'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


Rosa Garcia-Orellan EHUko antropologia sozialeko irakaslearen eskutik Heriotza birtuala eta heriotza erreala hitzaldia izango da bihar, 19:00etan, Madalen Gunean (Madalena 18). Maria Zeruratzea parrokiko taldeak antolatuta, joko birtualek haurrengan du...

Unicef elkartearen aldeko kontzertua antolatu du etziko Alaia gazte elkarteak. Sarreretatik bildutako diru guztia, Unicefek martxan dituen proiektuetara bideratuko dute. Kontzertua, Niessen Aretoan egingo dute arratsaldeko zazpietatik aurrera, eta bi e...

Gaur egin da azkenik, duela hilabete Colon pasealekuak eta Gipuzkoako etorbideak bat egiten duten ingururako Udalak iragarritako zirkulazio sistemaren aldaketa. Colon pasealekutik Gipuzkoa etrobidera eta Cipriano Larrañaga kalera kotxez joateko bidegu...

Teatro Corsario konpainiak Lope de Vegaren El caballero de Olmedo antzezlana taularatuko du igandean Amaian, 20:00etan. Talde honek Espainiako Eszena Zuzendarien Elkartearen ADE saria jaso berri du, antzerki klasikoari egindako ekarpenarengatik. Sinopsia: Alonso jauna, Olmedoko zaldun noblea, Ines andrea ederrarekin maitemindu da Medinako ferian, eta, Fabia artekariaren bidez, maite duela jakinarazten dio. Bestalde, Rodrigo jaunak ezkontza eskatu dio Ines andreari, eta Fernando jaunak haren ahizpa Leonor andreari. Ezkontza hori saihesteko, Ines andreak, Alonso jaunarekin maitemindua baitago, moja izan nahi duen itxura egiten du bere aitaren aurrean. Horretan, Juan errege jauna iritsi da Medinara, eta jai handiak antolatu dituzte haren ohorez. Zezen-lantzeetan, Alonso jaunak bikain jardun du, bere arerio jeloskorra den Rodrigo jaunaren bizia salbatuz. Olmedora itzultzerakoan, bere patua aurreratzen duen kopla bat entzun du. Rodrigo jaunak eta Fernando jaunak hil egiten dute. Tello bere morroi graziosoa izan zenak justizia eskatu dio erregeari. Zuzendaria: Fernando Urdiales. Aktoreak: Borja Zamorano, Rosa Manzano, Luis Miguel Garcia, Veronica Ronda, Cristina Calleja, Ruben Perez, Borja Gutierrez, Julio Lazaro eta Jesus Peña.

Igandean ospatuko dute Lezon Dantzari Txiki Eguna. Bertan, Murixka dantza taldeaz gain, beste hiru dantza taldek ere hartuko dute parte. Goizean, 11:00etan, elkartuko dira dantzariak. Ohi bezala, Lopene plazan hasiko da Dantzari Txiki Eguna. Euria egin...

