Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Zerua urdin dago eguzkia dirdiraka eta gu plazara atera ortzadarra ikusteko. Zerua urdin dago gaur baina koloretako ortzadarrik ez guri irribarretsu. Zerua urdin dago igande eguzkitsu honetan negar tanta batek irrist egin dit masailean behera, baina ez...

Andra Mari Abesbatza Manlleun (Bartzelona, Herrialde Katalanak) izan zen duela aste batzuk, eta orain Manlleuko abesbatzak bisitatuko du Errenteria-Orereta, eta baita Euskal Herriko beste zenbait toki ere. Etzi iritsiko da, eta maiatzaren 1era arte izango da bertan. Abesbatza 40 gaztez osatuta dago, eta Buia Reixach-ek zuzentzen du. Bi egunez entseatu ondoren, astelehenean emango dute kontzertua bi abesbatzek, 20:00etan, Fatimako Andra Mari elizan.

Herbeheretako 25 ikaslek astebete eman dute Pasaian, Lizeoko beste hainbeste ikasleen etxeetan; Gaur itzuliko dira beren herrira, Roermond-era, maleta bizipenekin beteta Bazkaltzeko ordua. Astelehena. Pasaia-Lezo Lizeoko 25 ikasle eta Herbehereetako Roermond hiritik gurera etorritako beste hainbeste gazte, Itsas Mendi elkartean daude bilduta, hango eta hemengo irakasleak lagun, eta bertako ikasleen gurasoek okasiorako propio prestatutako jakiak dastatzen. Ingelesez ari dira. Horixe dute komunikatzeko hizkuntza. Aurretik elkar ezagutzen dute. Izan ere, pasaitarrak martxoan izan ziren han. Orain, baina, gidari lanak pasaitarrei egokitu zaizkie, hangoak euren etxeetan daudelako ostatu hartuta. Goizean arraunean eta pilotan aritu dira. Orain, mahaiaren bueltan, patxadarako tartea hartu dute. Solasaldietarako txanda da. Pasaia-Lezo Lizeoak Bisschoppelijk College Broekhin eskolarekin egiten duen zortzigarren elkartrukea da. Batxilergoko lehen mailako ikasleek parte hartzen dute eskola trukean, eta ikastolako ikasleen artean klasikoa da. Han edo hemen, bestela Ekain Iribarren antxotarrak Ted Augustus hartu du etxean. Iribarrenen arabera, esperientzia oso ezberdina da han izan edo hemen egon. «Hemen Ted oporretan dago, eta nabari da. Nahiko isila da, baina oso jatorra». Augustusi galdetuta, berriz, honakoa dio: «Hemengo ordutegiek harritu naute gehien. Dena oso berandu egiten dute». Beñat Etxenikek eta Justin Dankerrek beste bikote bat osatzen dute. Anoetan izan ziren igandean, Realaren partida ikusten, eta Justinek primeran [...]

Bienvenido erretiratuen elkarteak jakinarazi duenez, dagoeneko bukatu dituzte elkartearen egoitzak egiten ari ziren obrak. Horrenbestez, etzitik aurrera, dantza ikastaroekin jarraituko dute, 18:30etik 21:00etara, ohi denez.

Udaleko Gizarte Zerbitzuen Sailak Oporrak Bakean programa aurkeztu du, uztailean eta abuztuan zortzi eta hamabi urte arteko zortzi neska-mutil saharar hartzeko. Hala azaldu zuten iragan astean, Miren Olaskoaga Tadamum Elkarteko ordezkariak, eta Maite Pelaez Gizarte Zerbitzuetako zinegotziak. «Programa honek elkartasun izaera du, eta hainbat arrazoirengatik gizarte egoera txarrean dauden umeei edo osasun egoera berezian daudenei zuzenduta dago. Udako hilabete horietan beren etxeetan hartuko dituzten familiekin oporrak igarotzeko aukera eskaini nahi zaie», azaldu zuen Maite Pelaez udal ordezkariak. Izaera humanitarioa Hondarribiko Udalak, programa martxan jartzearekin, bere gain hartuko ditu neska-mutil sahararren bidai txartelen gastua, eta horiekin batera Saharatik etorriko den begiralearena. Aisia ekimenak antolatu eta osasun azterketak eta zainketak koordinatuko ditu Osakidetzarekin. Bestalde, haur bakoitzari eta hartu duen familiari laguntza emateaz gain, horien jarraipena egingo du. Ekimen horretan parte hartu nahi duten familia guztiek informazio zabalagoa jasoko dute Gizarte Zerbitzuen saileko 943 11 12 91 telefono zenbakira deituta. Bi hilabetez Hala, bi hilabetez bada ere, haurrak mendebaldeko Saharako errefuxiatuen kanpamentuetatik ateratzea da helburu nagusia, eta bide batez, basamortuan udako bi hilabete horietan izaten den tenperatura altutik babestea. Gainera, mediku azterketak egingo dizkiete eta oinarrizko arazoak konpontzeko bideak jarri. Hala, elikadura gabezien ondorioz sortutako kalteei aurre egingo diete. Saharak bizi duen egoera [...]

