Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Astelehenaz geroztik musika eskolako ikasleak ari dira kontzertuak ematen Musikaz Blai jaialdiaren barruan. Bihar eta etzi ere, ikasleek joko dute Gudarien Enparantzako karparen barruko agertokian. Horrez gain, buruhandiak irtengo dira bi egunetan, 17:30ean. Etzi, 20:00etan, Donibaneko Itsas Mendiko Txistu taldearen kontzertua izango da. Astebururako, berriz, hamaika kontzertu eta ekitaldi iragarri dituzte. Egitaraua osorik pasaia.hitza.info-en ikus daiteke.

Asteburuan Euskadiko Itsas Kayak Kopako bigarren proba jokatu dute Pasaiako badian Euria, haize zakarra eta itsaso mugitua izan ziren protagonista joan den asteburuan Pasaian jokatutako Euskadiko Itsas Kayak Kopako bigarren proban. Haize-olatuen ondorioz zenbait parte hartzailek estropada utzi egin behar izan zuten kanpoko ziabogara iritsi aurretik, eta erorikoak ere izan ziren. Sprinter modalitatean, K1 Senior Mailan, Borja Estomba (Oviedo Kayak) izan zen probaren irabazlea. Euskal taldeetako ordezkaritzari dagokionez, berriz, Lander Rodriguez, Aritz Araneta eta Julen Hurtado izan ziren podiumean. K2 sailkapenean, Hondarribia Arraun Elkarteko Aitor Arrietaren eta Manuel Melararen kayaka izan zen helmugara iristen lehenak. Emakumeetan, berriz, Ainara Benaventek irabazi zuen eta Nerea Fernandez izan zen bigarrena. Junior kategorian, Ion Carballo, Eneko Garcia eta Iker Azurmendi izan ziren podiumean, guztiak ere Donostia Kayak taldekoak. Beteranoek beren maila bikaina erakutsi zuten oraingoan ere, eta Fortuna Kirol Elkarteko hiru kidek, Antxon Gisasolak, Joxemari Villagarciak eta Javi Lizancosek, guztiak ere Espainiako txapeldun iaz beren adin-tarteetan, bete zituzten podiumenko hiru koskak. K2ko sailkapenean, Andres Lopez eta Ramon Vega (Fortuna) izan ziren garaile, Felix Sarasua eta Raul Barba taldekideen eta Zumaiako Itsas-Gain taldeko Karmelo Txapartegi eta Javier Solozabalen aurretik. Kayak tradizionalen modalitatean, aldiz, Pasaia Kayak taldeko Valer Carballo izan zen lehena Francisco Javier Olaskoagaren (RC [...]

Juan Carlos Alduntzinek Trintxerpen aurkeztuko du plana, 19:00etan, alkateordetzan Gaur egungo hiru zabortegi kutsakorrak ixtea, hondakin guztiak tratatzea eta sei konpostaje planta sortzea aurreikusi du Gipuzkoako Foru Aldundiak hondakinak kudeatzeko sortu berri duen planean. Horrez gain, Zubietan energia berriztagarria sortuko duen biometanizazio planta eraikiko dutela iragarri dute. Esan dutenez, azpiegitura sare oso hau eraikitzeko, orain arte aurreikusitako diruaren erdia erabiliko dute. Gipuzkoako Foru Aldundiak atzo goizean aurkeztu zuen hondakinen kudeaketarako estrategiak biltzen dituen dokumentua Batzar Nagusietan. Arratsaldean Gipuzkoako Hondakinen Partzuergoari aurkeztuko zioten plana, eta gaurtik aurrera, berriz, herriz herriko aurkezpenei ekingo diete. Trintxerpen, bihar aurkeztuko dituzte hondakinak kudeatzeko estrategiak, 19:00etan, alkateordetzan. Aurkezpenean Juan Carlos Alduntzin Ingurumen diputatu eta Pasaiako alkate ohiak, eta Laia Valenzuela, Spora Serveis Ambientals-eko zuzendariak parte hartuko dute. Pasaian bezala, Donostian, Zarautzen, Arrasaten eta Tolosan aurkeztuko dituzte estrategiak. Prebentzioa Azpiegitura sareari ez ezik, prebentzio arloari ere garrantzi berezia eman nahi dio aldundiak. Hala, 2016rako hondakinen sorrera %4 murriztuko dutela esan dute. Gipuzkoako Foru Aldundiak dioenez, «sortzen ez dena delako hondakin onena». Bilketari dagokionez, 2016rako lurralde osoko hondakin guztien % 60 gaika biltzea aurreikusi dute. Autokonpostajea eta konpostaje komunitarioa sustatzeaz gain, elikagaien xahuketa eragoztea ere estrategikotzat jo dute. Aurkezpena Noiz. Bihar, 19:00etan. Non. Trintxerpeko alkateordetzan. Hizlariak. Jaun Carlos [...]

