
Pasaia Txikitxoak, Pasaia Txiki, Pasaitxo, Ibaiertz Txiki, Pasaia Gaztea, Pasaia Abesbatza eta Ibaiertz koruek kontzertua emango dute gaur, Martuteneko elizan, 20:15etik aurrera.

San Joan bezperarekin bat eginez, Antxoko Herrirak, afari solidarioa antolatu du biharko. 20:00etatik aurrera, Gure Zumardian, sardina jatea eta patata tortillak banatuko dituzte.

Hondaek, Hondarribiko Ondarearen Aldeko Elkarteak, autoz irteera antolatu du biharko, Jaizkibelgo tontorrera. Erromatarren garaiko geografia erakutsiko dute, eta Saltus Vasconum eremuko xehetasunak azalduko dituzte batez ere. Bisita Mertxe Urteaga arke...

Auntxa Trikitixa eskolak heldu den ikasturtean trikitixa edo panderoa ikasi nahi dutenentzako izena emateko epea ireki du. Uztailaren 6a arte eman daiteke izena, astearteetan 16:30etik 21:00etara, Elizalde Herri Eskolan. Horretarako aukerarik ez duena Auntxako arduradunekin harremanetan jar daiteke, posta elektronikoz, edo telefonoz, 943 61 88 39 edo 615 79 05 10 zenbakietara deituz. 6 urtetik gorako haurrek eta helduek eman dezakete izena, trikitixa zein panderoa ikasteko. Irailaren lehen egunetan hasiko da ikasturtea, eta uztaila arte luzatuko da. Klaseak ordubetekoak izaten dira, astean behin. Eta ikasgeletatik aparte, ikasteko saio bereziak antolatzen dituzte, urtean zehar izaten dituzten emanaldiak behar bezala prestatzeko. Auntxa trikitixa eskolan hiru metodo erabiltzen dituzte irakasteko: zenbakiz osatutakoa, aurrez-aurrekoa eta solfeoarekin. Eta panderoa irakasteko ere adinaren arabera modu desberdinak baliatzen dituzte. Ikasitakoa jendeaurrean erakutsi Auntxatik esan dutenez, eskolan ikasten dutenek urtean zehar hainbat ekitaldietan parte hartzen dute, hala nola, Oiartzungo Inude eta Artzaien egunean, apirilean Irungo Udal Kontserbatorioan egindako Trikitixa Jaialdian, San Markos eguneko erromerian (Olaberria auzoan), Elizalde egunean… Gainera, Iñaki Aranaga arduradunak gehitu du entzunaldiak egiten dituztela, ikasleen motibazioa handitzeko xedez. “Jarraitzen dugu kontzertu-entzunaldi moduko emanaldiak antolatzen gure ikasleekin, honela beraiek ikasitakoa jende aurrean aditzera emateko aukera izatearren eta motibazio gehiago eduki dezaten ikasteko garaian, garrantzitsua baita hau ikaste-prozesu [...]

%2,03 jaitsi da langabezia Oiartzunen. Maiatzean behera egin du langabe kopuruak herrian.

Eleak mugimenduak eskubide zibil eta politikoak errespetatzeko eskatzen duen mozioa aurkeztuko du astearteko plenoan. Herenegun arratsaldean Merkatuzarren egindako agerraldian eman zuten horren berri Nekane Dominguez eta Jose Luis Maritxalar Eleak-eko kideek, eta halaber, eskubide zibil eta politikoen aldeko mugimenduak azken hilabeteetan egindako lanaren nondik norakoak azaldu zituzten. Horren harira, Errenteria-Oreretan eskubide zibil eta politikoen gainean ematen den egoeraren txostena prestatu dutela azaldu zuen Dominguezek: “Bertan azken urteotan lan politikoa egiteagatik zenbat pertsona atxilotu dituzten, zenbat epaitu eta zigortu eta zenbatek salatu dituzten torturak bildu dugu. Bestetik, hauteskundeetan bere burua aurkeztu ezin duten herritarren zerrenda ere azaltzen da txosten horretan”. Mozioak, lau eskaera Txosten hori udalean aurkeztu duten mozioaren “oinarria” dela gaineratu zuen Dominguezek, eta bertan, egungo egoera aipatzeaz gain, Eleak-ek lau eskaera egin dituela zehaztu zuen: epaiketa politikoak bertan behera uztea; lan politikoa egiteagatik espetxean dauden pertsona guztiak askatzea; legez kanpo utzitako antolakunde politiko guztiak legeztatzea; eta Alderdien Legea baliogabetzea. Mozioak AEK, Batera Bai, Bilgune Feminista, Gorripide, LAB eta Amalatz taldeen atxikimendua jaso du. Alderdi eta eragileei aurkeztu Txostena amaituta, herriko alderdi eta eragileei aurkeztu dietela jakinarazi zuten Eleak mugimenduko kideek, “tartean, Errenteriako Udalean ordezkatuta dauden alderdi politiko guztietako ordezkariekin bildu gara, eta harrera ona izan dela esan behar dugu”. [...]

