
Tomas Luis de Victoria abesbatzak (Brunete, Madril) eta Irungo Ametsak emanaldia eskainiko dute maiatzaren 1ean, igandearekin, Pasiotarren elizan, 19:00etan. Santu guztien zubian Ametsak Brunetera bidaia egin zuen eta horren trukean antolatu dute asteburuko kontzertua.

Nicolas Gerendiain elkarte errepublikarrak memoria historikoaren gaineko hitzaldi bikoitza antolatu du biharko, hilaren 29rako, Amaia Kultur Zentroko hitzaldi aretoan (sarrera Lopez Bezerra kaletik). Irungo erepublikarrek hobi komunen ikerketan dabilen Jose Maria Pederño madrildarra eta Pedro Garcia Bilbao soziologo galiziarra gonbidatu dituzte. Hitzaldia 19:30ean hasiko da.

Gipuzkoako Boletin Ofizialak portuan eraikitzen ari diren amarralekuak eskatzeko oinarriak argitaratu ditu. Interesdunek bi webgunetan kontsulta ditzakete oinarriak. Batetik, Gipuzkoako Aldizkari Ofizialean: https://ssl4.gipuzkoa.net/euskera/gao/2011/04/27/be110427.htm. Eta bestetik, Pasaiako Portukoan: www.puertopasajes.net. Iragarkiak, Deialdiak eta Dokumentuak atalaren barruan Eskuliburuak, gidak eta araudia izeneko azpiatalean daude oinarriak. Udarako prest Guztira 421 amarraleku eraikitzea aurreikusi du Portu Agintaritzak; 200 Hospitalilloko kaian; 163 Donibanen; eta 58 Torreatzen. Horiek guztiak udara honetarako prest egongo direla pentsatzen dute.

Beraun auzoko hiru plazek itxura berria daukate, berritu egin baitituzte bertan dauden haurrentzako jolasak. Luis Mariano, Monroy eta Pablo Sorozabal plazetan daude jolas horiek. Hala, ez irristatzeko zoladurak jarri dituzte hiru parketan, eta horrenbe...

Udaleko Euskara zerbitzuak Antxoa Erromeria antolatu du larunbaterako, arratsaldeko 18:00etatik aurrera, Zumardian. Ekimena antzinan Alamedan bertan egiten ziren erromerien giroa berreskuratzeko helburuarekin antolatu dute, eta hondarribiarrentzat eta ...

Zazpigarren urtez Oiartzungo Flauta Taldea Europako biran dabil. Frantzia, Alemania eta Luxemburgo bisitatzen ari dira. Bidaia bukatzeko, bi kontzertu emango dituzte. Lehenengoa atzo eman zuten, Frantziako Colmar hiriko plaza zaharrean. Bihar dira biga...

Trintxerpe Atletiko Klubak eta Oreka Elkarteak mendiko bizikletarekin Santiago bidearen zati bat egiteko udalekuak prestatu dituzte. Lizarratik Leonera izango da ibilbidea eta 13 eta 17 urte bitarteko gaztetxoei zuzendua dago. Bidea uztailaren 7tik 15e...

Gipuzkoako Foru Aldundiak udan aldi baterako egoitza-egonaldietan eskariak jasotzeko epea ireki du. Uztaileko egonaldietan egon nahi izanez gero, maiatzaren 16a da izena emateko azken eguna; abuztukoetan interesatua egonez gero, maiatzaren 27a da azken...

Bihar (hilak 29) Agent Of Kaos, Collapsed by fate eta Flattened frog massacre taldeek joko dute Trintxerpeko Mogambo aretoan, 21:30etik aurrera. Etzi (Hilak 30), berriz, Capsula, Dead Meadow eta Spindrift taldeek joko dute. Azken biak Los Angelesek...

