Albisteak

Munduko mendiak ezagutzeko aukera emango du Jaizkibelen Mendi Asteak

Datorren astea mendiaren astea izango da Antxon, Jaizkibel Mendizale Taldeak Mendi Astea antolatu baitu astelehenetik larunbata bitarte. Ostirala arte, egunero, ikus-entzunezko bat proiektatuko dute Kultur Etxean (Hamarretxeta kalea), 20:00etan hasita. Lehen proiekzioak Oarsoaldeako ondare geologikoaz gehiago jakiteko aukera emango du, Jose Angel Torres Aranzadiko kideak aurkeztuko duen proiekzioan. Oarsoaldeaz gain, munduko hainbat txoko ezagutzeko aukera izango dute bertaratzen direnek. Argazki erakusketa Kultur Etxea 18:00etan irekiko dute egunero bertan jarriko duten argazki erakusketa ikusi ahal izateko. Eta Mendi Asteari bukaera emateko Trebiñuko Biraren laugarren etapa egingo dute Belabia mendira (970 metro). Egitaraua: Hilak 9, astelehena. Aiako Harria, Jaizkibel eta Oarsoaldea, Aranzadiko Jose Angel Torresek aurkeztua. Hilak 10, asteartea. Ezaugarriak eta perretxikoen sailkapena, Aranzadiko Jose Manuel Lekuonaren eskutik. Hilak 11, asteazkena. Saharatik zaldiz eta Mongoliako estepa lana aurkeztuko dute Mila Gallastegik eta Asier Aranzabalek. Hilak 12, osteguna. Jose Ramon Agirre Marron bidaiazaleak Nepalen gertatzen den Dolpo: biziaren muturrean ikus-entzunezkoa aurkeztuko du. Hilak 13, ostirala. Albaolako Mikel Leozek Oihanetik itsasora proiekzioa azalduko du. Garai bateko ontzien eraikuntzaren prozesua ezagutzeko aukera izango da. Hilak 14, larunbata. Trebiñuko Biraren laugarren etapa. Belabia mendira (970 metro) joango dira.

admin

Oiartzun Irratia: maiatzak 5

Gaurko programazioa FM107an: 10:00etan, Arguyuan: 10:30ean: Titika Rekalten eskutik, Zuberoa kantuz atala. 11:30ean: Zulotik deiadarka. 12:10ean: Oiartzuarren Baitan. 13:15ean: Arrosaren tartea. 15:00etan: Albisteak. 18:00etan: Arguyuan (errepikapena)....

admin

Mañontzi Bertso eskolak eta Lezoko Udalak elkarlana berritu dute

Lezoko Mañontzi Bertso Eskolak urteak daramatza bertsolaritza herrian sustatzen eta lantzen. Bere horretan jarraituko dute datozen urteetan. Horregatik, Lezoko Udalarekin hitzarmena sinatu dute berriro ere. Legegintzaldian sinatu duten bigarren hitzar...

admin

Donibane-Majestik-ek Oñatin du partida larunbatean

Oñatira joango dira etzi (hilak 7) Donibane Majestik taldekoek, Oñatiko Izarraitz taldearen kontra jokatzera. Kopa jokatzeko aukera gutxi dituzte arrosek, baina aukera gutxi horiek borrokatzen ahaleginduko dira arrosak, hango Zubikoa kiroldegian. 16:...