Gipuzkoako Bertsolari Txapelketako sailkapen faseko bi saio Lezon jokatuko dituzte. Hilaren 15ean (datorren asteko igandean) izango dira bi saio horiek, Gezala Auditoriumean. Lehenengo saioa 11:30ean izango da eta bigarrena, berriz, 17:30etik aurrera. Seina bertsolari igoko da oholtzara saio bakoitzean. Goizeko 11:30ean ariko diren bertsolarietatik Oarsoaldeko eta Bidasoko bertsolari banak abestuko dute: Ander Lizarralde oiartzuarrak eta Manu Goiogana irundarrak. Eurekin batera Eñaut Uriarte, Adur Gorostidi, Eneritz Arzallus eta Julen Agirre izango dira. Arratsaldeko saioan Haritz Casabal pasaitarrarekin batera, Asier Azpiroz, Beñat Iguaran, Aitor Urbieta, Iñaki Apalategi eta Oier Aizpurua ariko dira. Goizeko zein arratsaldeko saioak Julian Albisturrek, Mikel Lersundik, Urtzi Basterrikak eta Eneritz Azkuek epaituko dituzte. Sarrerak, Internet bidez Orain dela lau urte bezala, Gpuntua leloa izango du bertso txapelketak, “izan zuen zabalkundeagatik”, antolatzaileek adierazi dutenez. Jakinarazi dutenez, txapelketako edozein saio ikusteko Internet bidez bakarrik eros daitezkeela nabarmendu dute. Lezoko saioetako batentzako sarrerak hiru euro balio ditu 15 urtetik beherakoentzat zein Bertsozale Elkarteko bazkideentzat eta bost euro, berriz, gainontzekoentzat. Eguneko bi saioak ikusteko bost euro ordaindu beharko dituzte gazteek eta bazkideek eta zortzi besteek. Saioez gain, bazkaria ere antolatuko dute Bertsozale Elkartekoek eta hamabi euro ordaindu beharko dute gutxien ordaintzen dutenek eta hamabost besteek. Saioak izan baino bi egun lehenagora arte [...]

ELA, LAB, Eilas, EHNE eta Hiru sindikatuek deituta, mobilizazio eguna izango da bihar herrian, Eskubide guztiak denontzat, ilegalizaziorik ez! lelopean. Hiru elkarretaratze deitu dituzte sindikatuek, Espainiako Auzitegi Gorenak Bildu legez kanpo utzi z...

Langabezi tasak %0,4 behera egin du Hondarribian apirilean. Hilabete honetan lau pertsona zerrendatik atera dira, eta gaur egun 925 pertsona langabetu daude Hondarribian. Bidasoako eskualdean dauden 6.055 langabetuetatik, 4.212 zerbitzuen sektorekoak d...

Gipuzkoako trainerillen ligako bostgarren estropada egingo dute larunbatean 16:30etik aurrera Hondarribian. Estropada eremua hondartza parean izango da, eta guztira 41 trainerillak parte hartuko dute. Hondarribiak 5 trainerillekin parte hartuko du: nesken ontzi bat, federazioko kopan hiru trainerilla eta sailkapen orokorrean lider dagoen Ama Guadalupekoako trainerilla. Ligan fin dabil Mikel Orbañanosen taldea, izan ere, iragan asteburuan Ama Guadalupekoak bai larunbatean Zarautzen eta baita igandean ere San Juanen ere garaipena eskuratu zuen. Lehia polita izan zen larunbatean lehenengo sailkatu zen Hondarribia eta bigarren izan zen San Juanen artean, estropada bukaera gogorra izan zen. Hondarribia 13 minutu eta 59 segundutan iritsi zen helmugara, eta San Juan segundu bat beranduago. Igandean ere lehenengo iritsi zen Ama Guadalupekoa, eta Ligako estropada onena egin zuen, zazpi segundu atera zizkion bigarren izan zen Zarautzeri. 13 minutu eta 14 segundutan gelditu zuten denbora hondarribiarrek. Aner Etxart, Osertz Alday, Ander Celaya, Agoitz Irazoki, Gonzalo Carrión eta Joseba Amunarrizek bi egunetan arraun egin zuten eta Gorka Puertasek larunbatean eta Jon Larrañagak igandean. Lau jardunaldi jokatuta sailkapen buruan dago Hondarribiko ontzia, izan ere, lau estropadetatik hiru irabazi dituzte Mikel Orbañanosen mutilek, eta larunbatean laugarren garaipenaren bila itsasoratuko dira arratsaldeko 16:30ean Hondarribian. Euskadiko Txapelketa Legutianon Gainera larunbatean aulki mugikorreko Euskadiko Txapelketa izango [...]

Real Unionek emakumeen taldeak indartu nahi ditu. Hala, 1998an eta 1999an jaiotako eta futbolera jokatu nahi duten neskei deialdia egin diete, Kadete Mailako taldea osatzeko. Izena eman nahi dutenek honako telefono zenbakira deitu behar dute: 943 62 01...

