
Lehengo astean hiru egun galdurik eman zituen Antonio Ledesma igandean zendu zen. Artxipin topatu zuten, lehengo asteazkenean. Ospitaleratu eta hiru egunetara bertan hil zen. Senideek jaso duten laguntza eskertu dute.

Espainiako Ingurumen Ministerioak (MMARM) ez du begi onez ikusten Pasaiako kanpo kaiaren proiektua. Alegazioak aurkeztu dizkio Portu Agintaritzaren Ingurumen Iraunkortasunerako Txostenari, kanpo kaia egiteak kalte “ezin itzulizkoak” eragingo lituzkela iritzita. Larrienak izanagatik,baina, eragozpen bakarrak ez dira ingurumenari dagozkionak. Ekonomikoki “jasanezia” litzatekela iritzi dio Ingurumen Ministerioak. Alegazio erabakigarria MMARMek egindakoa Iraunkortasunerako Txostenari aurkeztutako 1.012 alegazioetako bat da, baina alegazio erabakigarria izan daiteke, Ministerioari dagokiolako kanpo kaia egin ahal izango den edo ez erabakitzea. Lehengo astelehenean ezagutu zen berria, hedabide batek zabaldutako informazioari esker, eta erreakzioak errenkan eragin ditu, batez ere, kanpo kaiaren kontra dauden eragileen artean. Portu Agintaritzako presidente berri Lucio Hernandok, bestalde, maiatzean Espainiako Ingurumen Ministerioko kideekin bilduko dela iragarri du, Iraunkortasunerako Txostenean jaso beharreko neurri zuzentzaileak aztertzeko eta prestatzeko. PASAIAKO PORTU AGINTARITZA: “Ingurumen Ministerioaren txostena beste alegazio bat da, baina kontuan hartuko dugu” Lucio Hernando Pasaiako Portu Agintaritzako presidenteak nabarmendu du Ingurumen Ministerioaren txostena Ingurumen Iraunkortasunerako Txostenari jarritako “beste alegazio bat” dela “beste askoren artean”; izan ere, azaldu duenez, Ingurumen Ministerioaren txostena 2010eko abenduaren 1ekoa da. Horrela, kanpo kaiaren eraikuntzari makilakadarik ez diola ematen nabarmendu du, El Pais egunkariak adierazitakoaren haritik. Eta esandako hori indartzeko orain hiru aste Espainiako Gobernuak, Eusko Jaurlaritzak, Gipuzkoako Foru Aldundiak eta Pasaiako Portu Agintaritzak [...]

Herriko enpresa bateko kudeatzaileari, eta lan arriskuak aztertzeko enpresa bateko bi arduraduni bederatzi hilabeteko kartzela zigorra ezarri diete, aipatu enpresako plastiko birrintzaileak harrapatuta, emakume batek eskua galdu zuelako. Horrez gain, 2...

Alfredo Panebianco hirukoteak kontzertua eskainiko du maiatzaren 1ean, Amaia Kultur Zentroan, eguerdian. Taldea Alfredo Panebiancok (gitarra, tres), Isabel Dominguezek (pianoa) eta Humbertto Perdomok (pekusioak) osatzen dute. Haien musikan erritmo afrokubatarrak eta jazza nagusitzen dira, tres musika tresnak ematen dion originaltasunaz bustita. Hondarribiko IX. Nazioarteko Gitarra Jaialdiko ekitaldia da (ikus egitaraua hondarribia.hitza.info-n).

Maiatzaren 22ko udal eta Batzar Orokorretarako hauteskundeei begira mahaiak osatzeko zozketa egiteko ezohiko udalbatza ospatu zuten atzo, eta sistema informatikoa baliatu zuten horretarako. Irungo udalerria 42 hautes-sekzioetan banatzen da, eta horieta...

Portuan TAO azkar zerbitzua martxan jarri dute eta erabiltzaileak hogei minutuz doan aparkatu ahal izango du, epe motzean kudeaketa lanak, erosketak edo bestelakoak egiteko. Zerbitzua erabiltzeko dagokion tiketa eskuratu behar da eta erabiltzaileak ez ...

Munduko harijolerik hoberenak entzungo dira Hondarribia, Irun eta Donostian izango diren XIX. Nazioarteko Gitarra Festibaleko kontzertuetan. Eskualdeko kultur mailak gora egingo du, bihartik aurrera eta Carles Pons, Jaialdiko zuzendari artistikoaren ir...

