
Hondarribiak Pasaiako Portu Agintaritzaren Bandera irabazi zuen herenegun, eta San Miguel Ligako lidergoari eutsi dio. Mikel Orbañanosen mutilek Pasaian erakustaldia eman zuten, eta garaipena lortzeko azken luzean, Kaiku nabarmen atzean uztea lortu zuten. Ziabogak erabakigarriak izan ziren Pasaiako estropadan, eta Hondarribiak azkeneko maniobra ederki egin, eta 19 minutu eta 47 segundotan gelditu zuten kronometroa. Sestaoko trainerua bigarrena izan zen hamar segundora, eta San Juan hirugarrena iritsi zen, hamabira. San Pedro, estropadaren antolatzailea, bosgarren postuan sailkatu zen, hemezortzi segundora. San Juanek irabazi zuen bigarren txanda. Hala, ohorezko txandako ontziek arrosen denbora gainditzea izan zuten helburu, eta Hondarribiak eta Kaikuk bakarrik lortu zuten hori. Sailkapen nagusian, Hondarribiko ontziak Kaikurekin zuen aldea bi puntu handitu du, hala, 87 puntu dituzte berdeek. Urdaibai da hirugarrena, San Juan laugarrena, Tiran bosgarrena eta San Pedro seigarrena. Larunbatean, Ribamontan al Marren (Kantabria, Espainia), jokoan izan zuten GP Dynasol bandera, eta Hondarribia hirugarren, San Pedro laugarren eta San Juan bosgarren sailkatu ziren. Kaikuk eraman zuen bandera etxera. Nesketan, laugarren San Juan Euskotren Ligako bi estropada jokatu dituzte asteburuan. Hirugarren sailkatu zen San Juan herenegun Pasaian, eta laugarrena izan zen larunbatean Ribamontan al Marren. Zumaiak irabazi zuen Pasaian, eta Rianxeira Mecaliak Kantabrian. Sailkapen nagusian Zumaia dago lehen postuan, Rianxeira [...]

Gipuzkoako Lurralde Auzitegiak 11 urteko espetxe zigorra jarri dio Jose Maria Bravo Gipuzkoako Ogasuneko Irungo bulegoko zuzendari ohiari. Haren emazte Rosa Cobosi, berriz, hiru urte eta lau hilabetekoa. Udaberrian egin zieten epaiketa eta, besteak bes...

Aurreko batzarraldiko aktaren onarpena. Laikotasunari buruz Bilduk aurkeztutako mozioa. Epaitegi Gorenak emandako epaiaren berri ematea, Udalbatzak 2008/02/18an harturiko erabakia deuseza deklaratzen duena. Epaitegi Gorenak emandako autoaren berri ema...

Herenegun zabaldu zuten Ficoban Arteando, arte garaikidearen feria. 50 erakusketarien artean, Irungo Udalaren stand-a dago, eta aurten, artista gazteen aldeko hautua egin dute udaleko ordezkariek, eta gaur bertan aurkeztu dute postua gazteek, eta udaleko kideek. Belen Sierra Kultura zinegotziak azaldu duenez, sortzaileei askatasuna eman diete azokan hiriaren irudia zein izango den erabakitzeko orduan, eta arlo publikoaren eta pribatuaren arteko elkarlana nabarmendu du: “Horrela, gazteek, egiten dutenaren berri emateko aukera gehiago izango dituzte, eta aldi berean, hiria kultur sorkuntzan ezagutarazteko bidea izango da gazteek jorratuko dutena”. Hilaren 23ra arte izango da zabalik Ficobako feria.

