
Punk gau solidarioa egingo dute etzi iluntzean Trintxerpeko Mogambo aretoan, 20:00etatik aurrera. Dirua biltzea da helburua, ekainaren 22an animalien eskubideen aldeko hamabi ekintzaileren kontrako epaiketako gastuei aurre egiteko. 20:00etan hitzaldia ...

Hurrengo asteko asteburuan, ostiraletik igandera, San Fermin Txiki Jaiak ospatuko dituzte Antxon. Egitarauaren barruan daborrada antolatu du Antxoko Jai Batzordeak, hilaren 28rako. 20:30ean irtengo dira Gure Zumarditik. Zuri-gorriz jantzita Danborradan parte hartzeko baldintza bakarra zuriz jantzita joatea da. “8 eta 120 urte bitarteko antxotarrek” har dezakete bertan, eta izena emateko Kamio eta Mimos tabernetatik zein Txema gozokidendatik pasatu behar da. Informazio gehiago behar duenak, 680 98 61 43 telefono zenbakira deitu behar du (Izaskun).

Aurtengo udazkenean Zu ere, On Kixote izenburuko antzerki proiektu parte hartzailea iraganen da Hendaian, eta heldu den asteko asteartean bilera eginen dute Mendi Zolanen, argibideak emateko xedez. Hainbat eragileen elkarlana da Zu ere On Kixote: Herriko Etxeko Euskara zerbitzua, Agerre Teatro konpainia eta Imuntzo eta Beloki musikariak. “Antzerkia, dantza eta musika nahasiko dituen eragin-trukeko antzerki esperientzia hau osoki euskaraz izanen da”, argitu dute Euskara zerbitzutik. Antolatzaileek jakinarazi dute egitasmorako parte hartze mugatua izanen dela: “Hendaiako dantza, kantu, antzerki, bertsu, arte plastiko elkarteek eta artistek parte hartzen ahal dute proiektu horretan, nahi izanez gero. Halere, jakin behar da parte hartzaileen kopurua mugatua izanen dela”. Poiektuaz mintzatzeko, datorren asteartean bilkura eginen dute Zokoburuko Mendi Zolan kulturgunean, eta bertara joateko deia luzatu diete Euskara Zerbitzutik proiektuan laguntzeko interesa dutenei. 18:30ean hasiko da bilera. Zu ere, On Kixote antzezlanean izena emateko ere baliatuko dute Mendi Zolaneko hitzordua.

Igandean desmuntatuko dute Jaime de los Rios, Alex Garmendia eta Oier Villar artistek osaturiko Anamorphose taldeak Mendi Zolan kulturguneko 1. solairuan jarritako erakusketa-instalazioa eskainiko du, Mendi Zolan kulturgunearen 1. solairuan. Hilaren 7an inauguratu zuten eta hilaren 22arekin izango da bisitatzeko azken aukera. Herriko Etxeko Kultura zerbitzuak antolaturako ekintza da. Bertatik adierazi dutenez, “Anamorphose taldeak erakusketa-eremua ezin hobeki erabiltzen du, soinuen, irudien eta argien inguruko ekintza artistikoa eskaintzeko; gomitatzen zaituztete iluntasunean eta isolamenduan murgildutako bidaia zoragarri baten egitera”. Hiru artistek osatzen dute Anamarphose: Jaime de los Rios, Alex Garmendia eta Oier Villar. Forma-argiak eta musika erabiltzen dituzte, pantaila edo irudi-hargailu gisa baliatzen dituzten eremu fisiko aldatuetan proiektatuz. Soinuak, etengabe aldatuz doan irudiaren proiekzio numerikoa eragiten du; elementu horiek, elkarturik, eraldatzen eta birsortzen, ikuslea murgildua den eremu batean. “Artistak proiekzio-euskarri ezberdinen azterketan oinarritzen dira, dauden eremuaren baldintza fisikoei egokituz, eta argiak eta soinuak ezin hobeki baliatuz”, gehitu dute Mendi Zolaneko arduradunek. Esan bezala, larunbata da Anamarphose taldearen unibertsoan sartzeko azken aukera Mendi Zolanen. Sarrera doan da eta ordutegia, ohikoa: 10:00etatik 13:00etara eta 15:00etatik 19:00etara.

Informazio eta Komunikazio Teknologiak (IKT) eta gobernu ona jardunaldia antolatu dute ipar Euskal Herriko Informazio eta Komunikazio Teknologia Berrien Agentziak eta Irungo Udalak elkarlanean. Hitzordua, irailaren 27an izango da, Ficoba erakustazokan....

Irungo Udaleko Mugikortasun sailak 2012ko abuztuko autobusen datuak jakitera eman ditu. Maiatzaren 14an abiatu ziren autobusen ibilbide berriak eta epe horren hirugarren hilabetean, hau da, abuztuan, 107.973 bidaiari eduki zituzten autobus zerbitzu pub...

Josean Ostolaza. Errenteria-Orereta. Hilaren 26an ez dut grebarik egingo. Ezin dut grebarik egin, langabezian nagoelako. Hainbat hilabete daramatzat egoera horretan, eta ez dut lanik aurkitzen, eta hau luzatzen ari da. Hala eta guztiz ere, hilaren 26an...

