Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Biteri Kaleko etxebizitza batek su hartu du gaur arratsaldean. Udaltzaingoaren arabera, ke erauzgailu batek su hartu du, eta gizon heldu bat artatu behar izan dute larrialdi zerbitzuek. Suhiltzaileak ere bertaratu dira.

Joan den astelehenetik, hilaren 4tik, indarrean da udako ordutegia etxe hondakinen bilketarako. Herriko etxetik jakitera eman dutenez, “partikularrentzat etxe hondakinak astean hirutan bilduko dira, hots, astelehen eta ostiralez gain, asteazken g...

Gaur arratsaldean eginen dute euskal presoen eta iheslarien aldeko Herrira plataformaren lehen bilera Hendaian. Baleak elkartearen egoitzan izanen da, 19:00etan hasita. Heriratik dei egin diete herritarrei bilerara joateko. “Bakoitzak ahal duen h...

Oiartzungo ABB Niessen enpresak sari bat jaso du. Huma-Aedipe-Giza Kapitala sarien XIII. ekitaldian eman diote, berrikuntza atalean. Barne kudeaketarako, minikonpainiak sortzea da ABB Niessen enpresaren politika, eta horixe egiten du Oiartzunen, tentsi...

Hilaren 21etik 24ra XVII. Filatelia Erakusketa antolatuko dute Amaia Kultur Zentroan, eta, ekitaldi horretan, Bidasoko Filatelia eta Numismatika Elkarteak eta Alarde Tradizionaleko Agintarien Batzordeak Meaka eta Bidasoa konpainietako zigiluak aurkeztuko dituzte. Batzordearen asmoa da konpainien eta desfilearen beraren proiekzioa zabaltzea, Iñaki Arruabarena Jeneralak aipatu bezala: “ekimen honen bitartez lortu nahi dena da Alardea osatzen duten Konpainiak Irundik kanpo ezagutzea, atentzioa ematea eta jendea gure jaiez interesatzea”. Orain bi urte editatu zituzten lehen zigiluak, Behobia eta Katea auzoetako konpainietako harmarriekin pertsonalizatuak. Horiekin batera San Martzial ermitako dorrearen urteurrena zela-eta beste zigilu bat egin zuten. Orduan, Agintarien Batzordeak eta Filatelia eta Numismatika elkarteak erabaki zuten bi urtero sanmartzialekin harremana duten irudi berriak aurkeztea. ”Orduan jada erabaki zen bi urtetik behin Alardeko bi konpainiatako harmarriekin beste bi zigilu ateratzea. Harrera bikaina izan zuen hasiera-hasieratik ekimen horrek”, esaten du Bidasoako Filatelia eta Numismatika Elkarteko Carlos Hernández presidenteak. Nolanahi ere, hitzarmena aurretik, alardearekin eta hiriko festarekin zerikusia duten hainbat lan argitaratuak zituen Filatelia eta Numismatika elkarteak, tokiko artisten diseinuekin: Kantinera (1980), Alardearen mendeurrena (1981), Jenerala (1982), Eskopetaria (1984), Artxeroak (1986), Desfilea (1988), Kanoiak (1990), Danborrada (1992), San Juanen ikuskaketa egiten (1994), San Martzialeko ereserkia (1996), Zalditeriako eskola (1998), Zalditeriako kantinera (2000), Banderaduna (2002), Turutaria (2004), Baseliza [...]

Artiola artisautzaren gunea aurkeztu dute gaur goizean Donostian proiektu horretan parte hartu duten bost aldeek: batetik, proiektua sustatu duten Ereintza kultur elkarteak, eta Gabiltza zein Lur artisautza elkarteek; eta bestetik, proiektuan lagundu duten Gipuzkoako Foru Aldundiak eta Errenteriako Udalak. Artisauen “erreferentziazko zentro” izatea du helburu, eta egoitza Errenteria-Oreretan izango du, Merkatuzarren. Ereintzak urtero antolatzen duen Euskal Herriko Eskulangintza Azoka izan da egitasmo horren oinarria. Hortik abiatuta, hiru elkarteek sektorearen beharrei erantzun nahi izan diete, eta lanketa horren emaitza izan da Artiola. Horrenbestez, artisautza dinamizatzeko sortu da, prestakuntza eta ikerketa esaterako; kalitatezko erakusketa eta salmenta gune ere izango da; eta askotariko ekimenak ere prestatuko ditu. Hain zuzen, horren emaitza da aste honetan Merkatuzarren egiten ari diren I. Beira Artistikoaren jardunaldia (igandera arte dago martxan), eta uztailaren lehen hamabostaldian udalekuen barruan egingo dituzten ehungintza tailerrak.

