2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Urtea bete da Sabino Aranako igogailua ireki zutenetik eta epe horretan, 191.236 bidaia egin ditu, hau da, 516 aldiz, batez beste, erabili dute herritarrek eguneko. Igogailua astelehenetik igandera 07:00etatik 23:00etara dago martxan, eta igogailuaren mantenuaren ardura duen Orona enpresak adierazi duenez, «oso erabilera handia ematen ari zaio» garraio azpiegiturari. Goraldiak Erabilera ordutegiaren datuetan oinarrituta, ondorengo orduetan erabili da gehien: 07:00etan, 09:00etan,13:00etatik 15:00etara, eta 18:30etik 21:00etara. Jaiegunetan ere mugimendu handia izan du igogailuak. «Urtebetean 191.236 aldiz erabili da, eta bidaia bakoitzean 3-4 lagunek erabili dute igogailua, hala ere, ezin dugu biderkaketa erraz bat egin, ez baita beti jendearekin igotzen», azaldu du Juan Mari Altuna zinegotziak.

Aste honetan, Gazte Informazio Bulegoan ematen duten lan aholkularitza gaur izango da, ohiko ordutegian: 16:30etik 19:30era (normalean ostiraletan ematen dute zerbitzu hori).

Abaraxka Udal Ludotekan musika jolasak egingo dituzte bihar arratsaldean. Ohiko ordutegian, 16:30etik 19:30era egingo dituzte jolasak Abaraxkako bazkideek eta begiraleek.

Laudorio hitzak besterik ez dira entzun gaur goizean Antxoko Usozko eremuan jarri duten anbulatorio berrian. Herritarrek gaur izan dute aukera osasun azpiegitura bisitatzeko, eta bertan izan direnek eraikinaren espazioa, argitasuna eta baldintza egokiak nabarmendu dituzte. Gaur ateak zabaldu dizkie herritarrei anbulatorioak, baina astelehenean hasiko da martxan. Gaurko ekitaldian Pasaiako Udalean ordezkaritza duten alderdi politiko guztietako kideak izan dira, Amaia Agirregabiria alkatea buru zutela. Horrez gain, Osakidetzako arduradunak ere izan dira bertan.

Tulle kaletik Martin Etxeberria kalera pasatu da Garagune zentroa. Bertan, urritasuna daukaten pertsonak gizartean integratzen egiten dute lan. Zentro berria urritasun fisikoa dutenentzako egokitua dago, eta erabiltzaileek espazio propioa daukate, aurr...

Aurtengo Zuhaitz Eguna Uzpuru inguruan antolatu du udalak, Zaria mendian, hain zuzen ere. Igandean (hilak 26) goizeko hamarretan Doneztebe plazan jarrita dago hitzordua, autobusez Kausorora igotzeko. Gero, handik oinez igoko dira zuhaitzak aldatuko dir...

Maite Cruzado Gizarte Ongizateko ordezkariak Hiri Debekatuaren Mapa delakoaren berri eman du gaur goizean. Bertan, herriko 42 leku “arriskutsuren” berri ematen du txostenak. Irungo Bilgune Feministak 2010. urtean Katean eta Arbesen bultzatutako ikerketaren segida da, eta feministez gain, Argoiak eta auzo elkarteek ere parte hartu dute ekimenean. Hala, identifikatutako leku arriskutsu adierazgarrienak dira besteak beste: Emaus lantegirainoko bidezidorra, Letxunborro hiribideko tunela, Karrika Nagusiaren goi aldea Artaleku inguruan, López de Becerra kalea Topoaren ondoan eta Olaketa kalean dagoen kale txikia. Berdintasunean espezializatutako Murgibe aholkularitza-etxeak egin du azterketa; hirigintzan eta generoan espezializatutako bertako arkitekto baten esktuik. Horretarako, web orriaren bitartez irekitako prozesuan nahiz tailerretan parte hartutako 120 lagunen iritziak baloratu ditu enpresak. Kalean baino, etxean Irungo Udaleko ordezkariak onartu duenez, “hiri-antolamenduan emakumeak leku publikoetan erasotzea errazagoa egin ahal duten faktore batzuk daude, eta horregatik eman zaio garrantzia ekimen honi”. Halere, emakumeenganako eraso gehienak “arlo pribatuan eta familia alorrean” gauzatzen direla nabarmendu du. Horiek horrela, tokiko gobernuak emakumeenganako indarkeriaren inguruko hainbat datu azaleratu nahi izan ditu. Hala, Eusko Jaurlaritzako Genero Indarkeriaren Biktimenganako Arreta Zuzendaritzaren txostenaren arabera, 2010. urtean Irunen 166 kasuetan esku-hartu zuen Ertzaintzak; horietatik 125 bikotekideak edo bikotekide ohiak eraginak ziren; 35 beste senitarte batzuek; eta horietako 6 kasutan sexu-erasoak izan ziren. “Alegia, emakumeenganako [...]