Gaur arratsaldean Kultur Etxe berriaren inaugurazio ofiziala egingo dute, baita parean dagoen Olazabal parkearena ere. 18:00etan izango da ekitaldia. Kultur Etxeak 5,6 milioi euroko kostoa izan du eta Ricardo Ruiz eta Jesus Arrekubieta arkitektoen lana izan da. Udaletik adierazi dute Kultur Etxea eraikin garrantzitsua dela: “Nahitaezko azpiegitura da Hondarribiko musika alorreko kulturarako, eta Hondarribiko Musika Eskolari, Hondarribiko Hiria Musika Bandari, eta Txistulari Bandari emango die zerbitzua. Gainera, behe solairuan 150 lagunentzako kontzertuetarako areto bat du”. Kultur Etxeak Denda kalean izango du sarrera nagusia eta harrera gunea. Aurrerago, sarrerako solairuan Hondarribiko Artxibategi Historikoa jasoko du. Larunbatean ate irekietako jardunaldia egingo dute Kultur Etxean, eta bisita gidatuak izango dira: 11:00etan, 12:00etan eta 13:00etan. Behe solairuko auditorioan, Musika Eskolako ikasleek kontzertua eskainiko dute. Parkea, lehen egitasmokoa baino berdeago Olazabal parkea ere inauguratuko dute gaur. Bihartik zabalik izango denak zerikusirik ez du udalak aurkeztu zuen lehen egitasmoarekin. Lehen ideiaren kontra azaldu ziren auzotarrak, besteak beste, berde gune gutxi zituelako. Hala, egitasmo berriak berdegune gehiago ditu, baita umeentzako eremu bat eta zenbait eserleku. Ekainean hasi zituzten parkeko lanak eta 421.000 euroko aurrekontua izan du. Bukatu gabe dago, neguan 23 zuhaitz aldatuko dituztelako. Beste zuhaitz bat nabarmentzen da parkean, edo zuhaitz baten zatia, hobe esanda. Lehengo parkean zegoen eta, [...]

Herriko gaztetxo zein haurrentzako eskaintza hasteko prest daude ludoteketan zein gaztelekuetan. Horrela, San Pedro-Trintxerpeko eta Donibaneko udal gaztelekuek bihar arratsaldean irekiko dituzte ateak, 17:00etan. Uztailaren 13ra arte luzatuko da ikasturtea. Udalaren Gazteria eta Kirol Departamenduak adierazi duenez, gaztelekua “guztiaren gainetik”, elkartzeko toki bat izango da, “lagunekin edo adin bereko beste gazte batzuekin elkartzeko tokia da”. Udaleko sail horrek gaineratu duenez, “hezkuntza eta gizarterako ekipamenduak dira gaztelekuak, eta beren gizarteratzea zein burujabatzea bilatzea du helburu”. Gazteen “parte hartze aktiboa” bilatzen dute gaztelekuetan. Bertan, mahai jokoetan, futbolinean, Interneten edota play stationean aritzeko aukera izango dute 13 eta 17 urte bitarteko nerabeak. Irakurtzeko txokoa edukiko dute, baita filmak ikusteko ere. Horrez gain, ikastaroei buruzko informazioa ere emango diete. Aparteko jarduerak antolatuko dituzte, gainera: lantegiak, kirol probak, irteerak… Departamenduak esan duenez, gaztelekuei hasieratik harrera “ezinhobea” egin diete barrutietako nerabeek. Eurekin batera, aurreko ikasturteetan bezala, bina begirale izango dira, “eskarmentu eta esperientzia handikoak denak”. Gaztelekuak 17:00etatik 21:00etara egongo dira zabalik ostiral eta larunbatetan eta Donibaneko J. J. Otaegi plazatik zein Trintxerpeko Gran Sol kaleko 11 zenbakian daude. Bertako telefono zenbakiak honakoak dira: 943 24 81 98 (Trintxerpe-San Pedrokoa) eta 943 51 72 90 (Donibanekoa). Ludotekak urrian hasiko dira Udalerriko hiru ludoteketan izena emateko epea [...]

Alzheimerrarekin batera bizi (Convivir con el Alzheimer) goiburuko hitzaldia emango dute gaur arratsaldean Zuloaga Etxean, Afagik antolatuta —Gipuzkoako Alzheimerdun eta bestelako dementziadunen senitartekoen eta lagunen elkartea da Afagi—. Elkarte...

Kabia Espaziko Kreaktiboan buruhandiak egiten aritu dira azken asteotan, eta orain, horiek erakusteko garaia iritsi da. Antolatzaileek esperientzia “polita eta arrakastatsua” izan dela adierazi dute, eta merezi duen bukaera emateko festa an...

Urriaren 20an Hendaian egitekoa zen Iparraldeko Bertsulari Txapelketaren finalerdia atzeratu egin dute antolatzaileek. Azaroaren 10ean eginen da, Mendi Zolan kulturgunean.