Alarde Parekidearen Batzordeak jakinarazi du “denon artean egin dugun alardea aurreko urteetakoa baino askoz jendetsuagoa” izan dela. Hala, ekainaren 30eko desfilearen balorazio oso baikorra egin dute Alarde Parekideko arduradunek: “Alardearen nondik-norakoak poztu eta asebete gaitu”. Eskerrak eman dizkiete Alarde Parekidean parte hartu zutenei, espaloietan izan ziren ikusleei “animatzeagatik eta sutsu txalotzeagatik”, eta batik bat, “bakan batzuren intolerantziaren biktima izatea suertatu zaienei”. Gipuzkoako Foru Aldundiaren eta Emakunderen babesa ere eskertu dute Alarde Parekideko ordezkariek, “haien laguntzagatik ez balitz ez baikenuke alardea gauzatzerik izango”. Erakunde horietako ordezkariak izan ziren Alarde Parekidea babesten eta bertan parte hartzen. Normalizazioa Urtetik urtera Alarde Parekidearekiko errespetua eta begirunea “finkatzen” ari dela uste dute Batzordekoek, eta hori, herritarren arteko normalizazioa eta elkarbizitza “sendotzeko” lagungarri dela ziur daude: “Errespetua, maitasuna eta begirunea, iritzi desberdinen gainetik izango dira egunen batean”.

Gaurko programazioa FM107an: 10:00etan, Arguyuan: 10:30ean: Arrosa. 11:30ean: Metaziyan bila, EHNE sindikatuaren tartea. Gaia: lehenengo sektorea. 12:10ean: Udalaren tartea: I. Arditurri Egunaren harira, Kristina Brit. 15:00etan: Albisteak. 17:00etan:...

“Egun batean egiteko sortu zen, 1989. urtean, eta kasik giroak eta herriko jendeak eskatuta jarraitu du; oharkabean, hamahiru urte pasatu dira”. Jon Maia Ereintzako kidearen hitzak dira, Erromeria Egunari buruz. Larunbatean berriro itzuliko da, eta egun osoko ekitaldia prestatu du Ereintza Dantza Taldeak herritar guztiek parte hartu dezaten. Atzo aurkeztu zuten ekitaldia, eta ordezkaritza zabala bildu zen: Ereintzako kideak, Alkarkide txarangako kideak, Sunbillako joaldunak eta udalaren izenean, Garazi Lopez de Etxezarreta Kultura zinegotzia. Aurtengo berritasun nagusia herri bazkariarekin etorriko da. Orain arte, Galtzarabordako kiroldegian egin izan da, baina aurten Koldo Mitxelena plazara eramango dute. 500 pertsonentzako menua prestatuko dute Intxaurrondoko Lagunek, eta sarrerak salgai daude Ereintza elkartean, Arkaitza tabernan eta Belen gozotegian 15 eta 10 euroren truke. Jaialdi gaztea izan arren, pixkanaka finkatzen ari dela nabarmendu zuten antolatzaileek. Jaialdiarekin batera finkatzen ari den beste ekimena neskatxen soka dantza da. Duela lau urte herrian zegoen ikuspegia gizonek bakarrik egiten zutela zela jakinarazi zuen Maiak, eta horri buelta emate aldera orduz geroztik neskatxena ari direla sustatzen. Bestalde, larunbateko Erromeria Egunarekin lotuta, dantza ikastaroak egiten ari dira. Gaur, 19:00etatik 20:30era jauzien gaineko oinarrizko pausoak irakatsiko dituzte, eta bihar, berriz, Aiko taldearekin dantza lotuak nola egiten diren ikasi ahal izango dute izena ematen dutenek. [...]

