2025eko abenduan onartutako mozioaren berririk ez dutela jaso salatu dute; elkartea azaroko udal osoko bilkurara aurkeztuko da.


Arditurriko Minak Ingurugiro Elkarteak antolatu ditu ekimenak; 25 urte dira liburua publikatu zutela Arditurriko Minak Ingurugiro Elkarteak liburu aurkezpen bat antolatu du gaurko, eta biharko DVD baten aurkezpena. Gaur Anarkherria liburua aurkeztuko dute, 19:00etan, Manuel Lekuona Bibliotekan. Helburua liburuaren 25. urteurrena ospatzena da, duela 25 urte kaleratu baitzuten lehen aldiz. Mark Legassek eta Jakue Paskualek idatzitako liburua da Anarkherria: «1980. hamarkadako Euskal Herri asaldatuaren etika eta estetika azaldu, arnakismoaren eta abertzaletasunaren arteko elkarrekintzak aipatu eta belaunaldi oso bat aktibatzeko baliagarri izan ziren punk-a eta beste zenbait subertsio forma aztertzen dira liburuan». Bestalde, bihar, Alberto Peñalbak zuzendutako 25 urte anarkerrian, eta aurrera gai berari buruzko DVDa aurkeztuko dute bihar, ordu eta leku berean (19:00etan, Manuel Lekuona Bibliotekan). Arditurriko Minak Ingurugiro Elkarteak ekimenetan parte hartzeko deia egin die herritarrei. Egitaraua Gaur, 19:00etan, Manuel Lekuona Bibliotekan. Anarkherria liburuaren aurkezpena (25. urteurrenean). Bihar, 19:00etan, Manuel Lekuona Bibliotekan. 25 urte anarkerrian, eta aurrera DVDaren aurkezpena.

Irungo Udalak jakinarazi duenez, Lorategizaintzako Zerbitzuek Jolo kaleko (Lapitze) sagarrondoak moztu dituzte. “Zuhaitz horien fruituak lurrean pilatzen ziren, eta erortzeko arriskua sortzen zuen oinezkoengan”. Halaber, kalea zikintzeaz ga...

Lakaxita gaztetxeak komediazko antzerki bat antolatu du iganderako, 19:00etan. Pepinos podridos (en el frigo) –Pepino ustelduak (hozkailuan)– izenburupean, Esperanza izeneko emakume batek bere bizitza tragikomikoaren kontaketa egingo du.

Irungo Udalak Euskararen Hilabetea ekimenaren beste ekitaldi bat abiatuko du gaur. Horretarako, hainbat antzerki, erakusketa bat eta jaialdi bat egitea aurreikusi du tokiko gobernuak. Fernando San Martin Irungo Udaleko Euskara ordezkariak jakinarazi duenez, “haurrek euskararekiko duten interesa eta jarrera areagotzeko eta hobetzeko” sortu zuten programa. Horiek horrela, txikienek hasiko dute Euskararen Hilabetea eta hortaz, Haur Hezkuntzako ikasleei zuzendutako Izarrak antzezlana ikusteko aukera izango dute gaur. Teatro Paraiso konpainiak ekoiztutako lana da Izarrak. Antzezlanak nagusi Era berean, martxoaren 28an eta 30ean izango dira hurrengo hitzorduak, Lehen Hezkuntzako bigarren zikloko ikasleei zuzendutakoa lehena eta Bigarren Hezkuntzako lehenengo ziklokoei zuzendutakoa bigarrena. Lehenek Markeliñe konpainiaren Uharte ezezaguna lana ikusteko aukera izango dute, eta keinuetan eta ikusmenean oinarritutako abentura egin ahal izango dute ikasleek. Bigarrenek, berriz, Pikor konpainiak eta Setem Gobernuz Kanpoko Erakundeak bultzatutako XL Town antzezlana ikusiko dute. Azken hori tragikomedia bat da, mendebaldeko hiritarren kontsumo ohitura konpultsiboen zein burugabeen ingurukoa. Halaber, munduko moda joerek eta kirol marka handiek dituzten jarduerak azaleratuko ditu antzezlanak. Erakusketa eta jaialdia Euskararen Hilabeteari segida emateko, Irungo ikastetxe guztietan euskaraz ekoiztutako lanekin erakusketa bat antolatuko dutela jakinarazi du tokiko gobernuak, zehaztapen gehiagorik eman gabe. Azkenik, eta ekimena bukatzeko xedearekin, jaialdia izango da martxoaren 30ean Zabaltza plazan. Urtxintxa Eskolako kideek [...]