Uda gerturatzen doan heinean etortzen dira auzoetako jaiak, eta asteburu honetan hasiko dira lehenengoak, Pontikan eta Iztietan. Hiru egunetarako egitaraua prestatzen ibili dira bi auzoetan, eta hainbat ekitaldiz gozatzeko aukera izango dute auzotarrek eta hara gerturatzen diren guztiek. Aste Santua medio, Pontikako jaiak atzeratu egin behar izan dituzte. San Markoren omenez egiten dituzte festak auzo horretan, eta astelehenean, santu horren egunean, hasi ziren ofizialki jaiak mezarekin eta bazkariarekin. Etzitik aurrera, jaien bigarren partearekin hasiko dira. Ekitaldi guztien artean nabarmentzekoak dira etzi auzoko talde batek emango duen kontzertua, eta larunbateko haurren mozorro desfilea. Afaria ere izango da larunbatean, eta 200 bizilagun espero dituzte, iazko parte hartzea (120 lagunekoa) gaindituz. Afaldu ostean, Remember festa egingo dute, 60ko, 70eko eta 80ko hamarkadetako musikarekin. Igandean, berriz, Ehozirilarien VIII. Topaketa izango da goizean. Txupinazoa, Iztietan Iztietako jaiak etzi hasiko dira txupinazoarekin. Iluntzean, 20:00etan, txupina botako dute oinezkoentzako zubitik. Handik aurrera, bizilagunek ekitaldi sorta anitza izango dute aurrean hiru egunetarako. Iztietan, batik bat lehiak izango dira nagusi: etzi mus txapelketa jokatuko dute, eta etzidamu, berriz, futbol, toka, dardo, futbolin eta tute txapelketak. Horrez gain, larunbatean kros txikia egingo dute, eta moto handiak ikusteko parada ere izango da. Gauean, Ostadar taldeak girotuko du berbena. Hurrengo egunean bazkariarekin [...]

Atzo hasi zen Al Jazeera World telebista katea Fermin Muguruza musikari irundarrak zuzendutako Next Music Station dokumental sorta emititzen. Qatarreko telebistaren arabierazko edizioak martxoaren 10etik ematen ditu bideoak, eta atzotik ingelesezkoak, bai telebistaz, baita internetez ere. Atzo Tunisiari buruzko kapitulua estreinatu zuten (ikus promoziorako bideoa), eta aste honetan zehar zenbait aldiz errepikatuko dute, horietako lehena gaur bertan, 14:00etan. Hau da lehen kapituloko emanaldien ordutegia (Euskal Herriko ordutegian jarrita). Gaur, asteazkena, 14:00etan Bihar. Osteguna, 03:00etan Hilaren 29an, ostiralean, 08:00etan Hilaren 30ean, 22:00etan Maiatzaren 1ean, 14:00etan Maiatzaren 2an, 03:00etan. Beste kapituloetako lehen emanaldia (orain arte jakinarazitakoak): Maiatzaren 3an: Egipto 1. Maiatzaren 10an: Yemen. Maiatzaren 17an: Bahrein / Kuwait. Maiatzaren 24an: Siria. Maiatzaren 31n: Maroko 1. Emanaldi guztien ordutegirako bisitatu Next Music Station proiektuaren bloga. Irakurri BOGA astekarirako Ainhara Zuazabeitiak Fermin Muguruzari eginiko elkarrizketa.

Jai Batzordeak bilera deitu du maiatzaren 5erako (asteartea). Besteak beste, Mendekosteez eta Udalaren azken berriez hitz egingo dute. Bilera kultur aretoan izango da, arratsaldeko zazpi eta erdietan hasita

Burgosen bost pertsona atxilotu dituzte, 20 eta 50 urte artekoak, EAE Euskal Autonomia Erkidegoan, kamioetako merkantzia lapurtzeagatik. 2007tik egiten zituzten halako lapurretak, Espainiako Poliziaren arabera. Oiartzunen eta Irunen hainbat aldiz lapur...

Gipuzkoako Fiskaltzak 1.200 euroko isuna eskatu du bikote batentzat, merkatalgune batean aparkatuta zegoela, Porsche markako auto bati marrak egin eta kolpeak emateagatik. Fiskaltzaren arabera, Porscheak 998 euroko kalteak jasan zituen. Hala, isunaz ga...

Pasa den ostiralean txirrindularitzako XXVIII. Errenteria Hiria Saria jokatu zen herrian, eta horrekin batera, Gazte Mailako Euskal Herria Txapelketa ere jokoan zeukaten txirrindulariek. Proba horretan, Eneko Lizarralde Bergarako Sumofic taldeko txirrindularia izan zen lehena helmuga zeharkatzen. Bigarren, berriz, Tim Roig izan zen. Hain zuzen, bi txirrindulari horiek izan ziren lasterketako protagonistak, baina batik bat irabazlea. Izan ere, azken 15 kilometroak bakarrik egin zituen Nafarroa Etorbideko helmuga zeharkatu bitartean. Gainera, 49 segundoko errenta atera zion Roig bigarren sailkatuari. Lizarraldek egindako denborari esker, Sumofic izan zen probako talderik onena. Urtzi Bagues, ongi Herriko txirrindulariei dagokienez, Urtzi Bagues izan zen lehenengoa. Azken kilometroetan erasora jo zuen hasierako taldetxoa harrapatu asmoz, baina ahalegina gogor ordaindu zuen, eta hainbat segundo galdu zituen tropelarekiko. Kontuan izan behar da Baguesi sudurreko ebakuntza egin berri diotela, eta hiru astez egon dela bizikleta hartu gabe. Laguntasuna taldeko Adrian Murielek ere ez zuen oso zorte ona izan. Lasterketa osoan zehar aurrealdean izan zen, baina lehendabizi gurpila zulatu zitzaiolako, eta ondoren, erori zelako denbora asko galdu zuenn. Lau txirrindulari horiek nabarmendu arren, guztira, 143 txirrindularik parte hartu zuten Errenteria Hiria Sarian. Lasterketa antolatu duten Laguntasuna elkarteko kideek eskerrak eman dizkiete txapelketa aurrera eramaten lagundu zieten Udaltzaingoari, Babes Zibilari eta Ertzaintzari, eta [...]

