
Errenteriako Udalak jakinarazi du herriko Udaltzainen lan taldea indartzeko plaza berriak aterako dituela. Interesa dutenek www.oposiciones.de webgunean sartu beharko dute eta bertan herriko udaltzainen sailari dagokion informaziora jo beharko dute. Hu...

Xabier Susperregik idatzi du Udalak argitaratu duen azken liburua; herriko gaztetxoentzako da

Geroz eta errenteriar gehiago dago, azken urteetan gora egin baitu herriko biztanleen kopuruak. Hala, INE Espainiako Estatistika Institutuak emandako datuen arabera, egun 39.020 biztanle ditu Errenteria-Oreretak, 2006an baino 1.167 gehiago. Horrenbeste...

Lehen minutuetan zerbait egingo zuela zirudien arran, Zumaiakok etsitzea besterik ez zuen izan partidako lehen ordu laurdenetik aurrera. Ohorezko Erregional Mailako Oiartzunek lehia kontrolpean izan zuen bi zatietan. 25. minutuan, falta baten ondorioz ...

Goihaitz Perezek (Oiartzun, 1994) eta Iñigo Osuak (Oiartzun, 1993), Kataxulo gaztetxeko Gazte Asanbladako gainontzeko kideekin batera, berehala erabaki zuten OAAMk proposatutako ekimenean parte hartzea. Ideia ona iruditu zitzaien hasieratik, eta presoen eta iheslarien egoera benetan ezagutzeko aukera eman diela baieztatu dute. Hasieran, zer iruditu zitzaizuen Oiartzungo Amnistiaren Aldeko Mugimenduaren proposamena? Ideia ona iruditu zitzaigun hasieratik. Hala, betiko dinamikatik atera eta beste pertsona eta eragile batzuk ere presoen eta iheslarien aldeko lanean sartzea zen helburua. Hori lortzeko lanean hasi ginen gu ere. Nola hartu zuten Gazte Asanbladako gainontzeko kideek? Guztiek hartu zuten ondo hasieratik. Gainera, bilerak egin genituen AAMko kideekin eta eurek emandako azalpenak Gazte Asanbladako kide batzuei begiek irekitzeko balio izan zuen. Asanbladako kideek presoen eta iheslarien benetako errealitatea ezagutu zuten. Jende berriak parte hartu zuen azaroan deitu zenuten karteladan? Aurreko karteladetan ikusten ez zen jendeak parte hartu zuen. Hurrengoan parte hartuko dutela uste duzue? Guk azkenekoa deitu genuen, azarokoa, beraz, ez dugu jende gehiago batu den frogatzeko aukerarik izan. Hala ere, gazteak gainontzeko karteladetara batzea espero dugu, eta bereziki hilaren 31kora agertzea.

Mari Jose Arbelaitz (Oiartzun, 1948) Oiartzungo Emakumeen Taldeetako kidea da. Badira herrian hiruzpalau talde emakumeen inguruan lanean dabiltzanak, eta horiek aipatu izenaren pean biltzen dira: Oiartzungo Emakumeen Taldeak dira. Martxoaren 8aren, Emakume Langilearen Nazioarteko Egunaren harira, martxoko azken ostiraleko kartelada antolatzeko ardura hartu zuten OAAMrekin harremanetan jarri ondoren. Ideia eta deialdia primeran atera zirela dio. Hasieran, zer iruditu zitzaizuen Oiartzungo Amnistiaren Aldeko Mugimenduaren proposamena? Oso ondo iruditu zitzaigun. Adin guztietako emakumeak biltzen gara, gazteenetatik hasi eta helduetaraino. Gugana jo zutenean, denetarikoak ginen bilduta eta nahiz eta adin ezberdina izan, guztiei iruditu zitzaigun ideia ona, gaia ere garrantzitsua baita. Taldeetako gainontzeko kideek ere ondo hartu zuten? Bai, noski, ondo iruditu zitzaien. Nola zabaldu zenuten deia? Martxoan egin behar genuen karteladarako deia, martxoaren 8aren harira. Hala, emakumeen mugimendua identifikatuko zuen zerbait behar genuela pentsatu genuen. Karteladara joango ziren guztiak morea zen zerbaitekin joateko deia egin genuen. Kontuan izan, gainera, bi borroka batu genituela, presoena eta emakume mugimenduarena. Izan ere, mutilak diren presoen egoera gogorra bada, are gogorragoa izan ohi da emakumeena eta hori ere islatu nahi izan genuen. Jende berriak parte hartu zuen kartelada hartan? Bai, jende berria ikusteko aukera izan genuen. Karteladetan eta gainontzeko lanetan jarraitzea espero dugu orain, eta datorren [...]

