Ezker Anitzak Nicolas Gerendiain Irungo Errepublikarrak elkarteak antolatutako argazki erakusketaren aurkako erasoak gaitzetsi ditu.


Gaztelako tropek 1512. urtean Nafarroako Erresuma indarrez konkistatu zutela gogoratzeko ekitaldi nazionala deituta dago larunbaterako Iruñean. Bixi- Bixi elkarteak autobusa antolatu du hara joan nahi duen guztiarentzat. Autobuserako zerrendak Itziar...

Egitaraua Ostirala 18:30. Txupinazoa, Auzokalten. Ondoren. Lartaungo txistulariak eta buruhandiak. 20:00. Kartelada, Olaizola parean hasita. 21:00. Bertso afaria, Auzokalten. 00:00. Bad Sound System. Larunbata 10:00. Duatloia, Uztapide plazan. 11:30...

Asteazken goizetan Damarri plazan duela bi urte egiten hasi ziren nekazaritza azoka, orain larunbat goizetan ere egingo dute, udan garaian. Duela zenbait urte azoka jartzeko saiakerak egin eta aurrera atera etziren arren, Hondarribiko hamaika ekoizle inguruk parte hartzen dute asteazken goizetan egiten duten baserritarren azokan. Azoka hauen helburua, bertako produktuak ezagutzera ematea eta Hondarribiko baserritarrei salmenta errazteko tresna ematea da. Hondarribian badira Irunera eta inguruko beste herrietako azoketara saltzera joan ohi diren baserritarrak, baina badira ere bertako denda txikien bitartez produktuak merkaturatzen dituzten ekoizle txikiagoak. “Tamalez, denda horiek desagertzen doaz pixkanaka eta asteazken eta orain larunbatetan ere egingo den azoka hau salmentarako bidea izan daiteke ekoizle horientzat”, esan du gaur goizean, Damarri plazan egin zuten prentsaurrekoan, Gregorio Berrotaranek, Udaleko Landa zinegotziak. Uda sasoiko produktuak Azoka egiten hasi zirenetik, salmenta kopurua bikoiztu egin zen, eta ekoizleak gehitzen joan dira. “Larunbatetan egitea polita izango da, jende gehiagok eguna libre dauka, eta kanpotik ere jende asko hurbiltzen da Hondarribira uda garaian. Itxaropena jende ezberdin gehiago biltzea da”, gehitu du Landa zinegotziak. Larunbateko azoketan parte hartuko duten baserritarrak asteazkenetako berdinak izango dira eta horiekin batera, beste baserri bat ere izango da: Pantxilenea. Gainera, Bidezko Merkataritzako produktuak saltzen dituen postu bat egongo da. Larunbatean egingo [...]

Hondarribiko Udaleko Euskara zerbitzuak hizkuntza honen erabilera sustatzeko diru-laguntzen deialdia ireki du. Udalak guztira 19.832 euro bideratuko ditu deialdi honen baitan dauden euskararen erabilera sustatzeko helburua duten bost ataletara. Horien...

Akelarrek antolatuta, Mediatekak Hasier Etxeberriaren ‘Inesaren balada’-ren irakurketa publikoa jasoko du gaur Gaur, Akelarre Euskal Kultur Elkartearen Literatur Menturak antolatzen duen Irakurraldiaren hirugarren ekitaldia eginen dute Francois Miterrand Hendaiako Mediatekan, 14:00etatik aurrera. Hasier Etxeberriaren Inesaren balada liburua hautatu dute aurten, eta Etxeberriak berak eginen du irakurketa publikoaren aurkezpena. Guztira 80 pertsonak parte hartuko dute ekimenean, baina askoz gehiago izanen dira Irakurraldia jarraitzeko aukera izanen dutenak: batetik, Mediatekaren kanpoaldean pantaila erraldoia jarriko dutelako, eta, bestetik, lehen aldiz streaming bitartez emango dutelako. 2010ean antolatu zuten lehen irakurketa publikoa; orduan euskal ipuin eta kondairak irakurri zituzten; 75 lagun elkartu ziren Mediatekan. Iaz, animalien gaia landu zuten, eta ehunetik gora pertsonak parte hartu zuten. Aurtengo saiorako Hasier Etxeberriaren Inesaren balada liburua hautatu dute. «Irungo Toki Alai ikastetxean liburua irakurketarako eduki zutela, eta ikasleen artean arrakasta handia izan zuela entzun nuen, eta lantaldean proposatu nuen. Ondo iruditu zitzaien, gazteak erakartzeko egokia zelako», dio Gema Elorriagak, Irakurraldiko antolatzaileetako batek. Berak eta Miren Intxaustik hartu dute lan gehiena. «Itsasoarekin lotutako liburu bat aukeratu nahi genuen», gaineratu du Intxaustik. Arratsaldeko ordubietan hasiko da gaurko irakurketa publikoa. Jendeari garaiz joateko eskatu diote, batez ere, hasierako ekitaldirako. Liburuaren egileak aurkeztuko du ekitaldia, eta puntu eta amaieraren ondoren ere Etxeberria izanen [...]

