Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Ostiralean kultur elkarte berri bat aurkeztu zuten Irunen: Ondare. Haur eta gazteentzat aisia ekintzak antolatzea du xede, herriko iraganari begiratuta. Hala, buruhandi eta erraldoien konpartsa sortu du, eta elkarteaz gain, lau buruhandi eta bi erraldoi ere aurkeztu zituzten El Pilar ikastetxean. Buruhandiak estreinatu dituzte jada, igandeko Alardealdian; erraldoiak ez, eguraldiagatik. Orain aurkeztu badute ere, urtebeteko ibilbidea du Ondarek, bere presidente Iñigo Mangasek azaldu duen bezala: “Iaz hasi ginen proiektuarekin neskalaguna eta ni, eta gero beste bi lagun hasi ziren gurekin. Konpartsaz gain, haur, gazte eta helduentzako kultur ekintzak egin nahi ditugu”. Mangasek dio Ondare elkarte irekia dela, eta edozeinek eman dezakeela izena. Horregatik, duela aste pare bat bazkide kanpaina hasi zuten: “50 lagun inguru egin dira bazkide eta zuzendaritza zabaldu nahi dugu orain”. Ondare elkarteari buruz gehiago jakiteko bisitatu ondare.es.tl webgunea edo idatzi posta elektroniko helbidera. Aldabeko batailan oinarria Urtarrilean antolatu zuten Inauterietako maskara lehiaketatik buruhandien eta erraldoien konpartsa sortzen eman dute denbora gehien. Sortu dituzten buruhandi eta erraldoiak Aldabe mendiko batailan oinarrituta daude. Lau buruhandi egin dituzte: soldadu frantsesa, irundarra, alemana, eta borrokan zeresan handia izan zuen pertsonaia bat, antortxeroen buru bezala ezagutzen den Mosen Pedro Irizar apaiz oreretarra. Irundarren gudarostea frantsesen kontrako erasoari ekiteko mendian gora zihoan bitartean, [...]

testamenduen gaineko hitzaldia galtzarabordan

Iaz bezala, emakumeen hiru kirol talde espontsorizatuko ditu Berdintasun Kontseiluak, eta dagoeneko ireki du eskaerak aurkezteko epea. Oinarriak hilaren 1ean azaltzekoak ziren Gipuzkoako Aldizkari Ofizialean, eta behin hor argitaratuta, hamabost egunek...

Udal euskaltegian zabalik da udako ikastaro trinkoetan izena emateko epea. Lehengo astelehenean ireki zuten, eta hilaren 27ra bitartean izango da zabalik. Goizez emango dituzte beren euskara maila hobetu nahi dutenentzako ikastaro trinkoak udan. Horrez...

Ekintzen programa Udalak zortzi kirol modalitate eskainiko ditu herrian, aldundia eta herriko klubekin elkarlanean Eskalada, mendiko bizikleta, arrauna, piraguismoa, pilota, kirol anitza, tenisa eta lerro-irristaketa. Horixe da 8 eta 16 urte bitarteko ...

Eskola Agenda 21 ekimenaren barruan, Irungo Udaleko Ingurumen Sailak hitzaldia eta mahai-ingurua antolatu ditu. Gaur izango dira, goizean, Amaian. Ikasturtean bioaniztasuna landu dute ikasleek, eta horri lotuta, gaurko gaia padura izango da. Irungo Ud...

Javi Alonso irundarraren Hombre blanco, hombre negro filmaren zati bat grabatuko dute gaur arratsaldean alde zaharrean. Hori dela eta, Larretxipi eta Sargia kaleak itxita egongo dira, 16:00etatik 20:00etara.

Udaren etorrerarekin batera, herritarrek Kaputxinoetako igerilekuak estreinatzeko aukera izango dute hilaren 18tik aurrera. Hemendik aurrera, beraz, erabiltzaileak izango dira protagonista. Abonatuek bertara doan sartzeko aukera izango dute. Hori bai, ...

Ikastolako eraikinetan konponketak egin dituela eta, esker ona adierazi dio Langaitzek Errenteriako Udalari. Ritxar Maritxalar zuzendariak eman du udalak egindako konponketen berri. Lan nagusia, LHko eraikineko patioa eta autopistaren artean “bab...

Espainiako Gobernuak murrizketan egingo dituen murrizketen kontra Koldo Mitxelena ikastetxeko irakasleak elkarretaratzeak antolatu dituzte asteazkenero. Martxoaren 29ko grebaren ondotik hilabetez egin zituzten elkarretaratzea asteazkenero. Orain, joan ...