Uztailean Uda Abenturan ekimenean parte hartzeko izena emate epea etzi itxiko dute. 12 eta 14 adin tarteko gazteek parte har dezakete, eta programa euskaraz egingo dute. Izena Gazte Informazio bulegoan eman behar da.

Ekainaren 10a bitartean Urdanibia plazako Menchu Gal aretoan bisitatu daitekeen Oteiza-Gal, Irunen bat egiten duten bi begirada erakusketa dela eta, Oteizak Irunen egindako lanari buruzko bi hitzaldi emango dituzte, horietatik lehena gaur bertan: Oteiza Irunen: buruargitasunezko urteak. Erakusketaren komisario den Iñaki Moreno Ruiz Eginok emango du, 19:00etatik aurrera, Menchu Gal aretoan bertan (sarrera Eguzkitzaldea kaletik). Ruiz Eginok Oteiza ezagutu zuen, eta harreman estua izan zuten batik bat 1988tik aurrera. Zenbait hitzaldi eman ditu Jorge Oteizaren obrari eta nortasunari buruz, eta bi mintegi zuzendu ditu haren obrari buruz Madrileko Reina Sofia Arte Museo Nazionalean (MNCARS). Oteiza 2000 erakusketako komisarioa izan zen; harekin inauguratu zen Kubo Kutxa erakusketa-gunea Donostiako Kursaalen, eta eskultorea bizirik zegoenean egindako azkeneko erakusketa nagusia izan zen. Besteak beste, Oteiza esteta y mitologizador vasco (1986) eta Oteiza: Evocación del último arúspice, indagador, esteta del espacio metafísico lanak idatzi ditu, eta Madrilgo MNCARSek argitaratutako Oteiza gidaliburu didaktikoaren egilea da. Bigarrena maiatzan Oteizari buruzko bigarren hitzaldia Fernando Garcia Nietok emango du, maiatzaren 23an, Oteizaren obra publikoa Irunen goiburupean. Historian Lizentziatua da Nieto eta Arte Garaikideetako Masterra egin zuen Madrilgo Complutense unibertsitatean. Euskal Herriko Unibertsitatean (EHU) Jorge Oteiza, Vanguardia e Historia: espacio, poética y discurso de la escultura vasca contemporánea ikastaroaren arduraduna izan da. Bigarren saio horren harira, artista oriotarrak [...]

Udalaren Gazteria eta Kirol Departamentuak udaleku irekiak direla-eta zabaldutako informazioan akats bat dago. Udaleku irekiak 2001 eta 2009 urte bitartean jaiotako haurrentzat baino, «Pasaian erroldatuta dauden edo Pasaian ikasten duten 2002 eta 2009...

Abiadura Handiko Trenaren kontrako borrokarako dirua lortu asmoz, kontzertua antolatu dute etzirako Mogambon. Ekilibristak, Hau Holaxe den/k eta Klak ! Son taldeek joko dute. Sarrerak bost euro balio du eta 22:00etan hasiko da.