Lezoko Udala gazteen lokalak arautzeko ordenantza zirriborroa prestatzen ari da. Beste herri batzuetako zirriborroak hartu dituzte eredu. Ordenantzaren helburuak lokalen egoera arautzea eta hobetzea da. Martxoaren 7an bilera egingo dute gazteekin, eure...

Glam Zinemaldia finkatzen ari da herrian, eta seigarrenez antolatu du EHGAMek. Pasa den astean Donostiako Antzoki Zaharretik pasatu ostean, asteburu honetan Errenteria Hiria Kulturgunean izango da, larunbatean eta igandean, 19:00etatik aurrera. Lau emanaldi prestatu dituzte: bi dokumental, film labur bat, eta film luze bat, eta guztiek tratatzen dituzte gay, lesbiana eta transexualen inguruko gaiak, batik bat transexualena, bera baita “ezkutuen” dagoen gaia, Mikel Martin EHGAMeko kideak esan duenez. Martinen arabera, zinemaldi horrek, “munduko zenbait txokotan sexu identitatea edo genero sexual identitatea bizi duten pertsonen hainbat errealitate” ezagutarazi nahi ditu. Gogorarazi duenez, Les-Gay-Trans filmak ikustea oso zaila da, eta Bilboko Zinegoak jaialdia baliatuz, ekarri dituzte filmak herrira. Azken finean, identitate, sexu, rol eta genero dibertsitateak hobeto ulertzea, eta gay, lesbiana eta transexualen bizimodua ezagutaraztea nahi dute antolatzaileek Glam Zinemaldiaren bidez. “Helburua da jendea hezitzea, erabateko askatasunean oinarritutako irizpideak eduki ditzaten, generoa dena delakoa izanda”, azaldu du Martinek. Pasa den astean Donostian izandako bidea jarraitu nahi dute Errenteria-Oreretan. Espero baino jende gehiago izan da, eta horretan lehen aldiz Antzoki Zaharrean emateak eragina izan duela iritzi dio Martinek. Sarrerak erosteko Errenteria Hiria Kulturguneko leihatilatik pasatu beharko da ohiko ordutegian. Lau euroren truke erosi ahal izango dira. Filmen sinopsiak LARUNBATA ‘Die jungs vom Bahnjof [...]

Irungo Gaztiak eskubaloi taldea Ordiziaren aurka lehiatu zen asteburuan, eguraldia medio bi astez partida atzeratu ondotik. Lehen zatia amaitzerako 11-9 irabazten zuten irundarrek, baina bukaerarako zortzi minutu falta zirenean berdinketa lortu zuen Or...