Oiartzun Irratiko Gaurko Kirolez blai! saioan emakume kirolariak izango dira protagonista. Bi gonbidatu izango ditu Joxe Migel Lopez kirol esatariak: Maitane Azpeitia eta Oiana Blanco. Azpeitia atleta oiartzuarra da, eta Blanco judoka oriotarra. Saioa,...

Iganderako antolatu dute ibilaldia; bide osoa oinez, Eskasetik abiatu, edota bizikletaz egin, norberak aukeratuko du Girizia Mendi Elkarteak Oiartzun-Arantza irteera antolatu du iganderako (hilak 26). Animatzen direnek hiru aukera izango dituzte ibilaldi bera egiteko. Lehenengo aukera bide guztia oinez egitea da. Ibilbide osoa egin nahi dutenek, 06:30ean egon behar dute Haurtzaro Ikastolako aparkalekuan. Zazpi ordu inguruko ibilaldia egingo dute. Bigarren aukera Eskasetik hastea da. Horiek 08:00etan aterako dira ikastolatik, eta autobusean joango dira Eskasera (Artikutzako sarrerara). Handik hasiko dute Arantzarako ibilaldia, eta lau ordu eta erdi inguru tardatuko dute. Bizikletaz ere bai Hirugarren aukera ere prestatu du Giriziak. Hala, batzuk bizikletaz joango dira Oiartzundik Arantzara. Horiek ere 08:00etan aterako dira Haurtzarotik, eta honako ibilbidea egingo dute: Oiartzun, Aritxulegi, Domiko, Pagolleta, Izuko lepoa, Oilargarata, eta Arantza. Guztira 38 kilometro eta 1.300 metroko mailen arteko desberdintasuna (desnibela). Lau ordu inguruko ibilaldia da. Horri atsedenak gehitu behar zaizkio. Arantzara iritsita, Arantzako aterpean izango dute mendizaleek eta txirrindulariek bazkaria. Gainera, dutxatzeko aukera ere izango da, baita txirrinda garbitzeko aukera ere. 32 euro balio du bazkariko txartelak. Horrez gain, Giriziak jakinarazi du autobusean itzuliko direla Arantzatik bazkaldu ondoren, eta bizikletentzat tokia izango dela autobusean. 20 euro aurreratu Antolatzaileen eskariaren arabera, izena ematen dutenek 20 euro [...]

Bihar inauguratuko dute Pasai Antxoko behin-behineko osasun zentroa. Eguerdian izango da, eta udaletik dei egin diete herritarrei inaugurazio ekitaldira agertzeko. Udalak adierazi duenez zerbitzuak nabarmen egingo du hobera: “Aurretik ezagututakoarekin alderatuta, instalakuntzek hobera egingo dute dudarik gabe; eta horrek bere eragina izango du, noski, zerbitzuan”. Nolanahi ere gogoratu dute behin-behineko egitura dela. “Udal honek dagokion instituzioari herri honekin hartutako konpromisoak bete ditzan eskatzen jarraituko du”, agertu dute. Aparkatzeko proposamena Herrian aparkatzeko dauden arazoak kontuan izanik, udalak osasun zentroak zerbitzua ematen duen orduetan aparkatzeko zenbait neurri hartu ditu. Hala, astelehenetik ostiralera Usozen aparkatzea debekatuta egongo da, 08:00etatik 15:00etara. Soilik hiru ibilgailurentzako tokia izango da: anbulantzia bat, guardian dagoen medikuaren etxez etxeko zerbitzuko ibilgailua bat, eta elbarrituentzako leku bat. Ordutegi horretatik kanpo, eta asteburuetan zein jaiegunetan, bertan aparkatzea libre izatea proposatu du Pasaiako Udalak. Araudia bihartik izango da indarrean, osasun zentroaren irekitzearekin batera. Araudia errespetatzeko eskatu diete “guztion onurarako izango delakoan”.