Donosti Cupeko baloia gelditu da, eta futbol jokalari gazteek agur esan diote elkarri, behintzat, datorren urtera arte. Astebetez Oarsoaldeko hiru zelaietan (Fanderia, Beraun eta Oiartzun) etorkizuneko jokalarien erakusleihoa den txapelketako partidak jokatu dituzte, baina iritsi da agurtzeko garaia, eta baita zenbakiak ateratzeko garaia ere. Antolatzaileek zehaztu dutenez, 42 partida inguru jokatu dituzte eskualdeko zelai bakoitzean. Bertan, mundu osotik etorritako taldeek neurtu dituzte indarrak, etxeko taldeak baztertu gabe. Frantziatik, AEBetatik, Australiatik, Senegaldik, Erresuma Batutik eta beste zenbait txokotatik etorri dira. Konpetentzia handia izan den arren, eskualdeko taldeek ere nahiko maila ona erakutsi dute. Oiartzun, esaterako, txapeldun izan da G-18 taldean. Orereta Cafe, berriz, txapeldunorde izan da, B-19 taldean. Kontsolazio fasean, berriz, txapeldunorde izan dira Allerru eta Behobia. Antolatzaileak, pozik Eskualdeko partidekin eta horien kudeaketarekin pozik azaldu dira Donosti Cupeko antolatzaileak. Oro har, txapelketan kirol maila ona egon dela nabarmendu du Jordi Telletxea kirol zuzendariak, eta inolako arazorik ez dutela izan lehiatik kanpo. Eskualdeko zelaietan ere tratu ona jaso dutela zehaztu du Telletxeak. Oiartzunen, esaterako, Koldo Fernandezek egin duen lana aipatu du; Fanderian, berriz, Touring taldearen kudeaketa, eta Beraunen, instalazioen arduradunaren tratua. Behar izan duten guztietan laguntza eman dietela adierazi du, eta hori eskertzekoa izan dela. Orain, atsedenaldia dator, baina irailetik aurrera, [...]

Gero zale gehiago ditu Done Jakueko bideak. Donibanen iaz zabaldu zuten aterpea, kostaldeko bidea egiten dabiltzan erromesak hartzeko, eta bertan lanean dabiltzan boluntarioak emandako datuen arabera, iaztik hona %22ko gorakada izan du kostaldeko bidea egiten duten erromesen kopuruak. Felix Boledo, Iñaki Goikoetxea eta Xatur Telletxea aritzen dira Donibanen boluntario. Telletxeak esan duenez, apirilaz geroztik 630 erromesek hartu dute ostatu Donibanen. Horietatik gehienak Alemaniatik datoz, hango gidetan «aterpe garrantzitsu» gisa ageri da eta Donibanekoa. 128 alemaniar pasatu dira aurten Donibaneko aterpetik; 110 frantziar, 30 italiar, 30 holandar, 14 korear; AEBtako sei lagun; Singapurreko hiru; Hego Afrikako bi lagun eta israeldar bat. Kataluniatik 35 lagun izan dira eta Madriletik 30. Euskal Herritik aldiz, 22 lagun baino ez. Erromesen erdia baino gehiago emakumeak dira. Gehienetan oinez eta bakarrik iristen dira aterpera, eta txirrinduan, gutxi batzuk baino ez. Aurten sei txirrindularik baino ez dute ostaturik hartu Donibanen.

Minbiziaren Aurkako Espainiako Elkartearen Bidasoako delegazioak, gaur, bihar eta etzi azaleko minbizia ekiditeko prebentzio kanpaina egiten ari da Hondarribiko hondartzan. Elkarteko kideak, bolondresez osatutakoa, hondartzako erabiltzaileengana zuzend...

