Karaezera joateko aukera izango da aurten
Karaez-Oiartzun Senidetza Elkarteak antolatuta, abuztuaren 8tik 13ra joango dira hara interesa dutenak Karaez-Oiartzun Senidetza Elkarteak, normalean, urtero antolatzen du Karaezera (Bretainia) bidaia, xanistebanen ondorenerako. Iaz ez zuten bidaiarik antolatu, baina aurten berriro aurrera ateratzea lortu dute. Abuztuaren 8an (asteazkena) aterako dira Bretainia aldera. 08:00etan jarri dute hitzordua, Haurtzaro Ikastolako aparkalekuan. Itzuli, berriz, abuztuaren 13an (astelehena) itzuliko dira, toki horretara, ilunabarrean. Joateko interesa duten helduek 180 euro ordaindu behar dituzte, eta gazteek 140. Hori bai, gaztetxoenek —18 urtera artekoek— arduradun batekin joan beharko dute. Izena eman aurretik Euskadiko Kutxako honako kontu zenbakian diru hori sartu behar dute: 126.1.03143.1. Ordainduta, ordainagiria udaletxera eraman behar dute interesdunek, eta bertan izena eman. Atzotik etzira (hilaren 12ra), Karaezera inoiz joan ez direnek dute izena emateko aukera. Gainontzekoek, berriz, etzitik hilaren 30era eman ahal izango dute. Guztira, 50 pertsonako taldea osatu arte, horixe baita autobusaren plaza kopurua. Senidetza elkarteak nabarmendu duenez, izena ematen dutenen artean oiartzuarrek izango dute lehentasuna. Iaz, bidaiarik ez Iaz, Karaezko lagunei urtebeteko atsedenalditxoa ematea erabaki zuten, eta Bretainiara bidaiarik ez egitea: «Udaletxe berria, inoiz berritua izan bada, oraingoa izan da, eta martxan jarri berria da. Denok dakigu bidaia hau antolatu ahal izateko udalaren diru laguntza beharrezkoa dugula. Eta udala martxan jarri ezinean [...]
Karaez-Oiartzun Senidetza Elkarteak antolatuta, abuztuaren 8tik 13ra joango dira hara interesa dutenak
Karaez-Oiartzun Senidetza Elkarteak, normalean, urtero antolatzen du Karaezera (Bretainia) bidaia, xanistebanen ondorenerako. Iaz ez zuten bidaiarik antolatu, baina aurten berriro aurrera ateratzea lortu dute.
Abuztuaren 8an (asteazkena) aterako dira Bretainia aldera. 08:00etan jarri dute hitzordua, Haurtzaro Ikastolako aparkalekuan. Itzuli, berriz, abuztuaren 13an (astelehena) itzuliko dira, toki horretara, ilunabarrean.
Joateko interesa duten helduek 180 euro ordaindu behar dituzte, eta gazteek 140. Hori bai, gaztetxoenek —18 urtera artekoek— arduradun batekin joan beharko dute. Izena eman aurretik Euskadiko Kutxako honako kontu zenbakian diru hori sartu behar dute: 126.1.03143.1. Ordainduta, ordainagiria udaletxera eraman behar dute interesdunek, eta bertan izena eman.
Atzotik etzira (hilaren 12ra), Karaezera inoiz joan ez direnek dute izena emateko aukera. Gainontzekoek, berriz, etzitik hilaren 30era eman ahal izango dute. Guztira, 50 pertsonako taldea osatu arte, horixe baita autobusaren plaza kopurua.
Senidetza elkarteak nabarmendu duenez, izena ematen dutenen artean oiartzuarrek izango dute lehentasuna.
Iaz, bidaiarik ez
Iaz, Karaezko lagunei urtebeteko atsedenalditxoa ematea erabaki zuten, eta Bretainiara bidaiarik ez egitea: «Udaletxe berria, inoiz berritua izan bada, oraingoa izan da, eta martxan jarri berria da. Denok dakigu bidaia hau antolatu ahal izateko udalaren diru laguntza beharrezkoa dugula. Eta udala martxan jarri ezinean dagoenean, dirua eskatzen hastea, gehiegi iruditu zaigu».
Hala ere, aurrera begira bidaiak antolatzen jarraitzeko asmoa iragarri zuten. Urtearen araberakoa izango da bidaia: «Urte bakoitzak esango digu zein aukera dauden».