Trintxerpe Atletiko Klubak Pasai San Pedroko mendi-lasterketa antolatu du hilaren 28rako (larunbata). San Pedroko udal pilotalekutik irtengo da lasterketa, eta 16 urte beteta dituzten pertsona guztiek parte hartu ahal izango dute. 13,5 kilometroko lasterketa izango da, % 85 menditik eta gainerakoa asfaltotik eta zementuzko pistetatik. Zailtasun gutxikoa edo ertainekoa da, edozeinek parte hartu ahal izan dezan. Gainera, irteera itsasoaren mailan dago, eta kotarik garaiena 190 m-koa da. Helmuga San Pedroko pilotalekuan egongo da, irteera bezala. Irteera ematen denetik 2 ordura itxiko da helmugako kontrola. Denbora hori gainditzen duten parte-hartzaileak kontroletik kanpo iritsiko dira. Izena emateko bi aukera daude: irteera-lerroan, Pasai San Pedroko pilotalekuan lasterketa egunean bertan, 15:30etik 16:30era, 13 €-ren truke; herrikrossa.com web orrian 10 € ordainduta; eta Donostiako Urbieta kaleko U51 eta Elkano kaleko Laister kirol dendetan, 10 €-tan. Parte hartzaileek dortsalak paparrean jarri beharko dituzte, ondo ikusteko moduan. Dutxa eta aldagela zerbitzua izango da San Pedroko udal gimnasioan eta Trintxerpe Atletiko Klubaren instalazioetan. Atleta guztiek opari bana jasoko dute parte hartzeagatik, eta kirol materiala zozketatuko da proba amaitzen duten atleta guztien artean. Garaikurra emango zaie sailkapen orokorreko lehenengo bostei (emakume nahiz gizon), klubeko lehenengo atletari, proba bukatzen duen atleta beteranoenari eta lasterketa ixten duen atletari. Atleta gazteenei ere [...]

Jaialdia antolatu dute etzirako, estilo horren zale direnen gustuko lau musika talderekin La Otracina (AEB, Holy Mountain), Domo (Alacant, Herrialde Katalanak), Temple Solaire (Frantzia) eta Jubile (Frantzia). Lau horiek dira Mogambok etzi gauerako a...

Iganderako antolatu dute Errobi Ibaiaren Arroaren egitarauaren barruko laugarren etapa Trintxerrekoek Hogei kilometroko inguru, sei ordutan. Horiexek dira Trintxer Mendi Taldekoek iganderako antolatu duten irteeraren aurreikuspenak. Errobi ibaiaren arroa ezagutzen dihardute Trintxer Mendi Taldekoek, eta igandean bira horren barruko laugarren etapa dute. Ohi bezala, Dax taberna parean geratu dira autobusa hartzeko. Handik Otsondora (Nafarroa) joan, eta oinez egingo dute Izpegira (Nafarroa Beherea) arteko bidea. Informazio gehiago nahi izanez gero, 943 39 07 21 edo 679 23 36 60 telefono zenbakietara dei dezakete interesdunek.

Uztailean izango dira udalaren Gazteria eta Kirol Departamentuak antolatzen dituen udalekuak Maiatzaren 2an irekiko dute udaleku irekietan izena emateko epea, haurrentzat zein begiraleentzat. Udalekuak, berriz, uztailaren 2tik 27ra izango dira aurten, 09:30etik 13:00etara, eta astelehenetik ostiralera, eta beti bezala, Pasaiako Udalaren Gazteria eta Kirol Departamentuak antolatu ditu. Plazak mugatuak dira; guztira, 360 eskainiko dituzte. Eskaria eskaintza baino handiagoa izatekotan, zozketa bidez erabakiko dute plazen adjudikazioa. Antolatzaileek zehaztu dutenez, udalekuetan jarduera asko egingo dituzte plaza lortzen dutenek: jolasak, kirola, tailerrak, herriko kultura eta ingurunea ezagutzeko irteerak, mozorroak, txotxongiloak, dantza, antzerkia, ipuinak… Gehienez 10-12 haur hartuko dituzte talde bakoitzean, eta talde bakoitzeko begirale bana izango dute txikiek. 2001 eta 2009 urte bitartean Matrikulak 68,10 euro balio du eta ordainketa haurraren izenean egin behar da, ordainagirian izen-abizenak zehaztuta. Izena ematerakoan, matrikula orriarekin batera, ordainagiria eta haurraren osasun txartelaren kopia aurkeztu behar dira. Haur Hezkuntzako haurren kasuan, berriz, nortasun agiriaren edo familia-liburuaren kopia aurkeztu behar da. Udaleku irekietan 2001 eta 2009 urteen bitartean jaiotako haurrek eman dezakete izena. Begiraleak Udalekuetan begirale izan nahi dutenek gutxienez 18 urte eduki behar dituzte, eta hautagaiek azterketa bat egin beharko dute. Azterketa gainditzen dutenei merituak baloratuko dizkiete. Hautaketa proba Urtxintxa Eskolak egingo du, maiatzaren 11n. Lanerako hautatuko dituzten [...]

