Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Mirella Sierraren hilketa salatzeko, hamarnaka lagunek elkarretaratzea egin zuten herenegun arratsaldean herriko talde feministek deituta. Errenteriako Berdintasunerako Kontseiluak bat egin zuen deialdiarekin, eta joan den ostiralean Deustuan izandako ...

Bihar De Cyne Reynan hip hop gaua izango dute. Bi talde igoko dira taula gainera. Batetik, Torke&Ionji eta bestetik, Kaizen. Emanaldia 22:30ean hasiko da. Torke eta Ionji etxeko musikari gazteak dira. Ionji, Ion Jimenez, lezoarra da eta 16 urte ditu. Rap eta hip-hop estiloan ibiltzen da, eta dagoeneko maketa bat atera du, Mi mejor defensa. Bigarrena ateratzear du, Paz. Aurtengo udararen bukaerarako kalean egotea espero du. Torke, berriz, Kristian Marques errenteriarra da, eta 18 urte ditu, eta duela lau urte hasi zen rap estiloan idazten. Lehen lana aurten atera du berak ere, otsailean A corazón abierto. Hurrengoa ere prestatzen ari da. Kaizen, berriz, hiru kidek osatzen dute, XDS, Fani eta Caste, eta errenteriarrak dira. Duela hiru urte sortu zuten taldea, eta horietatik bik bakoitzak bere aldetik atera ditu diskoak. XDSk A oscuras lana atera zuen aurtengo martxoan, eta Castek, berriz, A la primera de cambio 2009an eta Desde mi límite iaz.

Erdiko Erreka Fanderiako auzo elkartean patinaje ikastaroa antolatu du astelehenerako. Haur, gazte zein helduk parte har dezakete, eta 18:30ean abiatuko dira auzo elkartetik (Vicente Cobreros kaletik sartzen da). Bidegorrian barrena ibiliko dira lau gu...

Ertzaintzak Pasaiako portuko uretan aurkitu du gaur, Oiartzunen igandetik desagertuta zegoen gizonaren gorpua. Hala jakinarazi du Eusko Jaurlaritzako Herrizaingo Sailak. Igandean senideekin bazkaldu zuen, eta harrezkero ez zuten haren berririk. Oiartzu...

Ekainaren 7an (osteguna) Asha Kiran fundazioaren aldeko elkartasun afaria egingo dute Errenteriako Batzokian. Duela zazpi urtetik ari dira antolatzen eta afarian biltzen den diru guztia fundazio horretara bideratzen. Fundazio horrek Indiako haur zaurga...

Hondarribiko Historiaren Lagunak Elkarteak, hiriko bizilagun batek emanda, artilleriako pieza bat jaso du. Arrantzalea izaki, itsasoan aurkitu zuen pieza herritarrak, eta duela 20 urte baino gehiagotik zuen pieza gordeta. Elkartea, Hondarribiko kultur ondarea babestu nahian, Hondarribiko uretan aurkitutako kanoia aztertzen hasi da, Arma Plaza Fundazioarekin batera. Artilleriako pieza bat da, kanoi tankerakoa, txikia eta astuna, itsasontzietan urkila baten gainean jartzen zena. XVI. eta XVII. mende artekoa da, ia hiru metroko luzera du eta osorik dago. «Ez da ohikoa horrelako piezak aurkitzea, eta kanoi hau berreskuratuta gure ondarea aberastuko dugu», azaldu dute elkarteko kideek. Hondarribiko Udalak Gipuzkoako Foru Aldundiari gailuaren birgaitze lanak egiteko eskatu dio, eta zaharberritze lanetan hasi dira jada, Irungo Gordailun, Gipuzkoako Kultur Ondare Higigarriaren zentroan. Lanak bi hilabetetan bukatzea espero dute, eta ondoren, udalak erabakiko du zer egin kanoiarekin. Miren Aierbe udaleko arkeologoak azaldu duenez egoera oso onean dago kanoia: «Piezak hautsita aurkitzea izaten da ohikoena, eta kanoiak, karelean finkatzeko urkila ere badauka». Herriko bizilagunak egin duen dohaintzaren harira, Aierbe arkeologoak gogorarazi du ez dela izan horrelakoren bat jaso duten lehen aldia; izan ere, fuela urte batzuk herritar batek Montserrateko Estela eman zuen. Pieza hori Hondarribiko Udalak Irungo Oiasso Erromatar Museoari eman zion, eta gaur egun bertan ikus [...]

Aireportua handitzeko proiektua alde batera utzi izana zoriondu du Eguzki talde ekologistak. Espainiako eta Euskal Herriko hainbat aireportutan salbuespen egoera adierazi du Espainiako Sustapen Ministerioak, eta horien artean, Hondarribikoarena. Hala, ...

Hondarribiko Txirrindulari Elkarteko Triatloi Sailak, Gipuzkoako Triatloi Federazioak eta Euskadiko Triatloi Federazioak antolatuta, 400 korrikalari inguruk parte hartu zuten Hondarribiko triatloiaren laugarren edizioan. Bi triatloi izan ziren; promozio triatloia — herritarrentzat— eta sprint triatloia —federatuentzat—. Federatuen Mailan, emakumeetan, Ane Ziaran eibartarra izan zen garaile, 1.17:24ko denborarekin, eta gizonetan, aldiz, Nicholas Kastelein australiarra, 1.03:16ko denborarekin. Gipuzkoako Triatloi Sprint Txapelketarako puntuagarria izan zen proba nagusia, eta 750 metro igerian, hogei kilometro bizikletan eta bost kilometro lasterka burutu zituzten. Puntuak batuta, Ziaran berak eskuratu zuen emakumeetan sailkapen nagusiko garaipena, eta Saltoki-Trikideko Mikel Otaegik gizonetan. Promozio triatloian, berriz, emakumeetan Pili Esnaola izan zen lehena. Gizonetan, Mikel Saralegi izan zen azkarrena, eta Iñigo Cordal hondarribiarra bigarren sailkatu zen minutu bat geroago. Herritarrentzako promozio triatloian, 350 metro igerian, hamar kilometro bizikletan eta 2,5 kilometro lasterka egin zituzten.