admin

“Gauza txikien garrantzia” nabarmendu du H1ek

“Jendeari benetan axola, eta eguneroko bizitza hobetzen dutenak direlakoan gauza txikien garrantzia” nabarmendu du H1en zerrendaburu Miriam Canok bere hautagaitzaren lan ildo nagusiak aurkezterakoan. Pasaitarren “ongizatea” aldarrikatu du eta berau lortzeko giltza “badiaren biziberritze integrala” jo du, “enplegu eta aberastasunaren iturri” izango direlakoan. “Onartezina” iritzi dio Canok Pasaiak bizi duen egoera sozioekonomikoari: “hau aldatzeko gai izan behar dugu, Pasaiak merezi duen tokia berreskura dezan”. Udaleko jardunean  “liskarrak” atzean utzi  “baiezko eraikitzailea” lehenetsiko duela esan du Canok, eta horretarako “gaztetasuna eta esperientzia” uztartzen duten taldea osatu dutela argitu du. Hortxe H1en zerrenda: 1.   Miriam Cano Puy 2.   Jon Samaniego Arrieta 3.   Iñaki Arrieta Egia 4.    Ane Egia Goiene­txea 5.    Koldo Merino Nazabal 6.    Santi Mariezkurrena Ezkurra 7.    Begoña Fernandez Entenza 8.    Sebas Cano Gonzalez 9.    Mª José Esnaola Agesta 10.   Julen Etxa­niz Danbolenea 11.    Maialen Arrieta Arrieta 12.    Amaia Osa Etxe­berria 13.    Txema Sancho Dominguez 14.   Mª Jesús Goienetxea Sistiaga 15.    Hector Oscar Soria 16.   Mª Carmen Arrese-Igor Fraile 17.    Martin Iparragirre Angiorama

admin

Plataforma logistikoari buruzko mahai-inguruaren jarraipena, bihar

Nola eragingo digu Plataforma Logistikoak? galdera oinarri hartuta, apirilaren 14an eta 15ean jardunaldiak izan ziren herrian, Oiartzunarriskuan taldeak antolatuta. Lehen saioan Alberto Lopez arkitektoak hitzaldia eman zuen, eta bigarrenean, udaletako ordezkariekin mahai-ingurua izan zen. Mahai-inguru horrekin jarraituko dute bihar. Hala, Pavel Viñasek eta Haritz Salaberriak, Oiartzun eta Lezoko udalen izenean, Lezo-Gaintxurizketan egin nahi duten Plataforma Logistikoari buruzko mahai-inguruan parte hartuko dute, 19:00etan, udaletxean. Ondoren eztabaida irekia izango da. Biak Oiartzunarriskuan taldeak antolatu ditu. Helburua, azpiegiturak udalerriotan izango duen eragina aztertzea da, bai arlo ekonomikoari dagokionez, eta baita lurraldeari dagokionez ere. Orain, gainera, Lezori dagokionean, Gipuzkoako Foru Aldundia hasi berri da hainbat enpresa (50 inguru) eta baserriren balorazioa egiten, lur horiek desjabetu eta plataformaren baitan kokatzen den geltoki intermodala eraiki ahal izateko. Oiartzunarriskuan taldeak herritar guztiei, eta enpresei eta gainerako erakundeei mahai-inguruan eta ondorengo eztabaida saioan parte hartzeko gonbita luzatu die: “Kontuan izan behar da azpiegitura honek eta Lurralde Zatikako Planekoek bi udalerrien eta Oarsoaldea osoaren etorkizunean izango duten eragina”.

admin

Bost lan eta hiru kolore

Gaur eguerdian ireki dute 2011ko San Pedro eta San Martzial jaiak iragarriko dituen kartela aukeratzeko epea. Lehiaketara aurkeztutako lanen artean epaimahai batek bost kartel hautatu ditu, eta horietako bat izango da irabazlea, herri bozketaren prozedura erabiliz.