Lezoko Tesinsa enpresak zortzi langile kaleratu dituela eta, manifestazioa antolatu du LAB sindikatuak ostegun eguerdirako. Tesinsa lantegitik (108 poligonoan dago enpresa, Olaizola kalean) aterako da manifestazioa, 12:00etan. Greba eguna ere antolatu dute langileek ostegunerako. Eraikuntza enpresa da Tesinsa. Oarso Bidasoko LABeko arduradun Zorion Ortigosak azaldu du egoera: “Eraikuntza enpresa denez, urte askoan irabazi handiak izan ditu. Gehienbat obra publikoak egin ditu, eta horiei esker irabazi du dirua”. Kaleratu dituzten zortzi langileek kontratu finkoa dutela dio Ortigosak. “Tesinsan denbora asko daramaten langileak dira kaleratu dituztenak; ez dira bi hilabeterako kontratatu dituztenak”, azaldu du. “Malgutasun kontuak” Kaleratzea salatzeaz gain, “kontratuen malgutasun kontuak” ere salatu nahi ditu LAB sindikatuak. “Enpresaren jokaera salatu nahi dugu: lan gutxiago dagoenean kontratuekin nahi dutena egiten dute, eta jendea kaleratzeko aprobetxatzen dute”. Horrela, mobilizazioak planteatu dituzte Tesinsan, “nahiz eta, historikoki, asko mugitu den enpresa ez den izan”. LABek ditu Enpresa Batzordeko bost ordezkariak, eta kezkatuta daude enpresaren etorkizunarekin, urteetan lan publikoak egin dituelako eta orain obra horiek behera egin dutelako. Pasa den otsailean ere mobilizatu ziren Tesinsako langileak. Orduan suspentsioa proposatu zuen enpresak, lan falta argusiatuz. “Hainbat langile langabeziara joango ziren, gero itzultzeko konpromisoarekin”, esan du Ortigosak. Hala ere, enpresak behin-behineko kontratua zuten zortzi langile kaleratu zituen, langileen [...]

Azaroaren 19an bilduko dira 1961. urtean jaiotako antxotarrak kintoak ospatzera. Antolatzaileek eguna baino ez dute jakitera eman oraingoz, baina irailetik aurrera ospakizunaren gaineko berri gehiago zabalduko dutela iragarri dute. Izen emateari ere, i...

Atzo banatu zituzten III. Argazkiez blai! lehiaketako sariak, eta iaz bezala, berriro sari nagusia Mikel Mitxelena Txami oiartzuarrak eskuratu zuen. 7 am izeneko argazkia izan da irabazlea, epaimahaiak hala erabakita. Hiru mailatan, hiru sari nagusi banatu zituzten herenegun, eta horrez gain, Oiartzungo argazki onenari saria. Interneteko sariak, berriz, hutsik geratu dira. Gazteria eta Kirol Sailetik jakinarazi zutenez, hainbat erabiltzailek ez dute behar bezala parte hartu lehiaketan, eta webgunearen erabilera okerra egin dute. Hala, sailak berak eta epaimahaiko kideek erabakita, hutsik geratu dira maila guztietako Interneteko sariak. Datorren urtera begira, sari hori mantendu, aldatu edo zer egin pentsatuko dutela jakinarazi dute. Gazteria eta Kirol Saileko kideek eta epaimahaiak nabarmendu zutenez, maila altua, «polita» izan da aurten ere lehiaketan, baina Interneteko arazoari esker, horietako batzuk lehiaketatik kanpo geratu dira. 157 parte hartzaile izan dira, eta 412 argazki igo dituzte. Orain, argazkiekin erakusketa jarri dute udaletxeko areto nagusian. hilaren 21a arte egongo da jarrita. Haurrak (12 urte arte) 1. Lanaren emaitza, Peru Ruiz de Azua. 2. Denbora igarotzen den bitartean, Lide Galdos. 3. Itsas txakur trebea, Sara Perez. Oiartzungo onena. Arrain bitxia, Maialen Lekuona. Nerabeak (13-17) 1. Santirso, Asier Badiola. 2. Amish-ak volleyballean, Uxue Arretxea. 3. Atardecer, Nico Meyer. Oiartzungo onena. Harkaitzan gora [...]