Itziar Iñarra (Oiartzun, 1959) Girizia Mendi Taldeko kidea da. Mendi Taldea lehenengoa izan zen OAAMren ekimenean parte hartzen, otsailean deitu baitzuten kartelada euren izenean. Koloretsua eta jendetsua izan zela nabarmendu du. Hasieran, zer iruditu zitzaizuen OAAMren proposamena? Oso ideia ona iruditu zitzaigun hasieratik. Egia esan, ez zitzaigun ideia arrotza egin. Izan ere, guk lehendik ere badugu OAAMrekin harremana, baita presoekin ere. Hala, prest agertu ginen. Mendi Taldeko kide guztiek ondo hartu zuten ideia? Bai, oso ondo, hasieratik. Adostasuna agertu zuten eta guk antolatu eta mugitu beharreko kartelada hura beste modu batekoa nola izan pentsatzen hasi ginen. Gaia gogorra da, baina zerbait koloretsua izatea nahi genuen. Nola egin zenuten? Erabaki genuen, mendizaleen deia nabaritzea. Hala, mendiko tresnekin, arropekin, materialekin jantzita agertzeko deia egin genuen. Jende asko bertaratu zen, oso ondo erantzun zuten. Hala, presoen egoerari ere kolorea eman nahi izan genion eta lortu genuen. Zerbait ezberdina eta polita izan zen. Presoen argazkiei eurei ere kolorea eman genien, jantzi egin genituen. Gainontzeko karteladetan parte hartzen jarraitu duzue? Esan bezala, guk beti eduki dugu presoekin eta senideekin harremana eta lanean jarraituko dugu. Egia da, zaila da halako dinamikak mantentzea eta talde barrutik bertatik ere lana egin behar da. Hala ere, pozgarria da kartelada [...]

Oiartzungo Amnistiaren Aldeko Mugimenduak (OAAM) urtea dinamika berezi batean eman du: elkarteekin eta eragileekin batera lanean ibili da, hilabeteko azken ostiraleko kartelada eta, era berean, presoen aldeko elkartasuna indartzeko. OAAMko kideak ohartuta zeuden, Euskal Herri osoan bezala, hilabeteko azken ekimen hori garrantzitsuena izanda ere, indartu beharra zegoela. Hala, herriko elkarteekin eta eragileekin biltzea otu zitzaien, hilabetero horietako bat izan zedin kartelada deituko zuena. Esan eta egin, otsailean hasi ziren lanean. Elkarteetara jo bezain laster, harrera positiboa izan zutela jakinarazi dute OAAMko kideek. «Gaia guztiek ulertzen dute eta pertsona guztiak ukitzen ditu, beraz, interesa nabaria zen», nabarmendu dute. Presoen arazoak Elkartzean, presoen arazoen berri ematen zieten elkarteetako kideei: «Euskal Preso Politikoen Kolektiboa (EPPK) 700dik gora presok osatzen dute egun; 50etik gora daude lege bereziekin oraindik kartzelan, herriko Estanix eta Ordozelai kasu. Garrantzitsua da gaixo dauden presoen gaia ere, bere garaian Inaxio Mendiburu herritarra oso gaixo egon zen barruan; EPPK sortu zenetik 21 preso hil dira espetxean; espetxeetan eskubide urraketak etengabeak dira, eta, nabarmentzekoa da senide preso bat izateak dakarren gastua, 1.500 euro inguru hilabeteko». Harremanak bermatu Urtea bukatzear, balorazioa egiteko garaia da parte-hartzaileentzako eta OAAMrentzat. Dinamika positiboa izan da aurtengoa guztientzat, baina sortutako harremanak bermatu behar dituztela konziente dira. Hala, momentua [...]

Gabonak direla eta, Etxebizitza Bulegoa itxita dago hilaren abenduaren 24tik urtarrilaren 6a bitartean. Egun horretan, berriz ere zerbitzua eskaintzen hasiko da Etxebizitza Bulegoa Fermiñenen, 10:00etatik 13:30era eta 16:00etatik 19:00etara, astelehen...

Atzoko Gabonetako bertso saioan eman zuten Lau Haizetara Euskaldunon Elkarteak, Xenpelar Bertso Eskolak eta Errenteriako Udalak antolatutako bertsopaper lehiaketen irabazleen berri: XXII. Zapirain Anaiak bertsopaper lehiaketa (Helduen Maila) Ane Labaka...

Delitu aurrekariak dituen 21 urteko gazte bat atxilotu zuen Ertzaintzak herenegun goizaldean Makarraztegi industriagunean (dantzaleku baten ondoan) gizon bati lapurtzeagatik eta hil egingo zuela mehatxu egiteagatik. Lapurra dantzalekuko segurtasun lang...

Aste honetan Itsas-Mendi Kultur eta Kirol Elkartearen XV. Udaberriko Bikoteen Pala Txapelketa hasi da.Txapelketa azkeneko asteetan eraberritutako Donibaneko Pilotalekuan jokatuko da ekaina bitarte. Hamar bikote ari dira parte hartzen txapelketan, eta a...

Zugaitz Izagirre Xumo-ri harrera egin zioten ostiralean plazan. Ondoren afaria izan zen. Poztu arren, OAAMtik gogorarazi dutenez, euskal preso asko daude espetxean eta lanean jarraitu behar da. Bestalde, jakinarazi dutenez laster askatuko dituzte herr...