35 urteren ostean, autoa aparkatu du Patxi Hoyosek (Lezo, 1955), baina semeak, Aitorrek, jarri du berriro martxan. Ildo horretatik, “semeak jarraituko ez balu pena emango lidake rallien mundua uzteak”, esan du. Rallien mundura nola sartu ze...

Oiartzungo Ttur-ttur Euskaltzaleon Bilguneak lan poltsa osatu nahi du Kuadrillategi egitasmorako. Honako baldintzak bete behar dira: Gutxieneko adina 18 urte (jada beteak edo 2012an betetzeko). Gehienezko adina 26 urte (2012an 26 urte betetzen dituen ...

Helduen Tailerretako dantza taldeek antolatuta, mutxiko saioa egingo dute igandean plazan, 12:00etan. Ondoren, ikasturtea agurtzeko bazkaria egingo dute.

Santiagoko Deabruak elkarteak jendearen parte hartzea bultzatu nahi du biharko saio piromusikalerako Bihar gauean San Juan plaza erreko dute, eta udaletxea ere ez da su garretatik salbu geratuko. Arratsaldeko San Joan suaren ondoren, hiriko plaza nagusia suzko infernu bilakatuko da Santiagoko Deabruak Kultur Elkarteak antolatuko duen Trumoiak ikuskizun piromusikalak iraungo dituen 31 minutuetan. Gaueko hamaiketan hasiko da. Plazako lanak hasi arte egiten zuten Correfoc-a, baina biharko prestatu dutenak zerikusi gutxi du harekin, ikuskizuneko arduradun Jose Mari Clementek aurreratu bezala: “Lehen Karrika Nagusian eta San Martzial karrikan sartzen ginen, baina plaza berria oso handia da eta urduri gaude, zaila izango delako dena betetzea”. Guztira, hamabi lagunek parte hartzen dute Trumoiak-en, “bederatzi efektuak sortzen, eta, beste hiru, materiala prestatzen”. Musika ere aldatu dute, akziozko zenbait filmetako soinu bandatako doinuak hautatuz (Matrix, Blade, Van Helsing…). “Ikuskizun berrirako musika egokia da”, dio. Clementeren esanetan, bihar gaueko ikuskizuna parte hartzailea izatea nahi dute: “Hasieratik eta bukaerako ekintza hasi bitartean jendeak parte hartzea nahi dugu, plazara sartzea”. Horretarako eskuetan zer daukaten jakitea ezinbestekoa da: “Norberak erabil dezakeen materiala da, baina ez dago salgai, piroteknian eskatu dugu propio. Elementu bakoitzaren efektua ezagutzen dugu, piroteknian utzitako bideoak ikusi ditugulako. Eta horrekin jokatzen dugu, guk badakigulako zerk erretzen duen [...]

Pasaiako lau barrutietan piztuko dute bihar San Joan sua. San Pedron, 22:00etan piztuko dute, Dorrean, Lamiak Dantza Taldeak antolatuta. Trintxerpen, berriz, 20:00etan bilduko dira suaren bueltan, Gudarien Enparantzan. Antxon, Alkartasunak antolatuta, ...

Udarekin heldu ohi dira jaiak Puntal auzora, eta urtero bezala, egitaraua prest dute gaur arratsaldean auzoko jaiak hasteko. Aurtengoa beste urtetakoa baino xumeagoa den arren, gogotsu daude auzokideak. Eguraldi txarra eginez gero, biharko herri bazka...

Hondarribiko herritar talde batek euskara eta euskal kantagintza bultzatzeko ekimena egingo du bihar Udalak antolatzen duen Kalean Kantuz ekimena ekainean ez zela egingo ikusita, herritar talde batek erabaki du, bihar, 12:00etatik aurrera, Kantu Poteoa...

Santiagotarrak Arraun Elkarteak bigarren postua lortu du ur bizietako Espainiako Jaitsiera Txapelketan. Maiatzaren 12an O Barco de Valdeorrasen (Orense, Galiza) taldekako jaitsiera klasikoko saioak egin zituzten eta ekainaren lehen asteburuan Camarasan...