Emakumeen indarkeriaren kontrako elkarretaratzea egingo dute larunbatean, 12:00etatik aurrera, Zabaltza plazan. Udaleko Ongizate Aholku Batzordeak eta hiriko emakume taldeek antolatu dute elkarretaratzea, hilabetero bezala.

Osteguneko 24:00etatik ostiraleko 06:00ak arte argi mozketa izango da Elizalde auzoko honako kale hauetan: Yon Oñatibia etorbidea; Iparralde etorbidea; Manuel Lekuona etorbidea; Mendiburu kalea; Rafael Pikabea etorbidea; Doneztebe plaza; Landetxe plaz...

Pilar Peña, Kuki Garcia eta Carlos Zapirain dantza eskoletako ehunka dantzarik parte hartuko dute asteburuan Dantzaburua 2012 ekimenaren zazpigarren urtean. Hiru eguneko jaialdia Hondartza kiroldegian egingo dute, eta ikasturtean zehar eskoletan egiten duten lana erakutsiko dute. Saskibaloi kantxa, dantza taula bihurtuko dute. Dantza eskola bakoitzak egun bat dauka bere lanak erakusteko eta Pilar Peña dantza eskola beteranoak hasiko du ekimena, etzi. 28 urte bete ditu aurten eskolak, eta adin guztietako 200 dantzari inguruk parte hartuko dute etziko saioan. Taldeko dantzak izango dira guztiak, eta jazza, funkya eta egungo dantza estiloen koreografiak erakutsiko dituzte, bi orduz. Bigarren egunean, Kuki Garcia dantza eskolaren txanda izango da. Eskola gazteagoa den arren, Dantzaburua egiten hasi ziren urtetik parte hartu du dantzaldian. Dantza modernoak egingo dituzte eta taldeko koreografiak izango dira nagusi. Hala, dantza estilo berriak jorratuko dituzte. Areto dantzak Dantzaburuaren hirugarren emanaldia izango da ezberdinena. Carlos Zapirain dantza eskolak emango du eta aretoko dantzak izango dira. Aurreko bi egunetako agertokia kenduko dute, eta kantxa libre utziko dute bikoteen arteko dantzez gozatzeko. Carlos Zapirain dantza eskola, Pilar Peñarenaren antzera, herriko eskola zaharrenetakoa da. Sarrerek bi euro kostatuko dute eguneko, eta kiroldegian bertan eros daitezke, saioak hasi aurretik. Egitaraua Etzi, Hilak 15 Pilar Peña dantza eskola. [...]

1952an jaio ziren antxotarrek kintoen eguna prestatu dute urriaren 6rako. Egun osoko plangintza egin dute. 12:30ean meza izango dute San Fermin elizan, eta gero, Zaharren Tokian bazkaria egingo dute. Ondoren, ez da musika ezta dantzarik ere faltako, «...

Gabriel Zabala Irungo presoari ezarritako 197/2006 legearen aurkako —Parot doktrina bezala ezagunagoa— jarrera erakusteko asmoarekin, mobilizazioak deitu ditu Irungo Herri Bilguneak, biharko. Hala, eguerdiko 12:30ean eta Urdanibia plazatik abiatuta...

