
Etzitik igandera egingo duten Hondarribia Blues Festival jaialdiaren zazpigarren ekitaldia dela eta, Bentako aparkalekua itxi egin dute. Larunbatean, besteak beste, Robert Cray eta Eric Sardinas musikarientzako agertoki nagusia montatu zuten. Gainera, ...

Etzi, literatura tailerra egingo dute, 16:00etatik aurrera, Zuloaga Etxean. William Traver idazlearen Verano y amor liburua landuko dute. Guztira, hiru tailer antolatu dituzte, literaturazaleek esperientziak trukatzeko.

ESAITek antolatu du irteera bat hilaren 18rako eta 19rako; Oñatiko peña batzuek antolatu dute bestea Hilaren 18an (Peyresoure) eta 19an (Peyregude) Tourreko etapak ikusteko autobusa antolatu du ESAITek. Jakinarazi dutenez, interesa dutenek honako tel...

Urtero karmenetan ospatzen den Julio Montoyaren oroimenezkoa iganderako antolatu du Trintxerpeko Atletiko Klubak. 10:15ean hasiko da proba, Azokatik. Helmuga ere bertan kokatuko dute. Ibilbideak 5 kilometro ditu, herriko kaleetan barrena bi bira emanez...

Joan den astelehenean egindako bilkuran, eskualdeko gazte sozialistek Azahara Dominguez aukeratu zuten berriz ere Irun-Hondarribiko Gazte Sozialisten idazkari nagusi. 2009an hautatu zuten lehen aldiz.

20:00etatik aurrera Azokan bilduko da Antxoko Jai Batzordea, sanferminen balorazio egiteko.

Astarloza Taldeak datorren asteburuan Tourrera egin behar zuen bidaia bertan behera utzi dute. Izan ere, txirrindulari sanpedrotarra ostiraleko etapan erori zen lurrera, tropelaren erdia baino gehiagori eragin zion erorketan. Hala ere, beste askok ez b...

Antxotarrek erre dute azken traka; herenegun agurtu zituzten jaiak, datorren urtera arte, penaz eta bustita Bukatu dira sanferminak. Gaixoa ni abestuz Gure Zumardian bildu ziren herenegun antxotarrak, aurtengo jaiak bukatu direla ospatzeko. Gauerdiarekin batera, zapi gorriak lepotik kendu, eta, ausartenak ur zorrotadaren azpian sartuta, festa giroan agurtu zituzten sanferminak. Aurretik zezensuzkoarekin korrika eta dantzan aritu ziren, eta baita aurten lehenbizikoz antolatutako su festa ikusgarriaz gozatzen. Jaiak agurtzeko ekitaldian, Antxoko Jai Batzordeko kide guztiak igo ziren taula gainera. Baita aurten omendutako erretiratuak ere. Jose Luis Oiarbidek eta Jexu Zabalak jaitsi zituzten ikurrina eta Pasaiako bandera, elizako ordularian hamabiak ematearekin batera. Jai batzordeko kideentzako zein Gure Zumardian bildutako herritarrentzako esker oneko hitzak izan zituen Juanra Cano zinegotziak. «Jaien balorazio oso positiboa» egin zuen, eta denon parte hartzea eskertu. Edonola ere, bihar, 20:00etan, sanferminen balorazioa egiteko bilduko dira. Liskarrik ez Aurtengoak azken urteetako festa baketsuenak izan direla esan daiteke. Azken urteetan ez bezala, gauez ez da borrokarik izan. Hori bai, lapurretak ezin aipatu gabe utzi. Gaztetxean bitan sartu dira lapurtzera, eta dirua eta musika ekipoa eraman dituzte, eta zumardiko txosnan ere saiatu ziren lapurtzen. Etxe batean ere ostu zuten. Parte hartze handia Jai parte hartzaileak bultzatzea izan da Antxoko Jai Batzordearen helburu nagusienetako [...]

David Perez Santiagotarrak Arraun Elkarteko piraguistak aste honetan Wasau herrian (Wisconsin, AEB) egingo duten gazteen eta 23 urtez azpikoen Munduko Slalom Taxpelketan parte hartuko du. Gaur hasiko da lehiaketa, baina irundarrak osteguna arte itxaron...

Karaez-Oiartzun Senidetza Elkarteak antolatuta, abuztuaren 8tik 13ra joango dira hara interesa dutenak Karaez-Oiartzun Senidetza Elkarteak, normalean, urtero antolatzen du Karaezera (Bretainia) bidaia, xanistebanen ondorenerako. Iaz ez zuten bidaiarik antolatu, baina aurten berriro aurrera ateratzea lortu dute. Abuztuaren 8an (asteazkena) aterako dira Bretainia aldera. 08:00etan jarri dute hitzordua, Haurtzaro Ikastolako aparkalekuan. Itzuli, berriz, abuztuaren 13an (astelehena) itzuliko dira, toki horretara, ilunabarrean. Joateko interesa duten helduek 180 euro ordaindu behar dituzte, eta gazteek 140. Hori bai, gaztetxoenek —18 urtera artekoek— arduradun batekin joan beharko dute. Izena eman aurretik Euskadiko Kutxako honako kontu zenbakian diru hori sartu behar dute: 126.1.03143.1. Ordainduta, ordainagiria udaletxera eraman behar dute interesdunek, eta bertan izena eman. Atzotik etzira (hilaren 12ra), Karaezera inoiz joan ez direnek dute izena emateko aukera. Gainontzekoek, berriz, etzitik hilaren 30era eman ahal izango dute. Guztira, 50 pertsonako taldea osatu arte, horixe baita autobusaren plaza kopurua. Senidetza elkarteak nabarmendu duenez, izena ematen dutenen artean oiartzuarrek izango dute lehentasuna. Iaz, bidaiarik ez Iaz, Karaezko lagunei urtebeteko atsedenalditxoa ematea erabaki zuten, eta Bretainiara bidaiarik ez egitea: «Udaletxe berria, inoiz berritua izan bada, oraingoa izan da, eta martxan jarri berria da. Denok dakigu bidaia hau antolatu ahal izateko udalaren diru laguntza beharrezkoa dugula. Eta udala martxan jarri ezinean [...]

