2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Klasiko bat da Pasaiako haurren artean. Antxoko liburutegiak antolatzen duen Gabonetako Marrazki Lehiaketak 48. ekitaldia du aurten eta dagoneko martxan da. Urtero bezala, 4 eta 14 urte bitarteko umeek parte har dezakete; Pasaian bizi edo Pasaiako ikastetxeetan ikasten duten haurrek. Izan ere, Pasaia-Lezo Lizeoa, Karmengo Ama eta La Anunciata ikastetxeekin elkarlanean bideratzen da lehiaketa. Eskoletan banatzen dizkiete haurrei marrazkiak egiteko orri formatudunak eta bertan jasotzen dira egindako lanak. Hala ere, Pasaiakoa izan eta udalerritk kanpo ikasten ari diren umeek orri formatudunak eskatu ditzakete liburutegietan.Lanak aurkezteko epea azaroak 25an bukatzen da.

Eskualdeko bertsolarietatik bera bakarrik falta zen Gipuzkoako Bertsolari Txapelketako final-laurdenetan lehiatzeko. Arkaitz Oiartzabal Xamoa etzi sartuko da fase horretan, Azpeitiko saioan. 17:30ean izango da, Izarraitz pilotalekuan. Ane Labaka, Iker ...

Herrera, 17:30ean. Bertan dute zita zale zuri-urdinek bihar. Rotetaren kontra jokatzen du Trintxerpek. Printzipioz Roteta baino hobeto ari da Trintxerpe, eta JOsu Zubiaren mutilek, abantaila baliatu nahi dute, bigarren astez jarraian hiru puntuak gehit...

Kontario zuzena hartuko du bihar Pasaiak Don Boscon. Urolarekin 14 puntutan berdinduta daude zuri gorriak, sailkapeneko laugarren eta bosgarren postuan hurrenez hurren, eta gogor borrokatu dute bi taldeak hiru puntuak nork poltsikoratuko. Partida 16:30...

Acampadabidasoak, maiatzaren 15eko mobilizazioetatik sortu zen eskualdeko taldeak, bilera egingo du gaur, ostiralean, 20:00etatik aurrera, Zabaltza plazan. Acampadabidasoako kideak ostiralero biltzen dira, eta egunero gai bat lantzen dute. Bilerak edoz...

Gaur arratsaldean, 18:30etik aurrera, Lezoko Udalak bere egoeraren berri emateko batzarra antolatu du. Datorren urteko aurrekontuak ari da prestatzen udala, eta herritarrekin eta beste hainbat eragilerekin elkartuko da Gezala Auditoriumean. Euren iritzia kontuan hartuko dute, eta datorren hilabetean hasiko dira lantzen aurrekontuak. Ainhoa Zabalok (Lezo, 1974) bileraren gaineko xehetasunak eman ditu. Zein da gaur arratsaldeko bileraren helburua? Azken finean, Lezoko Udalaren egoera zein den herritarrei jakinaraztea da helburu nagusia. Datorren urteko aurrekontuen gainean hartutako erabakiak zeintzuk diren esango diegu, guk hartu dugun bidea eta ildoa zein den esango diegu. Era berean, ordenantza fiskaletan hartutako erabakiak zeintzuk diren jakinaraziko diegu lezoarrei. Ordenantza fiskalen kasuan, gainera, gainontzeko alderdientzako Ogasun Batzordearen ateak zabalik egon direla azalduko dugu, eta beraiek ez dutela parte hartu, ez direla agertu. Orain EAJko Udal Taldea gezurrak esaten ari da ordenantza fiskalen gainean… Euren ekarpenak jasoko ditugu eta aztertuko ditugu, guztien ideiekin lan egiteko prest gaudelako. Hala eta guztiz ere, datozen urteei begira, herritar guztiek aurrekontuen prestaketan parte hartzeko lehenago hasi behar dugu lanean, eta beste modu batera moldatu beharko dugu. Ez da hain erraza, eta gainera, berandu gabiltza zeregin horretan. Datorren urteko aurrekontuetan 200.000 euroko doiketa egongo da. Zein sailek izango dute lehentasuna? Lehentasuna herritarren ongizateari eman nahi [...]