Oarsoaldeko AEK-ko lau euskaltegiek matrikulazio kanpaina aurkeztu zuten atzo. Urtero bezala, aurten ere ikastaro mota asko eskainiko ditu AEK-k. Euskara bizia da matrikulazio kanpainaren aurtengo leloa: “Bizi-bizia dator aurten AEK matrikulazio garai honetan, bizi baitugu euskara, gure hizkuntza; bizi baikara euskaraz. Aurten ere, ohi bezala, hizkuntza bera ikasteko eta lantzeko abagune bizia”. AEKren nahia euren metodologia eta konpromisoa Euskal Herri osoko txokoetara eramatea da euskalduntzea aurrera eramateko. “Horregatik gara hedapen zabalena duen euskaltegi sarea”, esan dute AEK-ko kideek. Gainera, azken urteetan helduen alfabetatze eta euskalduntzearen arloa erronka berrietara “egokitzen” saiatu direla azaldu dute. Egokitzapenaren “fruituak” Oarsoaldeko AEKren arduradunen arabera, erronka berrietara egokitzeko prozesu horrek hainbat fruitu eman ditu. Autoikaskuntza sistema da horietako bat. Ordutegi aldetik edo beste faktore batzuengatik ezintasunak dituztenei sistema hori eskaini diete orain arte Lezon eta Oiartzunen, bertako udalen laguntzaz. Ikasturte honetan ez da bi udalerri horietara bakarrik mugatuko: Pasai Antxoko AEK Txirrita euskaltegian ere autoikasketa jarriko dute abian. Horrez gain, ez da familia transmisio eta Gogoa Zubi bezalako kanpainarik faltako, “hizkuntza bat ikasteko eremu naturaletan eta eraginkorretan sinisten dugulako AEKn”. Zehaztu dutenez, mota horretako kanpainak «eredu» dira Euskal Herri osoan. Eskualdeko hainbat enpresekin ere aritu dira lanean, bai euskalduntze orokorrean, baita xede berezikoetan ere. Pasaiako [...]

Kultur Etxea irailaren 20an zabalduko da eta, ziur asko, Itsas Etxeko auditoriumarekin gertatu zen bezala, gobernu taldeak inaugurazioa aurrera eramango du bere kudeaketaren eta erabileraren irizpideak zehaztu gabe. Hau kontuan hartuz, Bilduk premiazkoa ikusten du gobernu taldeak informazio hau lehenbailehen publiko egitea, batez ere, Zuloaga Etxea berritzeko proiektuan, bertan dagoen aretoaren desagerpena jasotzen delako, orain arte kolektibo ezberdinek eta elkarteek erabili izan dutena. Eraikin berri honek udal kontuetatik 6 milioi euro baino gehiago suposatu ditu, eta oraindik zehazteko dago bere mantenurako (ura, berogailua, garbiketa…) zenbat euro ordaindu beharko diren. Momentu honetan Hondarribia Hiria Musika Banda Kultur Elkarteak, Txistulari Taldea eta Mintzaira Musika Eskola pribatuak (Hondarribiko Musika Eskola) dira beren jarduerak aurrera eramateko Kultur Etxean tokia bermatuta duten bakarrak. Eraikin berria publikoa dela kontuan hartuz, Bilduren iritziz, Kultur Etxea edozein kultura jarduera aurrera eramateko eta dirua lortzea helburua ez duen, pertsona, kolektibo eta herriko edozein talderentzako baliagarri izan beharko luke. Irabazi asmoa duen eta diru laguntza moduan 103.700 euro jaso dituen Mintzaira akademia pribatuaren kasuan —eta musikaren arloan gure herrian garatzen ari den lana aitortuz— eraikinaren zati handi bat egokituko zaio, hori dela eta, Bilduk beharrezkoa ikusten du, gobernu taldeak elkarte honekin zehaztu dituen baldintzak zeintzuk izan diren lehenbailehen ezagutaraztea, eta [...]

Bihar, 197/2006 doktrinaren kontra mobilizatuko dira. Herrirak antolatuta, 12:30ean elkarretaratzea egingo dute Niessen merkataritza gunearen atarian. Herrirak gogorarazi du Estrasburgoko Giza Eskubideen Auzitegiak Ines del Rio presoaren kasuan argitar...

Igandetik hilaren 22ra Mugikortasun Astea da, eta horren barruan, autorik gabeko eguna ere egiten da. Testuinguru horretan, Errenteriako Udaleko Ingurumen Sailak paseo osasungarria antolatu du etzirako. Bost kilometroko ibilbidea egingo dute, eta Zumar...

Joan den asteburuan jokatu zuten Espainiako Estatuko Bigarren Mailako lehia Oiartzungo neskek. Lehen partidan, 1-3 irabazi zioten Logroño taldeari.

Oarsoaldeko Langabeen Batzarra astelehenean elkartuko da, ohi bezala, 12:00etan Herriko plazan. Bilera irekia da; edonork parte har dezake.