
Hilero aldatzen dute erakusketa Petra Lekuona zaharren egoitzan. Abuztuan ere mostra berria jarriko dute, opor garaia izan arren. Oraingoan, Iraitz Arabolaza oiartzuarraren lanak ikusteko aukera izango dute bertara hurbiltzen direnek. Honako ordutegian...

Lohitzune Txarola Gipuzkoako Batzar Nagusiak Epaia “justua eta eredugarria” izan dela nabarmendu du Lohitzune Txarola Batzar Nagusietako lehendakariak. Txarola gustura dago epaiarekin, “justizia egin delako”. Halaber, Xabier Olano Gipuzkoako Ogasun zuzendariak ziurtatu du Bravok eskuratutako dirua Ogasunera itzultzeko lan egingo dutela, “gipuzkoarrak ezin direlako diru hori gabe gelditu”. EAJ EAJren iritziz, “bidezkoa” da Bravoren aurkako epaia: “Frogatutako delituak oso larriak dira, eta horrelako epai sendoa merezi zuten”. EAJk ohar batean esan du beti babestu duela altxor publikoaren aurkako delituekiko “tolerantziarik eza”. Halaber, gogoratu du garai hartan EAJk fiskaltzaren esku utzi zuela informazio guztia. Ezker abertzalea Ezker abertzalearen iritziz, Jose Maria Bravoren aurkako epaiak “oso jokamolde larria zigortu du, instituzio publikoak lapurretarako eta aberasteko baliatu izan zituelako”. Gainera, ezker abertzaleak dio ezin dela ahaztu Bravo “EAJren aginduetara” aritu zela. Epaiaren ondoren “ardura politikoak eskatzeko ordua” ere badela dio. Rafaela Romero PSE-EE Rafaela Romero Gipuzkoako Batzar Nagusietako PSEko eleduna ez dago gustura epaiarekin, Batzar Nagusiek eta fiskaltzak egindako zigor eskaeratik “urrun” dagoelako. “Berandu” bada ere, “justizia” egin dela onartu du Romerok. Orain, EAJk Ogasuna kudeatzeko moduaz azalpenak eman beharko lizkieke gipuzkoarrei, haren ustetan. Rebeka Ubera Aralar Aralarrentzat “garrantzitsua” da epaia, eta erakundeetan ager daitekeen ustelkeriaren aurkako borrokan sakontzeko “akuilua” izan beharko luke. [...]

Gipuzkoako Lurralde Auzitegiak 11 urteko espetxe zigorra ezarri dio Jose Maria Bravo Gipuzkoako Ogasuneko Irungo bulegoko zuzendari ohiari, besteak beste, funts publikoak “bidegabe” erabiltzea eta “dirua zuritzea” leporatuta. Bravoren emazte Rosa Cobosi hiru urte eta lau hilabeteko zigorra ezarri dio. Irungo bulegoko zuzendariaren bazkide ohi Pedro Maria Atristain, berriz, absolbitu egin dute. Udaberrian egin zieten epaiketa. Jose Maria Bravok 1,9 milioi euro itzuli beharko dizkio Gipuzkoako Ogasunari, eta isun gisa beste bi milioi ordaindu beharko ditu. Horrez gain, datozen hamasei urteetan ezingo du kargu edo lan publikotan aritu, eta Ogasunarekin lotutako lanetan aritzeko debekua 27 urtekoa da. Bere emazteari ere bi milioi euroko isuna ipini diote. Horrez gain, 1,6na milioi kenduko dizkiete biei, euren ondasunetatik. Epaiaren arabera, 1990eko hamarkadan Gipuzkoako Ogasunean egindako zortzi milioi euroko iruzurraren erantzule nagusia da Bravo. Ogasunarekin zorrak zituzten herritarrei diru kopuru bat eskatzen zien hark, zor hori ordaintzeko gai ez zirela argudiatzeko. Hori egitearen truke, 1,9 milioi euro eskuratu zituen Bravok. Akusazioak epaiketan esan zuenez, diru hori hainbat enpresaren bitartez zuritu zuen, eta horretarako Cobosen laguntza izan zuen. Fiskalak Bravoren aurka 24 urteko espetxe zigorra eskatu zuen, eta, aldundiak eta Batzar Nagusiek osatutako akusazio partikularrak, berriz, 27koa. Bi aldeek sei eta zazpi urte arteko espetxealdia [...]

Larunbatean izarren urteko lehen behaketa egin zuten Aiako Harrian, Irungo Udaleko Ingurumen arloak eta Behemendi Landa Garapenerako Elkarteak antolatuta. Ekitaldia arrakastatsua izan zen, eta abuztuan berriro elkartuko direla adierazi du Miguel Angel ...

Bihar da Santiago Eguna, Santiago auzoko jaien egun handia. Baina lehenago, bertakoek badute zer egin eta zer ikusi. Gaur, 17:00etan, merienda prestatuko dute haurrentzat, eta gero betiko jokoetan aritzeko aukera izango dute, auzo elkartearen egoitzare...