Soroetaberri, Eguzkilore eta Ama Guadalupekoa inguruak, eta Donostia, Soroeta, Haizeleku eta Girizi kaleen berritze lanak erritmo onean doaz. Hala azaldu zuten herenegun goizean,Orsa eta Otegi-Gaztañaga enpresa eraikitzaileko eta Udaleko ordezkariek auzoko lanetara egin zuten bisita gidatuan. Otsailean hasi ziren Soroeta auzoa berritzen eta 2013ko maiatzerako bukatu nahi dute. Bost milioi euroko aurrekontuarekin, Orsa eta Otegi Gaztañaga enpresak dabiltza auzoa berritzen. Orain arte, Girizi kalea berritu dute, eta 35 aparkaleku jarri dituzte. Donosti kalea, beheranzko norabidean bukatzen ari dira, eta Soroetaberri kalea eta Ama Guadalupekoa berritzen dabiltza orain. Soroetaberriko parkea uztailaren erdialderako bukatu nahi dute. «Hasierako proiektua aldatu egin dugu. Gune berde eta zuhaitzak jarriko ditugu. Orain arte parkea ez zen asko erabiltzen, baina aurrerantzean gehiago erabiltzea espero dugu. Bizilagunentzako izango da bereziki», azaldu zuen, Aitor Kerejetak, Hondarribiko alkateak. Lanak bisitatzen zituzten bitartean, Kerejetak, bizilagunei edukitzen ari diren pazientzia «eskertu» die. «Oso obra handia da, ia kale guztiak daude obretan, eta horrek molestia handiak suposatzen ditu, soinua, hautsa… Baina bizilagunen jokaera oso egokia da, eta eskertu beharrean gaude. Hala ere, gogorarazi nahi nieke obra gune batean daudela, eta enpresak jarritako seinalizazioa errespetatu behar dela, bestela egoera arriskutsuak gerta daitezke». Oinezkoari lehentasuna Saneamendu sare banatzailea jartzen ari dira, izan ere, orain artekoak [...]

Bihar eta etzi Gune Historikoan ospatuko duten Erdi Aroko Azoka dela eta, trafiko aldaketak izango dira. Kale Nagusia itxita egongo da autoentzat, Alde Zaharretik ateratzeko, San Nikolas arkutik igo eta Juan Laborda kaletik atera beharko da, Apezpiku e...

Portuaren eguneroko bizimoduan eta joan etorrietan, bada Trintxerpeko kaian ohikoa ez den belaontzi bat. Duela egun batzuk bertara iritsi zen ontzi koloretsua. Zoroen Itsasontzia da, eta datorren uda arte geldituko da bertan. Aurkezpen ekitaldi txiki bat egin zuten atzo Azart konpainiakoek kaian bertan. August Dirks barkuko kapitainak zoramena denen aberria dela aldarrikatu zuen, euskaraz egin zuen harrera hitzaldian. Ondoren, argi eta garbi utzi nahi izan zuen Zoroen Itsasontziko kapitaina izan arren, zoroak eurak ez direla: “Funtsean, gizartea zoratuta dagoela ikusten dugu: arrain hilak ikusten ditugu gainontzeko itsasontzietan, pozoina daramaten autoak… gure merkantzia bakarra zoramena da. Gizartearen ispilua besterik ez gara”. Itsasontzia orain dela hamahiru egun irten zen Marseillatik (Okzitania), eta Galizian geldialdia egin ondoren iritsi da Pasaiako badiara. Hala ere, bidaia askoz luzeagoa izan da: 23 urtekoa. Eta bi hamarkadatan egin dutena egingo dute Pasaian: antzerki saioak eskaini. Gaur, bihar eta etzi Zoramenaren Aldarria antzezlana taularatuko dute itsasontzian bertan. Inauterian oinarritutakoa, satira eta komikotasun puntuak ditu antzezlanak, konpainiako kide Bea Insak azaldu zuen moduan. Era berean, kaian bertan 220 lagunentzako tokia duten harmailak jarri dituzte. Antzezlana ikusteko prezioek ere badute “puntu zoro” bat: pertsona bakoitzak 13 zentimo ordaindu beharko ditu pisatzen dituen kilo bakoitzeko. Hori bai, 77 gorako kiloak ez [...]

Hilaren bukaeran bilduko da Pasaiako Udalbatza, eta bertako puntu bat zein izan daitekeen azaldu du Pasaiako PSE-EEk. Mozio bat aurkeztuko dute, langabeziari aurre egiteko neurri batzuk proposatuz. “Pasaian, beste toki askotan bezala, krisia bere...