Errenteriako Udalak aholkulari juridiko lanpostua betetzeko deialdia egin du. Eskaerak gaurtik hilaren 22ra arte aurkez daitezke udaletxeko erregistroan. Epea hilaren 24an bukatzen da, baina bai 23an eta baita 24an ere itxita egongo da erregistroa. Inf...

Iragarpenak bete egin ziren eta haize bortitzak gogor astindu zuen Plentzian larunbatean jokatutako euskal ligako euskal kayakeko proban, olatu arriskutsuak eraginez. Egoera petralari aurre eginez, Trintxerpeko Donostia Kayak taldeko Aritz Araneta kir...

Karmen eguna ospatuko dute igandeko arratsaldeko bostetatik aurrera. Ordu horretan egingo dute Portuko elizan errespontsuaren otoitza. Bost terdietan Karmen amabirjinaren irudia hartuko dute eta prozesioan aterako dute Bentan amarratutako itsasontzira...

Donostiako Monpaseko pasabidearen proiektua gauzatu ezean, Espainiako Gobernuak obra horretara bideratu behar duen diru laguntza eskatu zuen Jose Antonio Santano alkateak joan den astean. Behobian antzeko proiektu bat egin nahi du alkateak, eta eskaera hori kritikatu egin du Irungo EAJk. ”Donostiako pasabidea egiteko zuzenduta dagoen diru kopurua aurrekontu sail zehatz batekoa da, beraz, izena eta abizenak ditu. Horrenbestez, ez zaigu serioa iruditzen Santano jaunak egin duen eskaera, jakinda Monpaseko pasabidera zuzendutako dirua ez dela Behobia eta Azken Portu lotuko lituzkeen egitasmora bideratuko”, azaldu du Xabier Iridoyk, Irungo jeltzaleen udal taldearen bozeramaileak. EAJk uste du Behobia auzoa eta Azken Portu kiroldegia, Bidasoaren ertzetik joango litzatekeen pasabide baten bidez lotzea “ideia interesgarria” dela, baina “krisi sakona bizi dugun garai honetan bestelako premiak” daudela esan du. Gai horri lotuta, ibaia dragatzea ezinbestekoa dela baieztatu du Xabier Iridoyk: “Behar hori Pirinioetako Nazioarteko Batzordeak egindako bileran mahai gainean jarri zen, iaz. Lan horiek ibaiak gainezka egitea ekidingo lukete”. Hurrengo bozeramaileen batzordean Bidasoa dragatzeko lanen egoera zein den galdetuko duela esan du Iridoyk. “Oihartzuna bilatu du” Irungo EAJren udal taldearen ustez, Monpaseko pasabiderako aurreikusitako diru laguntza beste egitasmo batera bidera ezin daitekeenez, uste dute joan den astean egindako eskaerarekin Jose Antonio Santano alkateak komunikabideetan azaltzea besterik ez [...]

‘Kirolez blai’ saioan itzuliaz ariko dira gaur eta ostiralean, batetik; ‘Arguyuan’ ariko da Iratxe Ibarra, bestetik Tourra bigarren astean sartu da, eta baita Oiartzun Irratiko Kirolez blai! saio berezia ere. Aste honetan, herriko zikloturista ...

Bihar Julen Mendozari elkarrizketa egingo diote, 20:00etatik aurrera, Zintzilik irratian. Alkatetzan egin duen lehen urtearen errepasoa egiteaz gain, aurrera begirako proiektu eta erronkei buruz galdetuko diote. Entzuleek ere aukera izango dute parte h...

Santiagotarrak Arraun Elkarteko ur bizietako Haurren Mailako piraguistek hirugarren postua lortu zuten Fragan (Huesca, Aragoi) egin duten Etorkizuneko Kirolarien Espainiako 1. Slalom Txapelketan. Juanjo Olazabalek entrenatzen dituzen kirolariek brontzea jantzi zuten taldekako sailkapenean. Banakako jardunean Klara Olazabalen lana izan zen aipagarriena, Haurren A Mailan; Olazabalek bi urrezko domina eskuratu zituen, kaiakarekin eta kanoarekin. Gainera, Lur Sagasetak eta Lur Gonzalezek osatutako bikoak brontzea irabazi zuen C2an. Santiagotarrak-eko piraguisten emaitzak Haurren A Maila. Mutilak Daniel Ganboa, 11. K1ean eta 7. C1ean. Iñigo Etxebeste, 15. K1ean eta 8. C1ean. Herri Manterola, 23. K1ean. Haurren A Maila. Neskak Klara Olazabal, 1. K1ean eta 1. C1ean. Andrea Rodriguez, 7. K1ean eta 5. C1ean. Garazi Estonba, 8. K1ean eta 4. C1ean. Haurren B Maila. Mutilak Beñat Ugalde, 5. K1ean eta 7. C1ean. Lur Sagaseta, 13. K1ean eta 3. C2an. Lur Gonzalez, 16. K1ean eta 3. C2an.