Tourra, zikloturista taldeetako kideen begietatik
‘Kirolez blai’ saioan itzuliaz ariko dira gaur eta ostiralean, batetik; ‘Arguyuan’ ariko da Iratxe Ibarra, bestetik Tourra bigarren astean sartu da, eta baita Oiartzun Irratiko Kirolez blai! saio berezia ere. Aste honetan, herriko zikloturista ...
‘Kirolez blai’ saioan itzuliaz ariko dira gaur eta ostiralean, batetik; ‘Arguyuan’ ariko da Iratxe Ibarra, bestetik
Tourra bigarren astean sartu da, eta baita Oiartzun Irratiko Kirolez blai! saio berezia ere. Aste honetan, herriko zikloturista taldeetako kideek egingo diote jarraipena. Joxe Migel Lopez esatariak nabarmendu duenez, «zoritxarrez orain arte erorikoak eta lasterketa bertan behera utzi dutenak izan dira protagonista. Horien artean Oiartzunen bizi den Mikel Astarloza sanpedrotarra».
Datozen etapak halakoak ez izatea espero dute, baina aztertzen jarraituko dute. Gaurko saioan, 13:15etik aurrera, Joxean Mitxelena, Xabier Izagirre eta Bibiano Arbelaitz izango dira komentarista. Mitxelena eta Izagirre Giziria Zikloturista Taldeko kideak dira. Arbelaitz, berriz, Lartaun Zikloturista Taldekoa.
Ostiralean ere egingo dute Tourra jarraitzeko saioa. Orduan, baina, gonbidatua Martxel Toledo izango da, ESAITeko kidea.
Saioak 13:15ean hasiko dituzte, eta 20:30ean errepikatu.
Iratxe Ibarrari elkarrizketa
Ostiralean ere, beste gonbidatu berezi bat izango dute irratian: Iratxe Ibarra, EH Bilduk EAEko hauteskundeak irabazten baditu, hizkuntz normalizazio sailburua izango dena. Arguyuan saioan izango da, 12:00etatik aurrera, eta hainbat gai izango ditu hizpide, irratiko kideekin batera.