admin

Merkatariek, ostalariek eta Rural Kutxak fideltasun txartela sortuko dute

Higer Elkarteak, Ostalaritzako Enpresarien Elkarteak eta Rural Kutxak lankidetza hitzarmena sinatu dute, fideltasun tresna bat martxan jartzeko. Honela, Hondarribiko establezimenduak lehiakorragoak izaten saiatuko dira eta merkataritza gune handien aldean hobetzea dute helburu. Fideltasun proiektuarekin bi tresna nagusi jarriko dituzte martxan: sustapen ekintzak gauzatzeko eta fideltasun sistema burutzeko programa informatiboa eta fideltasun txartela, merkatari, ostalarien eta erabiltzaileen artean banatuko dena. Txartelaren bidez sustapen kanpainak eta fideltasun ekintzak eskuratuko dituzte, eta ondorengo ezaugarriak izango ditu: doakoaizango da, ordainketa hiru hilabetetan egin ahal izango da, bezeroak ez du hartarako kontu berririk ireki behar izango, eta bezero eta erabiltzaileei zenbait kanpainatan parte hartzeko aukera eskainiko die, doan. Fernando de la Fuente, Higer Elkarteko ordezkariak azaldu duenez, “etorkizunerako proiektua da, hain zuzen ere gure hiriko merkataritza alorra indartzeko eta merkataritza gune txikien esku enpresa handiek dituzten tresna eta abantailak jarriko ditu”. Gainera, Ostalarien Elkarteko presidente den Miguel Sotok, proiektua marketing estrategien hobekuntza dela esan du, osagarri bat alegia, “gure bezeroei zerbitzu hobea eta hirian duten eskaintzaz baliatzeko argudio sendoak ematen zaizkie, bai merkataritza alorrean, eta bai aisia nahiz jatetxe alorretan, eskaintza hondarribiarrei nahiz ohiko bisitariei zuzendua da”. Fernando Sotok, Rural Kutxako Erakunde Harremanetarako Zuzendariak, “lankidetza eremu berri honen helburu nagusia establezimendu txikiek dituzten ahuleziak murriztu [...]

admin

Bi domina Espainiako Kadete Txapelketan

Santiagotarrak taldeko aulki mugikorreko Kadete Mailako kirolariek asteburuan egin duten Espainiako Txapelketan parte hartu dute. Banaka, Beñat Rekartek brontzezko domina lortu zuen, eta Aizpea Gonzalez laugarrena izan zen. Bikoetan Mikele Eizagirre e...

admin

Arteando, erreferente izateko

Egungo arte plastikoak mota guztietako publikoarengana, bildumagileengana eta arte zaleengana hurbiltzeko, Arteando arte garaikidearen azokaren lehen ekitaldia antolaru dute Irunen. Galiziako Espacio Atlantico erakusketaren antolatzaileek ekarri dute Irunera azoka, eta hilaren 21etik 26ra egingo dute, Ficoba erakustazokan. 24 galeriarentzako lekua izango du, 150 artisten lanak bilduko dituzte eta beste bost gela Project rooms bezala egokituko dituzte. Joan den ostiralean Ignacio Scarpellini ekimeneko zuzendariak, Irun, Hondarribia eta Hendaiako alkateek eta Kutxa Fundazioko zuzendari Carlos Ruizek hedabideen aurrean aurkeztu zuten Ficoban Arteando. Vigon (Pontevedra, Galizia) egiten den Espacio Atlanticoko ordezkari Ignacio Scarpellini da Arteando azokaren lehen ekitaldiaren zuzendaria. Madrilgo ARCOren atzetik, arloko azoka handiena da Vigokoa, eta bide berbera jarraitu nahi dute Arteandon. Pozik zegoen ostiralean azokaren zuzendaria eskualdean jasotako harreragatik, eta eskerrak eman zizkien aurkezpenean egon ziren guztiei. Arteandoren lehen ekitaldia, «izango dena baino zerbait handiagoa» izatea nahi zuela onartu zuen Scarpellinik, «baina txikitik hastea ere ondo dago, gerora hazteko». Aurreratu zuen «azoka gizartearentzat pentsatuta» dagoela: «Bizi gaitezen alai. Horretarako da artea, pozik bizitzeko». Lekurik aproposena Jose Antonio Santano Irungo alkatearen ustez, Arteandok bi ezaugarri nagusi ditu: ekimen kulturala dela, eta aktibitate ekonomikoari lotuta dagoela. Bere ustez, erakunde publikoek kultur ekitaldiak babesteko irizpidea indartu beharko lukete, «jarduera ekonomikoarekin harremana duelako arteak, [...]