Aldaketa politikoa eta sozialerako oinarriak ezartzea, Pasaiari dagozkion erabakiak bertan hartzea eta herritarren parte hartzea sustatzea. Horiek dira Pasaiako Bildu koalizioan elkartu direnek batzeko izan dituzten hiru arrazoi nagusiak. Hala eman zuten aditzera, atzo arratsean Trintxerpeko alkateordetzan egin zuten aurkezpenean. Esan zutenez, koalizioan bildu direnek «jatorri, tradizio eta kultura politiko eta ikuspegi ideologiko desberdina dute abiapuntu». Lehen erronka udal hauteskundeetan duten arren, akordioa luze irauteko borondatearekin jaio dela eta aurrerantzean hala elikatuko dutela iragarri zuten. Bildu koalizioaren ustez, «Pasaiari bere etorkizuna libreki erabakitzeko eskubidea ukatu nahi zaio, interes gehiegi dagoelako jokoan». Pasaian bi eredu kontrajarri daude, haien iritziz: Pasaia interes ekonomikoen zerbitzura jarri nahi dutenen eredua, eta etorkizuna bertan bizi eta lan egiten dutenek erabaki behar dutela uste dutenena. Bilduk bigarren ereduaren alde egiteko konpromisoa agertu du.

Poxpolo ta konpainia pailazoek Segi jotzen ikuskizuna aurkeztuko dute larunbatean, hilaren 30ean, Amaia Kultur Zentroan. Ekitaldia 17:00etan hasiko da.

Hilero bezala, Lau Haizetara Euskaldunon Elkarteak eta Euskara Departamentuak antolatuta, Eskolatik Kalera ekimenaren barneko emanaldia izango da bihar. Oraingoan, Ados Teatroren Einstein antzezlana ikusteko aukera izango dute haurrek. Ikuskizuna, 17:3...

Trintxerpeko Arrandegi kalea eta Andonaegi auzoa lotuko dituzten igogailuen obra lau hilabeteren buruan bukatuko dituzte. Azken asteetan obrak geldirik egon dira, besteak beste, Arkaitza enpresa itxi egin behar izan dutelako eta bera ari zen igogailuak...

Alkatetzarako sei hautagai aurkeztu dira herrian, beste hainbeste alderdi eta taldeetakoak. PPkoa, Manuel Jorge Martin; EAJkoa, Aitor Santxez; PSE-EEkoa, Rafaela Romero; Bildu-EA-Alternatibakoa, Aiora Perez de San Roman; H1ekoa, Xanet Arozena, eta Aral...

Heldu den urtean Europako Kopa jokatzeko sailkapena dagoeneko lortuta, garaipen batekin amaitu du Irungo Leka-Enea mahai tenis taldeak superdibisioko denboraldia. Urte osoan goiko postuan egon dira irundarrak, eta azken partidan Termotur Calellaren aurka jokatu eta gero (2-3), seigarren bukatu dute sailkapenean, 12 garaipen eta 10 porrotekin. Horrenbestez Europako Kopa jokatuko du Leka-Eneak 2011-2012 denboraldian, bigarrenez jarraian. Neskek salbazioa, baina jarraitzeko diru arazoak Emakumezkoen superligako taldeak ere helburua bete du, salbazioa, alegia. Denboraldiko azken partidan Mataroren aurka galdu zuten irundarrek (0-4), baina aurreko larunbatetik etxeko lanak eginak zituzten. Bederetzigarren postuan bukatu dute. Nolanahi ere, taldeak ez du oso argi nesken sailak heldu den denboraldian jarraituko ote duen. “Babeslerik eta erakundeen diru-laguntzarik gabe” defizit handia pilatu du taldeak. Klubetik esan dutenez, mutilen taldea egonkortu da, eta aurrekontuari eutsi diezaioke, baina neskeenari “falta zaizkio aurrera egiteko ezinbestekoak dituen diru-laguntzak”. Hurrengo asteetan jarraitu ala ez erabakiko du kirol taldeak.

Maiatzaren 2a bitarte San Fermin futbito txapelketan izena eman daiteke Mimos, Izadi, Dani, Kamio eta Laket tabernetan. Maiatzaren 4an taldeen zozketa egingo dute Azokan, 19:30ean. Egun horretan 35 euro ordaindu beharko du talde bakoitzak. Taldeak hama...