Ospitalera doan autobusak hamasei bidaia egingo ditu egunero, astelehenetik
Mugikortasun eta irisgarritasun beharrak landu zituzten joan den ostegunean udaletxean egin zuten herri batzarrean. Hogei bat herritarrek parte hartu zuten bertan, eta martxoaren 1ean autobus garraioan egindako hobekuntzak baloratu zituzten. Berritasunetako bat da egunero hamasei autobus zerbitzu izango direla Bidasoko Ospitalera joateko. Datorren asteko astelehenean, hilaren 18an, hasiko dira martxan linea horiek. Ospitalerako lehen autobusa 07:35ean irtengo da herritik, eta orduroko maiztasuna izango du. Donostiara autopistatik doan autobusak ere aldaketak izango ditu, eta besteak beste, Hondarribirantz etortzean, aireportuko geltokian geratuko da, bertako erabiltzaileei zerbitzua emateko. Lupe Olaskoaga Herritarrekiko Harremanetarako zinegotzia, Amaia Gezala zinegotzia eta Naroa Susperregi Agenda 21eko eta Ingurumeneko teknikaria izan ziren udalaren ordezkariak herri batzarrean, eta Mikel Urretabizkaia Ekialdebuseko kideak eta Aintzane Lauzirika Gipuzkoako Foru Aldundiko teknikariak ere parte hartu zuten batzarrean. Kostan geratzea eskatu dute Herritarrek batzarrean egin zuten eskaeratako bat Irun erdira zihoan zerbitzua berreskuratzea izan zen, zerbitzu berriak jarri zituztenetik, Colon ibilbidetik Larreaundira joaten baita. Horren harira, udalak eta Ekialdebusek jakinarazi zuten linea hori berreskuratu nahi dutela, baina behin betiko erabakia Irungo Udalak hartu behar duela. Izan ere, Hondarribitik Irunera zuzenean doan autobus hori, E-25 linea, ordu laurdenero da, baina martxoaren 1ean ibilbidea aldatu egin zioten: Colon pasealekuan eskuinera egiten du, Gipuzkoako hiribidetik eta Euskal [...]
Mugikortasun eta irisgarritasun beharrak landu zituzten joan den ostegunean udaletxean egin zuten herri batzarrean. Hogei bat herritarrek parte hartu zuten bertan, eta martxoaren 1ean autobus garraioan egindako hobekuntzak baloratu zituzten. Berritasunetako bat da egunero hamasei autobus zerbitzu izango direla Bidasoko Ospitalera joateko. Datorren asteko astelehenean, hilaren 18an, hasiko dira martxan linea horiek.
Ospitalerako lehen autobusa 07:35ean irtengo da herritik, eta orduroko maiztasuna izango du. Donostiara autopistatik doan autobusak ere aldaketak izango ditu, eta besteak beste, Hondarribirantz etortzean, aireportuko geltokian geratuko da, bertako erabiltzaileei zerbitzua emateko.
Lupe Olaskoaga Herritarrekiko Harremanetarako zinegotzia, Amaia Gezala zinegotzia eta Naroa Susperregi Agenda 21eko eta Ingurumeneko teknikaria izan ziren udalaren ordezkariak herri batzarrean, eta Mikel Urretabizkaia Ekialdebuseko kideak eta Aintzane Lauzirika Gipuzkoako Foru Aldundiko teknikariak ere parte hartu zuten batzarrean.
Kostan geratzea eskatu dute
Herritarrek batzarrean egin zuten eskaeratako bat Irun erdira zihoan zerbitzua berreskuratzea izan zen, zerbitzu berriak jarri zituztenetik, Colon ibilbidetik Larreaundira joaten baita. Horren harira, udalak eta Ekialdebusek jakinarazi zuten linea hori berreskuratu nahi dutela, baina behin betiko erabakia Irungo Udalak hartu behar duela. Izan ere, Hondarribitik Irunera zuzenean doan autobus hori, E-25 linea, ordu laurdenero da, baina martxoaren 1ean ibilbidea aldatu egin zioten: Colon pasealekuan eskuinera egiten du, Gipuzkoako hiribidetik eta Euskal Herria ibilbidetik joanez, eta alderantziz. Ondorioz, hondarribiarrek ezin dute autobusean iritsi San Juan plazaraino. «Irungo Udalak Gipuzkoako Foru Aldundiarekin batera hartutako erabakia da. Guk errespetatu egiten dugu, baina ez gaude ados, hondarribiarrentzako ez da egokia», esan zuen Herritarrekiko Harremanetarako zinegotzi Lupe Olaskoagak.
Amuteko bizilagunek, berriz, Hondarribitik Irunera nahiz kontrako noranzkoan doazen zerbitzu guztiak Kostan geratzea eskatu zuten.
Martxoaren 1ean garraioan egindako berritasunak baloratu zituzten Mugikortasun Foroan.