Hondarribiko VI. Masters zesta puntako txapeldun berriak dira Olharan eta Lopez. Ostiral arratsaldean jokatu zuten final handia Hondarribiko Jostaldi pilotalekuan, eta Erkiaga eta Hernandez 30-26 menderatzea lortu zuten. Ostiralekoan ere, Hondarribiko frontoia bete egin zen.

Ostiraleko Itziar Mendizabal bakarlariaren ikuskizunerako Arma Plazan eta Kirol Kaian jarri zituzten sarrerak bukatu dira. Ostiralean, geratzen diren azken sarrerak salgai jarriko dituzte arratsaldeko zazpietan Itsas Etxean. Emanaldian Itziar Mendizaba...

Santioak, Iturriozko jaiak, gaur hasiko dituzte. 19:00etan, lertxuna altxako dute auzoan ohitura dutenez, eta horrekin hasiko dira San Inazio Egunera arte luzatuko dituzten jaiak. Egunero zer dagoen jakiteko interesa dutenek, hemen kontsulta dezakete.

Aste osoan zehar, gaurtik, Hendaiako eta Pausuko hainbat tokitan OARSO BIDASOKO HITZA jasotzeko aukera dute hala nahi dutenek. Banaketarekin izandako arazoak direla-eta hartu du HITZA-k neurria. Honako tokietan jaso daitezke egunkariak: Hendaiako Herr...

Giro paregabearekin eta parte hartze handiarekin aurrera doaz Madalen Jaiak. Oraindik, baina, bi egun oso daude aurretik, 48 ordu, eta denen neurrira antolatutako hamaika ekitaldi geratzen dira jaiekin gozatzen jarraitzeko, aurtengo jaiei agur esan aurretik. Koadrilen eta Erretiratuen Eguna izan zen atzokoa. Lehenengoek aurreikuspen guztiak txiki utzi zituzten, 670 lagunek hartu baitzuten parte Agirre Lehendakariaren plazan antolatutako bazkarian. Eguzkiak ere ez zuen kale egin nahi izan laranja bilakatu zen txosna gunean. Gogotik berotu zuen, bazkarirako itzalik harrapatzerik izan ez zutenen zoritxarrerako. Idi-demak Pontikan Giroa, baina, goizean goizetik jarri zuten herriko koadrilek. 10:00etan hasi ziren estreinakoz antolatu zuten lehiaketarako entsaladak prestatzen. Batzuk landuagoak eta beste batzuk, berriz, prestatzen errazagoak, guztiak bazkariko lehen platera bihurtu ziren. Paella erraldoiarekin lagundu zuten entsalada, eta otordua ongi bukatzeko, kaferik ez zen falta izan. Bazkaria eta gero, berriz, koadrilek antolatu eta DJ Bullek girotutako poteoak hartu zituen kaleak. Bestelako hautua egin zuten Pontika aldera jotzea erabaki zutenek. Bertan idi-demen madalenetako hogeita hamalaugarren saria egin zuten atzo, goizez eta arratsaldez. Asko izan ziren bertara hurbildu zirenak. Zahar egoitzakoak ere jaietan Txikienak, berriz, hamarnaka eta haien gurasoak atzetik, Xanti eta Maialen erraldoiekin batera ibili ziren eguerdiaz geroztik herriko kaleetan barrena, buruhandietatik ihesi. Zahar egoitzakoek ere jaiekin bat egin [...]

Ardura Paliatiboetarako Euskal Elkarteak eta Mugarik Gabeko Paliatiboak elkarteak antolatuta, hilzorian daudenen inguruko familientzako jardunaldia egingo dute Errenteria-Oreretan, asteartean. Komenigarria dela iritzi diote familientzat halako ekintzak...

Irunvik jakitera eman duenez, datorren azaroaren 27an Porcelanas-Zubelzu eremuko babes ofizialeko etxebizitzen zozketa egingo da Artaleku kiroldegian, goizeko 11:00etan. Guztira, 90 etxebizitza zozketatuko dira, 90 ganbara eta 90 garajerekin batera. Etxebizitzen zozketa kupo ezberdinetan banatuta dago: lagun batentzat, bi, hiru eta gehiagorentzat. Halaber, behin betiko elbarritsaunen bat duten lagunentzako kupo bat dago. Babes ofizialeko etxebizitzak Irunvitik gogorarazi dutenez, Oinaurreko babes ofizialeko etxebizitzen lehen fasean 300 etxe eraiki ziren. Oraindik bigarren fasean zenbat etxebizitza eraikiko diren ez dute zehaztu baina datorren urtean abiatuko direla ezagutzera eman dute. Era berean, San Migel-Anaka eremuko babes ofizialeko etxebizitzak eraikitzen hasteko lehen pausoak eman direla adierazi dute Irunvitik.

Oarsoaldeko Langabeen Batzarrak astelehenetik ostiralera pasatu du berriro batzarraren eguna, eta horrenbestez, bihar izango da, 19:00etan, Herriko Plazan. Eskualdeko langabe guztiak animatu dituzte batzar irekira joateko. Berriro gogorarazi dute langi...