Bihar, hilabeteko lehenengo larunbateko azoka egingo dute Kontzejupean. Eta postu berezia jarriko dute Josebe Iragorrik eta Pili Sanchezek: baserritar jantzi ekonomikoak eta ehoziri lanak erosteko aukera izango dute goizean zehar Doneztebe plazara inguratzen direnek. Sanchezek hamaika ehoziri lan egiten ditu, eta enkarguak ere jasotzen ditu. Iragorrik, berriz, urteak daramatza baserritar jantziak aldatzen: “Denok dugu ohiko traje zuri-beltza, baina horiek aldatu, birziklatu eta berritu daitezkeela erakutsi nahi dut”. Garestia izan ohi da jantzi berria erostea, baina Iragorrik etxekoa hartzen du oinarri. Horrez gain, txalekoak, zapiak… ere egiten ditu. Bihar, azokara hurbiltzen direnek, birziklatutako jantziak eta berak egindako lan osoak ikusi eta erosi ahal izango dituzte, baita haurrentzako ere. Ideiak eta enkarguak Iragorrik zehaztu duenez, bihar ideiak emateko prest izango da, norbaitek dudarik edo galderarik badu. Horrez gain, jantziak egiteko enkarguak hartzen ditu.

Heldu den asteartean, hilaren 8an, gripearen kontrako txertoa jaso nahi duten 60 urtetik gorako hendaiarrek Aizpurdi karrikako Denak Lagun etxera joan beharko dute, 14 :30etik 16:30era. 65 urtetik gorako pertsonek euren txertoa eraman behar dute. Zerbi...

Gaur hasiko dira Biriatuko San Martin bestak, tripotx dastaketa erraldoiarekin. Zortzirehun lagun inguru eseriko dira gaur gauean Xoldo ezker paretan atonduko duten mahai inguruan. Bihar gazteentzako kontzertua izanen da, eta igandean eginen dute antzara joko ezaguna. Hilaren 12a arte luzatuko dira sanmartinak; bitarte horretan Aintzinat tailerraren margo erakusketa ikusi ahalko da. Biharko eguna atsedenerako erabiliko dute biriatuarrek. Hori bai, gauerako denak bestarako prest izanen dira berriz, Che sudaka taldearen kontzerturako, eta ondorengo dantzaldirako. Iganderako pilota partidak antolatu dituzte frontoian, mezaren ondotik. 16:30ean izanen da bestetako ekitaldirik esperatuena, antzara jokoa; Zarpai Bandak animatuko ditu herriko zaldun hoberenen joan etorriak. Ondoren, Hendaiako Gaztelu Zahar abesbatzak kontzertua eskainiko du elizan. Bigarren asteburua Heldu den astebururako Besta Komiteak mus txapelketa antolatu du Xoldoko ostatuan. Ostiralean izanen da, bazkalostean. Izena emateko 0607 76 07 82 telefono zenbakira deitu behar da. Sanmartinak hilaren 12an amaituko dira, larunbatarekin. Egun horretan, besteak beste, antzararen bazkaria eginen dute, eta arratsaldean haurrentzako jokoak prestatuko dituzte, Xoldon. San Martin bestak Biriatun. Ekitaldien zerrenda Gaur, hilak 4. Tripotx afaria Xoldon, 20:00etan, Bidekoa taldeak animaturik (erreserba egin dutenentzat soilik). Bihar, hilak 5. Kontzertua Xoldon Che sudaka taldearekin, 22:00etan. Sartzea 8 euro, edari bat barne. Ondoren, dantzaldia Samainekin. Etzi, hilak 6. Meza, 10:00etan. Pilota [...]