11:00 Haurrentzako zezenen Entzierroaren txupinazioa udaletxeko balkoitik (konfeti eta globo jaurtiketa). 11:30 Haurrentzako entzierroa zezen puzgarriekin. Santa Maria atetik abiatuta, Hirigune Historikoaren barrena, Arma Plazaraino. 16:00 Klink elkart...

Krisi ekonomikoaren harira, Irungo hainbat zerbitzu publikok BEZaren igoera ez dutela pairatuko ere jakinarazi du udal gobernuak. Ildo horretatik, garraio zerbitzu publikoak ez du BEZaren igoera jasango. Horrekin batera, udal aterpetxearen eta TAOren p...

Krisia gogor jotzen ari da azkenaldian, eta Errenteria-Oreretari “ahalik eta gutxien eragiteko” hainbat neurri proposatu ditu PSE-EEk. Hala nola, herritarrei “ahal duten neurrian” euren erosketak “herrian bertan edo eskual...

Herritarrak euren ekintzei buruz informatzeko bloga ere jarri dute martxan elkarteko kideek Arraztalo elkarteak egoitza berria du, Altzibar auzoko Martintxo kalean. Horixe izango da etorkizunean elkartearen egoitza soziala. Horrez gain, bertan ekintzak egitea dute helburu: ikastaroak, bilerak, hitzaldiak… Elizak utzi dio lokala Arraztalori. Udan, konpontze eta pintatze lanak egin dituzte bertan. Elkarteko kide Angel Perezek, bilera gela, bulego bat eta komuna izateko lanak egin ditu. Iosu Mitxelenak, Imanol Gaztelumendik eta Ager Iñarrak, berriz, pintatze lanak egin dituzte, «egoitzari itxura modernoagoa eta alaiagoa emanez». Hurrengo lanak lokala txukuntzea eta materiala antolatzea izango dira, eta laguntza ongietorria izango dela zehaztu dute elkarteko kideek: «Txukunketa lanak egiteko laguntza ezinbestekoa izango da, beraz elkarteko edozeinek laguntzeko asmoa badu badaki non gauden!». Horrez gain, udalak ordenagailu bat ere jarri du Arraztaloren eskura, «beharrezko lanak egiteko». Herritarrengandik gertuago egoteko aukera emango die lokalak elkarteko kideei, eta helburu horrekin, bloga ere jarri dute martxan. Herritarren iritziak Gunearen helburua, «elkarteari buruzko informazio orokorra emateaz gain», egunero sortzen diren gaien eta lanaren gaineko berriak ematea da. Horrez gain, gustatuko litzaieke herritarrekin harremanetan egotea eta euren iritziak ezagutzea: «Animatu orrian sartzera eta informazioa irakurtzera. Zuen iritziak ongietorriak izango dira».

Jose Cruz Legorburu. Gabierrotako Auzo Elkarteko presidentea. Errenteriako Udalak Gabierrotan bilera ireki bat deitu zuen 2011ko urriaren 3an, eta auzo elkartearen lokalean bertan egin zen egun horretan. Bertan Julen Mendoza alkateak, Luisma Diez zinegotziak eta 66 bizilagunek parte hartu zuten, eta Gabierrotan dauden arazo garrantzitsuenak jakinarazi ziren, eta baita beste txikiago batzuk ere, oraindik irtenbidea eman ez zaienak. Alkateak azaldu zuen Errenteriako hainbat auzotan bilerak egiten ari zirela, bertan oraindik irtenbiderik eman ez zaien arazoak ezagutu, eta era berean, udala herritarrengana hurbiltzeko, eta baita alderantziz ere, herritarrak udalera. Horrez gain, udal kudeaketaren zati bat ere auzo horietara eramateko asmoa agertu zuen. Udalak bilera batera deituko gintuen funtsezko arazoak tratatzeko, eta horrez gain, arazo txikiagoak konpontzen joango zen. Baiezta dezakegu bizilagunek bilera horri buruz egindako iruzkin guztiak oso positiboak izan zirela, eta udal gobernu berriarekiko itxaropena azaldu zutela. 11 hilabete beranduago, egiaztatu dugu udal langileak Hiri Mantenuko hainbat arazo konpontzen joan direla. Beste batzuk egiteko bidean daudela ere azaldu digute, baina oraindik inork ez gaitu inongo bilerara deitu funtsezko arazoei buruz hitz egiteko. Bilera antolatuko dutela esaten digute, baina gero ez dute egiten. Nahiz eta alkateari behin baino gehiagotan hainbat idatzi zuzendu, apirilaren 13an eta uztailaren 3an, ez dugu erantzunik jaso, eta [...]