Etzi eguerdian gosez denak mokadutxoa jateko aukera bikaina izango du, Foru plazan: miniaturazko plateren usain zein koloreak zabalduko dira plazan zehar. Izan ere, Herrirak antolatuta, pintxo lehiaketa egingo dute. 12:00etan hasiko da. 2010. urtean egin zuten lehen aldiz, “euskal presoen eta iheslarien gaia gizartaratzeko asmoarekin”, eta aurten ere helburu berari eutsi diote. Gogoan izango dituzte etxean ez dauden senitarteko eta lagunak, eta aurreko urteetan eurek egindako eskulanak jarri bazituzten, aurten argazkiekin zerbait egiteko asmoa dute. Antolatzaileen esanetan, 25 parte hartzailek eman dute baietza, eta horien artean, elkarte berriak sartu dira, sukaldaritza arloan izena daukan Batzokia, esaterako. Horrenbestez, antolatzaileen ustez, aurten, “konpetentzia handiagoa” izango da. Gaineratu dutenez, “urtero arrakasta handia du” lehiaketak. Parte hartze irekia Pintxo lehiaketara aurkezteko ez da aurretik izenik eman behar. Antolakuntzak zehaztu duenez, parte hartzea irekia da, eta nahikoa da lehiaketaren egunean bertan, 12:00etan, pintxoekin aurkeztea. Guztira, hamar pintxo eraman beharko dira, guztiak berdinak. Pintxoak mahaiaren bueltan jarriko dituzte, eta ondoren, epaimahaiak erabakiko du zein den guztietan onena. Aurten, Niessen elkarteko kide batek, Euskaldarrak elkarteak antolatzen duen Gastronomia Erakustaldiko irabazleak eta preso baten senide batek osatuko dute. Horiek, hainbat faktore edukiko dituzte kontuan: pintxoaren presentzia, zaporea… Irabazten duenari opari bat egingo diote. Aurten, hain zuzen, tailatutako kutxa [...]

Kontaidazu ipuin bat ekimena egin zuten iazko udazkenean, Oarsoaldeko Euskara Batzordeak antolatuta. Ekimenean parte hartu zutenen ipuinak eskuragarri daude orain www.oarsoarrak.net webgunean, eskualdeko familia guztientzako. Guztira sei ipuin jarri di...

Udako igerilekua irekita dagoen bitartean, larunbatetan haurrentzako puzgarririk ez da egongo Elorsoron. Hala ere, udako igerilekua ixten den egunetan (euria egiten duenetan, alegia) bi eta zazpi urte arteko haurrek jolastu ahal izateko puzgarriak jarr...

Txarteltxoak eta panelak banatuko dizkiete arrainketariei, eta errezeten lehiaketa jarriko dute martxan Arrandegietan jarri du fokua aurten Euskara Oarsoaldeko Merkataritza Egitasmoak eta urte osoan ariko da establezimendu hauetan euskararen erabilera sustatzeko asmoz. Lanketa berezi horren barruan, bi ekimen berezi jarriko dituzte martxan aurten. Hala iragarri dute gaur, Pasaiako alkate Amaia Agirregabiriak, Errenteriako zinegotzi Irune Balentziagak, Lezoko zinegotzi Garazi Cuestak eta Oiartzungo zinegotzi Asier Legorburuk, Trintxerpeko Azokan eman zuten prentsaurrekoan. Batetik, arrainketariei arrandegietako hemezortzi produktu ohikoenekin prezioak jartzeko PVCko txarteltxo bereziak banatu dizkiete iragarri zuten. Txarteltxo hauek dagokion arrainaren irudia, euskarazko izena eta salneurria jartzeko hutsune bat izango dute. Txarteltxoez gain, arrainen irudiak eta izenak azaltzen dituen panel handi bana ere banatuko dizkiete arrainketariei. Txarteltxoak eta panelak eskuratu nahi dituzten arrandegiak beren herriko euskara zerbitzura jo behar dute hauek eskatzera. Errezeta lehiaketa Kanpainak arrainketariak ez ezik, arrandegietako bezeroengana ere eragin nahi du. Hori dela eta, udazkenerako errezeta lehiaketa antolatuko dutela iragarri dute. Urriaren 1etik 31ra, arrandegietako produktuak erabiliz egindako euskarazko errezetak jasoko dituzte salgaien izenak euskaraz jarriko dituzten arrandegietan. Bezeroek kartazal batean sartu beharko dute errezeta, gainean egilearen izen-abizenak eta telefono zenbakia jarrita. Eskualdeko lau herrietako gastronomia elkarte banatako sukaldariek osatutako epaimahaiak erabakiko ditu errezeta irabazleak. Lau sari banatuko dituzte, herri [...]

Banaiz Bagara elkarteak eta Errenteriako Udalak etorkinek euskara ikasteko egitasmo berria martxan jarri dute, elkarlanean. Asteleheneko lehenengo saioan, hamabi lagunek eta bost haurrek hartu zuten parte, baina interesdunek aukera daukate taldearekin ...