2012-2013 ikasturteko jardueretan izena eman daiteke dagoeneko San Agustin eta El Parque erretiratuen elkartean. Aurten honako jarduerak eskainiko dituzte San Agustinen: gimnasia, aretoko dantza, brodatuak, wing-chun, tai chi, puntua eta kakorratz lana...

Josu Elberdin musikagile pasaitarrak Missa Johannes Paulus II brevis motako meza estreinatuko du bihar, 13:00etatik aurrera. Oñatiko Arantzazuko Amaren Santutegiaren Basilikan izango da, eta Oñatiko Ganbara Abesbatza izango da berekin, Aitor Biain zu...

Atzo ireki zituzten Hondarribiko jaietan Bentako eremuko txosnek, sei guztira. Hasieran zortzi elkarte aurkeztu ziren eta zozketa egin behar izan zuen udalak haien artean. Hautatuetako bat Olearso Kultur Elkartea izan zen, baina azken unean uko egin diote irekitzeari eta Psilocybe Elkarteak hartu du haien lekua. Beste bost taldeek bezala atzo ireki zuten musikariek txosna, tximista eta izar banarekin dekoratuata, iaz joan zitzaizkien Mikel Ugarte eta Pako Andrade kideen oroimenez.

11:15 Haurren danborrada Mendelu auzotik abiatuko da eta Amute, Kosta eta Santa Engrazia igaro ondoren, hiriguneko kaleetan amaituko du bere ibilaldia. 12:00 Hiriko jaien hasiera ofiziala, suziri eta kanpaihotsez. Bitartean, txistulariak hiriko kaleeta...

Herrira mugimenduko Hondarribiko batzordeak deituta, preso eta iheslarien aldeko brindisa egingo dute gaur arratsaldean txosna eremuan, 20:00etan. Gainera, hilaren 9an, igandearekin, Herrira Eguna ospatuko dutela esan dute presoen sustengurako taldetik...

Konpainiako lehen kantinera izandakoaren iloba da. Aurten txilibitoarekin lehen aldiz desfilatzeko asmoa zuen. Jaizkibel konpainia parekideko kantinera da Olaia Arbelaiz (Hondarribia, 1988). Izaskun Larruskain kapitainak zozketaren berri emateko deitu zionean ezetz esan zion aurrena, ez baitzekien aurkeztu zutenik ere. Bere izeba Ainhoa Arbelaizek eman zuen bere izena, 1997 urtean Jaizkibeleko lehen kantinera izandakoak. Izebarekin hitz egin izan du, baina garai hartakoek eta oraingoek zer ikusteko gutxi dutela uste du. Horregatik baliagarriagoak izan zaizkio duela bi urteko kantinerak idatzitako oharrak, eta beste konpainietako aurtengo kantinera batzuekin ere hitz egin duela onartu du. Zer moduz moldatu zinen lehen bi entseguetan? Bigarren entseguan jada oso lasai egon nintzen [elkarrizketa atzo eguerdian izan zen, azken entseguaren aurretik]. Pasatu beharrekoak lehen egunean pasatu nituen, eta hala ere nik uste nuena baino lasaiago egon nintzen astelehenekoan. Eta herenegun oso gustura egon nintzen. Jaizkibelek, gainontzeko konpainiatik bereizten dituen zenbait ezaugarri ditu, besteak beste, kantineraren hautaketa zozketa bidez egiten duen konpainia bakarra dela. Zer sentitu zenuen aurtengo kantinera zu izango zinela jakitean? Ez nekien aurkeztu nindutenik ere. Aurten lehenengo urtez atera behar nintzen txilibitua jotzen, eta inoiz ez dut aipatu kantinera izan nahi nuenik. Izebak eman zuen nire izena eta zozketaren ondoren Izaskunek —Larruskain, konpainiako kapitaina— sakelakora deitu [...]

Urdaburu elkarteak hurrengo larunbaterako (hilak 15) irteera antolatu du. Ibilbidea Iturzaetatik (Larrauko gaina) Bagargira (Iratiko txaletak) izango da, eta bidean, Orhi, Zazpigaina, Hodeizugaina eta Pellusagaina zeharkatuko dituzte. Ibilbidea sei ord...

1938an eta 1939an jaiotakoek bazkaria egingo dute urriaren 6an, Lintzirin jatetxean. Hara joateko 55 euro sartu beharko dira Euskadiko Kutxako 011.1.22217.3 zenbakian. Informazioa: 943 00 26 70, 943 51 20 51 eta 943 51 28 79.