Ezabatuta zeuden balizak berriro margotu dituzte, horiz, ibilbide “ezezagunenetakoa” sustatu asmoz. Ulian gutxien ezagutzen den ibilbideetako bat berriro balizatu du Vasco de Camping elkarteak. Hala jakinarazi dute bere arduradunek. Azaldu dutenez, “erabat garbia” dago orain bide hori erabili nahi dutenentzat. Donostiako Udalak garbiketa lanak egin berri ditu, Vasco de Campineko kideek, ezabatuta zeuden balizak berriro margotu dituzte. Itsaslabarren bidea egin nahi duenak, beraz, puntu eta bota txiki horiak jarraitu besterik ez du Mendiola eta Ulia arteko itsaslabarren bidea osatzeko. Bidea bi norabideetan osa daiteke: San Pedrotik irten eta Donostiaraino, edo alderantziz. Irteera edo helmuga, beraz, Arzak jatetxearen atzealdean du orain balizatu berri duten ibilbideak. Edonola ere, interesdunek Vasco de Campingen elkartearen webgunean eskura dezakete ibilbidearen gida, www.vascodecamping.org-etik alegia. Gutxien osatzen den bidea Groseko mendi taldeko arduradunen arabera, beraiek balizatu duten bidea «ezezagunenetakoa da», eta Ulia zeharkatzen dutenen artean, “soilik %15ek osatzen dute, udan belardiak bidea estali ohi duelako”.

San Martzial kalean istiluak izan dira gaur eguerdian eta ertzainek agertu behar izan dute gizon baten bila, bere solairuaren gainean bizi direnak mehatxatu dituelakoan. Euskal Telebistak aurreratu du hildako bat egon daitekeela, baina Ertzaintzak hori gezurtatu du. Herrizaingo Saileko prentsa zerbitzutik esan dutenez, ertzainek San Martzial kaleko etxebizitza batetik dei bat jaso dute eguerdiko ordubatak aldera, bertakoen azpian bizi den gizonak mehatxatu dituelakoan. Ertzainen patruila bat bertaratu da, kalea itxi eta gizonaren bila hasi dira, baina ez dute aurkitu. Ezer gertatu ez dela ikusita, kalea berriro ireki dute. Itxuraz, mehatxuak egin omen dituen gizonak hainbatetan kexatu omen da, goiko bizilagunek goizaldean egiten ari ziren zaratarengatik. Goiko solairuan jende asko bizi dela eta goizeko zazpiretan zaratarengatik kexu agertu dela esan dute Ertzaintzatik.

Aurten herritarren laguntza inoiz baino beharrezkoagoa dela nabarmendu du El Watan elkarteak Herriko El Watan elkarteak Sahararen aldeko janari bilketa antolatu du aurten ere. Saharar errefuxiatuentzat zuzendutako janaria bilketa da aurtengoa ere, bain...

Hona Itsas Gelako elkartekoen Mater ontzian grabatu duten bideoa

Oiartzun Arriskuan lan taldeak alegazioak aurkeztuko ditu berriro; Udalak gauza bera egiteko eskatu du Pasaiako Kanpo Kaiaren Ingurumen Jasangarritasunaren Txostenak Lezo-Oiartzunen makroplataforma logistiko bat eraikitzeko proposamena jasotzen du, kaiaren azpiegitura osagarri gisa. Txosten hori 45 egunez jarri zuten jendaurrean pasa den abenduaren 4an. Lur eremua, 180 hektarea dituena, bat dator Donostialdea-Behe Bidasoako Lurralde Plan Partzialak (LZP edo PTP) aurreikusitakoarekin. Plataforma logistiko horren aurka, duela urtebete, ia 8.000 alegazio-idazki aurkeztu zituzten oiartzuarrek eta 40 entitate inguruk, udal talde politiko guztiek barne. Baina plataforma logistikoaren zein kanpo kaiaren izapideek aurrera jarraitzen dutela salatu du Oiartzun Arriskuan taldeak. Pasaiako Portuko Agintaritzaren IV. Eranskina. Pasaiako Portuan gune logistikoa ezartzeko azterketaren analisia dokumentuan (www.puertopasajes.net) jasotzen denez, azpiegitura hori, hasieran, Jaizkibelgo tuneletarako eta portuko lanetarako materialak biltzeko izango litzateke. Eta gero, portuko salgaiak uzteko eta jarduera logistikoetarako, geltoki intermodala barne. Oiartzungo aldean egin nahi dutena zehaztu du taldeak: «Funtzio Anitzeko Eremu Logistiko bat egin nahi dute, gutxi gorabehera 20 hektareakoa, eta Zerbitzuen Eremu bat lehen fase batean» (gainerako eremua Arizabalo eta Mendin arte zabaltzen da). Horretarako, zelaigune handi bat egin beharko litzateke Trapada mendian eta ingurunean, eta ondorioz, mendi hori desagertuko litzateke». Ondorioak Dokumentuak berak dio jarduketa horrek «ia erabateko eragina izango lukeela Oiartzungo Arau Subsidiarioetan, [...]

