapuntu izan da

Hondarribiko Endanea Garden landare saltokiak gabonetako azoka antolatu du bihar eta etzirako. Gabonei begira etxea apaintzeko ideiak behar dituztenek edo Olentzerori gutuna egin gabe dutenek aukera ona izango dute bertan. Ekitaldi asko antolatu dituzt...

Iñaki Lertxundi eta Fidel Otxoa, Pasaia Zero Zabor taldeko kideak Atez atekoa zero zabor filosofiarekin bat egiteko sistemarik onena dela esan dute Pasaia Zero Zabor taldeko bi kideek, eta hondakinak baliabide bezala ulertu behar direla uste dute. Pasaia Zero Zabor taldeko Iñaki Lertxundi eta Fidel Otxoa sanjuandarrek euren proposamenen berri eman dute. Garbi dute Pasaian hondakinen kudeaketan aldaketa behar dela, eta horren gaineko irizpideak eman dituzte. Zer da zero zabor filosofia? Gure eguneroko jardunean erabili behar ditugun materialak alferrik galdu eta elementu kutsakor bihurtzen ez uztean oinarritzen da. Horretarako bitarteko egokiak finkatzen dira. Produktuak berrerabili eta birziklatzeko diseinatu ezean, produktuak birdiseinatzera edo sistematik at uztera jo beharko genuke. Zergatik ikusten duzue beharrezkoa filosofia hori sustatu eta aurrera eramatea? Ustiatu-kontsumitu eta botatzean oinarritzen den sistema bideraezina delako. Urteetan hondakinen kudeaketa txarra bertatik bertara bizi izan dugu bailaran. Politiko profesionalen agendan, urteetan lekua ez izatetik, egunetik gauera herritarron azalean jartzeko bezain besteko azala izatera igaro ziren. Bat-bateko jarrera aldaketa horrek, iragarpen zenbaiten bezperan geundelaren susmoak piztu zizkigun. Hala, hondakinak erraustea bezalako tratamendu bat oinarri izango zuen kudeaketa eredua saldu eta inposatu ziguten. Ordutik, urak bere bidea egin du, eta denborak, askoren hitz ederrez mozorrotutako zabor metak agerian utzi ditu. Agerian dagoen zabor [...]

Hamasei urte bitarteko haurrek parte har dezakete Hondarribiko Haurren Olentzero lehiaketan. Dagoeneko izena eman dezakete Gazte Informazio Bulegoan (GIB); hilaren 14a baino lehenago pasatu behar dira bertatik eta izen-emate orria bete. Taldeek gutxien...

Garaipen ederra lortu zuen atzo Pasaia futbol taldeak Don Boscon. 3-1 gainditu zuen Gasteizko Aurrera taldea, eta horrenbestez, sailkapen nagusian aurrera jauzia egin dute zuri-gorriek: hamargarren postuan daude, sailkapenaren erdi-erdian, hortaz, saso...

Abiatu dute Gabonetako Olentzero eta Gabon Kanten jaialdirako izena emateko epea. Udaleko Kultura departamentuaren ekimena da, “Olentzeroren irudia eta gabon kantak mantentzeko” xedea duena. Bi lehiaketetan gutxienez 20 herritarrez osatutako taldeek har dezakete parte, hamasei urtetik gorakoak denak —16tik beherakoek Haurren Olentzero Lehiaketan parte har dezakete—. Izena eman nahi dutenek Bezeroaren Arreta Zerbitzuaren (BAZ) bulegora joan behar dute hilaren 18ko 13:00ak baino lehen, eta eskaera orria beteta eraman. Hor, Gabon-Kanta Lehiaketan soilik parte hartu nahi duten edo Olentzero panpina ere aurkeztuko duten zehaztu behar dute. Hilaren 24an egingo da Gabon-Kanten eta Olentzeroen jaialdia, 17:45etik aurrera. Gauzak ongi, Gipuzkoa Plazan egingo da ekitaldia, eta eguraldi txarra eginez gero, udaletxeko arkupeetan burutuko dute. Talde bakoitzak bi gabon kanta abestuko ditu, bata Olentzero, eta bestea libreki aukeratuta. 400 euro bietan parte hartzeagatik Jaialdian parte hartu eta gero, taldeek ohitura izaten dute Alde Zaharretik zein Portutik abesten jarraitu eta Olentzeroren irudia paseatzeko, eta Gabon giro polita sortzen dute herriko kaleetan. Udaleko Kultura sailetik dei egin diete herritarrei ohitura gordetzen laguntzeko eta, horretarako, diru laguntzak banatzen ditu parte hartzen dutenen artean. Abestu eta panpina aurkezten duen talde bakoitzak 400 euro jasoko ditu eta Olentzerorik aurkezten ez dutenek 250 euro.