Portuko buru Lucio Hernandok lonjaren gainean esandakoak gezurra direla berretsi du alkateak San Pedroko lonja berrirako proiektuak hautsak harrotzen jarraitzen du. Portu Agintaritzako buru Lucio Hernandok lehengo larunbatean El Diario Vasco egunkarian esandakoak gezurtatu ditu beste behin Pasaiako alkate Amaia Agirregabiriak. «Ez dakigu arrandegi berriak zein diseinu izango duen; udalaren esku dago», esan zuen Lucio Hernandok elkarrizketan, besteak beste. Udalak, ordea, lonjaren diseinuaren erantzukizuna Portuarena dela dio. Proiektu aldaketa «Portu Agintaritzak udalean aurkeztutako xehetasun azterlanak ez du ezertan antzik lehiaketa irabazi, eta parte hartze prozesuan herritarrek berretsi zuten proiektuarekin», kexu da udala. «Zuzentzen dudan udalak lehiaketa irabazi zuen ideia errespetarazteko betebeharra du, parte hartze prozesuan guztion artean adostutako emaitzetan oinarritzen delako egitasmo hori», nabarmendu du Amaia Agirregabiria alkateak. Udalaren arabera, Portuak bere beharrei erantzuteko aldatu du proiektua, eta udal teknikariak, horretaz jabeturik, Portuari beharrezko aholkularitza teknikoa eskaini diola jakinarazi du alkateak, «haren jarduera oztopatzen zuten alderdi teknikoak konpontzeko, eta jatorrizko ideiaren galera horiek berreskuratzeko. Hala ere, aholkularitza horri entzungor eginez, nahiago izan dute beren aldaketak egin», kexatu da alkatea. Zuhurtzia Gauzak horrela, «zuhurtziaz» jokatzeko eskatu dio udalak Portuari, eta iritzi publikoa ez manipulatzeko esan dio, «erraza delako arrandegi berrirako ideia irabazlea eta Portu Agintaritzak gaur egun eraiki nahi duena alderatzea». [...]

Ostiral honetan hasiko da hondartza denboraldia Hendaian eta horretarako zaintza zerbitzuak abiatuko dituzte Ondarraitzen. Zerbitzu horiek Balea sokorri postuan eskainiko dituzte hasieran, eta uztailaren 1etik aurrera Dunba Harrietako postuan ere. Bale...

Larunbatean (hilak 16) ospatuko dute Donibanen, VIII. Alabortza Eguna, ohi denez, festa, auzolana eta aldarrikapena uztartuz. 2005. urtena ekin zion Bonantza Auzo Elkarteak ekimen hau bultzatzeari, “Alabortzako txokoa atondu eta herritarrok erabiltzeko moduan jartzeko helburuz”. “Beste inora joan gabe”, herrian bertan gozatu nahi dute sanjuandarrek itsasoaz, bainuaz, eguzkiaz, lasaitasunaz… eta Alabortza horretarako toki aproposa eta aparta dela sinetsita daude. Azken urtetan hainbat aurrerapauso eman dira bizilagunen asmoetan, baina ez nahikoak. “Gauzak ez dira guk nahi bezain azkar mugitzen ari, eta azken udal hauteskundeek Udal Gobernuan ekarri dituen aldaketak ez du askorik lagundu finkatuta zegoen ibilbidean aurrera egiten eta, tamalez, parentesi moduko bat gertatu da”, kexatu dira. Hala ere, “azken hilabeteotan Alabortzaren gaia Udalaren barrunbeetan berriro ere mugitzen hasi dela” jakinarazi dute auzo elkartekoek eta datozen hilabeteetan Alabortzari behin betiko irtenbidea emateko norabidean” aurrerapausoak egingo direla uste dute. Zentzu horretan, mezu zuzena helarazi diote udalari: ” Pasaiako Udal Gobernuari eskatu nahi diogu Alabortza biziberritzeko proiektu hau bururaino eraman dezala eta beharrezko den azken bulkada luzamendutan ibili gabe eman diezaion”. Herritarrei ere luzatu diete deia, larunbatean Alabortzara igo eta hondartza eta inguruak txukuntzeko auzolanean ez ezik, festan parte har dezaten.

Errenteriako Txistularien Taldearen doinuekin dantzan aritu ziren igandean hamarnaka herritar Beti Prest dantza elkarteak antolatutako Muxiko Egunean. Asko izan ziren euskal dantzak egitera animatzeko deialdiari erantzun zioten herritarrak, eta Herriko...