Naturaldia natur jardunaldiak egiten ari dira egunotan Tolosan, baina inguruko herrietara ere zabalduko dira, eta maiatzaren 10ean jardunaldi horren barruko ekimen bat egingo dute Errenteria-Oreretan. Mahai inguru bat antolatu dute: Zenbat eta gehiago ...

Txingudi Anti Sexistak elkarretaratzea egingo du bihar Elatzeta eskolan, leku horretatik gertu asteartean gertatutako erasoari erantzuteko. TASeko talde sinatzaileetako bat den Irungo Bilgune Feministak “bortizkeri sexistak bere alde krudelena...

Euskal Herrian bizitzeko eskubidea aldarrikatzeko ekitaldi politikoa deitu dute iganderako Trintxerpen. Ekitaldia Serafin Esnaola plazan izango da, 11:30ean.

Allerru Mendi Taldeak ikasturteko zazpigarren irteera egingo du datorren igandean, hilaren 22an. Bedaio ingurura joango dira mendizaleak. Izena eman nahi dutenek Orkidea tabernatik pasatu beharko dute (Aizkorri kalea, 4). Gaur dute izena emateko azkene...

Jaxone Mitxeltorenaren Auzolanaren kultura liburuaren aurkezpena izango da gaur, Manuel Lekuona Bibliotekan, 19:00etan. Arditurriko Minak Ingurugiro Elkarteak antolatu du ekimena.

Etzi, larunbatarekin, Esperientziak partekatuz goiburuko mahai-ingurua egingo dute Irungo Udal Kontserbatorioan, 17:00etatik aurrera. Erakundearen 25. urteurreneko ospakizunen barruan antolatzen duten bigarren mahai-ingurua izango da, eta Kontserbatorioko ikasle ohi diren Miren Gomez eta Xabier Irurzun dantzariek parte hartuko dute. Haien esperientziak egungo ikasleekin partekatuko dituzte. Sarrera denentzat irekia izango da. Miren Gomez Irungo zentroan ibili zen Sonia de Barrio Stuttgart Ballet-eko dantzariarekin ikasten, eta ondoren, María de Avila, M. Angeles Bescos (Royal Ballet-eko solista), Myrian Agar edo Lola de Avila San Francisco Ballet School-eko zuzendaria bezalako artistekin ikasten jarraitu zuen. 2001. urtetik aurrera, jaialdi eta koreografia ugaritan parte hartu du: Dantzaren Nazioarteko Eguna (Tolosa), Dantza Garaikideko Gala (Zaragoza), Drumming a Dance, Biarritzeko balleta… Azken urteetan emanaldiak eta irakaskuntza uztartu ditu; Zaragozako Actur Eskolan, Gasteizko Bikainen, Irungo Toxicen, eta Irun eta Errenteriako kontserbatorioetan irakatsi du. Xabier Irurzunek ere Sonia del Barriorekin ikasi zuen Irunen, eta ondoren Londreseko Royal Ballet School-en. Dantzari profesional gisa jardun izan du Zaragozako Balletarekin eta Victor Ullateren Balletarekin, eta nabarmentzekoak dira solista gisako emanaldiak; adierazgarrienak aipatzearren Intxaur-kraskagailua (Armando Jorgeren koreografia), Cinderela (J.Christophe Blavier-ena), Woyzeck (Davide Bombanarena), Requiem (Harold King-en koreografia), Hiru poema (Derek Deane-rena), edo Victor Ullateren Seguiriya. Gaur egun, irakasle lanetan dabil Gaztela-Leongo Dantzako Lanbide Eskolan, dantza [...]