2011/5/31

Bioterra azokak 110 erakusmahai izango ditu aurten

Bioterra azoka irekiko dute ostiralean Ficoba erakustaretoan, eta igandera arte ikusi ahalko da. Produktu ekologikoak, bioeraikuntza, energia berriztagarriak eta kontsumo arduratsua ditu ardatz azoka horrek. Hamaika hitzaldi, erakusketa, ikastaro eta gaztetxoentzako jarduerak izango dira. Zortzigarren aldiz antolatu dute Bioterra azoka, eta aurtengoa orain arte egin den handiena da, bai erakusketaren azalera aldetik, baita erakusmahai kopuru aldetik ere. 110 erakusmahai baino gehiago izango dira denera Ficoban. Hiru gunetan egongo da banatuta azoka, eta bakoitzak Ficobako pabilioi bat hartuko du. Bioterra gunean produktu eta ekimen ekologikoak eskainiko zaizkio bisitariari. Nekazaritza ekologikoko elikagai ziurtagiridunak, nekazaritza ekologikorako produktuak eta osagarriak, kosmetika eta ehungintzari buruzko produktuak egongo dira ikusgai. Naturall guneak, berriz, osasunarekin eta ongizatearekin zerikusia duten sektoreak bilduko ditu. Azkenik, Geobat gunean bioeraikuntzaren eta energia berriztagarrien gaia jorratuko duten erakusmahaiak izango dira, eta horiei buruzko hainbat jardueratan parte hartu ahal izango dute bisitariek. Hitzaldi egitarau zabala Ekologiaren gaia ikuspegi anitzetatik jorratuko dute Bioterran. Horretarako, hitzaldi egitarau zabala prestatu dute. Ostiraletik igandera bitartean, hamasei adituk parte hartuko dute hitzaldietan. Askotariko gaiak ukituko dituzte, hala nola energia eredua eta zor ekologikoa, arkitektura iraunkorraren ereduak, produktu ekologikoak eta janari lasaia… Hizlarien artean, Gernot Minke Alemaniako arkitektoa izango da. Eraikuntza bioklimatikoetan aditua da Minke, eta material naturalekin eraikitzeko [...]

admin

Udan kirola egiteko aukera jarri du Udalak Uda 2011ren bidez

Gaztetxoek udan kirola egiteko aukera izango dute Uda 2011 kanpainari esker. Pasaian bereziki udan egiten diren kirolak sustatzea da kanpainaren helburua. Aurten pilota, mendiko bizikleta, patinajea, arrauna, kirol anitza, tenisa eta piraguismoa egiteko aukera izango dute parte hartzaileek. Udalak Gipuzkoako Foru Aldundiak eta herriko hainbat talderekin elkarlanean martxan jarritako kanpaina 8 eta 16 urte bitartekoei zuzendua dago. Piraguismo ikastaroak hilarenren bukaeratik irailaren hasiera arte izango dira, eta Pasaia Kayak 2005 K-ek emango ditu Kalparraren egoitzan (San Pedro). Goizez eta arratsaldez izango dira, eta hainbat ordutegi daude aukeran. Ezinbestekoa da igerian jakitea eta gutxienez 8 urte izatea. Matrikula 40 eurokoa da. Mendiko bizikletari buruzko ikastaroak eskualdeko mendietan egingo dira, eta Trintxerpe Atletiko Klubak emango ditu hilaren bukaeratik abuztuaren bukaera arte, goizez. Bizikleta eta kaskoa behar-beharrezkoak dira. Matrikula 12eurokoa da. Arrauna uztailean zehar izango da goizeko ordutegian, eta Sanpedrotarra Arraun Elkarteak emango ditu Kalparraren egoitzan. Ezinbestekoa da igerian jakitea eta gutxienez 12 urte izatea. Matrikula 40eurokoa da. Patinaje ikastaroak hilaren bukaeratik irailaren hasiera arte izango dira, eta Trintxerpeko Kirolgunean emango dira. Goizez eta arratsaldez izango dira, eta hainbat ordutegi daude aukeran. Ezinbestekoa da patinak eta babesgarriak eramatea. Matrikula 37,70 eurokoa da. Kirol anitza (futbola, saskibaloia, eskubaloia…) eta tenis ikastaroak Donibaneko Kiroldegian eta [...]

