
Hondarribia eta bertako pintxoak modan daude. Aste honetan Maribel Verdu aktoreak, egun grabatzen ari den pelikularen lan taldearekin herria bisitatu du. “Ia pintxo guztietaz gozatu zuten, gure aholkuak jarraitu zituzten eta gure lana azaldu genien. Bisita berezia izan da, Maribelen lana asko miresten baitugu”, azaldu du Gran Sol jatetxeko Bixente Muñoz sukaldariak. Maribel Verdu Hondarribian izan da Quince años y un día filmaren errodajea egiten. Gracia Kerejetaren proiektuan, Aron Piper eta Tito Valverdek parte hartzen dute.

Alkartasunaren Kultur Hamabostaldiak aurrera aurrera jarraitzen du. Gaur bukatuko dute mutxikoen tailerra, eta indartsu ekingo diote asteburuari. Bihar arratsaldean XIX. Sagardo Jaia ospatuko dute Gure Zumardian. 17:30etik aurrera, dultzaineroak, triki...

Udako denboraldia aurkezteko zesta punta saio bikoitza izango da bihar arratsaldeko seietatik aurrera Jostaldi pilotalekuan. Garcia-Alliez II eta Treku-Alliez I lehiatuko dira lehenengo partidan, eta Olharan-Hernandez eta Egiguren II-Konpa bigarrenean....

Artxibo eta liburutegi espezializatu bat, eta 200 lagunentzako auditorio bat jarriko lituzke Aranzadik Pasaiako EAJk jakinarazi duenez, Aranzadik Ziriza Etxean ezartzeko interesa adierazi du, eta beraiek asmoa babestuko dutela iragarri dute. Udalak eta Gipuzkoako Foru Aldundiak duten hitzarmenean 1.500.000 euro aurreikusita daude Ziriza berritzeko. Udalak, baina, Herrera Herrirak proposatutako asmoa bere egin, eta Zirizan Musika Eskola kokatzea aurreikusia du. Aldiz, aukera horren aurrean Aranzadirentzako egoitzarena hobetsiko du EAJk, «80 pertsona baino gehiagorentzat lantokia ezartzeaz gain, toki berean artxibo eta liburutegi espezializatu bat» kokatzea ekarriko lukeelako. Horrez gain, Aranzadik herritar guztiei zabalik egongo litzatekeen 200 lagunentzako auditorioa aurreikusi duela esan dute jeltzaleek. «Aukera hau bakarra da. Orain edo sekula ez, eta horregatik, EAJk eskakizuna egiten du, bai udal gobernua eta bai gainontzeko alderdiak ere honetan lanean jar gaitezen».

Gaurtik aurrera eta irailaren 30era bitartean egunero zabalduko dute Kantina Puntetako Kantinan kontzertua antolatu dute biharko. 21:00etatik aurrera, punk folk agresiboa entzuteko aukera izango da han, Imanol Carballo eta Zudaire sanpedrotarren eskutik. Biharkoa, baina, ez da izango epe motzean Kantinan izango den kontzertu bakarra. Hilaren 17rako erromeria antolatu dute Trikibeltz taldearekin. Hasiera batean hilaren 10ean izan behar zen erromeria, baina atzeratu egin dute, Bixi-Bixi elkarteak antolatutako euskal jaiarekin bat ez egiteko. Gaur ekingo diote udako sasoiari Kantinan. Irailaren 30era bitartean, egunero zabalduko dute, 11:00etatik 22:00ak arte, beti ere eguraldia lagun izatekotan.

Bihar egingo dute taldearen aurkezpena, 12:00etatik aurrera Meipin antolatu duten jaiarekin. Euskararen presentziak eta erabilerak gora egin dezan, Prest! taldea sortu dute hainbat sanjuandarrek. Bihar aurkeztuko dute taldea Meipin, 12:00etatik aurrera...

Herritarrei eskura dituzten kirol baliabideen berri eman asmoz eta gizarte sektore guztietan kirola egitea sustatzeko helburuz Kirolari Ateak Zabalik Eguna antolatu dute Pasaian iganderako. Osasungarria delako, dibertigarria, harremanak egiteko balio duelako, edo kultur adierazpide delako…. hamaika arrazoi daude kirola egiteko eta horretaz jakitun Ateak Zabalik Eguna antolatu dute etzirako Pasaian, helburu bikoitzarekin: herritarrei eskura dituzten kirol baliabideen berri ematea batetik, eta bestetik, Pasaiako gizarte sektore guztietan kirola egitea sustatzea. Pasaiako Udaleko Gazteria eta Kirol Departamentuak antolatu du eguna, pasaitarren artean kirola egitea sustatu nahi dutelako. Rokodromoaren irekiera Etzirako bi jarduera antolatu dituzte: eskaladaren inguruan lehena, piraguismoari lotuta bigarrena. Trintxerpeko kirolguneko frontoi txikietan Pasaiako Udalak rokodromo berezia prestatu du. Etzi zabalduko dute lehendabizikoz, 10:00etatik 13:00etara. Bulder txiki bat eraiki dute, eta horman eskalatzeko zortzi bide zabaldu dituzte. Lau bide porlanezko paretetatik igotzeko, eta beste lau bide eremu artifizialean aritzeko. Horrez gain, hasiberrientzako propio prestatutako guneak izango dira, baita teknika hobetzeko eremu egokituak ere. Antolatzaileek nabarmendu dutenez, «haurrentzat nahiz gazteentzat oso azpiegitura egokia da». Etzi, bertara gerturatzen den edonork izango du bertan eskalatzeko aukera. Hori bai, haurrek gurasoek lagunduta joan behar dute. Gazteek eta helduek, aldiz, praktika librerako aukera izango dute. Horrez gain, jarduera honetan parte hartzen dutenek opari bana jasoko dutela [...]

