Saharako neska-mutilak hartzeko familien bila dabil Tadamum elkartea
Udaleko Gizarte Zerbitzuen Sailak Oporrak Bakean programa aurkeztu du, uztailean eta abuztuan zortzi eta hamabi urte arteko zortzi neska-mutil saharar hartzeko. Hala azaldu zuten iragan astean, Miren Olaskoaga Tadamum Elkarteko ordezkariak, eta Maite Pelaez Gizarte Zerbitzuetako zinegotziak. «Programa honek elkartasun izaera du, eta hainbat arrazoirengatik gizarte egoera txarrean dauden umeei edo osasun egoera berezian daudenei zuzenduta dago. Udako hilabete horietan beren etxeetan hartuko dituzten familiekin oporrak igarotzeko aukera eskaini nahi zaie», azaldu zuen Maite Pelaez udal ordezkariak. Izaera humanitarioa Hondarribiko Udalak, programa martxan jartzearekin, bere gain hartuko ditu neska-mutil sahararren bidai txartelen gastua, eta horiekin batera Saharatik etorriko den begiralearena. Aisia ekimenak antolatu eta osasun azterketak eta zainketak koordinatuko ditu Osakidetzarekin. Bestalde, haur bakoitzari eta hartu duen familiari laguntza emateaz gain, horien jarraipena egingo du. Ekimen horretan parte hartu nahi duten familia guztiek informazio zabalagoa jasoko dute Gizarte Zerbitzuen saileko 943 11 12 91 telefono zenbakira deituta. Bi hilabetez Hala, bi hilabetez bada ere, haurrak mendebaldeko Saharako errefuxiatuen kanpamentuetatik ateratzea da helburu nagusia, eta bide batez, basamortuan udako bi hilabete horietan izaten den tenperatura altutik babestea. Gainera, mediku azterketak egingo dizkiete eta oinarrizko arazoak konpontzeko bideak jarri. Hala, elikadura gabezien ondorioz sortutako kalteei aurre egingo diete. Saharak bizi duen egoera [...]
Udaleko Gizarte Zerbitzuen Sailak Oporrak Bakean programa aurkeztu du, uztailean eta abuztuan zortzi eta hamabi urte arteko zortzi neska-mutil saharar hartzeko. Hala azaldu zuten iragan astean, Miren Olaskoaga Tadamum Elkarteko ordezkariak, eta Maite Pelaez Gizarte Zerbitzuetako zinegotziak.
«Programa honek elkartasun izaera du, eta hainbat arrazoirengatik gizarte egoera txarrean dauden umeei edo osasun egoera berezian daudenei zuzenduta dago. Udako hilabete horietan beren etxeetan hartuko dituzten familiekin oporrak igarotzeko aukera eskaini nahi zaie», azaldu zuen Maite Pelaez udal ordezkariak.
Izaera humanitarioa
Hondarribiko Udalak, programa martxan jartzearekin, bere gain hartuko ditu neska-mutil sahararren bidai txartelen gastua, eta horiekin batera Saharatik etorriko den begiralearena. Aisia ekimenak antolatu eta osasun azterketak eta zainketak koordinatuko ditu Osakidetzarekin. Bestalde, haur bakoitzari eta hartu duen familiari laguntza emateaz gain, horien jarraipena egingo du.
Ekimen horretan parte hartu nahi duten familia guztiek informazio zabalagoa jasoko dute Gizarte Zerbitzuen saileko 943 11 12 91 telefono zenbakira deituta.
Bi hilabetez
Hala, bi hilabetez bada ere, haurrak mendebaldeko Saharako errefuxiatuen kanpamentuetatik ateratzea da helburu nagusia, eta bide batez, basamortuan udako bi hilabete horietan izaten den tenperatura altutik babestea. Gainera, mediku azterketak egingo dizkiete eta oinarrizko arazoak konpontzeko bideak jarri. Hala, elikadura gabezien ondorioz sortutako kalteei aurre egingo diete.
Saharak bizi duen egoera ezagutarazi nahi dute aldi berean, eta bi herrien arteko kultur trukea gauzatu.
Errefuxiatuen kanpamenduak Aljeriako basamortuko mendebaldeko zatian daude. Kanpamenduetako antolamendua emakumeen esku dago, gizonen gehiengoa ez baita kanpamenduetan bizi; armadan daude.
Gizarte Zerbitzuen Sailak lagundu du egitasmoa.