Entsegu berezia izan zen herenegun Telleri Aldek egin zuena. Batetik, Madalen Eguneko danborradaren aurretik azkeneko entsegua egin zuelako txarangaren laguntzarekin, eta bestetik, danborradaren kolaboratzaile izan diren hainbat lagunek omenaldi txiki ...

Ereintza antzerki taldearen eskutik, Hegan antzezlana ikusteko aukera izango da astelehenean, 20:00etatik aurrera, Errenteria Hiria Kulturgunean. Aireportu batean oinarrituko da lana, eta bost esketxetan banatuta egongo da: Azafata, Eztei bidaia, Ama b...

Hilaren 27an arratsaldeko zortzietan mundu mailako ikuskizun bat ikus ahal izango da Itsas Etxeko auditorioan. Emanaldian Itziar Mendizabal hondarribiarrak eta Londresko Royal Balleteko bakarlariek dantzatuko dute. The Royal Ballet Erresuma Batuko lehe...

Astelehenean Soroetako lanetan urrats berri bat emango dute, eta trafiko aldaketak egingo dituzte. Obra Talaia eskolatik gora luzatuko dute, Haizeleku kalearekin gurutzatu arte. Ondorioz, kale honetako aparkalekuak kendu egingo dituzte. Satarkan garaje...

Kaleko XIX. Margo Lehiaketa antolatu du Emeki Elkarteak abuztuaren 12rako, Hondarribiko Udalaren eta Atrezzo tailerraren laguntzarekin. Interesa duten guztiei luzatu diete parte hartzeko gonbita. Hori egiteko baldintza bakarra da gutxienez 16 urte iza...

Txingudi Saskibaloi Elkarteak prentsa ohar baten bidez jakinarazi du Jose Maria Izagirre Alonsok, Hondarribia-Irun saskibaloi taldeko presidenteak, dimisioa eman duela eta hala jakinarazi diola Eusko Jaurlaritzari. Taldeko zuzendaritzako gainontzeko ki...

Iturriotz auzoko jaiak, santioak, asteartean hasiko dira, hilaren 24an. Iturriozko Jai Batzordeak, hilaren 31rainoko egitaraua prestatu du. San Inazio Egunera arte, beraz, egunero izango da zerbait auzoan, hilaren 26an (datorren ostegunean) izan ezik. Horixe izango dute auzotarrek hartuko duten atseden egun bakarra. Jaiek irauten duten bitartean, kanpotik joaten direnek ere aukera izango dute ogitartekoak bertan afaltzeko. Eta Dorretxean lo egin ahal izango da. Egitaraua Asteartea, hilak 24 19:00. Lertxuna altxatu. Jarraian. Euskal dantzak, Haurtzaro Dantza Taldearen eskutik, lertxunaren aurrean. Segidan. Buruhandi era erraldoiekin kalejira auzoan, dultzaineroen laguntzaz. Merienda. Hurbiltzen direnei merienda eskainiko diete Iturriozko Jai Batzordeko kideek. Asteazkena, hilak 25 14:00. Erretiratuen bazkaria, Iturri Berri elkartean. Ostirala, hilak 27 16:30. Gorritiren Showa: pottokak, zezen txikiak… . Jarraian. Txokolate jatea. 20:00. Kartelada. Gauean. Bokatak afaltzeko eta Dorretxean lo egiteko aukera egongo da. 22:00. Olatz eta Xabirekin musika, beheko soroan. 22:00. Truk txapelketa, Iturri Berri elkartean. Larunbata, hilak 28 10:00. Bizikleta martxa, Iturriozko mendietan barrena. 10:30. Haur jolasak. Haurrak mozorrotuta joateko eskatu dute. 16:30. Pilota partidak, pilotalekuan: benjaminak, alebinak, kadeteak eta helduak. 17:00. Iturrioztarren IV. Sagardo Dastaketa eta Lehiaketa. 21:30. Bertso afaria, Beheko soroan: Unai Iturriaga, Jexux Mari Irazu, Beñat Gaztelumendi eta Alaia Martin. Igandea, hilak 29 09:00. Goiz eresia, Lartaun Txistulari [...]

17:30etik aurrera, Jose Antonio Zuloaga Oroitaldiko finalak jokatuko dituzte Fanderiako frontoian. Hiru final dira guztira, gazte, promesa eta afizionatu mailetakoak. Partida guztiak hemen.

Behobiako auzotarrek Bidasoa ibaia dragatzeko egindako eskaeren aurrean, Jose Antonio Santano alkateak gaia aztertzen ari direla erantzun die. Horren gainean, udala «kezkatuta» dagoela adierazi du, baina ez dela bere zuzeneko eskumena: “Ziur na...

Ipintza industrialderako sarrera batean langak jarri dituzte. Altuera hiru metrokoa da, eta helburua kamioiei sarrera ekiditea da. Izan ere, errepide horri dagozkion lurrak ondoko enpresa batenak dira. Errepide hori nahikoa hondatuta dago, eta mantenu...