admin

30 proiektuk parte hartu dute Proiekton Bosco lehiaketan

Don Bosco institutuak lehen aldiz, Proiekton Bosco lehiaketa antolatu du aurten. Estreinaldi honetan 30 proiektuk eman dute izena. Don Boscok sei ordezkari izango ditu, elektronika arloko ikasleak denak. Gainontzeko proiektuak DBH eta Batxillergoko ika...

admin

Herri Musikaren Eskola Eguna, herenegun

Herri Musika Eskolaren eguna ospatuko zuten igande eguerdian Kontzejupean. Herritarrek, 12:30etik aurrera, herri musikaz gozatzeko aukera izan zuten: akordeoiaz, panderoaz, txalapartaz… Aurretik, ostiralean, hilabete bukaerako kartelada deitzeko ...

admin

Guraso eta haurren arteko lehia, EATen ikasturtea amaitzeko

EAT Errenteriako Atletismo Eskolak ikasturteari agur esango dio, eta ostiralerako proba batzuk antolatu ditu. Bertan, gurasoek haurren kontra lehiatu beharko dute. Guztira, hiru proba izango dira: 60 metro edo 80 metro lasterka (kategoriaren arabera), ...

admin

Oiartzun Irratia: maiatzak 31

Gaurko programazioa FM107an: 10:00etan, Arguyuan: 10:30ean: Quark. 11:30ean: Bilduko Gipuzkoako zerrendaburu Martin Garitanori elkarrizketa. Gaia: hauteskundeen ondorengo itunak eta hauteskundeak. 12:10ean: Informatika atala. 13:15ean: Bertso atala. ...

admin

‘Un paradis d’enfer’ Txomin Olazabalen antzezlana larunbatean Mendi Zolanen

Iazko apirilaren 17an, Hemofiliaren Munduko Egunaren harira, Txomin Olazabalek bere lehen ikuskizuna aurkeztu zuen, Chroniques des jours entiers, des nuits entières goiburukoa. Esperientzia horren ondotik, aurten Un paradis d’enfer aurkeztuko du...

admin

Piriniotara irteera prestatu du Itsastarrak-ek

Urteko Piriniotarako lehen irteera prestatu dute Trintxerpeko Itsastarrak eta Herrerako Mendi Zaleak mendi taldeek. Aragoi erdialdera joango dira asteburuan (hilak 4 eta 5). Larunbatean Echo Bailaratik abiatuko dira eta hortik Acher Gaztelura (2.390 m...

admin

Asteburuko sexu erasoa salatzeko elkarretaratzea egingo dute bihar

Asteburuan Irunen emakume bati sexu erasoa egin ziotelako elkarretaratzera deitu ditu bihar herritarrak Irungo Bilgune Feministak: 19:30ean izango da, Zabaltza plazan.

admin

Oraindik plazak geratzen dira Udako Ekintzetarako

Hezkuntza eta Gazteria Sailak jakinarazi duenez, oraindik plaza batzuk geratzen dira Udako Ekintzetarako. Gogorarazi dutenez, Txikien Udalekuetan (2005-2007 urtean jaiotako haurrak) izena emateko aukera dago oraindik Erdigunean, eta zehazki, abuztuaren...

admin

Oiartzungo Argazki Artxiboaren DVDa banatuko dute etxez etxe

Oiartzungo Argazki Artxibotik aukeratutako 700 argazki ingururekin DVDa osatu du Udalak, eta datozen egunetan etxez etxe banatuko duela iragarri du. Aukeraketa auzo guztietako oreka mantenduz egin dute, “XX. mendean barrena bidaiatuz, txuri-belt...

admin
Gehiago