DYA Osasuna eta Istripuen Prebentzioaren Astea egiten ari da Hondarribiko egoitzan. Egunero tailerrak edo hitzaldiak antolatu dituzte, doan. Gaur, osteguna, Bihotz-biriken suspertzeari buruzko tailerra egingo dute, non bertaratutako guztiek oinarrizko ...

Hamargarrenez 500 urtetik gora egingo du atzera denboran herriak, Errenkoaldek antolatutako Erdi Aroko Azoka dela eta. Erdialdeko kaleek garai hartako itxura hartuko dute larunbat eta igandean, eta horietan barrena ibiltzeko aukera izango da, artisau postuak bisitatuz. Aurten 70 izango dira —iazko kopurua mantendu dute—, guztiak Naparbideak enpresako partaideak. Oraindik ere aukera izango dute herriko artisauek beren postua jartzeko, baina horretarako bi baldintza bete behar dituzte: batetik, merkataritza elkartearekin harremanetan jartzea, eta bestetik, postuak Erdi Aroko itxura izatea. Postu horiek Santxoenea, Andra Mari, Kapitanenea, Madalen eta Biteri Txiki kaleetan egongo dira, Herriko Plazan eta Zumardian egoteaz gain. Azoka bakarrik ez da izango jendearen arreta piztuko duena. Horrez gain, Erdi Aroko hainbat lanbide ikasteko tailerrak egingo dituzte, eta bertan edozeinek parte hartzeko aukera izango du. Honako tailerrak prestatu dituzte: egurrezko jokoen tailerra, garaiko ogibideena, buztinarena, egurrezko kateena eta beira puztearena. Beste ekintza batzuk ere antolatu ditu Errenkoaldek. Hala nola, duela bi urte egin bezala, ardien txokoa jarriko dute, eta animaliak ikusteaz gain, ilea nola mozten dieten ikusi ahal izango dute hara joaten direnek. Bestetik, haurrei begira, hainbat joko eta tailer prestatu ditu. Horretarako Alaia elkartearen laguntza izango du, eta koroak, jostailuak eta beste hainbat ekintzekin ez dute aspertzeko astirik izango. Errenkoaldek ere [...]

Jazarpen kasuen harira ateratako epaiak garai hartako bi alkateei ez diela eragiten adierazi du PSE-EEk, prozedura judizialetik kanpo egon direlako: “Udal arkitektoak kalte moralak eragin izanaren kexa 1995 eta 2007 artean izandako gertaerengatik...

Ikasturterako ekintza ugari prestatu dituzte herriko emakume taldeek, eta horiek guztiak Emakumeak: topaketak eta gizartean parte hartzea helburu programaren barruan sartu dituzte. Ekintzak antolatzeko diru laguntzak jasotzen dituzte, eta urtero mila emakume inguruk parte hartzen dute. Izena emateko azken eguna bihar da, 17:00etatik 19:00etara. Eskaintza Agustinak: areto dantzak, pilates, yoga, gimnastika eta tai ji. Alaberga (Ekinez egin): beira lanak, josketa tailerrak, olio pintura, memoria tailerrak, mahai jokoak, eskulanak, informatika eta areto dantzak. Beraun: pintura, yoga, mahai jokoak, pilates, sevillanak, areto dantzak eta eskulanak. Erdialdea (Patxiku Zelaia): pilates, gimnastika, euskal dantzak, yoga eta areto dantzak. Gabierrota (Laguntasuna): yoga, pilates, josketa lanak, olio pintura, areto dantzak, muxikoak, sukaldaritza, sabel dantza eta memoria saioak. Galtzaraborda (Gure Leku): ehoziri lanak, informatika, gimnastika, tai ji, astronomia, josketa lanak, mahai jokoak, irakurketa eta idazketa. Iztieta (Gurekin): gimnastika, joste lanak, dioterapia, yoga, tai ji, reiki, bordatze lanak, areto dantzak, memoria eta aerobic. Kaputxinoak (Gure Goizalde): aerobic, pintura, gimnastika, hip hop, areto dantzak, mahai jokoak, pilates, jazz, eskulanak eta euskara. Ondartxo (Bidexka): bordatua makinaz, josketa lanak, memoria, dietoterapia, gimnastika, errusiar portzelanak, eskulana, bitxien diseinua, bainikak, ehoziri lanak, dantzak eta sevillanak. Olibet (Itzatu): pilates, genero ikuspegia, antzerkia, dekorazio eta birziklapen jarduerak eta artearen historia. Pontika (Lore Toki): gimnastika, tai [...]

Irungo Mendizaleak elkarteko Orientazio Sailak (IMOS), Behemendik eta udaleko Ingurumen arloak antolatutako orientazio ikastaroa igandean garatu zen Lapurriturrin, hainbat lagunen parte hartzearekin. Harrerakin pozik agertu dira antolatzaileak eta hurrengo irteeran onddo bilketa egingo dutela aurreratu dute.

Cristina Laborda Hirigintza ordezkariak atzo azaldu zuenez, Jesus kaleko 3. zenbakian gezurrezko horma bat eraikiko dute, hezetasuna eraikinean sar ez dadin. Izan ere, udaletxeko bulego berriak eraiki behar ziren bertan, baina egungo “ezintasuna&...