Langabeziari aurre egiteko mozioa aurkeztuko du PSEk
Hilaren bukaeran bilduko da Pasaiako Udalbatza, eta bertako puntu bat zein izan daitekeen azaldu du Pasaiako PSE-EEk. Mozio bat aurkeztuko dute, langabeziari aurre egiteko neurri batzuk proposatuz. “Pasaian, beste toki askotan bezala, krisia bere...
Hilaren bukaeran bilduko da Pasaiako Udalbatza, eta bertako puntu bat zein izan daitekeen azaldu du Pasaiako PSE-EEk. Mozio bat aurkeztuko dute, langabeziari aurre egiteko neurri batzuk proposatuz.
“Pasaian, beste toki askotan bezala, krisia bere alderik gogor eta ilunena erakusten ari da. Langabezia tasa igotzea da horren seinalea”, esan dute sozialistek. Oarsoaldeko datuak “bereziki larriak” direla uste dute: “Langabezia etengabe hazten ari da, eta familia pasaitarrek gero eta behar gehiago dituzte”.
Horregatik, Pasaiako Udalak langabeziaren kontrako borroka “lehenetsi” behar duela uste dute. “Baliabide gehiago jarri behar ditu udalak lanpostuak sustatzeko eta sortzeko. Lanpostu horiek eragin zuzena eduki behar dute udalerrian bertan”, gaineratu du udal talde sozialistak: “Ezin dugu eskuak gurutzatuta itxaron”. Horrela, Oarsoaldea Garapen Agentziaren Lan Estruktura egitasmora 75.000 euro zuzenean bideratzea eskatu dute. Agentzia hori “oso baliagarria” dela iritzi diote.
Aurrekontuen eztabaidan horrelako proposamen bat aurkeztu zutela gaineratu dute, “baina baztertua izan zen”. Mozioa gai zerrendan sartzea espero dute.