Egoiliar txartela berritu nahi duten Portuko zein Alde Zaharreko bizilagunek horretarako aukera dute dagoeneko. Horretarako, BAZ Biztanleriaren Arreta Zerbitzura jo behar da ordainagiriarekin (postaz bidaliko zaie bizilagunei ordaindu beharrekoa). 2011...

Etzi, larunbatarekin, Esperientziak partekatuz goiburuko mahai-ingurua egingo dute Irungo Udal Kontserbatorioan, 17:00etatik aurrera. Erakundearen 25. urteurreneko ospakizunen barruan antolatzen duten bigarren mahai-ingurua izango da, eta Kontserbatorioko ikasle ohi diren Miren Gomez eta Xabier Irurzun dantzariek parte hartuko dute. Haien esperientziak egungo ikasleekin partekatuko dituzte. Sarrera denentzat irekia izango da. Miren Gomez Irungo zentroan ibili zen Sonia de Barrio Stuttgart Ballet-eko dantzariarekin ikasten, eta ondoren, María de Avila, M. Angeles Bescos (Royal Ballet-eko solista), Myrian Agar edo Lola de Avila San Francisco Ballet School-eko zuzendaria bezalako artistekin ikasten jarraitu zuen. 2001. urtetik aurrera, jaialdi eta koreografia ugaritan parte hartu du: Dantzaren Nazioarteko Eguna (Tolosa), Dantza Garaikideko Gala (Zaragoza), Drumming a Dance, Biarritzeko balleta… Azken urteetan emanaldiak eta irakaskuntza uztartu ditu; Zaragozako Actur Eskolan, Gasteizko Bikainen, Irungo Toxicen, eta Irun eta Errenteriako kontserbatorioetan irakatsi du. Xabier Irurzunek ere Sonia del Barriorekin ikasi zuen Irunen, eta ondoren Londreseko Royal Ballet School-en. Dantzari profesional gisa jardun izan du Zaragozako Balletarekin eta Victor Ullateren Balletarekin, eta nabarmentzekoak dira solista gisako emanaldiak; adierazgarrienak aipatzearren Intxaur-kraskagailua (Armando Jorgeren koreografia), Cinderela (J.Christophe Blavier-ena), Woyzeck (Davide Bombanarena), Requiem (Harold King-en koreografia), Hiru poema (Derek Deane-rena), edo Victor Ullateren Seguiriya. Gaur egun, irakasle lanetan dabil Gaztela-Leongo Dantzako Lanbide Eskolan, dantza [...]

Hondarribiko Aste Santuko bederatzigarren argazki lehiaketara lanak aurkezteko epea bihar eguerdiko ordubatean bukatuko da: aurten ateratako argazkiak onartuko dituzte soilik. Edonork parte har dezake, eta partaide bakoitzak inoiz saritu edo argitaratu...

Gaur goizean aurkeztutako Kabia proiektua “hiria ulertzeko beste modu bat praktikan jartzea” dela azaldu du Julen Mendoza alkateak. Horretarako, herritarren “parte hartzea eta ahalduntzea beharrezkoak” direla esan du: “He...