Badatoz Errege Magoak. Gaur arratsaldean etorriko dira Meltxor, Gaspar eta Baltasar herria bisitatzera, eta eurekin batera opari zakukada erraldoia ekarriko dute. Bigarren aukera izango dute bihar, beraz, Olentzeroren oparirik jaso ez zutenek edo bigar...

Oiartzuarrek urtarrilaren 7ko Bilboko manifestazioari egindako atxikimendua:

Hondarribiko Udalak hemeretzi kontratazio egingo ditu lau eta sei hilabeteko iraupeneko lanpostuak betetzeko. Hautagaiak diru sarrerak bermatzeko errenta jasotzen dutenak edo langabezia prestazioa jasotzen ez duten langabeak dira. Ekimena Lanbideren la...

Amute-Kostako auzo elkarteak bilera antolatu du datorren iganderako, goizeko hamaiketan, elkartearen egoitzan. Bertan, otsailaren 19an Hondarribian egingo duten desfilearen gainean hitz egingo dute. Garatuko duten gaia aukeratuko dute, eta horren arabe...

Herriko emakumeek egindako lana ezagutarazteko asmoz, Berdintasun Kontseiluak Mariasun Landa Sariak antolatu ditu bigarrenez. Zehazki, gizarteko hainbat arlotan emakumeek Errenteria-Oreretari egindako ekarpenaren berri ematea du helburu, eta horri buru...

PSE-EEk udal kudeaketatik bere burua baztertu duela eta jarrera horren atzean «iparrik eta helburu politikorik» ez duen taldea dagoela esan du Errenteriako Ezkerrako (EE) zinegotzi Jose Manuel Ferradasek. Gobernu taldeko kidea haratago joan da: “Gobernu taldeak eskua luzatu badio ere, Merinok eta bere taldeak behin eta berriz mespretxatu du”. Udal hauteskundeetatik sei hilabete pasatu direnean, PSE-EEk “garai berrietara egokitzeko denbora nahikoa” izan ez duela uste du Ferradasek. Horren harira, gogorarazi du 2012ko aurrekontuak onartzeko EAJ eta PPrekin gobernu taldeak lortutako akordioa, alderdi sozialistarekin egitea “ezinezkoa” izan zela, eta azken horrek bi aukera dituela nabarmendu du: “Errenteria berriaren definizioan parte hartu, edo bere burua baztertu. Merinoren eskutik, badirudi bigarrenaren alde egin dutela”. Bestalde, bere jarrera justifikatzeko, alderdi sozialista “egia ez diren” baieztapenak egiten ari dela salatu du Errenteriako Ezkerrako zinegotziak. Hala, udal aurrekontuetan, babestutako gizarte lana sortzeko 61.000 euroko diru zatia jaso dela zehaztu du Ferradasek: “Aurreko urteetan 60.000 euroko diru zatia jasotzen zuen aurrekontuak eta Oarsoaldeari egiten zitzaion transferentzia zen. Hortik, azken bi urteetan zentimo bakarra ere ez zen exekutatu”. Bestalde, gastuaren murrizketa “erreala” dela esan du gobernu taldeko kideak: “Gastu politikoa 217.000 euro (%23,3) murriztu da, eta presidentzia gastua, berriz %3,5″. Beraun-Kaputxinoetako igerilekuetaz ere aritu da, eta bere alderdiak [...]