Etzira arte egongo da itxita, 08:00etatik 18:00etara, Olalde eremuko urbanizazio lanek eraginda.

Hondarribia Erdi Arora bueltatuko da bi egunez, izan ere, Erdi Aroko Azoka antolatu dute astebururako udalak eta Napar Bideak elkarteak. Erakustaldiak, tailerrak eta animazioak izango dira Gune Historikoan. Artisauen eta jakien 80 postu inguru jarriko dituzte, eta iraganeko tresnak ezagutzeko aukera izango da. Hondarribia, Erdi Aroan, merkataritza-gune garrantzitsua izan zen eta azokei esker, merkatari eta artisauen komunitate dinamikoa bihurtu zen. Horrela, arotzak, errementariak, upelgileak, urreginak, harginak… Erdi Aroko hirigunera itzuliko dira, garai hartako artisauen jakinduria ezagutzeko. Postuez gain, makina bat ekitaldi izango dira bi egunetan. Saltinbankiak, titiriteroak, malabaristak eta juglareak; horiek denak Hondarribian bilduko dira azokako bizitza islatu eta girotzeko, eta gainera, kristau, arabiar eta judu kulturak elkarrekin egongo dira. Milaka bisitari izaten ditu azokak urtero. Tailerrak eta erakustaldiak Erdi Aroko ohiturak ezagutzeko tailerretan parte hartzeko aukera ere izango da: buztina, landareak, ehungintza, beira puztua, joko zaharrak, egurrezko kateak… Horrez gain, ikuskizun asko izango dira: arku jaurtiketak, aldi bereko xake partidak, gaiteroak, txotxongiloak, juglareak, malabaristak, ipuin kontalariak, iraganeko tresnen erakusketa, arabiar haima eta ardiaren gunea, besteak beste. «Alde Zaharra Erdi Aroko gaiekin apainduko dugu. Azokak sor ditzakeen arazoen inguruan ulermena eta barkamena eskatu nahi nieke, aldi berean, hondarribiarrei. Jakin badakigu hala dela, baina ekimen oso berezia da», azaldu zuen atzoko [...]

Atzo Eguzkitza Lehen Hezkuntzako ikastetxea inauguratu zuten ofizialki. Lanak ez dira amaitu baina apiriletik ia 300 ikasle daude bertan. Obrak amaituko direnean, ia 500 ikasleentzako tokia izango du, 2 urtekoak eta Lehen Hezkuntzako maila guztietakoak. Inaugurazio ekitaldian Jose Antonio Santano alkatea eta Isabel Zelaa Eusko Jaurlaritzako Hezkuntza sailburua izan ziren, eta eraikin berriak Victoriano Juaristi kalean dituen instalazioak bisitatu zituzten. Atzo inauguratu zuten zentroa, baina apirilaren 16tik ikasgelak ematen dituzte bertan. Data horretan Haur Hezkuntzako 1., 2. eta 3. mailetako 288 ikasle hasi ziren Eguzkitza ikastetxean ikasten, ordurarte Olaberria kalean behin behinekoz zeudenak. Irailean Lehen Hezkuntzako 4. mailako ikasleak hasiko dira Eguzkitzan, eta 2 urtekoen gelak ere abiatuko dituzte. Hurrengo urtean 5. Mailakoak hasiko dira, eta 2014-2015 ikasturterako ikastetxe berriaren eskaintza osatuko da; Lehen Hezkuntzako 6. Mailako ikasleekin, 484 haur ariko dira ikastetxe berrian. 37.000 metro koadroko eremua Eguzkitza ikastetxea Eguzkitzaldea eremuan kokatzen da, Hiri Antolamendu Plan Bereziaren barruan. Guztira 37.000 metro koadro hartzen ditu eremu horrek, Mirarietako Ama eta Ama Xantalen kaleen eta Dunboa kanalaren artean. Eskolaz gain, eraikitze lanetan dagoen San Jose Langilearen futbol zelaia eta Dolores Salis errepide berria kokatzen dira. Hainbat egituren sortzeaz gain, Larreaundi auzoa eta Alde Zaharraren arteko lotura eraberritzeko helburua du Plan Bereziak. [...]