Orain hilabete inguru Txingudiko Zerbitzuak Mankomunitateko batzar orokorrak bosgarren edukiontzia, marroi kolorekoa, Irun eta Hondarribiko auzo guztietara zabaltzea erabaki zuen. Iaz bost auzotan jarri zituzten landare jatorrizko hondakinak jasotzeko edukiontziak eta 2013an auzo guztietara zabaltzea erabaki zuen. Bada, bi herrietako Bilduren udal taldeek neurria kritikatu dute komunikabideei bidalitako ohar bidez. Erabakia zertan oinarritzen den ez dakitela eta esperientzia pilotuaren daturik ezagutzen ez direla salatzen dute Irun eta Hondarribiko Bilduren zinegotziek. Bilduren ustez “garrantzia handiko erabakia” da eta, horregatik, erabaki hori “non, noiz eta nola hartu den” galdetzen dute. Koalizio abertzaleko Irun eta Hondarribiko kideek kezka agertu dute, “2011ean esperientzi pilotu bezala 5 auzoetan abian jarri zen edukiontzi marroiaren balorazioa” ezagutzen ez dutelako. Horrela, Txingudi Zerbitzuak-eko presidenteari galdegiten diote esperientzia pilotu horren datuak publiko egiteko. Bukatzeko, “gardentasun eza” leporatzen dio Bilduk Txinzer erakundeari, eta “horren atzean arazoari benetako konponbidea emateko ardura edota borondate falta” dagoela gaineratzen dute.

Datorren asteko asteartean, hilak 11, Axular kalea itxiko dute, udalak urtero garai honetan burutu ohi den kimaketa egiteko. Osteguna arte iraungo du itxita kaleak. Horregatik, Bidasoa ibilbidera ibilgailuz joan nahi dutenek Sabino Arana kaletik egin b...

Gabonetako II. Erakuslehio Lehiaketa antolatu du Hondarribiko Udaleko Turismo eta Merkataritza sailak. Esan dutenez, “horren bidez merkataritza herriko bizitzaren partaide egin nahi da, eta ondoen apainduta dagoen establezimenduari sarituko dira”. Hiru sari banatuko dituzte, 450, 300 eta 200 eurokoak. Izena eman nahi dutenek hilaren 19ra arte dute epea; Bezeroaren Arreta Zerbitzuaren (BAZ) bulegotik pasatu behar dira izena emateko. Lupe Olaskoaga Turismo eta Merkataritzako zinegotziak azaldu ditu lehiaketan parte hartzeko merkatariek bete beharreko baldintzak: “Lehiaketa honen bidez bertan ditugun gabonak apaindu nahi ditugu. Erakusleihoen apainketak gutxienez abenduaren 21etik 2013ko urtarrilaren 8a arte egon behar du. Lehiaketan parte hartu ahal izango dute kalera ematen duen erakusleihoa duten establezimendu guztiek, baldin eta martxan baldin badaude”. Udaletik aurreratu dutenez, “epaimahaiak diseinua, sormena, irudi komertziala eta produktuaren aurkezpena izango ditu kontuan”.

Gabonekin lotutako ekintzak ugaritu egin dira azken egunetan, eta horren adibide da Alabergan jarriko dute jaiotza eta Olentzeroren erakusketa. Erakusketa hilaren 21etik aurrera egongo da martxan, baina guztia muntatzeko laguntza eskatu diete auzotarre...

Joan den igandeko Irrigintza Jaiaren gaineko erreportajea egin du Hamaika Telebistak. Festa izan zenaz gozatzeko aukera dute hala nahi dutenek.

'Bi arreba' ikuskizuna izango da asteartean Gezalan

Gazte asanbladako kideak pozik daude hamasei orduko lehiak izan duen harrerarekin Atzoko 08:00etan hasi zen Kataxulo Gaztetxiaren hamasei orduko futbito txapelketa. Bertan parte hartzeko hemezortzi taldek eman zuten izena, eta horregatik, Oiartzungo gaztetxeko kideak pozik agertu ziren. Gainera, nabarmendu zuten taldeetako bat emakumeena zela. Taldeak, Oiartzungoak, Lezokoak, Goizuetakoak, Donibanekoak eta Antxokoak izan ziren. Lehia gauerdian zen bukatzekoa, 00:00etan, hortaz, Hitza-ren erredakzioa ixterako orduan irabazlea nor izan zen ez zegoen erabakita. Partaideen alorrean zituzten asmoak bete baziren ere, antzekoa gertatu zen ikusleei dagokionez. Izan ere, goiz-goizetik Elorsoro kiroldegiko harmailetan jendearen joan-etorria nabarmena izan zen. Herrira-ren, Ttur-tturren, Elorsoro kiroldegiaren eta Oiartzungo Udalaren laguntza eskertu dute Kataxuloko kideek.

Lurperatuta hamar urtetik gora daudenen hezurrak aterako dituzte

Oarso Taldeak bultzatuta, herriko zenbait txokotan murrizketen kontrako banderak jarri dituzte salgai. Norbaitek interesa edukiz gero, 5 euroan eros dezake bakoitza Pelukasen kioskoan (Zumardian), De Cyne Reyna tabernan (Zumardian), Oñatiarra tabernan...

Itsastarrak Mendi Taldeko bazkideek bi batzar egingo dituzte asteartean, Trintxer jauregian, 19:30ean lehen deialdian eta 20:00etan bigarrenean. Lehena ohiko batzarra izango da, eta 2012ko balantzea egiteaz gain, 2013ko ekintzen egutegia aurkeztuko dut...