Etzi, igandea, Pasaka Eskuz Oiartzungo I. Herri Txapelketa jokatzen hasiko dira Kontzejupean. Hamabi bikotek eman dute izena, eta etzi, hasteko, lau partida ikusteko aukera izango dira bertara hurbiltzen direnek. 10:00etan hasita, hauek izango dira nor...

Artebide programaren seigarren ekitaldiaren ondorioak aurkeztu zituzten astearte goizean Zuloaga Etxean. INEM eta Udaleko Prebentzio Zerbitzuaren artean gauzatutako proiektua da Artebide, eta ohitura osasuntsuak bultzatzea izan dute helburu. Programak...

Hondarribiko Futbol Elkarteak ezin hobe bukatu du 2011-2012 denboraldia. Erregional Ohorezko Mailako Hondarribiko futbol taldeak mailan jarraitzeko helburua bete zuen larunbatean. Hala, futbola Hondarribian bultzatu nahian, Udako Futbol Eskola martxan jarriko du. Eskola sei eta hamalau urte arteko haurrei zuzenduta dago, eta bi asteko bina saio egingo dituzte, uztailean. Entrenamenduak Hondartza kiroldegiko futbol zelaietan egingo dituzte, astelehenetik ostiralera, goizeko hamarretatik hamabietara. Bi asteko entrenamenduetan parte hartzeko prezioa 80 eurokoa da. Izena Hondartza kiroldegian eman behar da, eta informazio gehiago jaso nahi duenak hondarribiafe@gmail.com helbidera idatzi behar du.

Soinuenea Fundazioak (Herri Musikaren Txokoak) antolatuta, kontzertu didaktikoa eta Udaberriko Kontzertua egingo dituzte bihar, Ergoiengo Auzokalten. 12:00etan. Haurrei zuzendutako kontzertu pedagogikoa emango dute Juan Mari Beltran eta Fernando Jalon...

Gaur arratsaldean (eta hilaren 15ean) Tomas Garbizu Musika Eskolan Musikoporrak ekimena egingo dute. Bertan, 4 eta 7 urte arteko haurrekin ariko dira Sormen taldekoak. Musika tailerrak egingo dituzte, haurrak musikara gerturatzeko asmoz. Hainbat ekintz...

Mendekosteetan saskia zozkatu zuten Euskal Dantzazaleek. Jakinarazi dutenez, irabazlea 202 zenbakia izan da. Egunean bertan agertu zen.

Azantza herritik irten eta Etxauriko harkaitzetatik igoko dira mendizaleak, bisitatuko duten lehengo ermitaraino. Ondoren Santa Lucia eta Larreaundi ermitak bisitatuko dituzte, denak aurreikusi duten mendu ibilaldiaren zeharkaldian zehar. Beraskoain herrian bukatuko dute ibilaldia.Guztira, 13 kilometro osatuko dituzte. Interesdunek Jaizkibel elkartearen egoitzan eman dezakete izena, asteazken edota ostiraletan, 20:00etatik 22:00etara. Informazio gehiago www.jaizkibelmt.tk helbidean topa daiteke edota 943 514 700 telefono zenbakira deituta. Irteera hilaren 9an izango da.

Lau T’erdiko Udaberri Txapelketaren lehen fasea jokatu dute, eta asteburu honetan kanporaketak hasiko dira. Ligaxketan lehenengo eta bigarren postuan geratu direnek egingo dute aurrera, eta Allerru Pilota Taldeko kideetatik Telletxeak egin du aurrera...

Nafarroa Bizirik 1512-2012 ekimenaren barruan, Amaiurko indusketa arkeologikoak hitzaldia emango du Aranzadi Zientzia Elkarteko Juantxo Agirrek gaur arratsaldean, 19:30etik aurrera, Olagarro elkartean. …gu sortu ginen enbor beretik, sortuko dira best...

Oinarriak eta eskaera orria udalaren webgunean eskura daitezke, baita Kultura Sailean ere. Kultura egitarauetarako diru laguntzak eskatzeko epea zabalik dago Pasaiako Udalean. Oinarriak eta eskaera orria pasaia.net webgunean edo Kultura eta Hezkuntza S...

Lezoko Altzate igerilekuetan, urtero bezala, igeriketa ikastaroak egingo dituzte uda honetan. Ikastaro intentsiboak izango direla jakinarazi du Serviociok, igerilekua kudeatzen duen enpresak. Hiru hamabostalditan egingo dituzte ikastaro horiek. Lehena ...

3. Mailara igo ahal izateko Gasteizko San Martini eta Bizkaiko bigarren talde bati irabazi beharko diote Bihar, 16:30ean, Don Boscon. Han dute zita zuri-gorrien zaleek. 3. Mailara igotzeko lehen kanporaketa jokatu behar du Pasaiak. Igoerarako borrokan,...

2008ko abenduan Clara Rangel emakume errenteriarra hil zuen gizonari 28 urteko espetxe zigorra ezarri dio Gipuzkoako Auzitegiak. Rangel hiltzeagatik, emakumearen semea hiltzen saiatzeagatik eta bere anaia zauritzeagatik ezarri diote zigor hori. Horrez ...