Euskal Herriko VII. Pala Txapelketa Irekia bukatu da (Josetxo Gamioren omenezkoa). Aste Santua baino lehenagoko asteburuan jokatu zituzten finalak. Nesketan, Gazte Mailan, Goitia-Senperenak 25-24 irabazi zieten Indo-Beldarraini. Lehen Mailan, Agirre-Otegi bikoteak 14-25 galdu zuen Pierola-Argain bikotearen kontra. Mutiletan, berriz, hiru mailatan jokatu zituzten finalak. Hirugarren Mailan, 25-15 irabazi zuten Etxeberria-Gallastegik, Rekalde-Matxainen kontrako partida. Bigarren Mailan, Lazkano–Ruiz izan ziren irabazleak, Kerejeta-Gurrutxagari 25-18 irabazita. Lehen Mailan, azkenik, iazko irabazleek ezin izan zuten txapelaberriro jantzi, tanto bakarragatik. Antxordoki II–Telletxeak 24-25 galdu zuten Santesteban–Eizmendiren kontra. Giriziatik eskerrak eman dizkiete lehia antolatzen lagundu dieten guztiei.

San Marko gotorlekura igo ziren santu horren egunean, atzo, Independentistak sareko hainbat lagun. Eguraldia lagun izan ez bazuten ere, giro goibela ez zen traba izan gotorlekura iristeko. Hala, erromerian egin zuten Xenpelar plaza eta gotorlekua artek...

Oiarpeko hiru pilotari aukeratu dituzte Alebinen Talentu Txapelketa jokatzeko: Imanol Ugalde, Aitor Leonet eta Ekain Etxeberria. Hasi dira lehenengo partidak jokatzen. Hala, Oiarpeko Imanol Ugaldek, irabazi egin du lehenengoa, 16-5, talde bereko Aitor ...

OiartzunBairen (OB) ustez, Altzibarko Olalde eremuan etxebizitza gehiago eraiki baino lehen, beste gai batzuk jorratu behar dira, tartean saihesbidearena: “Olaldeko etxeen gaia saldu nahi du Udalak, auzogune historikoa eta Agerrealde baino lehen, baina zonalde hori behar bezala garatzeko, inbertsio garrantzitsuak egin behar dira aurretik, irisgarritasuna bermatzeko; saihesbidea Agerrealde atzetik garatu eta biribilguneak egin saihesbidearen hasieran zein bukaeran egin, esaterako”. Egungo egoeran, etxebizitza berriekin batera etorriko den trafikoa ezingo luke jasan Altzibarrek, OBren iritziz: “Ezin da etxeez bakarrik hitz egin. Zerbitzuak eta beharrak aintzat hartu behar dira, eta hori ez dute egin”. OB ados dago, orokorrean, Altzibarri dagokion proiektuarekin, Altzibartik trafikoa ateratzen duelako, eta aparkalekuak, auzoarentzako eremu publikoak, plaza eta pilotalekua ere aurreikusten dituelako. Gainera, OBk gogorarazi duenez, proiektuak “jarduera ekonomiko gogaikarriak” ateratzen ditu auzotik eta horren alde dago. Baina proiektua aurrera eramateko modua kritikatu du: “Gobernu Taldeak proiektua teilatutik hasi du, beste behin. Bailararen bukaeran presio gehiago sortuko du proiektua horrela aurrera eramaten badu, eta oraindik ez dago trafikoaren arazoa konponduta. Ez dago konponduta Altzibarkoa, baina ezta Ugaldetxotik eta, are gehiago, Arraguatik datorren trafikoaren arazoa ere”. Bestalde, Udal Gobernu Taldea publizitatea egiten ari dela dio OBk, hauteskunde bezperan egonagatik: “2007an onartu zen Altzibarko proiektua eta ez dugu uste 2012ra arte [...]

1937ko apirilaren 26an Alemaniako nazien hegazkinek Gernika bonbakatu zuen Espainiako faxisten aginduz. Gertakari hori gogoan honako poema idatzi du Ainara Maia olerkari irundarrak: Gernika 1937-2011 Zerua urdin dago eguzkia dirdiraka eta gu plazara at...