Giza eskubideak Israelgo Estatuak okupatutako lurraldeetan argazki erakusketa ikusteko aukera dago egunotan Mikelazulo kultur elkartearen egoitzan. Enrique Pimoulier da argazkilaria eta Zisjordanian, Gazan eta Golanen ateratako argazkiak erakutsiko dit...

Irabazi beharra zeukan asteburuan bere aurkari zuzenetatik ez aldentzeko eta Espainiako lehen mailako Ereintza eskubaloi taldeak ez du hutsik egin. Etxetik kanpo 29-30 irabazi zuen BM Corralesen kontra. Poltsikoratutako bi puntuekin, beraz, hasierako h...

Hiriko etxebizitzen eta sotoen irisgarritasun inbentarioa egiten ari da udala. Otsailean hasi ziren 2002. urtea baino lehenagoko etxebizitzen egoera aztertzen, bildutako datuak udal kartografian txertatzeko asmoz. Urte horretako Irisgarritasun Legeak e...

Euskal Hipika Federazioa Trofeoaren lehen aldia ospatu zen asteburuan Irungo Jaizubia hipika elkartearen lurretan, Euskal Herri osoko zaldi eta zaldunen partehartzearekin. Antolatzaileen esanetan, lehiaketan “proba guztietan maila oso ona” izan zen. “Hutsegite arin batuzk, erorketa baten bat, zaldizkoen nahasteren bat… baina dena kiroltasunez eta umorez. Argi gelditu da Euskal Herrian kirol honetan maila altua eta zaletasun handia dagoela”, gaineratu dute Jaizubia hipika elkartetik. Askorentzat estreineko zita izan zen, 0,30 metroko altueran trebatu zirenentzat esaterako, haietako asko Irungo klubeko ikasleak. Haiena izan zen larunbatean lehiaketa irekitzeko ardura, eta urduritasuna medio, ponien gaineko trebezia azaldu zuten sailkapen saioetan. Igandean lehiaketa nagusiak ospatu ziren. Patricia Ruiz izan zen hasiberrien artean hoberena, Princesaren gainean (ikus sailkapen osoa Jaizubiaren webgunean). Proba nagusian, 1,30 metroetakoan, Ruben Gomez Crespok nagusitasun osoa agertu zuen, Star Girl eta Portoz Z zaldien gainean, lehen eta bigarren postuak eskuratu baitzituen. Sari banaketaren ondoren Jaizubia Hipika elkateak Jose Antonio Santano alkatea ohorezko bazkide izendatu zuten, “urteetan elkarteari erakutsi dion konfiantza eta babesarengatik”. Informazio gehiago: www.hipicajaizubia.com

Dagoeneko eman daiteke izena aurtengo Udako Oporretan. Urtero moduan hiru aukera izango dituzte adin ezberdinetako haurrek: Txikiak (udaleku irekiak 6 urtera arteko haurrentzat), ludotekak (udaleku irekiak 7-11 urtera arteko haurrentzat) eta kanpamenduak (udaleku itxiak 16 urtera arte). Hori bai, aurten iaz baino plaza gutxiago izango dira. Iaz 1.000 haur ingururentzako plaza zegoen, baina aurten 800 haurrentzako baino ez da egongo. Hala eta guztiz ere, Udaletik nabarmendu dute iaz tanda batean baino gehiagotan izena emateko aukera zegoela eta aurten aukera hori batera murriztu dutela. Hori bai, aurrerago tokirik izanez gero bitan edo behar direnetan izena emateko aukera zabalduko dutela adierazi dute “plaza guztiak betetze aldera”. Udaletik jakinarazi dutenez, aurten ahalegina egin dute informazio guztia Interneten egon dadin. Hala, informazioaz gain, aurrematrikulaziorako txostenak ere Interneten aurki daitezke. Iaz bezala, beherapenak izango dira familia ugarientzat (%50) edo seme-alaba bat baino gehiago inskribatzen duten familientzat (%20). Txikiak 3-6 urte arteko haurrei zuzenduta dago, eta hiru txanda izango dira uztaila eta abuztua artean (lehenengoa uztaileko lehen hamabostaldian, bigarrena bigarrengoan eta hirugarrena abuztuko lehenengoan). 300 haurrek eman dezakete izena (lehen txanda 150ek, bigarrenean 100ek eta hirugarrenean 50ek). Hamarreko taldeak izango dira begirale batekin, eta bost begiraleko zuzendari bat egongo da. 10:00etatik 13:00etara egingo dituzte ekintzak. Ludotekak [...]

Xanistebanetako Pilota Txapelketan izena emateko epea irekita dute benjamin eta alebin mailetako pilotariek. Etzi, asteazkena, da izena emateko azken eguna. Iaz bezala, Benjamin Mailako pilotariek (Lehen Hezkuntzako 3. eta 4. mailetako ikasleek), xanis...

Donostiako Auzitegiak 21 hilabeteko kartzela zigorra ezarri dio 21 urteko gazte bati, bikotekidea jotzeagatik. Larrigarria ere gehitu dio zigorrari Auzitegiak, «bikotekidea adingabekoen aurrean jotzeagatik (herriko dantzaleku baten aurrean, esaterako)...