admin

Oiartzun Irratia: uztailak 12

Gaurko programazioa FM107an: 10:00etan, Arguyuan: 10:30ean: Arrosa. 11:30ean: Bertso atala. 12:10ean: Informatika atala. 13:15ean: Kirolez blai! 15:00etan: Albisteak. 17:00etan: Finean nafarrak. 18:00etan: Arguyuan (errepikapena). 20:00etan: Albistea...

admin

Zientziarekiko jakin-mina

Iaz bezala, aurten ere zientzia udalekuak antolatu ditu Elhuyar Fundazioak, Eusko Jaurlaritzako Hezkuntza Sailaren laguntzarekin, Arritxulo aterpetxean. Dagoeneko iritsi dira lehenengo txandakoak eta baita joan ere: 50 gaztetxo izan dira, 1998-1999 urteetan jaiotakoak. Pasa den astelehenean iritsi ziren, eta atzo arte egongo ziren bertan. Bigarren txandakoak gaur iritsi dira, eta Arritxulon egongo dira hilaren 17a arte. Adin bereko beste 50 gaztetxo dira. Aurrekoek bezala, horiek ere hainbat ekintza egingo dituzte, zientziarekin lotutakoak: Arditurrira bisita; entomologoarekin eskolak; zientzia tailerrak… Hirugarren txandakoak ere 50 izango dira datorren astean, 1996-1997 urteetan jaioak. 18tik 24ra egongo dira Arritxulon. Jakin-mina eta irudimena Gazteengan zientziarekiko jakin-mina eta irudimena piztea eta sustatzea da udalekuen helburu nagusienetako bat. Elhuyar Fundazioak urte asko darama gazteen artean zientzia era atseginean zabaltzen, eta 2011ko udan Zientzia Udalekuak jarri ditu martxan bigarren urtez, Eusko Jaurlaritzako Hezkuntza Sailaren laguntzarekin. Udalekuaren ardatza da aisialdia eta zientzia-ekintzak eta tailerrak uztartzea, baina proiektuaren helburu zuzenak honako hauek dira. Batetik, 12-16 urte bitarteko gazteei aisialdiko udalekuen eskaintza egitea. Bestetik, gazte horiei zientzia modu erakargarri eta ulergarrian gerturatzea. Gero, gazteengan zientziarekiko jakin-mina eta irudimena piztea eta sustatzea, eta azkenik, aisialdia eta zientzia uztartzea. Horrez gain, beste hiru helburu dituzte udalekuek: ongi pasatzea eta bizikidetza lantzea; zientziaz gozatzea eta [...]

admin

Iñaki Etxeberria, Martxel Toledo eta Iker Leonet, Frantziako Tourra aztertzen

Oiartzun Irratiko Kirolez blai! saioan, Frantziako Tourra aztertzen jarraitzen dute. Aste honetan ere bi saio egingo dituzte. Lehenengoa bihar izango da, eta bi gonbidatu izango ditu Joxe Migel Lopez esatariak. Iñaki Etxeberria Alberto Contadorren eta...

admin

Inaugurazio proba irabazi du Blanco jockey-ak Donostian

Eduardo Blanco jockey oiartzuarrak Donostiako Nazioarteko Hipika Lehiaketan parte hartu zuen pasa den asteburuan. Inaugurazio proban, DV Trofeoan, lehenengo postua irabazi zuen, 22,62 segundoko denborarekin, eta faltarik gabe, Paprika Gesmeray zaldiaren gainean. Gonzalo Busca jockey-ak ere denbora bera egin zuen, beraz, postua bientzako izan zen. Larunbatean eta igandean hainbat proba jokatu zituen Eduardo Blancok, eta hurrengo postu onena Gipuzkoa Kirolak Trofeoa izeneko proban lortu zuen. Laugarrena izan zen, 43,48 segundoko denborarekin. Gainontzeko proba guztietan zortzigarren postutik atzera ibili zen.