Mugikortasun eta irisgarritasun beharrak landu zituzten joan den ostegunean udaletxean egin zuten herri batzarrean. Hogei bat herritarrek parte hartu zuten bertan, eta martxoaren 1ean autobus garraioan egindako hobekuntzak baloratu zituzten. Berritasunetako bat da egunero hamasei autobus zerbitzu izango direla Bidasoko Ospitalera joateko. Datorren asteko astelehenean, hilaren 18an, hasiko dira martxan linea horiek. Ospitalerako lehen autobusa 07:35ean irtengo da herritik, eta orduroko maiztasuna izango du. Donostiara autopistatik doan autobusak ere aldaketak izango ditu, eta besteak beste, Hondarribirantz etortzean, aireportuko geltokian geratuko da, bertako erabiltzaileei zerbitzua emateko. Lupe Olaskoaga Herritarrekiko Harremanetarako zinegotzia, Amaia Gezala zinegotzia eta Naroa Susperregi Agenda 21eko eta Ingurumeneko teknikaria izan ziren udalaren ordezkariak herri batzarrean, eta Mikel Urretabizkaia Ekialdebuseko kideak eta Aintzane Lauzirika Gipuzkoako Foru Aldundiko teknikariak ere parte hartu zuten batzarrean. Kostan geratzea eskatu dute Herritarrek batzarrean egin zuten eskaeratako bat Irun erdira zihoan zerbitzua berreskuratzea izan zen, zerbitzu berriak jarri zituztenetik, Colon ibilbidetik Larreaundira joaten baita. Horren harira, udalak eta Ekialdebusek jakinarazi zuten linea hori berreskuratu nahi dutela, baina behin betiko erabakia Irungo Udalak hartu behar duela. Izan ere, Hondarribitik Irunera zuzenean doan autobus hori, E-25 linea, ordu laurdenero da, baina martxoaren 1ean ibilbidea aldatu egin zioten: Colon pasealekuan eskuinera egiten du, Gipuzkoako hiribidetik eta Euskal [...]

Madalenetako helduen danborradan parte hartzeko izena eman daiteke

Olinpiar jokoetarako bi hilabete baino gutxiago geratzen direnean, Ander Elosegi Santiagotarrak Arraun Elkarteko piraguista irundarrak prestaketarekin jarraitzen du. Joan den asteburuan Munduko Slalom Kopako lehen proba jokatu zuten Cardiffen (Gales), ...

Ostiralean, hilaren 15an, Tropical boy taldearen kontzertua jasoko du Amaia Kultur Zentroak. Pop tradizionala eta egungo musika elektronikoa maite dutenentzako emanaldi aproposa da. Taldeak, gainera, zuzenekoak asko zaintzen ditu, eta musikariez gain (...

Aste honetako ostegunean makro eta mikroekonomiez hitzegiteko aukera izango Kabigorri Ateneoan, M15 Bidasoak antolatutako zineforumean. Aurrena, Rio+20 Herrien Goi-Bilera goiburuko dokumenatala emango dute, eta ondoren egingo dute eztabaida. Informazio...

Irungo Marrazketa eta Pintura Udal Akademiako ikasleek ikasturtean eginiko lanak erakutsiko dituzte bihartik igandera bitartean, Euskadiko Kutxaren aretoan (Colon pasealekuan). Eskolatik aurreratu dutenez, era askotariko lanak eskegiko dituzte Euskadiko Kutxaren aretoan: “Oleoz egindako koadroak ez ezik, marrazki ugari, erretratoak, teknika mistoetan egindako obrak eta haurren tailerreko lanak ere ikus daitezke”. Aretoaren ordutegia honakoa da: asteartetik ostiralera, 18:00etatik 21:00etara, eta larunbat eta igandean, 11:30etik 13:00etara. Uztailerako lekuak geratzen dira Marrazketa eta pintura eskolak udan antolatzen dituen ikastaroetarako oraindik izena eman daitekeela jakinarazi dute akademiatik bertatik; sei urtetik gorako edozeinentzat aukera dago. Honako tailerretan eman daiteke izena: haurren tailerra, marrazketa eta pintura tailerra, eta oleoz egindako paisaia lantzeko tailerra. Udako ikastaroaren prezioa 74,40 eurokoa da. Informazio gehiago behar dutenek 943 62 68 39 telefono zenbakira dei dezakete.