San Miguel Ligaren barruko zortzigarren estropada eta Euskotreneko laugarrena jokoan izango dute bihar (igandea), 12:00etatik aurrera, Pasaiako badian. Gizonen kasuan Pasaiako Portu Agintaritzaren II. Bandera izango dute jokoan ligako hamabi traineruek; emakumeak Euskotren Banderaren bila joango dira. Berezitasun bat dute, ordea, biharko bi lehiek: luzeak ohikoak baino motzagoak izango direla, hortaz, normala baino ziaboga gehiago eman beharko dituzte ontziek. Pasaiako badiaren barruan, portuaren eremuan, izango dira lehiak. Lemazainen lana, beraz, erabakigarria izango da. Izan ere, gizonek sei luze eta bost ziaboga egingo dituzte, eta emakumeek hiru luze eta bi ziaboga. Sanpedrotarra Arraun Elkarteak antolatuko du biharko estropada. Horregatik, bi banderen aurkezpenean, bertan izan zirenek esan zuten sasoiko estropada “berezi eta politenetakoa” izango dela biharkoa, bai eremuagatik, baita Pasaiak duen arraun tradizioagatik: aukera dago San Juan eta San Pedro txanda berberean ateratzeko, garai bateko norgehiagoka historikoetan bezala. Hondarribia da bandera irabazteko faboritoetakoa, Kaiku eta Urdaibairekin batera. Biharko txandak, gaurko Ribamontan al Mar Banderaren (18:00etatik aurrera, Pedreñan) emaitzen arabera antolatuko dituzte. Ikuskizuna ziurtatuta dago.

Atzoko udalbatzarrean onartutakoaren gaineko iritzia eman du Pasaiako PSE-EEk. Sozialisten arabera, udalaren eta San Markoren arteko hitzarmena “aldez aurretik hitzartutako erabakia” izan da, eta zentzu horretan, bereziki kritikatu dute Ezk...

Derio izan da errezeta elektronikoa erabil daitekeen lehen herria, baina irailetik aurrera beste zenbait herritan ere erabili ahal izango da, eta Hondarribia da horietako bat. Horrenbestez, hemendik hilabete pasatxora farmazietan e-rezeta edo errezeta ...

Lezoko PSE-EEk legegintzaldiaren balantzea egin du, eta nota jarri dio Bilduren udal gobernuaren kudeaketari: “zero, edo zero azpitik, hondakinen gaia kontuan hartzen badugu”. Aurreko gobernu taldearekin “aldaketarik ez dagoela” zehaztu du Mikel Antxon Arrizabalaga Lezoko zinegotzi bakarrak. “Betiko ezker abertzalea da, hauteskunde marka ezberdinekin, eta pertsona ezberdinak diren arren, jarraikortasun politiko osoa dago”. Horrela, gobernu planik ez izatea egotzi dio Bilduri, eta lau urterako plan ekonomiko bat egitea eskatu die. “Gainera, 2012ko aurrekontuetan esan daiteke inbertsioa zerora jaitsi dela”. Arrizabalagaren ustez, udal gobernuak egin duen “gauza bakarra” nahasmena sortzea izan da. “Oiartzungo udaltzaingoarekin egindako patruila bateratua bezalako okurrentzia izan zuten. Urteetan dirua galdu ondoren, Ertzaintzari utzi diote zerbitzua, orain dela urteak egin behar zuten zerbait denean”., esan du. “Inkoherentziak” ere gaitzetsi ditu PSE-EEko zinegotziak. “Musika eskolako hainbat irakasleren dedikazioa jaitsi dute, udaltzainen gaueko zerbitzua kentzeagatik konpentsatzeko. Zerbitzu eskaintzen ez bada, ez da ordaintzen. Gauza hori bera esan dezakete musika eskolako irakasleek”. Hala ere, horren atzean arrazoi bat dagoela uste du: “Mesede sindikalak ordaintzeko balio izan du”. Kale argiteriarekin izandako afera ere izan du hizpide. “Kale batzuetako farolak itzaltzea ateraldia izan da”, adierazi du, eta eraginkortasun energetikoko plana egiteko eskatu die berriro. Gobernu taldeak astean honetan bertan esan du plan hori [...]

Madalen Egunean, igandean, egingo dute danborren jaia, eta bertan 500 umek parte hartuko dute. Alaberga, Telleri Alde, Gabierrota, Agustinak, Koldo Mitxelena, Galtzaraborda eta Cristobal Gamoneko haur danborradek parte hartuko dute. Errenteriako dantza...

Oarso taldeak antolatuta, bihar, 19:30ean, elkarretaratzea egingo dute Herriko Plazan, Israel Gazan egiten ari den aire erasoak gaitzesteko. Ehundik gora palestinar hil dira eraso horietan eta 900 lagun baino gehiago zauritu dira.