Barrence Whitfield musikari estatubatuarrak kontzertua eskainiko du igandean Irungo Amaia Kultur Zentroan. The Savages taldearekin ariko da Whitfield, Savage Kings diskoa aurkeztuz. Irunen 80. hamarkadan sortu zen taldeko kide garrantzitsuenek joko dute: Barrence Whitfieldekin, Peter Greenbergekin eta Phil Lenkerrekin. Sarrerak dagoeneko salgai jarri dituzte, ohiko lekuetan, 6,60 euroan. 1983an sortu zuten taldea, Whitfield eta Greenberg disko dena berean lan egiten zutenean. Ordurako Greenbergek bazuen beste talde batzuetan eskarmentua eta rock and roll banda instrumental bat sortua zuen Lenkerrekin. Egun batean Whitfield abesten entzun zuen Greenbergek eta talderako proposatu zuen; falta zuten ahotsa zen bera, eta hala sortu zen The savages taldea. Greenbergek berak ekoitzita, bi LP grabatu zituen The Savages-ek (Barrence Whitfield & The Savages eta Dig Yourself), berrogeita hamarreko eta hirurogeiko hamarkadetako rhythm & blues eta rock & roll onena uztartuz. Garaiko kritikak oso harrera ona egin zien bi albumei. Baina 1986an Greenbergek eta Lenkerrek jotzeari utzi zioten, eta taldea desegin zen. 2010 urtean elkartu ziren berriz, indarberrituta. Savage Kings diskoa argitaratu zuten eta ordutik makina bat kontzertu eskaini dituzte, Europan batez ere.

Azken estatistiken arabera, martxoan berriro gora egin zuen langabeziak herrian. Zehazki, %1,78 igo zen langabeen kopurua. Hala, datu horien arabera, 515 langabe daude egun Oiartzunen. Horietatik 266 gizonak dira, eta 249 emakumeak.

Ertzaintzak 44 urteko gizon bat atxilotu zuen atzo Irunen, neska-lagun ohia jo egin zuelakoan, Eusko Jaurlaritzako Herrizaingo Sailak gaur esan duenez. Iturri haren arabera, Katea auzoan izan zen erasoa, arratsaldean, eta gizonak emakumea lepotik heldu...

Ertzaintzak 44 urteko gizon bat atxilotu zuen atzo, Irunen, neskalagun ohia jo egin zuelakoan, Eusko Jaurlaritzako Herrizaingo Sailak gaur esan duenez. Iturri horren arabera, Katea auzoan harrapatu zuen emakumea, arratsaldean, lepotik heldu eta lurrera...

Arantza izena duten emakumeen topaketa egingo dute maiatzaren 6an Arantzazuko santutegian. Zazpigarren topaketa izango da. Joateko interesa dutenentzako autobusa antolatzen ari dira, eta herritik ere pasatuko da. Autobusez joan nahi dutenek 943 81 44 3...

Ertzainek hiru pertsona atxilotu dituzte azken egunetan herrian. Herenegun goizaldean 40 urteko emakume bat atxilotu zuten. Ertzaintzaren arabera, gizon bat ikusi zuten hainbat harramazkekin eta alkandora puskatuarekin. Emakume bat “hari mehatxuk...

Zuparrobi mendiaren gailurrean banatuko dituzte sariak, eta Leitzan bazkalduko dute Igandean ospatuko du Itsastarrak-ek Finalistaren Eguna, mendizaleen taldeak antolatutako lehiaketetan lortutakoak saritzeko eguna. Aurten Leitzatik (Nafarroa) abiatuko da ibilaldia, eta Aritz mendilerroa zeharkatuz, Zuparrobi mendiraino igoko dira. Eguraldiak baimentzen badu, sariak gailurrean banatuko dituztela iragarri dute, 12:00etan. Bazkaria, berriz, Leitzako Musunzar jatetxean izango da. Izena emateko ondorengo telefono zenbakietara dei daitekeela ohartarazi dute Trintxerpeko mendizaleek: 943 39 07 26, 943 39 60 55 edo 943 39 60 29.