admin

Juan Joxe Lizasok irabazi du Euskadiko Sega Txapelketa

Juan Joxe Lizasok irabazi du bigarrengoz Euskadiko Sega Txapelketa. 2009an irabazi zuen lehenengoz, eta atzo jantzi zuen bigarrengo txapela, Oiartzungo Pikoketan. Lau segalari sailkatuta zeuden igandeko finalerako: Arkaitz Arteaga, Jon Kanflanka, Juan Joxe Lizaso eta Mikel Alkorta. Segalari bakoitzak 1.300 metro koadro izan zituen prest ebakitzeko, zazpi sailetan banatuta, eta 250 ikusle bertaratu ziren saioa zuzenean ikustera. Segaz ulertzen dutenek nabarmendu dutenez, aski belar egokia aurkitu zuten segalariek, eta zola ere aipatzeko modua. Ordu beteko lana egin beharizan zuten lehian aritu ziren lau segalariek, eta txukuntasuna ere aintzat hartu zuten epaileek. Hala, Lizaso txapeldunak eta Arteagak bina txartel gorri jaso zituzten; beraz, segalari bakoitzari 40 kilo kendu zizkioten. Iaz bezala, Jon Kanflanka izan zen txapeldunordea, Lizaso txapeldunak baino 306 kilo gutxiago ebakita. Hirugarrena Mikel Alkorta izan zen eta laugarrena Arkaitz Arteaga. Hiru txapela aurten Urte polita du aurtengoa Lizasok. Izan ere, aurtengo hirugarren txapela jantzi zuen herenegun: Gipuzkoako Txapelketa ohiko erakoa eta azkartasunekoa, eta Euskadikoa. Sailkapena Juan Joxe Lizaso. 5.451 kilo (40 kiloko zigorra). Jon Kanflanka. 5.145 kilo (ez zuen zigorrik jaso). Mikel Alkorta. 4.837,5 kilo (ez zuen zigorrik jaso) Arkaitz Arteaga. 4.271,5 kilo (40 kiloko zigorra).

admin

1638ko Setio Handiaren hitzaldi zikloarekin liburua argitaratu dute

2008. urtean Hondarribiko Setio Handiaren 370. urteurrena bete zen, eta liburu askotan aipatutako gertakaria izan arren, setioaren nondik norakoak eta eragin zituen ondorio historiko funtsezkoak ez ditu ez historiografia espainiarrak ezta frantziarrak ere aintzat hartzen. Gauzak horrela, Hondarribiko Udalak Setio Handiaren nondik norakoak ezagutzera emateko ikerketa eta gizarteratze programa bat antolatu zuen. Burututako ekintzetako bat setioari buruzko hitzaldi zikloa da, eta orain Gustav-eko Koadernoak aldizkari digitalak monografiko moduan, hitzaldiak bildu eta argitara eman du. 1638 Hondarribiko Setio Handia liburuan, guztira bost adituren lanak bildu dituzte, historiako gertakariari buruzko berrikuspen orokorra ematen dutenak: Alvaro Aragon Ruanoren Vervins-etik Pirinioetako Bakea arte: balidoen aroa Espainian eta Frantzian, Cesar Fernadez Antuñaren Las fortificaciones de Hondarribia ante el sitio de 1638, Juan Ramon Guevararen Hondarribia 1638: el bloqueo naval, Carlos Rilova Jericoren Un día en la vida cotidiana del siglo XVII, Iñaki Garrido Yerobiren El Asedio, datos de un relato periodístico del hecho eta Carlos Rilova Jericoren bigarren hitzaldi bat El Gran Asedio. Unas consecuencias de larga duración. Hitzaldi zikloari hasiera Liburua Arma Plazako interpretazio zentruan eta liburudendatan erosi ahal izango da 14 eurotan. Gainera, ostegunean 19:30ean Nautiko elkartean, azaro bitarte izango den hitzaldi zikloari hasiera emango diote, Xabier Alberdi, historian doktorearen balearen arrantzari buruzko [...]

admin
Gehiago