Lan Erregulazioa Txostena aurkeztu du Catelsak; langileak, kaleratze baldintzak jakiteko zain daude Astelehenean egin zuten, oraingoz, azkeneko bilera Catelsako enpresa batzordeak eta enpresaren ordezkariek. Enpresa itxiko zutela jakin eta ia bi hilabetera, berririk gabe jarraitzen dutela salatu dute langileek: «Berdin jarraitzen dugu, zein baldintzetan kaleratuko gaituzten jakin gabe». Kepa Olaiz enpresa batzordeko kideak zehaztu du legezko epeak agortzear daudela, lau bilera egin dituztela, baina hasieran bezala daudela. Urrats bat gehiago egin du enpresak, ordea: Lan Erregulazio Txostena aurkeztu du eta txosten hori tramitatzeko epearen barruan daude. Duela bi aste eman zien enpresak langileei txostena, balantze ekonomikoekin eta itxieraren arrazoiekin, eta joan den asteleheneko bileran, dokumentu horiek langileei azaldu zizkien, aurrez aurre, datu gehiago jakinarazi gabe. «Enpresak jarraitzen du esaten Catelsa ez dela bideragarria. Guk hori beti zalantzan jarri dugu, eta horrela esaten jarraitzen dugu», gogorarazi du Olaizek. Halakoak tramitatzeko epea 30 egunekoa izaten da eta hamar inguru falta dira epea agortzeko. Enpresak argi utzi du «itxierak ez du atzera bueltarik». Hala, kalera zein baldintzetan joango diren jakin nahi dute langileek. Lehenengo bileran, langileei esan zieten kaleratzeagatik emango zizkieten laguntzak «izugarriak» izango zirela, «legeak jasotzen duena baino hobeak». Langileek, baina, ez dakite laguntza edo kalte-ordain horiek zer eta nolakoak izango diren. [...]

Ella y el: ficciones gaztelerazko antzezlana emango du Legaleon-T antzerki taldeak, ostiralean, Amaia KZn. Emanaldia arratsaldeko 20:00etan abiatuko da eta sarrerak 6,60 euroan salgai jarriko dira. Antzezlana Futuro simple, futuro imperfecto –Etorkizun sinplea, etorkizun inperfektua– bideotik sortutakoa da. Artiumen 2010. urtean egindako topaketa baten ondorioz grabatu zuten bideoa. Txubio Fernandez de Jauregik eta Esperanza Lopezek beren etorkizunaren hipotesi bat planteatzen zuten bertan: “urte batzuen buruan desagertuta –egungo krisiarengatik eta bereziki antzerkiaren krisi etengabearengatik– egungo egoera kontuan hartzeko etorkizunetik aholku batzuk bidaltzen dituzte”. Bideoa eginda beste hainbat aukera zeudela ikusi zuten Fernandez de Jauregik eta Lopezek, eta oholtza gainean antzezteko formatua diseinatu zuten. Bertan, bi antzezleen zein bi dantzari garaikideen rolak betetzen dituzte protagonistak. Hala, antzezlanaren hasieran planetatik desagertzen dira eta zenbait arrasto uzten dituzte: USBak, MP3ak… Arrasto horiek segituta, bi artista horien irudia eraikitzen saiatzen dira Monica eta Rene pertsonaiak eta horren ibilbide abstraktua erakusten dute agertokian.

Amerikako Estatu Batuetako hauteskundeen inguruko hausnarketa egiteko helburuarekin, Asier Vallejo Itsasoren hitzaldia antolatu du Irungo EGIk, batzokian. Solasaldia ostiralean hilaren 23an izango da, arratsaldeko 19:30ean. Irungo EGIk antolatutako hit...

Miguel Angel Otsoa de Alda eta Imanol Diaz de Garaioren Nafarroa ikus-entzunezko lana emango du Zure Abenturaren Bila programak ostegunean, Amaia KZn (19:30). Nafarroa osoan zehar egindako bidaia azaltzen dute egileek; Nafarroa Behea eta Nafarroa Garaian grabatutako irudiak, hain zuzen. Hala, iparraldean kolore “berdea” nagusitzen dela nabarmendu dute egileek, eta hegoaldean, aldiz, “okrea” nagusi dela gaineratu dute.

Etxean Bizirauteko Tailerra etzi abiatuko da Martindozenea gaztelekuan. Gazteria arloak abiatutako ekimenaren laugarren ekitaldia izango da aurtengoa, eta etxean bizirauteko ikuspegi eta arlo ezberdinak landuko dira bertan. Ikastaroa, 18 eta 30 urte ar...

Bidasoko M15 mugimenduak “emakumeen kontrako bortizkeriaren gainean” hausnartzeko helburuarekin zineforuma antolatu du igandean, azaroaren 25ean. Plataformak Emakumeen Kontrako Indarkeriaren Aurkako Nazioarteko Eguna medio antolatu du hitzo...

Santa Zezilia Eguna dela eta, Irungo Musika Eskola eta Udal Kontserbatorioko ikasleek kontzertua emango dute bihar, Mendibileko Musika Eskolaren aretoan, 19:30etik aurrera. Halaber, 2011-2012 ikasturteko diplomen banaketa egingo dute. Raffaela Acellare...