Dinastia Etxabe Txapelketa irabazi du Imaz oiartzuarrak, eta Trinitate Txapelketa Floresek Asteburuan bi final jokatu dituzte Oiarpeko pilotariek, eta jokatutako bietatik biak irabazi dituzte. Dinastia Etxabe Txapelketan (Zestoan), Aresoko Olanok eta Oiarpeko Imazek, 22-14 irabazi zieten Gasteizko Larrañagari eta Urretxuko Erostarberi. Trinitate Txapelketako finalean, berriz, Flores (Oiarpe)-Urdanpilletak, 18-9 gainditu zituzten Labaka-Etxezarreta. Bi txapela ekarri dituzte etxera, beraz, herriko pilotariek asteburuan. Bestalde, Lezoko Txapelketa ere jokatzen ari dira herriko pilotariak. Gazteetan, binaka, Oiarpeko Ugaldek eta Berrobiko Elustondok, 22-9 irabazi zieten Andoaingo Maiza eta Jauregiri. Helduetan zortea ezberdina izan zen. Binaka jokatzen, Zarauzko Jauregik eta Oiarpeko Ugaldek 12-22 galdu zuten, Lizartzako Olaetxearen eta Astigarragako Santxezen aurka.

Irungo Udalak jakinarazi duenez, lorategi lanak direla eta, trafikoa moztuta egongo da Errotaren errepidean —Letxunborro eta Elizatxo hiribideen artean—, hilaren 10etik 14ra bitartean. 07:00etatik 15:00etara egongo da itxita errepidea, egun horiet...

Bihar Olaia Arbelaizi egindako elkarrizketa argitaratuko du Oarso Bidasoko HITZAk. Jaizkibel konpainia parekideko kantinera da Arbelaiz, eta, besteak beste, orain arteko entseguetan nola moldatu den eta zein giro somatu duen kontatu dio HITZAri. Izasku...

Oiasso Erromatar Museoak erabiltzaileentzako ordutegia aldatu du. Hala, datorren martxoaren 31 bitartean astearteetan, asteazkenetan, ostegunetan eta igandetan 10:00etatik 14:00etara egongo da zabalik. Ostiraletan eta larunbatetan, goizez zein 16:00eta...

Udako atsedenaldiaren ondoren, Jaizkibel Mendi Taldea berriro hasiko da irteerak egiten. Asteburu honetan Iruñerriko Itzuliaren seigarren etapa egingo dute. Etzidamu izango da txangoa. Autobusa 07:30ean irtengo da Pasaiatik, eta ordu laurden beranduago egingo du geldialdia Errenteria-Oreretako Iztieta auzoko geltokian. Azantza herrira iritsi eta Mortxe mendia igotzen hasiko dira (1.123 metro). Igoeran Azantzako Haritza ikusteko aukera izango dute. Orain dela gutxi Nafarroako Natura Monumentu izendatu zuten. Gailurrera iritsita, Egillor herrira jaitsiko dira, eta handik Letera joko dute, eta Atondon bukatu. Hamabost kilometroko ibilbidea osatuko dute guztira. Informazio gehiago behar duenak, mendi taldearen egoitzatik pasatu behar du, edo 943 51 47 00 telefono zenbakira deitu. Hamabost euroko prezioa du autobusak. Trintxer Mendi Taldea, 22an Bestalde, Trintxerpeko mendi taldeak hilaren 22an egingo du hilabeteroko ibilaldia. Hurrengo egunean bueltatuko dira herrira Trintxer Mendi Taldekoak. Dax taberna paretik (Euskadi etorbidea) aterako da autobusa, 07:00etan, eta handik Pirinio aldera joko dute. Aragoiko Echo ibarrera joango dira, eta ondoko ibilbidea egingo dute: La Cuta, Punta Gabas, Foraton eta Lizarako aterpetxean gaua. Sei ordu eta erdiko ibilbidea beteko dute. Hurrengo egunean, gosaldu ondoren, aterpetxetik atera eta Llena del Bozo mendira (2.559 metro) joango dira Trintxerrekoak. Handik berriro itzuliko dira Lizarara. Irteerara joan nahi duenak 60 euro ordaindu [...]