Beiraren eskulangintza zabaltzea eta sustatzea dute helburu atzo hasi eta hilaren 10era arte Merkatuzarren egingo duten Beira Artistikoaren I. Jardunaldiek. “Modu dekoratiboan ez ezik, beira artistikoak, modu praktikoan eta arkitektonikoan ere aukerak ematen dituela erakutsi nahi dugu, gainera”, azaldu du Igor Obesok, ekimenaren bultzatzaileetakoak. Obesorekin batera, Amaia Sanchez eta Iban Delgado aritu dira jardunaldiak antolatzen. Ekimena, berriz, Artiola egitasmoaren barruan kokatuta dagoela jakinarazi dute. Azken horrek, “artisautzaren gunea” izan nahi du, “artisauen lanari balioa emateko gunea nolabait, euskal artisautza tradizionala ikertzeko eta lehengoratzeko balio nahi duena, gainera”, azaldu du Obesok. Hiru urteko lanaren ondoren, etzi (hilaren 7an) ikusiko du argia Artiolak. Artisauen lana, uztartuta Obesok eman ditu Beira Artistikoaren I. Jardunaldien gaineko xehetasunak. Guztira, lau ildotan banatu dituzte jardunaldi horiek: beira lanen gaineko erakusketa kolektiboa egingo dute jardunaldien barruan batetik, gida eta azalpenekin; hainbat teknika erakusteko beira tailer praktikoak gehitu dizkiote egitarauari, bestetik; beiraren artisautzaren gaineko bideo emanaldi eta hitzaldiak ez dira faltako, hirugarrenik; eta azkenik, jardunaldietan parte hartuko duten artisau guztien teknika eta lana uztartuta lau beirate egingo dituzte. Laugarren ildo horri “proiektua” deitu diote antolatzaileek. “Lau beirateak hilaren 10ean Merkatuzarreko eraikinean kokatuko ditugu, eta bertan geldituko dira betirako”, gaineratu du Obesok. Ateak zabalik Merkatuzarreko ateak zabalik izango dira [...]

Prest! euskara taldea aurkeztu dute Donibanen. Lehengo larunbatean egin zuten aurkezpena, Meipiko plazan. Txalaparta doinuekin hasi zuten ekitaldia, eta ondoren taldea sortzeko arrazoiak ezagutarazi zizkieten aurkezpenera bildutako herritarrei. Euskara...

Plataforman bildu diren eragileek eta elkarteek udala deitu dute gaurko, eraikinaren inguruko bilera egiteko Lehengo asteartean San Pedroko elkarte, talde eta herritar multzo bat –40 lagun inguru–, Proisan elkartu zen eraikinaren etorkizunaz hitz e...

Bidasoa XXI Igeriketa Taldeak eta Txingudi Tenis Klubak sinatutako hitzarmenari esker, Artaleku eta Azken Portuko bazkideek tenis klubeko instalazioak erabili ahalko dituzte, prezio merkean; aire zabaleko zazpi pista, bi pista estali eta 3 padel kantxa. Irungo udal igerilekuetako abonatuek prezio bereziak izango dituzte: 25 euro ordua padelean aritzeko (lau lagun) eta 12,5 euro ordua tenisean (bi lagun; lau lagunentzat 25 euro).