Sortu prozesua hilaren 24ean abiatuko dela jakinarazi zuen atzo Irungo ezker abertzaleak. “Euskal Herri osoko ezkertiar eta abertzaleon bilgune politiko berria sortzear da”, adierazi zuten, baina lehenik eta behin, Sortu prozesuan murgilduko direla azaldu zuten. Hortaz, oinarri ideologikoak zehazteko helburuarekin lehen bilera deitu dute larunbaterako, Ospitale Zaharrean, 17:00etan. “Sorturen eratze prozesuaren bultzatzaileak era guztietako irundarrak” direla azaldu zuten agerraldian. Halaber, ezker abertzalearekin harremana izandako “hainbat belaunalditako” herritarrak direla adierazi zuten, “baina gure herriak bizi duen egoera politiko itxaropentsuak batzen gaitu orain eta hemen”. Hala, “herritar batasun historikoaren adierazpen politiko berria” izango da Sortu, eta Zutik Euskal Herria ebazpena euren apustua izango dela adierazi dute. Parte hartzeko deia Sortu prozesua udaberrian abiatu zen, eta 300 lagun aritu dira lanean bertan. Orotariko “ekarpen eta emendakinak” bildu dituzte bertan ezker abertzaleko kideen arabera, eta horren “izaera parte hartzailea” nabarmendu dute. Horregatik, herritarrak “eroso” sentitzea eta prozesua “gardena” izatea ezinbestekotzat jo dituzte. Irundar oro prozesuan parte hartzera deitu dute, eta parte hartzea errazteko asmoz, haurtzaindegi zerbitzua ere eskainiko dute. Ponentziak Hazian edo Sorturen weborrian eskura daitezke. Herri batzarrak Azaroak 24. Oinarri ideologikoen eztabaida. Abenduak 15. Ildo politikoaren gaineko eztabaida. Urtarrilak 26. Antolaketa eta funtzionamendua. Otsailak 9. Barne hauteskundeak.

Mikelazulon Lola Alvarez SATeko kidearekin atzo ematekoa zen hitzaldirako bidean, Sevillako aireportuan harrapatu du HITZA-k Jose Cabello (Fuente de Andalucia, Sevilla, Espainia, 1960). Batik bat Mercadonako ekintzaren ostean egin da ezagun sindikatua, baina hori baino gehiago da. Ekintza zuzeneko sindikatua dela azaldu du. Zertaz hitz egingo duzue gaurko [atzoko] hitzaldian? Hitzaldietara bi SATeko kide joaten gara. Ni SATeko Antolakuntza Idazkaria naiz, eta sindikatuaren historiari buruz, eta aurrera eramaten ditugun mobilizazioei buruz hitz egiten dut. Hitzaldi horren laguntzen dit Lola Alvarez lankideak. Bera azkena okupatu dugun Somonte lursaileko arduraduna da. Botako dugun mezua izango da sindikatua zertan ari den Andaluzian, eta nola doan Somonteko okupazioa. Bederatzi hilabete daramatza okupatuta, eta dagoeneko fruituak ematen hasi da. Astebete pasatu da azken greba orokorretik, bigarrena zortzi hilabeteetan. SATek ere bat egin zuen grebarekin. Zein irakurketa egiten duzue? Greba Andaluzian arrakastatsua izan da, saltoki eta lantegien %80k itxi zuen. Herrietan jarraitu zuten batik bat, eta hiriburuetan ireki zituzten denda batzuk. Herrietan, ordea, ia denek egin zuten bat. Hala ere, guk iritzi diogu egun bateko grebak ez diola dagoeneko sistemari gehiegi eragiten, eta grebaz gain, beste borroka mota bat egin behar dela. Edo gehiago iraungo duen greba bat edo beste borroka mota bat (gu egiten ari [...]

Bihar, 22:30etik aurrera, kontzertua izango da De Cyne Reynan. Urrutitik etorritako taldea igoko da oholtzara oraingoan: Brasilgo Yemamah. Brasilgo doinuak entzuteko aukera izango dute Zumardiko tabernara joaten direnek: Bossa nova, samba, fogo… ...

Elorsoro kiroldegiko 2013ko lanak egiteko, zenbat aste itxi behar duten galdetzen ari dira kiroldegiko arduradunak bazkideei. Abenduaren 5era arte, sarreran dagoen mahaian bozkatu ahal izango dute 16 urtetik gorako bazkideek, eta bi aukera hauen artean...

Zinea eta musika eskutik emanda joango dira igandean Varietes aretora, Jamaika eta reggaee musika protagonista izango duen ekitaldira. 17:00etan hasita, Bob Marley musikariari buruzko dokumentala, dastaketa gastronomiko tropikala eta reggae kontzertua izango dira. Hasteko, Kevin Macdonald zuzendariak landutako Marley dokumentala emango dute. Antolatzaileek aurreratu dutenez, “lan liluragarria, ederki filmatua, pasa den mendeko itxura enblematiko horren ulertzeko” egokia da. Marleyren figura sakon lantzen duen grabaketa da, bi ordu eta erdiko luzerakoa. Jamaika usaineko ekitaldia, nola ez, kontzertu batekin amaituko da. Baina aurretik indarrak hartzeko aukera izango dute bertaratzen direnek, Hendaian bizi den Martinikar batek prestaturiko espezialitate tropikalekin. Dokumentala amaitzerako prest izango da mahaia. 70. hamarkadako estandarrak Kontzertua 20:o0etan hasiko da. Herriko sOOn cOme taldeak Bob Marleyren errepertorio luzetik hautaketa bat joko du ordubetez. Christophe Donnat (ahotsa eta gitarra), Cedric Ilhardoy (bateria) eta Gregory Ampen (baxua) musikariek osatzen dute taldea. “70. hamarkadako reggae roots musikaren standard ezaunenak jotzen ditu Soon Come taldeak”, argitu dute Varietesetik. Emanaldian zehar, zine aretoko teknikariek prestaturiko proiekzioa ikusteko aukera izango da; Bob Marleyren irudi eta grabaketekin prestatu dute proiekzioa. Sarrera bakarra izango da, zinerako eta kontzerturako, 6,5 euroan. Kanpotik etorriko direnentzat, Varietes aretoa Hendaia erdigunean dago, Antzokiko karrikan.

Eta Karmele? antzezlana eskainiko dute larunbatean, 19:00etatik aurrera, Antxoko Kultur Etxean. Harremantxotarrak taldekoek oholtzara eramango dute Samara Velteren gidoia. Azaroaren 25aren harira antolatu dute. Obraren protagonistak auto baten barruan ...

Donibaneko Anai Arrebak taldeak iraupen luzeko lehen diskoa aurkeztu zuen igandean. Etxean egin zuten, Matxet txiringitoaren terrazan. Taldearen izen bera du diskoak. Igande arratsaldean festa “polita, eta jende askorekin” egin zuten txiringitoan, Marga Altolagirre taldearen abeslarietako batek adierazi duenez. Jai koloretsua izan zen, koloretako puxikek dekoratuta, eta taldeko kideek lau abesti jo zituzten Pasaiako badiaren ertzean. Horrez gain, taldearen materiala jarri zuten salgai, baita zozkatu ere. Altolagirretarrek, Etxarritarrek eta Ander Vildosolak osatutako taldeak maketa kaleratu zuen iaz. Margak azaldu duenez, lehen disko luzearekin “bidea aurkitu” dute. “Lehen estiloak gehiago nahasten genituen, eta eszenatokian, batzuetan, ez genekien oso ondo zer egin behar genuen”, gaineratu du abeslariak: “Baina orain zehaztu dugu gure estiloa”. Hori bai, euren jatorria ez dute ahaztu: “Disko honetako musika aurreko maketan baino askoz dantzagarriagoa dela esan daiteke, baina punk eta rock jarrerak ez ditugu ahaztu, horiek betidanik gustatu zaizkigulako eta gure jarreraren parte direlako”. Musika dantzagarria egitearen arrazoia krisia bera da: “Jende gaztea ilusiorik gabe dago, etxea ordaindu ezinik, eta uste dugu animoak goratzeko eta ondo pasatzeko balioko duela musikak”. Disko berriaren aurkezpen kontzertuak egingo dituzte Euskal Herriko herrialdeetako bostetan. Lehena abenduaren 1ean izango da, Tolosako Bonberenean. Hurrengoak Hazparnen (abenduaren 8an), Durangon (9an), Iruñean (15ean) eta Gasteizen (21ean) [...]

Kataxulo Gaztetxiak hamasei orduko futbito txapelketa antolatu du abenduaren 6rako, Elorsoro kiroldegian Abenduaren 6a Espainiako Konstituzioaren eguna da. Jaiegun hori «inposatua» dela gogorarazteko eta salatzeko, Konstituzioaren Aurkako Futbito Txa...