Gaurtik hasita, nahiko ekintza izango da Beraunen, Guadalupe Jaiak direla eta. Gaur bertan, Leyre Mendozaren eskutik, sabel dantza egingo dute Sanmarkosene zentroan.Bihar atseden hartuko dute, eta ostegunean, berriz, Monfrague dantza taldearen emanaldia izango da. Asteburuarekin batera hasiko da giroa pizten. Orduan lehiaketak, musika eta zer jan eta zer edan izango da auzoan. Beheko egitarauan dago informazio zehatza. Ostirala 7 16:30-21-30: Ate irekien jardunaldia, Budakan kirol zentroan (943 52 19 42). 17:00-20:00: Eskulan eta margolan erakusketa, Beraungo auzo elkartean. 18:30: Txupinazoa, Beraungo auzo elkarteko terrazatik. Jarraian: Maskleta. 18:45: Buruhandiak auzoko kaleetan. 18:45: The Joselontxo txaranga, kaleetan. 19:00: Behitxoak eta poneyak, Pablo Sorozabal plazan. 20:30: Sardin jatea auzo elkartearen beheko aldean. 23:00: Disko festa, Pablo Sorozabal plazan. Larunbata 8 09.30: Mahai tenis txapelketa, Beraungo auzo elkartean. 10:30: Igel, toka eta bote tiraketa, Beraungo erretiratuen terrazan. 11:00-14:00: Ate irekien jardunaldiak, Budokan kirol zentroan. 11:00: Haurrentzako jokoak, Pablo Sorozabal plazan. 17:00: Haur danborrada auzoko kaleetan. 17:00-20:00: Eskulan eta margolan erakusketa, Beraungo auzo elkartean. 18:00: Dantzaldia, Beraungo erretiratuen egoitzan, Aureliorekin. 18:30: Dantzaldia, Pablo Sorozabal plazan. 23:00: Helduen danborrada auzoko kaleetan. 23:30: Berbena Pablo Sorozabal plazan, Cafe Irlandes taldearen eskutik. Igandea 9 11:00: Herri kirolak, Pablo Sorozabal plazan. 11:00-14:00: Eskulan eta margolan erakusketa, Beraungo auzo elkartean. [...]

Lehen aldiz egoiliar baten erakusketa jarri dute zaharren egoitzan; Elorza hil berritan, omenaldia izango da Erakusketa berezia da hilabete honetan Petra Lekuona Zaharren Egoitzan jarri dutena. Uztailean jakinarazi zuten Jose Luis Elorzaren erakusketa ...

Hondarribiko Jaietako kartel eta argazki lehiaketera aurkeztutako lanen erakusketa Zuloaga Etxeko beheko solairuan bisitatu daiteke. Hilaren 20a arte izango da irekita egunero, igandeetan ezik, ohiko ordutegian: 10:00etatik 13:00etara eta 16:00etatik 2...

Haurren danborradak bihar hasiko ditu entseguak

Larunbatean jarri zituzten salgai hilaren 11n Jostaldi pilotalekuan izango den pilota jaialdira joateko txartelak. Arma Plaza interpretazio zentroan eta Kirol kaiko turismo bulegoan eros datezke, 25 euroan. Jaialdia hilaren 11ko, astearteko, arratsalde...

Hilaren 8ko desfileari begira, Alardea osatzen duten konpainiek entseguekin jarraitzen dute. Gaur Danborradak eta Musika Bandak elkarrekin egingo dute prestaketa, 21:00etan hasita. Lehenago, beste hamabost konpainiek entseatuko dute. Mendelu konpainia ...

Carlos Cruz-Camposek irabazi du Marlaxka Xake Klubak antolatutako Hondarribiko Gaztelua II. Xake Aktibo Txapelketa. Hilaren 2an egin zuten Paradorreko tapizen gelan etaEuskal Herri osoko 48 xakelarik parte hartu zuten. Jokalari bakoitzak 20 minutuko ge...

Udako hilabeteetan langabeziak behera egin ohi duen arren, herrian gora egin du uztailean: %3,22. Guztira, 545 langabe daude Oiartzunen. Horietatik, 279 dira gizonak, eta 266 emakumeak. Adinari dagokionez, 25-44 adin tartean daude langabe gehien: 400.

Arratsaldez egongo da irekita hil honetan Madalensoron dagoen gunea: 16:00etatik 20:00etara Oinarrizko Internet, Google Apps, Open Office Writter I eta II, Metaposta I eta II, Facebook eta Ubuntu ikastaroak emango dituzte Madalensoroko KZgunean hil hon...